НЕО Доктор Хүүхэд Нярайн Эмнэлэг

10/01/2019

томуу, томуу төст өвчнөөс хөөрхөн хүүхдүүдээ хамгаалаарай

28/11/2018

ХҮҮХДЭЭ ХӨХӨӨР ХООЛЛОЦГООЁ
Ээж та хүүхдээ хөхөөр хооллож байгаа бол хүүхдийнхээ төлөө хийж байгаа хамгийн сайн зүйл юм. Таны хүүхэд өсч томорсоны дараа дахин ийм сайхан, ийм шим тэжээлтэй, зөвхөн өөрт нь л зориулагдаж зохицсон хоолыг дэлхийн ямарч үнэтэй, ямар ч нэр хүндтэй ресторанаас олж идэж чадахгүй юм. Хүүхдийг 6 сар хүртэл дан хөхөөр хооллон цаашид 2 нас хүртэл нэмэлтээр заавал хөхний сүүгээр хооллохыг эмч, мэргэжилтэнүүд зөвлөдөг нь учиртай.
Хөхний сүүнд хүүхдэд хэрэгтэй маш олон төрлийн уураг, өөх тос, амин дэм, эрдэс бодис, бүр амьд дархлалын эс, эсрэг төрөгч агуулагдаж байдаг ба хүүхэд бүрийн сүү өөр өөр найрлагатай байдаг нь тогтоогдсон зүйл юм. Өөрөөр хэлбэл таны сүү зөвхөн таны хүүхдэд зориулагдсан давтагдашгүй онцлог найрлагатай байдаг гэсэн үг. Жишээ нь дутуу төрсөн эхийн сүү илүү тослог, илүү өтгөн байдаг.
Эхийн сүүнд агуулагдах олон төрлийн шимт бодис, дархлалын бодис нь хүүхдийн дархлал тогтолцоо, тархины үйл ажиллагаа, амьсгалын ба хоол боловсруулах тогтолцоо, ясны тогтолцооны хөгжилд сайнаар нөлөөлж эрүүл чийрэг өсдөг. Бэлэн угжтай сүү уух, хөхөө хөхөх 2 хоорондоо маш их ялгаатай бөгөөд завьж залгиурын булчин сайн ажиллан хүүхдийн эрүү нүүрний хөгжил зөв явагдан шүд зөв ургах, хэлд эрт, зөв орох зэрэг сайн талтай.
Хүүхдээ хөхөөх хооллох нь хөхний хорт хавдараас сэргийлдэг гэдгийг олон судалгаа баталжээ. Мөн түүнээс гадна төрсөний дараа хурдан жин хасах, сэтгэл гутралд өртөхгүй байх, жирэмслэлтээс сэргийлэх, эдийн засгийн хувьд ч ашигтай байдаг. Иймээс ээж нар маань хөхөөр хооллолтын ач тусын тухай ойлголттой байж жирэмсэн үеэсээ эхлэн хүүхдээ хөхөөр хооллохдоо өөрийгөө бэлдэх хэрэгтэй.
Жирэмсэн үед хөхөө хэрхэн арчилж бэлдэх вэ?
Эмэгтэй хүний биед жирэмсэн болсон эхний сараас эхлэн хөхөнд өөрчлөлт орж эхэлдэг. Хөх эмзэг болж томрох, хөхний толгой нөсөөжих нь жирэмсэн үед гарах эхний шинж тэмдгүүд юм. Төрөхийн өмнө хөхөө арчлах нь хамгийн чухал Ялангуяа хөхний толгойг зөв гаргах нь төрсөний дараа ээжүүдэд хүүхдээ зөв амлуулж, зөв хөхүүлэхэд тустай. Хөхөө арчлаагүйгээс болоод хөхний толгой хагарах аюултай. Жирэмсэний эхний саруудад хөхний толгойд иллэг массаж хийж болохгүй. Учир нь жирэмсэний тээлтийн явц болон хөхөнд уураг боловсрох үйл явцад муугаар нөлөөлдөг байна.
Жирэмсэний 36-37 долоо хоногтой үед хөхний товчийг бага зэрэг эргүүлэх, сунгах дасгалыг өдөрт 2-3 удаа хийх бөгөөд өвдтөл нь хийж болохгүй. Жирэмсний сүүлийн 3 сар даруулга зүүхгүй байх, дулаан өрөөнд 10-15 минут 1-2 удаа хөхөө ил гаргаж байх хэрэгтэй.
Төрсөний дараа хөхөө хэрхэн арчлах вэ ?
