Хуяг-Очирын Мөнгөнцэцэг Munguntsetseg Khuyag-Ochir

10/04/2026

04/04/2026

Амралтын өдрийн өглөөний 07.00 цаг

Улаанбаатарын аль нэгэн кофе шопт Академик анагаахын англи хэлний хичээлээ заагаад, бас шавь нараасаа суралцаад сууна.

💕 2026 оны хаврын ангид маань энэ жил Хүүхдийн эмчийн ангиа дүүргэж буй хөөрхөн 3 охин бий.

Өөрийн танилцуулга эссенээс нь…

✍🏻 “Би яагаад энэ мэргэжлийг сонгож суралцсан бэ? Би яг ямар эмч болохыг хүсэж байна бэ? Би хийсэн хичээсэн бүхнээсээ өөрийгөө олох гэж хичээж явна”.

🥰 “Өөрийгөө хайрлахын үнэ цэнийг өдөр бүр ойлгож байна. Эрүүл шим тэжээлтэй хооллож, дасгал хөдөлгөөн өдөр бүр хийхийн ашиг тусыг ойлгож хэрэгжүүлэхээр хичээж байна”.

🙌 “Сэтгэцийн эрүүл мэнд, сэтгэл хөдлөлөө танин мэдэхийн тулд иогагаар хичээллэж, марафонд бэлдэж байна. Бас найзтайгаа хамт номын клуб эхлүүлж бусадтай танилцаж ярилцаж сонсож байна”.

Бидний одоо л ойлгохыг хичээж байгаа бүхнийг 20-хон насандаа ойлгоод үйлдэл хийгээд эхэлсэн байна гэхээр үнэхээр баяр хүргэмээр бас бахархам байна.

📚Англи хэл эзэмших зорилгоор нэгдсэн бид

-Амьдралын философи;

-Өөрийн оюун дүгнэлт;

-Өөрийгөө хайрлах;

-Өөрийгөө анзаарах, ойлгох гэх мэт цөөнгүй сэдвээр хэл шинжлэлээс халина шүү дээ.

Хальж хадуурахдаа англи хэл дээр аль чадахаараа 10 өгүүлбэр бичнэ, өөрийн үгээр 10 өгүүлбэр холбож хэлнэ дээ.

Аргыг нь олбол англи хэл амархан.

03/04/2026

Өдрийн мэндээ!

Маргааш өглөө 07.00 цагт эхлэх “Анагаахын англи хэлний сургалт”-даа цөөн суралцагч нэмж бүртгэнэ.

Зун элсэлт авахгүй тул 2026 онд хүсэл мөрөөдлөө биелүүлж, хамтдаа ахиж дэвшихийг хүсвэл бидэнтэй нэгдэхийг урьж байна.

Удахгүй уулзацгаая!

02/04/2026

Сургуулийн номын санд амьдарсан 2 жил минь…

АНУ-ын Зүүн эрэг, Хойд Каролинагийн Их Сургууль, Чапел Хилл хот, Гиллингс Олон Улсын Нийгмийн Эрүүл мэндийн сургуулийн 2 давхрын номын сан.

Хором мөч бүр эрдэмд шамдсан эргээд дурсахад гоё сэтгэл дүүрэн бас багахан сэтгэл зовнилтой өдрүүд минь (Монгол хүн, Фулбрайт тэтгэлгээр суралцаж байгаа монгол эмч гэж л хичээнэ шүү дээ. Мөнгөнцэцэг биш).

Төрөхийн өмнөх, төрсний дараах амралттай ээжүүд цөөнгүй холбогдож хэлний сургалт сонирхдог, хамрагддаг. Бас уулзаж кофе ууж ярилцмаар байна танд цаг байна уу гэж холбогддог юм. Аль чадахаараа асуултанд нь хариулж цаг гаргаж уулзахыг хичээдэг.

Бага маань ээжийнхээ миний хүсэл мөрөөдлийг биелүүлэхэд тусалсан юм.

