24/06/2025
🌡 Яагаад хүн наршдаг вэ? Ялангуяа 0–5 насны хүүхдүүдэд нарших эрсдэл маш өндөр байдаг.
-Хэт халуун орчинд удаан байх.
Нарны туяанд удаан байвал биеийн дулаан нэмэгдэж, бие өөрийгөө хөргөж чадахаа больдог.
-Шингэний дутагдал.
Халуун үед их хөлөрч, ус, эрдэс бодис алдагддаг. Ус уухгүй бол биеийн температур улам өснө.
-Хөлөрч хөргөх механизм ажиллахгүй болох
Усгүйдэл, хэт халуун агаарын нөлөөгөөр хөлс ялгарч чадахгүй болж, бие хөрч чадахгүйд хүрдэг.
-Шууд нарны тусгалд толгой, хүзүү өртөх.
Толгой, тархи руу чиглэсэн халуун нарны туяа мэдрэлийн системийг хямрааж, толгой өвдөх, ухаан балартах зэрэг шинж үүсгэнэ.
-Зориулалтын малгай, хамгаалалтгүй байх
Малгай, нүдний шил, нимгэн хувцасгүйгээр гадаа удаан байвал эрсдэл нэмэгдэнэ.
Зуны халуунд эрүүл мэндээ хамгаалъя! Нарших нь гэнэт, ноцтой шинж тэмдгээр илэрдэг. Доорх зөвлөмжүүдийг дагаж урьдчилан сэргийлээрэй.
1. 11:00–16:00 цагийн хооронд нарны шууд тусгалаас зайлсхийх
2️. Малгай, нарны шүхэр, нарны шил заавал хэрэглэх
3️. Нимгэн, цайвар, хөвөн даавуун хувцас өмсөх
4️. Ус, шингэн зүйл тогтмол уух (ялангуяа хүүхэд, ахмад настанд)
5️. Хэт халсан машин, өрөөнд удаан байлгахгүй байх
6️. Халуун үед биеийн хүчний ачааллаа тохируулж, амралт авах
7️. Нарших шинж илэрвэл даруй сэрүүн газар оруулж, ус уулган, эмчид хандана уу.