Жирэмсэн үед хөхөө сайн арчилж хөхний толгой гарсан бол хүүхэд амлуулахад санаа зовох зүйл байхгүй. Хүүхэд хөхүүлэхэд ихээхэн энерги зарцуулдаг тул сайн амарч, шим тэжээлтэй хоол идэх хэрэгтэй. Хөхний толгойн эргэн тойрны булчирхайнаас нян устгах чадвартай шүүрэл ялгарч байдаг тул ариун цэврийн ердийн дэглэмтэй байхад л болно. Харин хөхүүлэхийн өмнө гараа сайн угааж байх хэрэгтэй. Өөртөө аль болох эвтэйхэн байрлалд хэвтэж, сууж ивээс дэрээ бэлдэн хүүхдээ зөв тэвэрч, зөв үмхүүлэн хөхүүлэх хэрэгтэй. Хүүхэд амаа том ангайсан, уруул гадгаш цорвойсон (уруулаа хамт хөхөөд байж болохгүй), доод эрүү хөхөнд шүргэсэн, зөвхөн хөхний товчоо биш хөхний нөсөөт хэсгийг хамт үмхсэн байх ёстой. Хөхүүл үед гарах гол асуудал нь хөхний толгой хагарах, сүүний суваг бөглөрөх, хөхний үрэвсэл 3 юм.
1.Хөхний толгой хагарах - Төрсний дараа бараг эмэгтэй хүн бүр энэ асуудалтай тулгардаг. Хөхний толгой өвчилж эмзэглэснээс болж хүүхдээ хөхүүлэхгүй байвал асуудлыг улам хүндрүүлнэ. Энэ зовиураас хамгийн хурдан салах арга бол сайн хөхүүлэх юм. Мөн хөхнийхөө толгойнд оливын тос түрхэж, аль болох хуурай, ил байлгах хэрэгтэй.
2. Сүүний суваг бөглөрөх - Хөхний аль нэг хэсэгт маш хөндүүр болж, хатуу зүйл мэдрэгдэнэ. Мөн арьс нь улайж, товойсон харагдана. Энэ бол хөхний суваг бөглөрөсөн гэсэн үг юм. Үүнийг нэн даруй эмчлэхгүй бол хөхний халдвар болох аюултай. Хөндүүрлэж буй хөхөө эхэлж хөхүүлэн, сүүг нь сааж, сайн унтаж амран, халуун бүлээн жин тавьснаар хурдан зүгээр болох болно. Үүнээс сэргийлэхийн тулд хүнд юм өргөхгүй, хөхөө чинэрүүлэхгүй, бариу хувцас өмсөхгүй байх хэрэгтэй.
3. Хөхний үрэвсэл - Хөхний сүүний суваг бөглөрч, хөх байнга чинэрээтэй байснаас болж хөхөнд халдвар ороход амархан болдог. Хөх маш их хөндүүрлэн хавдаж, өндөр халуурч байвал хөхний халдвар болсны шинж. Нэн даруй эмчид хандаж тохирсон антибиотик эмчилгээг хийх хэрэгтэй. Мөн хэвтрийн дэглэм сахиж, хөхөө сайн сааж, биеийн эсэргүүцлээ өндөр байлгаж чадвал хэдэн өдрийн дараа зүгээр болно. Хөхний халдвар хүүхдэд ямар нэгэн муу нөлөөгүй тул хүүхдээ хөхүүлэхээ зогсоож болохгүй!
Хөхүүлэх давтамж ямар байх ёстой вэ?
Ангир уураг гэдэг нь жирэмсний 16-22 долоо хоногоос эхийн хөхөнд үүсч эхлэн зөвхөн төрсөний дараах 2-3 хоногт ялгардаг шаргал өнгөтэй өтгөн сүү бөгөөд нэгхэн дусал нь л 1 аяга ердийн сүүтэй тэнцэхүйц хэмжээний шим тэжээлтэй юм. Дөнгөж төрсөн нярайн ходоодны хэмжээ ч хумсны толион чинээ жижигхэн (5-7мл) тул дусал дуслаар гарах ангир уургаа л хүлээж авах боломжтой байдаг юм. Иймээс төрсөний дараах 2-3 хоногт байнга хөхүүлэх хэрэгтэй. Төрсөний дараах 3 хоногтойгоос ангир уураг шингэрч цэхэр өнгөтэй болно. Энэ сүү нь 14 хоног хүртэл уураг ердийн сүү хоёрын завсарын найрлагатай байдаг тул “шилжилтийн сүү” гэдэг. Энэ хугацаанд мөн ойр ойрхон хүссэн үед нь хөхүүлж байх нь ээж, нярай хоёрт хоёуланд нь чухал ач холбогдолтой байдаг. (нярай хөхөж сурна, илчлэг их зарцуулдаг үе тул жингийн алдагдалд орох нь бага, эхийн сав сайн агшина, сүүжих процесс улам түргэсэнэ) Харин 14 хоногоос хойш сүүний найрлага тогтмолждог тул ‘’найрлага тогтмолжсон сүү ’’ гэдэг. Энэ үеэс харин хүүхдийг хэт их хооллох юм бол гэдэс дүүрэх, эх нь хэт ядардаг тул хоногтоо 8-10 удаа л хөхүүлнэ

