19/09/2025
Манайх Да-Ба өглөө 08.00-20.00 цагийн хооронд ажиллаж байна
2024.12.11ний өдрийн буюу лхагва гарагийн хөтөч эмчээр-Василий эмч ажиллаж байна🤗
Бидний алхаж гишгэх, сууж босох, бөхийх, үсрэх харайх гээд бүхий л үйлдлүүд хүний тулгуур эрхтний системтэй салшгүй холбоотой. Хүзүүнээс ууц хүртэлх байрлах баганан нуруу бол хүний бүх биеийн жингийн ачааллыг үүрч үүний хажуугаар хөдөлгөөнийг зохицуулж байдаг гол тулгуур эрхтэн бөгөөд нурууны бичил булчин, холбох эд, яс, нуруу хоорондын мөгөөрсний тусламжтайгаар ажилладаг.
Гэвч бидний өдөр тутмын үйл хөдлөл, хөдөлгөөний улмаас тулгуур эрхтний үйл ажиллагаанд гажилт үүсэх эрсдэлтэй байдаг ба үүнийгээ бид тэр бүр анхаарал тавьж, анзаардаггүй. Гэвч энэ нь бидний хамгийн түрүүнд анхаарах ёстой бие эрхтний нэг юм.
Нурууны суулт үүсэх #шалтгаан юу вэ?
-Хүнд жинтэй зүйл өргөх : Ялангуяа бага залуу наснаасаа хүнд юм өргөх ажил хийж байсан тохиолдолд нурууны суулт өгдөг.
-Хавтгай ултай гутал,кет : Үргэлж өсгийгүй гутал өмсөхөд хөлийн өсгий тулгуургүй болж нуруунд муугаар нөлөөлдөг.
-Тамхи таталт : Тамхи татсанаас нугалмын жийргэвчийн чийгшил багасч хуурайших, нурууны үеүдэд цусан хангамж саатах, гэмтлийн эдгэрэлт хэт удаан болдог тул тамхи татдаг хүмүүс нурууны архаг өвдөлт 2 дахин их байдаг.
Ямар арга хэмжээ авах вэ? Ямар #эмчилгээ тустай вэ?
-Физик эмчилгээ
-Биеийн тамирын дaсгал
-Явган алхах /нурууны нугасны дискүүдийн хооронд байгаа мөгөөрсөн жийргэвчүүд нь өөрөө мэдрэлийн судас юм. Энэ нь хүний алхах идэвхтэй хөдөлгөөний үр дүнд нэвчих замаар тэжээлээ авдаг/
-Бариа засал
-Шавар эмчилгээ
-Татлага эмчилгээ. Харин үе гээд байх юмгүй ясажсан тохиолдолд татлага эмчилгээг хориглодог.
-Булчин суллах бариа
Хэрхэн #оношлох вэ?
-Гаднаас нь ерөнхий байдлыг нь хараад хазайлтыг тодорхойлж болно.
-Рентген шинжилгээний тусламжтайгаар тодорхойлно.
-Нурууны зураг авахаас гадна шаардлагатай үед MRI-гaap нурууны эмгэгүүдийг оношилдог.
Хэрхэн #сэргийлж, гам барих вэ?
-Хүнд зүйлийг болгоомжтой өргөх: Хүнд зүйлийг өргөхдөө тонгойхгүйгээр өвдөг нугалан сууж нурууны булчин бус гар, хөлийн булчингийн оролцоотойгоор өргөдөг байх хэрэгтэй. Хүнд зүйл өргөхдөө гэдэсний булчинг чанга байлгана. Энэ байрлалаас хүнд зүйл өргөхөд хэцүү бол өргөлгүй орхиж байгаарай.
-Хөдөлгөөнтэй бай : Дасгал хөдөлгөөнийг тогтмол хийж хэвших нь дан ганц илүүдэл жингээс салах, идэвхтэй байх зэргээс гадна нуруу, нугасны бат бөх, уян байдлыг хадгалахад чухал үүрэгтэй.
-Үе мөчөө тослох : Загасны тос, сүүлний тос мөн нэмэлт бүтээгдэхүүнүүд үенд тустай.
-Биеэ цэх байлгах: Бид биеэ цэх байлгахыг тэр бүр ойшоодоггүй. Гэвч биеэ сууж, алхаж байх үедээ цэх, бөгтийлгүй байж сурах нь биеийн жингийн ачаалал нурууны дагуу жигд хуваарилагдахад тустай.
Нурууны булчингаа хөгжүүлэх: Тогтмол дасгал хөдөлгөөн хийснээр таны нурууны булчингууд уян, бат бөх болж хөдөлгөөнд тань саад учруулахааргүй, ачааллыг даахаар болно.
-Сунгалтын дасгал хийх: Хөнгөн хэлбэрийн сунгалтын дасгалуудыг тогтмол хийх, иогоор хичээллэх зэрэг нь нурууны үе мөчний уян хатан байдалд тустай.
-Илүүдэл жингээ хасах: Жингийн илүүдэлтэй байх нь нуруунд өгөх ачааллыг нэмэгдүүлдгээс гадна, нурууны суулт үүсгэх гол шалтгаан болдог.
-Ороо зөв сонгох: Шөнийн турш бидний биеийг амрахад туслах зүйл бол гудас, матраасаа зөв сонгох явдал юм. Нурууны тэгш байдлыг хадгалахад хамгийн тохиромжтой ор бол хэт хатуу биш, хэт зөөлөн биш гудастайг сонгох нь зүйтэй. Мөн нурууны үеийн хэвийн байдлыг хадгалахад бидний унтах байрлал чухал тул дээш харан унтахыг зөвлөж байна.
-Нурууны бариа засал хийлгэж байх: Бариа болон нөхөн сэргээх зориулалтын дасгалууд нугалмын үе холбооснуудыг чангалж өгдөг.
-Оффисын сандлаа зөв сонгох: Хөдөлгөөнгүй, урт цагаар суунги ажиллах нь нурууны суулт үүсэх томоохон шалтгаан болдог бөгөөд үүнийг шийдэх хамгийн энгийн зүйл бол суух сандлаа өөрийн ширээний өндөртөө тааруулан сонгох явдал юм.
-Хүнд зүйл өргөхгүй байх: Нуруу нь өвддөг хүмүүс гам сайн барих ёстой. Тухайлбал, хүнд зүйл өргөхдөө бусдын тусламжийг хүсэж ганцаараа ямар нэг хүнд юм өргөж болохгүй. Нуруу ууц болон дороосоо даарахгүй байх нь чухал.
-Нуруунд тулгуур болох бүс зүүж, хэвлийн булчинг чанга байлгах ёстой. Хэвлийн булчин сул байх тусам нуруунд ачаалал ихэсдэг.