Яг 10 жилийн өмнө төрөхийн өмнөх амралтаа авахдаа хоёр зүйлийг бодож байв.

📚 Амралтын мөнгө ормогц UpToDate нэг жилээр худалдаж аваад сайхан уншина даа.

✍🏻 Төрсний дараа биеэ сайн тэнхрүүлж амарч байгаад IBT-ээ өгнө дөө. Тестээ өгчихөөд эссегээ бичээд Фулбрайтад өргөдлөө өгнө.

🧑🏻‍💻UpToDate-гээ өдөр бүр ухсан уншсан судласан. Үр шим ашиг тусыг нь зөвхөн би биш, надаар UpToDate заалгасан эмч бүр хүртээд явж байна.

👏 IBT өгсөн, эссегээ аль чадахаараа бичсэн, өргөдлөө илгээсэн, хөтөлбөртөө сургуульдаа тэнцсэн, төгссөн.

🥰 Энэ сайхан сургуульд суралцсан хором мөч бүрийг хэд дахин үржүүлсэн ач тусыг нь өдөр бүр өөрөө, өөрөөрөө дамжуулан өрөөлд аль чадахаараа дамжуулаад явж байна.

🤰🏻🤱🏻 Удахгүй шинэ хүнээ хүлээж авах гээд догдлон хүлээж буй, шинэ хүнтэйгээ уулзаад тун завгүй байгаа бүсгүйчүүддээ хэлэхэд:

-Амьдралын хамгийн жаргалтай өдрүүдээ хором мөч бүрийг нь мэдэрч жаргаарай!

-Өөрийгөө хайрлаарай! Хэцүү бол заавал бусдад мэдэгдээрэй! Тусламж аваарай! Ганцаараа биш шүү!

-Хонгор бяцхан үрээ аль болох удаан нүцгэн энгэр дээрээ нүцгэлж тэврээрэй! Аз жаргал, хайрын даавраа аль болох ихээр ялгаруулаарай!

-Өөрийнхөө төлөө, хүсэл мөрөөдлийнхөө төлөө зоригтой алхам үйлдэл хийгээрэй!

-Өөрийнхөө талаар цаг гаргаж бодоорой! Хүүхэд насаа, хүүхэд залуу насны хүсэл мөрөөдлөө эргэн нэг санаарай!!!

Аз жаргал хүсье! 💕

27/03/2026

Оройн мэндээ!
Маргааш эхлэх Academic Medical English ангидаа цөөн хүн нэмж бүртгэнэ.
Англи хэлийг хичээлдээ дурлаж, хийж байгаадаа жаргаж, ухаалгаар суралцахыг хүсвэл холбогдоорой!

18/03/2026

🎉 Сайхан хаваржиж байна уу?


🙋‍♀️ 2026 оны СУРАЛЦАХ, ӨӨРТӨӨ ХӨРӨНГӨ ОРУУЛАЛТ ХИЙХ ЖАГСААЛТАА ХИЙЖ ХЭРЭГЖҮҮЛЖ ЭХЭЛСЭН ҮҮ?

🙌 Англи хэлийг эзэмшиж, ашиглаж, ажил мэргэжил, ахуй амьдралаа дээшлүүлэх зорилгоо ХАМТДАА БИЕЛҮҮЛЭХ ҮҮ?

Эсвэл хэзээ ч “биелдэггүй, бүтдэггүй” хүслийн жагсаалтандаа байлгасаар байх уу?

Маргааш, нөгөөдөр, дараа, тэгж байгаад, боломжтой үедээ л болно доо гэж хойшлуулсаар байх уу?

✅ Боломжийг ТА өөрөө бүтээж
ЯГ ӨНӨӨДӨР, ЯГ ОДОО эхлэхгүй бол
БОЛОМЖ ХЭЗЭЭ Ч ӨӨРӨӨ бий болохгүй!!!