28/11/2018

Ээж та хүүхдээ хөхөөр хооллож байгаа бол хүүхдийнхээ төлөө хийж байгаа хамгийн сайн зүйл юм. Таны хүүхэд өсч томорсоны дараа дахин ийм сайхан, ийм шим тэжээлтэй, зөвхөн өөрт нь л зориулагдаж зохицсон хоолыг дэлхийн ямарч үнэтэй, ямар ч нэр хүндтэй ресторанаас олж идэж чадахгүй юм. Хүүхдийг 6 сар хүртэл дан хөхөөр хооллон цаашид 2 нас хүртэл нэмэлтээр заавал хөхний сүүгээр хооллохыг эмч, мэргэжилтэнүүд зөвлөдөг нь учиртай.
Хөхний сүүнд хүүхдэд хэрэгтэй маш олон төрлийн уураг, өөх тос, амин дэм, эрдэс бодис, бүр амьд дархлалын эс, эсрэг төрөгч агуулагдаж байдаг ба хүүхэд бүрийн сүү өөр өөр найрлагатай байдаг нь тогтоогдсон зүйл юм. Өөрөөр хэлбэл таны сүү зөвхөн таны хүүхдэд зориулагдсан давтагдашгүй онцлог найрлагатай байдаг гэсэн үг. Жишээ нь дутуу төрсөн эхийн сүү илүү тослог, илүү өтгөн байдаг.
Эхийн сүүнд агуулагдах олон төрлийн шимт бодис, дархлалын бодис нь хүүхдийн дархлал тогтолцоо, тархины үйл ажиллагаа, амьсгалын ба хоол боловсруулах тогтолцоо, ясны тогтолцооны хөгжилд сайнаар нөлөөлж эрүүл чийрэг өсдөг. Бэлэн угжтай сүү уух, хөхөө хөхөх 2 хоорондоо маш их ялгаатай бөгөөд завьж залгиурын булчин сайн ажиллан хүүхдийн эрүү нүүрний хөгжил зөв явагдан шүд зөв ургах, хэлд эрт, зөв орох зэрэг сайн талтай.
Хүүхдээ хөхөөх хооллох нь хөхний хорт хавдараас сэргийлдэг гэдгийг олон судалгаа баталжээ. Мөн түүнээс гадна төрсөний дараа хурдан жин хасах, сэтгэл гутралд өртөхгүй байх, жирэмслэлтээс сэргийлэх, эдийн засгийн хувьд ч ашигтай байдаг. Иймээс ээж нар маань хөхөөр хооллолтын ач тусын тухай ойлголттой байж жирэмсэн үеэсээ эхлэн хүүхдээ хөхөөр хооллохдоо өөрийгөө бэлдэх хэрэгтэй.
Жирэмсэн үед хөхөө хэрхэн арчилж бэлдэх вэ?
Эмэгтэй хүний биед жирэмсэн болсон эхний сараас эхлэн хөхөнд өөрчлөлт орж эхэлдэг. Хөх эмзэг болж томрох, хөхний толгой нөсөөжих нь жирэмсэн үед гарах эхний шинж тэмдгүүд юм. Төрөхийн өмнө хөхөө арчлах нь хамгийн чухал Ялангуяа хөхний толгойг зөв гаргах нь төрсөний дараа ээжүүдэд хүүхдээ зөв амлуулж, зөв хөхүүлэхэд тустай. Хөхөө арчлаагүйгээс болоод хөхний толгой хагарах аюултай. Жирэмсэний эхний саруудад хөхний толгойд иллэг массаж хийж болохгүй. Учир нь жирэмсэний тээлтийн явц болон хөхөнд уураг боловсрох үйл явцад муугаар нөлөөлдөг байна.
Жирэмсэний 36-37 долоо хоногтой үед хөхний товчийг бага зэрэг эргүүлэх, сунгах дасгалыг өдөрт 2-3 удаа хийх бөгөөд өвдтөл нь хийж болохгүй. Жирэмсний сүүлийн 3 сар даруулга зүүхгүй байх, дулаан өрөөнд 10-15 минут 1-2 удаа хөхөө ил гаргаж байх хэрэгтэй.
Төрсөний дараа хөхөө хэрхэн арчлах вэ ?
