05/04/2026
Манай байгууллага нь Монгол Улсын Үндсэн хууль, хууль, Олон улсын гэрээгээр баталгаажсан “Эрүүдэн шүүх болон бусад хэлбэрээр хэрцгий, хүнлэг бусаар буюу хүний нэр төрийг доромжлон харьцаж шийтгэхийн эсрэг конвенц”-ийн хэрэгжилтийн хүрээнд 2025 оны 10 сарын 1-ээс 2026 оны 4 сарын 30 хүртэл хугацаанд Швейцарын Женев хотод байрлалтай НҮБ-ын Эрүүдэн Шүүхийн Эсрэг Конвенцийн хэрэгжүүлэгч байгууллага болох "Эрүүдэн шүүхээс урьдчилан сэргийлэх нийгэмлэг"(Association for the Prevention of Torture (APT)) болон МУ-ын Эрүүдэн шүүхээс урьдчилан сэргийлэх үндэсний ажиллагаатай хамтран ажиллах гэрээгээр “Эрх чөлөөгөө хязгаарлуулсан хүний Хамгаалалтын хүртээмж, түүний Монгол Улсын эрүүгийн эрх зүйн тогтолцоон дахь практик хэрэгжилтийн байдал”-н суурь судалгааг хийж байгаа болно.
Энэхүү суурь судалгааг Бразил, Чили, Габон, Малайз, Мадагсгар, Мауритани, Монгол, Сенегал, Өмнөд Африк, Тайланд, Того, Уругвай улсуудад APT-ийн техникийн болон санхүүгийн дэмжлэг, ижил арга аргачлал, стандартаар гүйцэтгэж байгаа юм.
Эрх чөлөөгөө хязгаарлуулсан хүний эрх зүйн хамгаалалтын хүртээмжийн хүрээнд Өмгөөлөгчийн туслалцаа авах, Гэр бүлийн гишүүддээ баривчлагдсан тухайгаа мэдэгдэх, Эрүүл мэндийн(эмнэлгийн) тусламж, үйлчилгээ авах, Шүүхийн өмнө боломжит богино хугацаанд хэргээ шийдвэрлүүлэх эрхүүдийн хэрэгжилтийн байдлыг судлах юм
“Эрх чөлөөгөө хязгаарлуулсан хүний Эрх зүйн хамгаалалтын
хүртээмж, түүний практик хэрэгжилтийн байдал”-н талаарх
суурь судалгааг Ховд, Говь-Алтай, Баянхонгор аймгуудад
хийгээд ирлээ
Сэтгэлзүйн мэдрэмж, ТББ-ын судалгааны баг Ховд, Говь Алтай аймгуудын ШШГГазарт ажиллаж, судалгаа хийлээ
