01/09/2025
ДОТНО ШИМЭГЧГҮЙТГЭХ ҮЙЛДЭЛТЭЙ КХ – АЛБЕНДАЗОЛ ПЛАС ХӨВМӨЛИЙГ ХЭРЭГЛЭХ ЗААВАР
1. Эмийн нэр:
Олон улсын нэр, эсвэл химийн нэршил: АЛБЕНДАЗОЛ (ALBENDAZOLE)
Худалдааны буюу патентын нэршил: КХ – АЛБЕНДАЗОЛ ПЛАС (KX – ALBENDAZOLE PLUS)
2. Эмийн олон улсын ангилал (АТСvet code): QP52
3. Найрлага, хэмжээ, эмийн хэлбэр, савлагаа:
3.1. Найрлага, хэмжээ
1 мл цийдмэгт
Албендазол (гол үйлчлэгч) 100 мг
Ивермектин (гол үйлчлэгч бодис) 2 мг
Зэсийн сульфат (гол үйлчлэгч бодис) 2 мг
3.2. Эмийн хэлбэр: Амаар олгох цийдмэг
3.3. Савлагаа: 1000 мл
4. Үйлдлийн механизм:
Альбендазол нь мал амьтанд шимэгчлэгч хорхойн эсийн доторх тубулин уураг бүрэлдэн хэлбэржих явцыг саатуулснаар авгалдай болон бие гүйцсэн хорхойн бүрхүүлийн болон гэдэсний эсийн бүтэц эвдэрнэ. Мөн албендазол нь эсийн доторх митохондри, эндоплазмын торын ажиллагааг алдагдуулах замаар лизоцимын ялгаралтыг хэт ихэсгэж гельминтийн амьдрах энергийн эх үүсвэр болох АТФ (гурван фосфорт аденазин)-ийн нийлэгжилтийг бууруулж, мөн глюкозыг эсийн дотогш тээвэрлэдэг уургийн үйл ажиллагааг саатуулсанаар том молекулт нэгдэл болох глюкозыг эсийн дотогш нэвтрэх процессыг саатуулсанаар шимэгч хорхойг үхэлд хүргэнэ. Мөн ивермектин нь шимэгчдийн мэдрэлийн эсийн синапсын өмнөх хэсгийн уургийн нийлэгжилтэд оролцдог глютамины хүчилтэй очиж холбогдсоноор эсийн мембран дээрх хлоридын сувгийг нээж эсээс дотогш орох хлоридын ионы урсгалыг нэмэгдүлж эсийг хэт туйлшруулан мэдрэл дамжуулалтыг саатуулах замаар шимэгчдийг саажилт болгон үхэлд хүргэдэг. Зэсийн сульфат нь шимэгчийн уурагтай нэгдэж тунадас үүсгэдэг бөгөөд ингэсэнээр шимэгчийн ферментийг идэвхгүй болгож, шимэгч, шавжийг устгах нөлөөтэй.
5. Хэрэглэх заалт:
Бүх төрлийн бог, бод мал болон гахайн гемонхоз, трихостронгилез, буностомоз,
нематод, таениаз, трематод, акиридоз, хабертиоз, диктокаулез, мюллериоз, цистокаулез, фасциолез, метастронгилез, мониезозын эсрэг, эмчлэх, урьдчилан сэргийлэх зорилгоор хэрэглэнэ.
6. Хэрэглэх арга:
Албендазолыг адуу, үхэрт 20 кг амьдын жин тутамд 1 мл, хонь, ямаанд 10-20 кг амьдын жин тутамд 1 мл, гахайд 5-10 кг амьдын жин тутамд 1 мл оногдохоор тус тус тооцож зориулалтын эм олгогчоор амаар олгоно. Урьдчилан сэргийлэх зорилгоор улиралд нэг удаа олгоно. Эмчлэх зорилгоор улиралд 1 удаа олгохоос гадна 7 хоногийн зайтай давтан 1 удаа олгож болно.
7. Гаж нөлөө:
Хээлийн эхэн үед хэрэглэх нь үр хөврөлд сөрөг нөлөөл үзүүлэх эрсдэлтэй. Гаж нөлөө илэрсэн тохиолдолд эмчилгээг зогсоож, хордлого тайлах эмчилгээ хийнэ.
8. Хориглох заалт, бусад эмтэй харилцан үйлчлэл:
Эмийг мал, амьтны хээл тээх эхний 45 хоногт хэрэглэж болохгүй. Сүүг хүнсэнд хэрэглэдэг саалийн үйд хэрэглэж болохгүй. Тунг хэтрүүлэн хэрэглэхийг хориглоно.
9. Биеэс гадагшлах хугацаа:
Албендазолоор хамгийн сүүлд эмчилгээ хийснээс хойш 35 хоногийн дараа мах, сүүг хүнсэнд хэрэглэнэ.
10. Хадгалах, тээвэрлэх нөхцөл: Хуурай, сэрүүн, нарны шууд тусгалгүй газар хадгална. Эмийг битүүмжилж бүх төрлийн тээврийн хэрэгслээр тээвэрлэнэ.
12. Хүчинтэй хугацаа: 3 жил
Анхааруулга: Хүүхэд хүрэхгүй газар хадгалана.
13. Үйлдвэрлэгч, хаяг, холбоо барих:
Үйлдвэрлэсэн улc: Хятад улс
Үйлдвэрлэгчийн нэр: Hebei Kexing Pharmaceutical CO.,LTD үйлдвэр
Импортлогч АА-н нэгжийн нэр, хаяг, холбоо барих утасны дугаар, Е-мэйл: Төхөм Хайрхан ХХК, ХУД-ийн 19-р хороо, Оранж хотхон, 63-1. 99019814, 88883418