Жирэмсэн үед хөхөө сайн арчилж хөхний толгой гарсан бол хүүхэд амлуулахад санаа зовох зүйл байхгүй. Хүүхэд хөхүүлэхэд ихээхэн энерги зарцуулдаг тул сайн амарч, шим тэжээлтэй хоол идэх хэрэгтэй. Хөхний толгойн эргэн тойрны булчирхайнаас нян устгах чадвартай шүүрэл ялгарч байдаг тул ариун цэврийн ердийн дэглэмтэй байхад л болно. Харин хөхүүлэхийн өмнө гараа сайн угааж байх хэрэгтэй. Өөртөө аль болох эвтэйхэн байрлалд хэвтэж, сууж ивээс дэрээ бэлдэн хүүхдээ зөв тэвэрч, зөв үмхүүлэн хөхүүлэх хэрэгтэй. Хүүхэд амаа том ангайсан, уруул гадгаш цорвойсон (уруулаа хамт хөхөөд байж болохгүй), доод эрүү хөхөнд шүргэсэн, зөвхөн хөхний товчоо биш хөхний нөсөөт хэсгийг хамт үмхсэн байх ёстой. Хөхүүл үед гарах гол асуудал нь хөхний толгой хагарах, сүүний суваг бөглөрөх, хөхний үрэвсэл 3 юм.
1.Хөхний толгой хагарах - Төрсний дараа бараг эмэгтэй хүн бүр энэ асуудалтай тулгардаг. Хөхний толгой өвчилж эмзэглэснээс болж хүүхдээ хөхүүлэхгүй байвал асуудлыг улам хүндрүүлнэ. Энэ зовиураас хамгийн хурдан салах арга бол сайн хөхүүлэх юм. Мөн хөхнийхөө толгойнд оливын тос түрхэж, аль болох хуурай, ил байлгах хэрэгтэй.
2. Сүүний суваг бөглөрөх - Хөхний аль нэг хэсэгт маш хөндүүр болж, хатуу зүйл мэдрэгдэнэ. Мөн арьс нь улайж, товойсон харагдана. Энэ бол хөхний суваг бөглөрөсөн гэсэн үг юм. Үүнийг нэн даруй эмчлэхгүй бол хөхний халдвар болох аюултай. Хөндүүрлэж буй хөхөө эхэлж хөхүүлэн, сүүг нь сааж, сайн унтаж амран, халуун бүлээн жин тавьснаар хурдан зүгээр болох болно. Үүнээс сэргийлэхийн тулд хүнд юм өргөхгүй, хөхөө чинэрүүлэхгүй, бариу хувцас өмсөхгүй байх хэрэгтэй.
3. Хөхний үрэвсэл - Хөхний сүүний суваг бөглөрч, хөх байнга чинэрээтэй байснаас болж хөхөнд халдвар ороход амархан болдог. Хөх маш их хөндүүрлэн хавдаж, өндөр халуурч байвал хөхний халдвар болсны шинж. Нэн даруй эмчид хандаж тохирсон антибиотик эмчилгээг хийх хэрэгтэй. Мөн хэвтрийн дэглэм сахиж, хөхөө сайн сааж, биеийн эсэргүүцлээ өндөр байлгаж чадвал хэдэн өдрийн дараа зүгээр болно. Хөхний халдвар хүүхдэд ямар нэгэн муу нөлөөгүй тул хүүхдээ хөхүүлэхээ зогсоож болохгүй!
Хөхүүлэх давтамж ямар байх ёстой вэ?
Ангир уураг гэдэг нь жирэмсний 16-22 долоо хоногоос эхийн хөхөнд үүсч эхлэн зөвхөн төрсөний дараах 2-3 хоногт ялгардаг шаргал өнгөтэй өтгөн сүү бөгөөд нэгхэн дусал нь л 1 аяга ердийн сүүтэй тэнцэхүйц хэмжээний шим тэжээлтэй юм. Дөнгөж төрсөн нярайн ходоодны хэмжээ ч хумсны толион чинээ жижигхэн (5-7мл) тул дусал дуслаар гарах ангир уургаа л хүлээж авах боломжтой байдаг юм. Иймээс төрсөний дараах 2-3 хоногт байнга хөхүүлэх хэрэгтэй. Төрсөний дараах 3 хоногтойгоос ангир уураг шингэрч цэхэр өнгөтэй болно. Энэ сүү нь 14 хоног хүртэл уураг ердийн сүү хоёрын завсарын найрлагатай байдаг тул “шилжилтийн сүү” гэдэг. Энэ хугацаанд мөн ойр ойрхон хүссэн үед нь хөхүүлж байх нь ээж, нярай хоёрт хоёуланд нь чухал ач холбогдолтой байдаг. (нярай хөхөж сурна, илчлэг их зарцуулдаг үе тул жингийн алдагдалд орох нь бага, эхийн сав сайн агшина, сүүжих процесс улам түргэсэнэ) Харин 14 хоногоос хойш сүүний найрлага тогтмолждог тул ‘’найрлага тогтмолжсон сүү ’’ гэдэг. Энэ үеэс харин хүүхдийг хэт их хооллох юм бол гэдэс дүүрэх, эх нь хэт ядардаг тул хоногтоо 8-10 удаа л хөхүүлнэ