👩🏻‍⚕️🧑🏻‍⚕️👨🏻‍⚕️ Эмч, эмнэлгийн мэргэжилтэн ТА мэдэхгүй чадахгүй байгаагаасаа бүү санаа зовж нэрэлхээрэй, ичээрэй!

Бидний ганц хэрэггүй зан мэдэхгүй чадахгүйгээсээ ичиж нэрэлхэх; нэг нэгэндээ атаархах.

Илүү суралцаж байгаа, мэдэж байгаа, ажиллаж бүтээж байгаа нэгэндээ сайхан баяр хүргээд хамтдаа хөгжиж хамтдаа урагшилбал хичнээн сайхан.

Мэддэг ч юм шиг мэдэхгүй ч юм шиг яваад л байдаг.

Бодит байдалтайгаа нүүр туулж мэддэг бол өдөр бүр хэрэглэж үр шимээ хүртээд, мэдэхгүй бол мэдэхгүйгээ эртхэн хүлээн зөвшөөрч, мэдэх сурах чиглэл рүүгээ явах нь зөв.

👏 Мэдье, суръя, чадъя, хичээе гэж хүссэн ХҮН БҮРТ СУРГАЛТ МААНЬ НЭЭЛТТЭЙ.

📚 ХӨТӨЛБӨР:

✍🏻 12 долоо хоногийн эрчимжүүлсэн хөтөлбөр

Яг 12 долоо хоног буюу 3 сарыг зоригтойгоор, зорилготойгоор өөртөө, хичээлдээ цаг гаргаж хичээж суралцах хүнтэй хичээллэнэ.

Суралцагч хичээлээ хийхгүй, хичээхгүй бол сургах гэж хичээж байгаа надад амтгүй, үр дүнгүй, урамгүй байдаг юм.

👆🏻Таны түвшинг тогтоож, та юу сурахыг, ямар чадвараа илүү сайжруулах шаардлагатай байгаа дээр үндэслэн сургалтын хөтөлбөрөө хамтдаа боловсруулна.

Мэдээж нотлогдсон, боловсорсон жишиг хөтөлбөр бий.

✍🏻 Энэ хөтөлбөрөөр хүүхэд, эх барих эмэгтэйчүүд, дотор, зүрх судас, хоол боловсруулах, уушги, мэс засал, чих хамар хоолой, хавдар, мэдээгүйжүүлэг эрчимт эмчилгээ, арьс гоо засал, нүд, сэргээн засах, эмзүй, уламжлалт, халдварын сэргийлэлт, бичил амь судлал гэх мэт цөөнгүй салбарын эмч, эмнэлгийн мэргэжилтнүүд амжилттай, олз омогтой, оюун дүгнэлттэй суралцаж төгсөөд дараагийн аяллаа амжилттай эхлүүлж байгаад баярлаж байна.

📚 Хичээл 7 хоногт 1 удаа 3 академик цагаар буюу 120 минутаар ажлын бус цагаар хичээллэнэ.

💕 За жоохон хичээвэл, зөв арга замаар хичээвэл чадахгүй, мэдэхгүй, сурахгүй зүйл гэж огтоос үгүй шүү.

За маш товчхон бичнэ гэсэн нуршчихлаа. Хэрэгтэй хүн нь анхаарч уншина биз.

Аз жаргал хүсье!

13/03/2026

🎉 АРГЫГ НЬ ОЛБОЛ АНГЛИ ХЭЛ ЭЗЭМШИХ АМАРХАН

👍 Хэлийг зөвхөн авьяастай, боломжтой нь биш ХҮН БҮР:
Зөв сэтгэл, зөв аргачлал, зөв дадлаар төгс сайн эзэмших бүрэн боломжтой.

❓Бид өдийг хүртэл чадлаараа хичээсэн, суралцсан мөртлөө яагаад C1-С2 буюу ахисан түвшинд хэрэглэж чадахгүй байна???

📚 Хэл сурах, эзэмших бол цогц үйл явц.

