Улсын Нэгдүгээр Төв Эмнэлэг/ The First Central Hospital of Mongolia

09/09/2025

09/09/2025

Тарваган тахал нь халдварлалт, нас баралт өндөртэй зоонозын халдварт өвчин. Дээр үед дэлхий дахинаа “хар үхэл” гэж нэрлэдэг байсан бөгөөд хот тосгоноороо сүйдэж, эзэнгүйрч байсан түүх олон бий.

Бид ч гэсэн Цогт тайж кинон дээр Лигдэн хаан тарваган тахлаар цэрэггүй болж байгааг үзэж байсан даа. Хөвсгөл аймагт гарсан тарваган тахлын голомт өргөжих магадлал өндөр байна. Хүн бүр дор бүрнээ сонор сэрэмжтэй байх шаардлагатай юм.

Тарваган тахал өвчин эмнэл зүйн 5 хэлбэр байдаг (булчирхайн, уушгины, үжлийн, гэдэсний, хавсарсан). Эдгээрээс хамгийн түгээмэл нь булчирхайн хэлбэр юм.

1. Тарвага өвчих үед арьсаа зүсэх эсвэл ил шархаар дамжин халдвар авна. Эхний үед шархтай хэсгийн булчирхай цочно. Цаашлаад цавь, суга, хүзүү зэрэг бүх тунгалагын булчирхай хавдах, хөндүүрлэх, үрэвсэх, буглах шинж илэрдэг. Үүнтэй зэрэгцэн гэнэт өндөр халуурах, толгой үе мөчөөр янгинан өвдөх зэрэг ерөнхий хордлогын шинж хүчтэй илэрдэг.

2. Уушгины хэлбэр хамгийн халдвар ихтэй, аюултай хэлбэр юм. Гэнэт өндөр халуурах, цээжээр хүүчтэй өвдөх, ханиах, цэр гарах, цустай цэр гарах зэрэг шинж илэрдэг. Хурдан явцтай, амь насанд халтай.

3. Үжлийн хэлбэрийн үед халдвар цусаар дамжин бүх эд эрхтэнд тархсан байдаг. Өндөр халуурч, арьсан дээр цусархаг тууралт гардаг. Маш хүнд явцтай, гол төлөв эндэгдлээр төгсдөг.

4. Гэдэсний хэлбэрийн үед гүйлгэх, суулгах, бөөлжих, халуурах шинж тэмдэг гардаг. Тарваганы мах, эд эрхтнийг хүнсэнд хэрэглэсэн тохиолдолд гол төлөв гардаг.

5. Хавсарсан гэдэг нь дээрх хэлбэрүүдийн шинж тэмдгүүд хавсаран илэрдэг хамгийн хүнд хэлбэр юм.
Уг нь урьдчилан сэргийлэх арга нь хамгийн энгийн тарвага агнахгүй, арьс мах, эд эрхтнийг нь хэрэглэхгүй байх.

Мэдээлэл зөвлөгөөг бэлтгэсэн,
Д.Нарангэрэл
НҮБ-ын Хүүхдийн сангийн зөвлөх, ЭХГА

09/09/2025

⚠️ Тарваган тахлаас урьдчилан сэргийлье! 🦠

08/09/2025

08/09/2025

🌍Дэлхийн хөдөлгөөн засалчдын өдрийг тохиолдуулан дараах зөвлөгөөг хүргэж байна
👇УНТЭ-ийн хөдөлгөөн засалч Г.Ганцэцэг: Хүүхэд хүнд цүнх үүрэх, буруу сууснаас үүдэж нуруу мурийх, тулгуур эрхтний тогтолцоо алдагдах тохиолдол гарч байна

08/09/2025

🌍Дэлхийн хөдөлгөөн засалчдын өдрийг тохиолдуулан Н.Анхбаяр эмчийн зөвлөгөөг хүргэж байна.
👇Түгжрэлд удаан сууснаар НУРУУ ӨВДӨХ эрсдэлтэй тул нуруу хамгаалах түшлэгийг хэрэглэх хэрэгтэй

08/09/2025

✅УНТЭ-ийн мэдээгүйжүүлэг, өвдөлтийн эмч Л.Алтантуяа:
😖 ➡️ 🙂Өвдөлт намдаах эмчилгээний талаар

05/09/2025

📌“100 жил – 100 судалгаа” аян амжилттай үргэлжилж байна.

28/08/2025

📌 Монгол Улсад 2024 онд умайн хүзүүний хорт хавдрын 521 шинэ тохиолдол бүртгэгдсэн байна.
👉 Энэ өвчний гол шалтгаан нь хүний папиллома вирус (ХПВ) бөгөөд өдөр бүр 1–2 эмэгтэй оношлогдож, хоёр өдөр тутамд нэг эмэгтэй амь насаа алдаж байна.
Хүний папиллома вирусийн эсрэг дархлаажуулалтад💉 хамрагдсанаар ирээдүйн эрсдэлээс өөрийгөө болон хайртай хүмүүсээ хамгаалах боломжтой.
#Хамрагдъя #Хамгаалъя

28/08/2025

Дэлхий даяар жилд 1 тэрбум орчим хүн томуугаар өвчилдөг байна. Томуу, томуу төст өвчнөөр бүх насны хүн өвчилж болох боловч дараах бүлгийн хүмүүс илүү өртөж, өвчилсөн тохиолдолд хүндрэх эрсдэлтэй байдаг. Үүнд:
• Нярай болон бага насны хүүхэд 👶🧒
• Жирэмсэн эмэгтэй 🤰
• 65-аас дээш насны хүмүүс 🏥
• Хүний дархлал хомсдлын вирусийн халдвартай хүн 🦠
• Сүрьеэгээр өвчилсөн хүмүүс 🩺
• Зүрх судасны болон чихрийн шижин зэрэг өвчтэй хүмүүс
#Хамрагдъя #Хамгаалъя