17/10/2018

Нярайн цусархаг өвчин

Нярай хүүхдэд яагаад цусархаг шинж илэрдэг вэ?

Нярай үед К-аминдэмээс хамааралтай цус бүлэгнэлтийн хүчин зүйлсийн хомсдол, судасны хананы нэвчимтгий чанар их, цус бүлэгнэлтэнд оролцдог бусад эсийн онцлог зэрэгтэй уялдан нярай хүүхдэд цусархаг хамшинж цөөнгүй тохиолддог.
К-аминдэм эхэсээр маш муу нэвтэрдэг тул ураг, нярайн К-аминдэмийн хэмжээ бага байдаг нь цусархаг өвчин үүсэх гол шалтгаан болдог
Бүх нярайн 0,25-0,5%-д ажиглагдана.

Ямар хэлбэрээр илэрч болох вэ?

Энэ нь цус алдах, цус шүүрэх, арьс, ил салстаар цусан тууралтууд гарах, хөх няц үүсэх зэрэг байдлаар илэрнэ. Хүүхдийн баасанд цусны судал ажиглагдах, нус нь цусны судалтай гарах, тагнайд цус хуралт ажиглагдах, нүдний салстад хурсан цус (төрөх үед үүссэн) шимэгдэхгүй удах юмуу томорч байгаа мэт санагдвал ээж нар тайван хандаж болохгүй яаралтай эмнэлэгт хандах хэрэгтэй.