💕 “Чин хүсэл+Эерэг зөв сэтгэл+Зөв нотлогдсон аргачлал+Зөв дадал+Тууштай байдал+Явцын бодит үнэлгээ+Стратеги төлөвлөлт+Дэмжлэг”

Энэ бүгдийг бүрдүүлэх хялбар биш ч боломжгүй зүйл биш.

📚 Манайхан уншдаг, уншснаа маш сайн ойлгодог.

🦻Сонсдог, сонссоноо хагас хугас ойлгодог.

🗣️Ярихыг хүсэвч өгүүлбэр гардаггүй.

✍🏻Бичихийг хүсэвч бичиж чаддаггүй.

🧑🏻‍🎓👩‍🎓👨🏻‍🎓 Хэл сурахад, бусад зүйлсийг суралцахад ч:
Оролт /input/
Гаралт /output/ гэсэн ойлголт бий.

✅ Өөрийн тархиндаа орсныг буюу уншсан сонссоноо, өөрийн болгож өөрийн өгүүлбэрээр бичиж, бас өөрийн үг өгүүлбэрээр ярьж гаргахгүй бол хэл хэзээ ч таных болохгүй.

🙌 Яаж ч хичээгээд ярьж чадахгүй байгаа, ярих гэж оролдсон ч нэг л арга эвээ олохгүй байгаа, ярихаас бусдыг нь чаддаг бол бидэнтэй нэгдэж хамт суралцаарай, ярилцаарай!!!

🤗 АНГЛИ ХЭЛЭЭР ярьж сурахыг хүссэн хүн бүрт нээлттэй.

🥰 Удахгүй эхний хичээл дээрээ баяртайгаар уулзацгаая!

Бүртгэлийн тоо хязгаартай тул эртхэн суудлаа баталгаажуулаарай!

11/03/2026

👩🏻‍⚕️🧑🏻‍⚕️👨🏻‍⚕️ Эмч нарын баярыг тохиолдуулан
2026 оны 3 сарын ЖУРНАЛ КЛУБ-ээ

“ХАМТДАА СУРАЛЦЪЯ, ХАМТДАА ХӨГЖЬЕ, ХАМТДАА УРАГШИЛЪЯ” уриатайгаар зохион байгуулж байна.

🥰 Уулзалтын урилгыг маань хүлээн авч өөрсдийн ойлгосон мэдсэн бүхнээ мэргэжил нэгт эмч нартайгаа чин сэтгэлээсээ харамгүй хуваалцахыг зөвшөөрсөн үе тэнгийн залуу эмч нартаа дахин талархал илэрхийлье!!!

👏”Би би би биш, бид бид бид болсон цагтаа бид илүү хурдан, илүү хүртээмжтэй, илүү зөв замаар хөгжинө” гэдэгт итгэдэг.

Энэ итгэлээрээ өчүүхэн мэдлэг, туршлагаа харамгүй хуваалцахыг хичээдэг.

📚Энэ удаагийн ЖУРНАЛ КЛУБЭЭ бид мэргэжлийн сэдвээр бус
ХИЙМЭЛ ОЮУНЫ ҮСРЭНГҮЙ хөгжлийн эринд хорвоо дэлхийтэй хөл нийлүүлэн хөгжихөд хэрэг болох:

✅ ЗӨӨЛӨН УР ЧАДВАРУУД
✅ ОЛОН УЛСАД ЭМНЭЛЗҮЙН СУРГАЛТ, ДАДЛАГАД ХАМРАГДАХ БОЛОМЖ
✅ МОНГОЛ ЭМЧИЙГ ДЭЛХИЙТЭЙ ХОЛБОХ ГҮҮР-АНГЛИ ХЭЛ АРГЫГ НЬ ОЛВОЛ АМАРХАН
✅ ОЛОН УЛСЫН ТҮВШИНД ЭЕРЭГ ХАРИЛЦАА ХОЛБОО ТОГТООЖ СУРАЛЦАХ,АЖИЛЛАХ БОЛОМЖ
✅ОЛОН УЛСЫН УДИРДАМЖИЙГ ЭМНЭЛЗҮЙН ПРАКТИКТАА АШИГЛАЖ, ТУСЛАМЖ ҮЙЛЧИЛГЭЭГЭЭ САЙЖРУУЛАХ
сэдвийн хүрээнд ярилцаж, хэлэлцэх болно.

