Цэ-Пү эрчүүдийн эмнэлэг

Танилцуулга

Манай оронд эрэгтэйчүүдийн анхны эмнэлгийг 1996 онд “Цэ Энд Пү” нэртэйгээр Монгол улс, ОХУ-н Буриад улсын хүний гавьяат эмч,клиникийн профессор ,тэргүүлэх зэргийн эмч Ч. Цэдэн- Иш байгуулсан. Монгол улсад андрологийн буюу эрчүүдийн эрүүл мэндийн шинжлэх ухааныг хөгжүүлэхийн тулд эмч нарт мэргэжил дээшлүүлэх сургалт явуулж,төрийн болон олон нийтийн байгууллагуудтай хамтран ажиллаж, албан байгуулагуудад “Эрэгтэйчүүдийн өвчлөл түүнээс урьдчилан сэргийлэх” талаар цуврал лекцүүд уншиж ,олон нийтэд зориулж телевиз , радиогоор байнга ярилцлага хийж ирлээ.Эрэгтэйчүүдийн өвчнийг судлах шинжлэх ухаан нь (Андрологи) эрэгтэйчүүдийн нөхөн үржихүйн эрхтэн системүүдийн эмгэг өөрчлөлтүүдийг эмчилдэг.Үүнд: Эр хүний 2 дахь зүрх гэж дэлхийн эмч эрдэмтэд хэлж нэршсэн “Түрүү булчирхайн” үрэвсэл,хавдарууд,үрийн хүүдий,үрийн суваг болон төмсөг,төмсөгний дайвар,шээсний суваг,бэлэг эрхтэний үрэвсэлт өвчин,эмгэг өөрчлөлт, эрэгтэйчүүдээс хамааралтай үргүйдэл,бэлгийн үйл ажиллагааны хямрал зэргийг оношлон эмчилдэг салбар юм. Манай эмнэлэг нь анагаах ухааны сүүлийн үеийн онол, дэвшилт аргуудыг эмнэлэгтээ нэвтэрүүлж Түрүү булчирхайн үрэвсэл, түрүү булчирхайн томрол, үргүйдэл, бэлгийн сулрал, бэлгийн замаар дамжих халдвар, эрчүүдийн бодисын солилцооны өөрчлөлт, дааврын өөрчлөлт,anti-age хөгшрөлтийн эсрэг, таргалалтын эсрэг эмчилгээг хийж байна.