Ямарч хугацаанд илэрч болох вэ?

1.эрт илрэлтэй (цусархаг шинж тэмдэг амьдралын эхний 24 цагт илэрнэ)
2.сонгодог хэлбэр (1-7 хоногтойд)
3.хожуу (2-8 долоо хоногтойд, заримдаа 6 сар хүртэл хугацаанд илэрнэ)

Эрт илрэлтэй нярайн цусархаг өвчний үед арьсаар цусархаг тууралт гарах ялангуяа түрүүлсэн хэсэгт кефалогематом, тархинд цус харвалт үүсдэг. Хүнд бүтэлт, төрөлтийн гэмтлүүд цусархаг өвчин үүсэхэд нөлөөлдөг. Мөн уушгинд цус харвах, элэг, дэлүү, бөөрний дээд булчирхай зэрэг дотор эрхтэнд цус харвах, шулуун гэдсээр цус алдах шинжүүд илэрч болно.
Сонгодог хэлбэрийн үед цустай баах, цустай бөөлжих, арьсаар цусархаг тууралт гарах, хүй, хамраас цус алдах, кефалогематом үүсдэг. Хүнд бүтэлт, төрөлтийн гэмтлийн үед тархи, дотор эрхтэнд цус харвалт үүсдэг.
Хожуу хэлбэрийн цусархаг өвчин үүсэхэд ужиг суулгалт, цөсний сувгийн төрөлхийн битүүрэлт, элэгний үрэвсэл, цөс зогсонгиших, өргөн үйлчилгээтэй антибиотик хэрэглэх зэрэг нь нөлөөлдөг.

Хэрхэн сэргийлэх вэ?

Төрсөн цагаас эхлэн хөхөөр хооллох, төрсөн нярай бүрт К витамин булчинд тарьдаг нь үр дүнтэй сэргийлэх арга юм. Нярай хүүхдийг тайвшруулах гэж хүүхдийг сэгсчиж бүүвэйлж хэрхэвч болохгүй. Үүний улмаас хүүхдэд “Сэгсрэх хамшинж” үүсдэг. Учир нь нярай, бага насны хүүхдийн тархи жижиг байдгаас гавлын ясыг бүрэн дүүргэдэггүй, тархины мэдрэлийн эсийн миелин бүрхүүл бүрэн гүйцэд хөгжөөгүй, нярайн толгой их их биенээсээ хүнд, хүзүүний булчин сул хөгжсөн зэрэг онцлогоос хамааран “Сэгсрэх хамшинж” элбэг тохиолддог байна.Үүний улмаас хүүхдийн тархинд цус харвах нөхцөл бүрддэг. Ээж жирэмсэний хяналтанд хугацаандаа орж эмчийн зааварын дагуу эмийг хэрэглэх хэрэгтэй.