🙌 Амралтын өдрийн өглөө эрт мэргэжил нэгт эмч нартайгаа танилцаж, ярилцаж, хэлэлцэхийг хүсвэл бидэнтэй нэгдэхийг урьж байна.

📆 2026.03.22-ны Ням гараг 09.30-11.30

👆🏻Суудлын тоо хязгаартай тул эртхэн бүртгэлээ баталгаажууларай!

💕 Удахгүй баяртайгаар уулзацгаая!

📲 8807-9249

11/03/2026

Марттай амралтын өдрүүдэд бид “Mid-semester self reflection” хичээлээ орлоо.

👍Self reflection буюу Өөрийн оюун дүгнэлтийг үе үе, давтамжтайгаар, зориудаар хийж байх хэрэгтэй санагддаг.

Бид өдөр бүр өөрийн чадлаар хичээгээд л сураад л, яваад л, гүйгээд л, ажиллаад л, амьдраад л байдаг.

Яг тогтож суун өөрийгөө мэдэрч, асууж, сонсож, анзаардаг бил үү???

💕 Өөрийн оюун дүгнэлт өөрт ч өрөөлд ч их ач тустай.

Аль болох ойрхон хийхийг хичээж байгаа.

Дотны хүн маань “Хийцгүйрч кофе шопт л суусан хүн байх юм. Шал дэмий зорилгогүй сууж байхаар ар гэртээ, ахуй амьдралдаа, ажил төрөлдөө анхаараач!” гэнэ.

Хариулт нь “Өөрийн оюун дүгнэлтээ хийж байгаа юм” гэж хэлье дээ.

👭 Эмэгтэйчүүдийн эрхийг хамгаалах өдөр өөрийнхөө төлөө, өөртөө цаг гаргаж,
аз жаргалтайгаар Англи хэлний хичээлээ хийсэн үнэхээр супер бүсгүйчүүддээ дахин баяр хүргэе! Үнэхээр их бахархаж бас талархаж байна.

Монгол охид бүсгүйчүүд бид үнэхээр супер эмэгтэйчүүд шүү!

Олон олон үүрэг хариуцлагын хажуугаар өөрийгөө хайрлахаа бүү мартаарай!

Хичээлийн дүгнэлтээр та нараасаа урмын сайхан үг, магтаал, ерөөл сонссондоо дахин талархъя. Надад илгээсэн сайхан ерөөлийг та нартаа илгээж байна.

🎂Та нартайгаа хамт баярын бялуугаа идэж, аяга кофе уунгаа сэтгэлээ онгойтол ярилцах, инээлдэх үнэхээр сайхан байлаа.

🥰 Вискитэй кофе, алкоколгүй оргиулуун дарсаар дайлж, чамин түлхүүрийн оосор бэлэглэсэн та нартаа баярлалаа!

27/02/2026

Хэсэгхэн ч гэсэн азнаад, зогсоод, анзаарахыг хичээж явна.

Ядаж 7 хоногтоо нэг удаа, за амжихгүй их ажилтай бол сардаа нэг удаа гав ганцаараа суух, бодох, зүгээр л гиюүрэх, хийцгүйрэх, ганцаардах дуртай. За юу гэж ч хэлж болно.

Хэтэрхий завгүй амьдралд хаа нэгтээ төөрч будилаад яваа хөөрхий оюун бодлоо эргүүлдэг гэх юм уу.

