30/03/2022
Эмч нарын өдрийн тухай
Хүний амь нас, эрүүл мэндийг сахин хамгаалдаг эмч нарын ажил хөдөлмөр, нийгэм болон хувь хүнд үзүүлж буй тусламж, ажлын ач холбогдлыг үнэлэн дэлхийн ихэнх улс орнуудад 3 дугаар сарын 30-ны өдрийг Э͙м͙ч͙ ͙н͙а͙р͙ы͙н͙ ͙ө͙д͙ө͙р͙/͙б͙а͙я͙р͙ хэмээн тэмдэглэдэг билээ.
Анх АНУ-ын Жеоржиа мужид эмч нөхөртэй Эудора Браун Алмонд гэх нэгэн эмэгтэй өөрийн эмч нөхөр болон бусад эмч нарын шаргуу хөдөлмөрийг олон нийт илүү үнэлэх ёстой гэдэгт итгэж, энэ санаагаа хэрэгжүүлэхээр шийджээ. Тэрээр мэс заслын эмчилгээнд анх ерөнхий унтуулганд эфир хэрэглэсэн өдрийг сонгон 1933 оны 3 сарын 30-ны өдөр өөрийн хот дахь бүх эмч нарт болон эхнэрүүдэд нь талархлын үгтэй мэндчилгээ илгээж, нас барсан эмч нарын булшин дээр улаан лиш цэцэгсийг тавьсан байна. Тухайн хотын өөр хэд хэдэн эмч нарын эхнэрүүд туслан эмч нарт зориулсан хүндэтгэлийн үдийн зоог бэлтгэжээ.
Үүнээс 91 жилийн өмнө 1842 оны 3 сарын 30-ны өдөр Жеоржиа мужийн эмч Крауфорд Лонг нь анх удаа ерөнхий унтуулганд эфир ашиглан өвчтөнд ямар нэгэн өвдөлт мэдрүүлэхгүйгээр хүзүүнд нь байрлалтай хавдрыг авах мэс заслыг амжилттай хийсэн нь өдгөө бидний эмч нарын баяр хэмээн тэмдэглэдэг болсон өдөр юм.
1990 оноос АНУ албан ёсоор энэ өдрийг тэмдэглэлт баярын өдөр болгон хуулиар баталсан байдаг бол зарим улс орнуудад өөр өдрүүдэд эмч нарын баярыг тэмдэглэдэг ажээ. Жишээ нь Испани, Куба, Аргентин улсуудад хумхаа өвчин нь шумуулаар дамжин халдварладаг гэдгийг нээсэн эмч Карлос Финлэйн төрсөн өдөр буюу 12 сарын 3-ны өдөр эмч нарын баярыг тэмдэглэдэг байна.
Тоо баримтууд
• Эмч болохын тулд дунджаар 𝟏𝟏 жил– түүнээс дээш хугацаанд суралцдаг.
• Эмч нар дунджаар долоо хоногт 𝟔𝟎 цаг ажилладаг. (бусад ажил ихэвчлэн 𝟒𝟎 цаг байдаг)
• Эмч нарын 𝟔𝟎%– Улаанбаатар хотод, 𝟒𝟎%– хөдөө, орон нутагт ажиллаж байна.
• Монголд эмч нарын 𝟕𝟔.𝟖%- эмэгтэй, 𝟐𝟑.𝟐%- эрэгтэй эмч байдаг. (2018 оны статистик)
• Монгол улсад эмч нарын цалин улсын дундаж цалингаас бараг 𝟐 дахин бага. (2021 оны байдлаар)
Энэ өдөр бид зөвхөн баярлах бус үнэлэмжээ нэмэгдүүлэхийн төлөө, нийгэмд өөрсдийн дуу хоолойг хүргэхийн төлөө дуугарах хэрэгтэй юм.
Цар тахлаас шалтгаалан ажлын ачаалал хэд дахин ихэссэн, хүний нөөцгүй болсон, цалин хэвээрээ боловч бүх юмны үнэ тасралтгүй нэмэгдсээр байгаа ийм хэцүү цаг үед ажил мэргэжилдээ зүрх сэтгэл, оюун ухаан бүхнээ зориулан зүтгэсээр байгаа та нартаа Дэлхийн эмч нарын баярын мэндийг хүргэе.
www.alphamed.mn