23/08/2018

24/06/2018

СУУЛГАЛТТАЙ ХҮҮХДИЙГ ХЭРХЭН АСРАХ ВЭ ?
24 цагийн хугацаанд 3-с олон удаа эмгэг хольцтой бааж (цус, залхаг, ус) байвал суулгалт өвчин гэж үзнэ. Өөрөөр хэлбэл олон бааж байгаа боловч эмгэг хольцгүй бол суулгалт өвчин биш юм.
Хүүхэд суулгаж байгаа үед уйгагагүй зөв хооллолж, асаргаа сувилгаа зөв хийх юм бол амархан сайжирч, шингэний дутагдалд орохгүй аяндаа илаар болно.
1. Хүүхдийн хоолны дуршил өөрчлөгдөх ёсгүй. Иймээс урьдын идэж дассан зүйлсийг нь өгнө. Харин арай багаар илүү ойрхон, шингэхэд хялбар жижиглэсэн хүнсээр хоногтоо 6-с доошгүй хооллох хэрэгтэй. Урьд иддэг байсан хэмжээг 25-50%-с илүү багасгаж болохгүй.
2. Хөхөөр хооллодог бол үргэлжлүүлэн аль болох сайн хөхүүл. Бор хоолонд орсон хүүхдэд өдөрт дор хаяж 1 аяга тараг нэмж өгөх хэрэгтэй. Мөн ээдэм, бяслаг, ааруул, ааруулны шүүс зэрэг сүүн бүтээгдэхүүн өгөх нь гэдэсний ашигтай бактерийн тэнцвэрт байдалыг хангаж өгдөг. Харин үнээний цэвэр сүүг дангаар нь өгч хэрэггүй.
Суулгалтын үед зөвхөн BRAT хооллолтыг санал болгодог (banana, rice, applesause, toast) эдгээр нь шингэхэд хялбар суулгалтыг багасгах хүнснүүд юм. Манай нөхцөлд төмс, луувангийн нухаш, давсалсан жигнэмэг, чанасан шош зэргийг эдгээр хүнсээр орлуулах юмуу хамт хэрэглэж болох юм.
3. Хамгийн чухал зүйл нь алдсан шингэнийг нөхөх юм. Хүүхдийн бие мах бодийн онцлогтой холбоотой шингэн дутал, хордлогонд илүү хурдан ордог тул эцэг эхийн зүгээс нэлээд уйгагүй байдал шаардана. Аль болох өөрийн уух дуртай шингэнийг өгнө. Гэхдээ сахарын агууламж өндөртэй, өнгө будагтай, хийжүүлсэн ус ундаа хорих хэрэгтэй. Эдгээр нь суулгалтыг нэмэгдүүлдэг. Харин цэхэр хярам, цагаан будааны шүүс, махны шөл, байхуу цайг өгч болно. ХОРОСОЛ гэж нэрлэж заншсан шингэн сэлбэх давсны уусмал заавал уулгана.Уулгаж байгаа шингэнээ мөн нэг дор хэт ихээр биш багаар суулгалт бүрийн дараа уулгана (2 нас хүртэлх хүүхдэд 1 удаад 50-100мл, 2 наснаас дээш хүүхдэд 100-200мл). Хэрвэээ шингэн уусны дараа бөөлжих юм уу суулгавал 10 минут хүлээгээд дахин уулгана.
Шингэн сэлбэх давсны уусмалыг гэртээ өөрсдөө найруулсан ч болно: Буцалгаж хөргөсөн 1литр усанд найруулж 24 цагийн дотор хэрэглэнэ. Дахин халааж болохгүй. 8 цайны халбага элсэн чихэр, 1 цайны халбага нунтаг давс, 1/3 цайны халбага хүнсний сода, 1 халбага нимбэгний шүүс хийж сайтар хутгаж уусгана.
4. Цайрын бэлдмэл 6 сар хүртэлх хүүхдэд 10мг-р, 6 сараас дээш хүүхдэд 20мг-р бодож хоногт 10-14 хоног уулгана.
Доорх шинжүүд илэрсэн үед эмнэлэгт яаралтай хандаарай:
Ямар ч нулимсгүйгээр уйлах
Хэл уруул ам хуурай болох
Нүд, зулай хонхойх
Шээс ховордох
Удаан унтах буюу нойрмоглох
Өтгөн хаталт нэмэгдэх
Толгой эргэх
Бөөлжих
Халууралт 101 ° F (38.3 ° C) болох
Арьс цонхийх
Цустай юмуу ногооноор бөөлжих
Цустай баах
Хэвлий дүүрч цардайх, эмзэглэх

16/06/2018

16/06/2018

Монголын үрс маш олон болог

15/06/2018

Хүүхдийн гэдсээр хатгуулж өвдөх буюу колик (тогтмол цагт уйлах)

