14/11/2025
📢📢🔥 "УРУУЛ ДОРДОЙВЧ ЭЛЭГ ДОРДОЙХГҮЙ"
АХ ЭГЧ ДҮҮСИЙН ЭВСЭГ НАЙРСАГ ХАРИЛЦААНЫ ЧАДВАРЫГ ХӨГЖҮҮЛЭХЭД БИД ДАРААХ ОНЛАЙН - БҮЛГИЙН СЭТГЭЛ ЗҮЙН ЗӨВЛӨГӨӨ ӨГӨХ ҮЙЛЧИЛГЭЭНДЭЭ ӨСВӨР НАСНЫХНЫГ СОНГОН УРЬЖ БАЙНА ... үнэ төлбөргүй
Хэзээ : 2025 оны 11 дүгээр сарын 17-ны 15:00-17:00 цагт болно.
Хэнд : 13-17 насныхан /20 оролцогч бүртгэнэ/
Хэлбэр: ОНЛАЙН
Нууцлал: Овог нэр, хаяг асуухгүй, нууц нэрээр дараах линкээр бүртгүүлж болно.
Бүртгэлийн линк: https://forms.gle/Sni8BTyd5cPo3HN4A
Ах, эгч, дүүсийн харилцаа, холбоо эвсэг байх нь хувь хүний сэтгэл зүй, гэр бүлийн тогтвортой байдал, нийгмийн харилцаанд олон талын эерэг нөлөөтэй. Үүнд:
✅ 1. Сэтгэлзүйн дэмжлэг нэмэгдэнэ
Хүндрэлтэй үед туслах, ойлгох хүнтэй байх нь стресс, түгшүүр, ганцаардлыг бууруулж, сэтгэл санааны тогтвортой байдалд дэмжлэг болно.
✅ 2. Өөртөө итгэх итгэл, аюулгүй мэдрэмж нэмэгдэнэ
Гэр бүлийн гишүүд харилцан түшигтэй байх нь өөрийгөө үнэ цэнтэй, хайрлагдаж байгаагаа мэдрэхэд тусалдаг.
Хүүхэд наснаас эхлэн итгэлцэл, харилцааны чадвар эерэг зохистой хөгжих үндэс болдог.
✅ 3. Зөрчилдөөн, гэр бүлийн стресс багасна.
Хариуцлага хуваалцах, бие биедээ туслах боломж нэмэгдэнэ.
Гэр бүлийн уур амьсгал эерэг болж, маргаан хурдан шийдэгддэг.
✅ 4. Нийгмийн чадвар болон харилцааны ур чадвар сайжирна
Ахан дүүгийн харилцаа хүнтэй хэрхэн ойлголцох, хүнд хандах, зөрчил зохицуулах анхны “сургалтын талбар” болдог.
Насанд хүрсэн хойно ажлын болон хувийн харилцаанд илүү уян хатан, ойлгомжтой болдог.
✅ 5. Эрүүл мэндийн үр нөлөөтэй
Судалгаагаар гэр бүлийн дэмжлэгтэй хүмүүс өвчлөх магадлал багатай байдаг.
Сэтгэлзүйн тогтвортой байдал нь биеийн эрүүл мэндийг хамгаалдаг.
✅ 6. Эдийн засгийн болон амьдралын явцад дэмжлэг болдог.
Хүнд үед (санхүү, өвчин, хүүхэд харах гэх мэт) түшиж болох хүнтэй байх нь амьдралын чанарыг сайжруулдаг.
Мэдээлэл, туршлага, боломжоо солилцох, нөхөх боломж.
✅ 7. Удам угсаа, зан заншил хадгалагдана
Гэр бүлийн түүх, уламжлал, үнэ цэнийг хамтдаа хадгалж, дараагийн үедээ уламжилна.
" УРУУЛ ДОРДОЙВЧ ЭЛЭГ ДОРДОЙХГҮЙ " ...
Ах, эгч, дүүсийн харилцааны зөрчил зөрөлдөөн нь даамжирсаар дарамт, хүчирхийлэл болдог.
Энэ асуудлыг эрт шатанд нь шийдэхгүй бол голт зүрхэндээ ортол гомдон шархалж, насан туршийн ан цав үүсч улмаар ахан дүүсийн эв нэгдэлд хуваагдал, тэмцэл зөрчил гүнзгийрч "тангараг тасрах", харилцан бие биенээ дэмжих харилцааны чанар чансаа суларч, үе удам доройтно.
Хүүхэд насандаа ах, эгч, дүүсийн зөрчил зөрөлдөөн, дарамтын нөлөөнөөс хүүхдэд дараах сэтгэл хөдлөл, зан үйлийн бэрхшээл үүсч болно. Үүнд
⛔️ Гэр орондоо тав тухгүй, тогтохгүй, дайжих,
⛔️ Өөртөө итгэлгүй, хүлцэнгүй эсвэл түрэмгий болох,
⛔️ Эсрэгцэх, анхаарал татах,
⛔️ Суралцах сонирхол буурах ,
⛔️ Хэрэгт төвөгт орооцолдох ,
⛔️ Үүрэг хариуцлагагүй болох улмаар амьдралынхаа зам мөрөө сонгох үедээ ямар нэгэн зүйлд донтох , зан үйлийн эрсдэлтэй, гомдол тээсэн , эрүүл мэнд , эрч хүчээ алдаж , ажил мэргэжлийн карьер нь бүтэлгүйтсэн хүн болоход нөлөөлж болзошгүй хортой үр дагавартай юм.
Өнөө цаг үед ахан дүүс хоорондын дарамт нь гэр бүлийн хүчирхийллийн ангилалд багтах бөгөөд байдаг л нэг зөрчил зөрөлдөөн биш хуулиар хориглосон үйлдэл юм.
Энэ асуудлыг хөндөж, хэрхэн зөрчлийг зөвшилцлийн аргаар шийдвэрлэж сурах, аюулгүй, эвсэг, бие биенээ дэмжиж ойлгосон, хүндэлж хүлээн зөвшөөрсөн, үүрэг хариуцлагаа хуваарилсан, найрсаг халуун дулаан харилцааг төлөвшүүлэх нь ах, эгч, дүүс, улмаар удам угсааны нэгдмэл, хариуцлагатай, хүчирхэг байдал, амьдралын чанарт шууд нөлөөлдөг билээ.
Энэхүү үйл ажиллагаа нь
Тусгайлан боловсруулагдсан аргачлалын лаборатори ажлын нэг хэсэг юм.
ЧИН СЭТГЭЛЭЭ НЭЭЖ , АХ, ЭГЧ, ДҮҮСИЙН САЙН САЙХАН ХАЙР, ХАРИЛЦААНЫ ТӨЛӨӨ ХАМТРАН АЖИЛЛАЦГААЯ 🤗