Англи хэлний хичээл дээрээ бид хичээлээс хичээл, даалгавраас даалгаврын хооронд “Self reflection essay”-г утсаа унтрааж байгаад бичдэг юм.

Өнөөдөр өглөө сэрүүлгээ сонсолгүй хичээлээсээ хоцорсон ч “Self reflection essay”-гээ тайван сайхан сууж байгаад бичсэндээ талархаж сууна.

Өнөөдөр миний бичсэн эссэ:

❓ Яг өнөөдрөөс аль чадлаараа аль сайнаараа хичээхэд 5 жилийн дараа хаана юу хийж байх вэ?

❓Яг өнөөдөр юу ч байхгүй болоход маргааш юу хийх вэ?

❓Мөнгө төгрөг хамаагүйгээр хүссэнээ хийх боломж гарвал юу хийх вэ?

Та ч гэсэн энэ амралтын өдрүүдэд бичээд үзээрэй!

💕 Аз жаргал хүсье!

“Sometimes you need to step outside, get some air, and remind yourself of who you are and who you want to be.”

25/02/2026

Танхимын хичээлийн цагаасаа 5 дахин илүү хугацааг суралцагчдынхаа даалгавар, self-reflection essay-г унших, засах ба академик ур чадварын үнэлгээ хийхэд зарцуулдаг.

“Ашгүй дээ нэг англиар ярих боломж гарлаа даа” гэж баярлаж ярианы дадлагаа хийдэг, Анагаахын англи хэлний хичээлийн даалгавраа чин сэтгэлээсээ хичээж, яарч, шимтэж, хүсч хийдэг болохоор би ч гэсэн суралцагч-эмч, эмнэлгийн мэргэжилтний даалгавар дээр жаргаж ажилладаг юм.

Багш нь ч хичээж, сурагч нь ч ахиж хамт хөгжиж байгаадаа талархаж байна.

16/02/2026

👶🏻👧👦 Хүүхэд насны эерэг, сөрөг бүхий л туршлага бидний насан туршийн амьдралд өдөр бүр, цаг бүр, хором бүр шууд нөлөөлдөг.

Биеийн ба сэтгэцийн эрүүл мэнд; суралцах, ажиллах ба бусадтай харилцах чадвар; аливаа өөрчлөлтөнд дасан зохицож өөрчлөгдөх ба асуудал бэрхшээлийг даван туулах чадвар, хорт зуршил, зан үйл гэх мэт нөлөөлөхгүй зүйл гэж үгүй.

Товчоор хүүхэд нас, бага балчир нас, нярай нялх үе буюу амьдралын эхний 1000 хоногийн туршлага бидний үлдсэн амьдралыг тодорхойлно.

🧑‍🧑‍🧒‍🧒 Эх эцэг бүр аль болох эрт мэдэж ойлгож аваасай!

👩🏻‍🏫🧑‍🏫👨‍🏫 Хүүхэдтэй ажилладаг багш, эмч, нийгмийн ажилтан, сэтгэлзүйч бүр маш сайн мэддэг, ойлгодог байгаасай гэж чин сэтгэлээ хүсдэг.

👍 Доорхи баримтат бүтээлийг цаг гарган үзэхийг зөвлөж байна.

✅ Энэ талаар илүү их мэдэхийг хүсвэл

📣 Шинийн 4-ний Бямба гарагийн өглөө болох

“БАГА НАСНЫ ХҮҮХДИЙН СЭТГЭЛЗҮЙН ГЭМТЭЛ, ГЭМТЛИЙН ДАРААХ ХАРИУ УРВАЛ, ХАМШИНЖ” сэдэвтэй
ЖУРНАЛ КЛУБТ хүрэлцэн ирэхийг урьж байна.

Resilience: The biology of stress and the science of hope.

https://youtu.be/49YZ2rn5R2M?si=11Gb7_YdIqCu4uLu

Researchers have recently discovered a dangerous biological syndrome caused by abuse and neglect during childhood. As the new documentary Resilience reveals,...