2-3 долоо хоногтой хүүхэд юунд ч тайвшрахгүй, өдөрт 3 ба түүнээс олон цаг, 7 хоногт 3 ба түүнээс дээш удаа уйлах нь 3 долоо хоног түүнээс удаан үргэлжилж байвал колик гэнэ. Нярай болон хөхүүл насны хүүхэд уйлах нь элбэгч түүнээс ялгаатай нь:
• Ихэнхдээ тогтмол нэг цагт уйлдаг, үдээс хойш, оройдоо уйлах нь элбэг.
• Чанга дуугаар юунд ч тайвшрахгүй уйлана, нүүр нь чинэрч улайна.
• Ямар нэг шалтгаангүйгээр гэнэт л чанга час хийж уйлна.
• Ямар нэгэн юм нь их өвдөж байгаа шинжтэй гараа тас атгасан, нүдээ аньсан, зарим тохиолдолд хөлөө тийчэгнүүлж уйлна. Унгаж баасны дараа бага зэрэг тайвширна.
Энэ байдал их удаан үргэлжлэхгүй 2-3 сартайд хэвийн болно. Мөн хүүхдийн өсөлт хөгжил хэвийн байх боловч эцэг эхчүүд маш их санаа нь зовж тайван бус болдог.
Энэ нь 5 хүүхэд тутмын нэгд тохиолддог. Шалтгаан бүрэн тодорхойгүй ч харшил, хүүхдийн хоол боловсруулах тогтолцоо гүйцэт хөгжөөгүй байх, ходоод гэдэсний замын хэвийн ашигтай нян өөрчлөгдөх, эхийн хооллолт, эх эцгийн сэтгэл санааны хямрал, эх жирэмсэн үедээ тамхи татах зэрэг хүчин зүйлүүд нөлөөлдөг.
Үр дүнтэй эмчилгээ байхгүй ч судалгаагаар тодорхой үр дүн үзүүлдэг доорх зөвлөмжүүд байдаг.
1. Хүүхдээ зөв тэврэх, зөв байрлуулах: Колик эхлэх үе ихэнх тохиолдолд мэддэгддэг тул ээж юм уу аав нь элгэндээ тэвэрч зөөлөн ганхуулж бүүвэйлэх (сэгсэрч болохгүй), дуу дуулж өгөх, хөгжим сонсгох, нүдрүү нь харж (eye contact) ярилцах зэргээр урьдчилан тайвшруулах. Хүүхдийг хөхүүлэхээс өмнө түрүүлгэ нь харуулан хэвтүүлэх (доош нь харуулан 2 өвдөгийг нь хэвлийрүү шахан бөгсийг нь тонтойлгон хэвтүүлэх)
2. Зөв хооллолт: Аль болох хөхөөр хооллох, Хөхөөр хооллож байгаа бол ээж нь хэт их хий үүсэлт ихэсдэг болон гэдэсний гүрвэлзэл хэт ихэсгэдэг хүнснээс зайлсхийх. Хөхөө зөв үмхэж байгаа эсэхийг хянах. Хэт ойр ойрхон, уйлах болгонд нь хөхүүлэхгүй байх. Хэдийгээр цаг баримтлахгүй хооллох ёстой ч түрүүчийн сүү шингээгүй үед нэмж хөхүүлэхгүй байх, уйлах юм бол өөр байдлаар тайвшруулах
3. Халуун банн, болон масаж: Өдөр бүр бүлээн баннд оруулах, 2 хөлийг хэвлий рүү зөөлөн шахах, хүйс тойруулан цагийн зүүний дагуу зөөлөн иллэг хийх.
4. Гадаа тэвэрч явах, машинаар авч явах , соосго хөхүүлэх, янз бүрийн дуу авиа сонсгох (тоос сорогч, сэнс, гялгар уут шажигнуулах) зэргийг туршиж үзэн тайвшруулах аргаа олох
5. Эмийн эмчилгээ: Гэдэсний хий үүсэлтийн эсрэг semithicone (gas-relief), ходоод гэдэсний гөлгөр булчингийн агчилт тавиулах (plantex, dicycloverine, бонниспаз), пробиотикууд (ялангуяа лактобацил агуулсан), тайвшруулж өвдөлт намдаах эмүүдийг мэрэгжилийн туршлагатай эмчид үзүүлэн зөвөлгөө авсаны үндсэн дээр хэрэглэж болно.
Эцэст нь хэлэхэд энэ нь эмгэг биш цаашдын өсөлт хөгжилд нь ямар нэгэн сөрөг нөлөө байхгүй тул эцэг эхчүүд аль болох тайван байж эцэг, эх болох давааныхаа нэгийг амжилттай давна гэдэгт итгэж байна.