Жигүүр төсөл / Jigur project Good habits-Great generation

07/12/2025

📣 Хэлэлцүүлэг болоход 1️⃣ хоног үлдлээ!

“ЭРҮҮЛ МЭНДИЙН САЛБАРЫН МАНЛАЙЛАЛД ТӨРИЙН БУС БАЙГУУЛЛАГУУДЫН ОРОЛЦОО”хэлэлцүүлэгт Та бүхнийг урьж байна.

Эрүүл Амьдралын Жигүүр ТББ-ын нийт гишүүд болон эрүүл мэндийн салбарт бидэнтэй төстэй чиглэлээр үйл ажиллагаа явуулдаг байгууллагууд, холбоод, нийгэмлэгүүд, эмч мэргэжилтнүүд та бүхнийг урихын ялдамд та бүхний оролцоо хамгийн үнэ цэнтэй байх болно!

🤝 Туршлага хуваалцъя
🔗 Танилын сүлжээгээ тэлцгээе
💡 Хамтын ажиллагааг эхлүүлье

26/10/2025

17/06/2025

17/06/2025

Маргаашнаас эхлэх ЭЕШ-д амжилт хүсэе. Байж болох бүхий л боломж бололцоог ашиглаад мундаг нь байгаарай!

14/03/2025

🏋‍♂️🏋‍♀️Та сэтгэлийн "фитнес" хийдэг үү?

Бид сэрүүн байх нийт цагийнхаа 47 орчим хувийг хийж байгаагаасаа өөр зүйл бодоход зарцуулдаг бөгөөд анхаарал сарнисан энэ үе нь аз жаргалын түвшинд сөргөөр
нөлөөлдгийг судалгаагаар тодорхойлжээ.
Эсрэгээрээ хийж буй зүйлдээ анхаарлаа
төвлөрүүлэх нь аз жаргалын түвшнийг нэмэгдүүлдэг байна.

Тэгвэл яаж одоодоо төвлөрч сурах вэ?

Орчин үеийн завгүй, хурдтай нийгэмд хүн бүрд зайлшгүй байх ур чадварын нэг бол бясалгал юм. Бие махбодоо галбиржуулж, чийрэгжүүлэхээр фитнест явж, дасгал хийдэгтэй адил оюун санааг одоод төвлөрөхөд сургах дасгал нь бясалгал. Сүүлийн үед бясалгалын олон төрлөөс mindfulness meditation буюу санамсрын бясалгал өргөн
дэлгэрч байна.

Санамсрын бясалгалын онцлог:

● Заавал завилж суугаад бясалгах шаардлагагүй бөгөөд “хооллох”, “суух”, “алхах” гэх мэтээр өдөр тутмын үйлдэлдээ хэвшүүлж болох энгийн дадал юм.
● Завгүй амьдралын хэв маягтай хэн бүрд тохирох бөгөөд өдөр бүр ердөө 10
минут зарцуулахад ч үр дүнтэй.
● Зөв, буруу гэсэн тусгай арга техник байхгүй, заалгаж сурдаг хэцүү зүйл биш
бөгөөд аливааг шүүмжлэлгүйгээр ажиглаж, хүлээн зөвшөөрөхөд л хангалттай.

Санамсрын бясалгалаар тогтмол хичээллэснээр:
● Анхаарал сарнилт 22%-аар буурсан
● Сэтгэл гутралын түвшин 46%-аар, сэтгэл түгшүүр 31%-аар буурсан
● Амьдралын сэтгэл ханамж 7.5%-аар өссөн
● Стрессийн түвшин 10%-аар буурч, нойрны чанар сайжирсан зэрэг үр дүн
гарчээ.

Санамсрын бясалгалаар хичээллэн, одоодоо төвлөрөхөд суралцаж сэтгэлийн “фитнес” хийгээрэй.

Жигүүр төсөл / Jigur project Good habits-Great generation төслийн Сэтгэлзүйн боловсролын хөтөлбөрийн хамтрагч Дадал хэвшүүлэгч HabiDo бэлтгэн хүргэв.

10/03/2025

✅Хэрхэн зөв бие засах вэ?

АНУ-ын эрдэмтдийн зөвлөснөөр өвдгөө дээш өргөн хагас суугаа байдлаар бие засах нь өтгөн хаталт, бүдүүн гэдэсний хорт хавдар болон бусад олон төрлийн өвчнүүдээс урьдчилан сэргийлдэг болохыг баталсан байна.

📍Биднийг бие засахад оролцдог хаагч булчин нь зогсоо байдалд бүрэн хаагддаг ба өвдгөө дээш өргөх үед бүрэн нээгддэг байна.
Орон сууцанд суултуурынхаа өмнө хөлийг дээш өргөн суух дурын зүйлийг байрлуулах боломжтой. Ингэж бие зассанаар бүдүүн гэдэсний хорт хавдраас сэргийлэх, түрүү булчирхайн үрэвслээс сэргийлэх, умай болон давсагны үйл ажиллагаанд сайнаар нөлөөлөх, өтгөн хатахгүй байх зэрэг олон давуу талтай юм.

📍Зөв бие засах зөвлөмж
1.Шээсээ тэвчиж болохгүй! Ариун цэврийн өрөө ойрхон байхгүй эсвэл түгжрэлд орсон үед шээсээ тэвчих шаардлага бидэнд үүсдэг ч шээсээ тэвчсээр байвал ноцтой нөлөөнүүд үүсэж болзошгүй.
2.Өтгөнөө тогтмол гаргах (аль болох өдөр бүр). Өтгөн хаталтын үед, таны давсагт даралт үзүүлж, давсагны үйл ажиллагаанд асуудал үүсгэж болзошгүй байдаг тул өдөр бүр өтгөнөө гаргаж буй эсэхдээ анхаарал хандуулж байгаарай.
3.Сууж шээх. Бид ихэвчлэн бохир эсвэл олон нийтийн ариун цэврийн өрөөнд суухаас зайлсхийж байх тохиолдол бий. Гэхдээ энэ нь таны бөөр шээс ялгаруулах системд сайн биш юм. Суухгүй шээх нь давсагт 1/3 шээсийг үлддэг болох нь шинжлэх ухааны үндэслэлтэй батлагдсан. Мөн аарцгийн булчин энэ байрлалд чангардаг тул шээсний урсгалд сөргөөр нөлөөлдөг.
4.Биеийн байрлалыг зөв байлга
5.Шээсийг Хүчээр Гарахыг Бүү Хичээгээрэй! Шээс үедээ хүчилж дүлж шээх нь давсагны булчинд хэт даралт үзүүлж, гэмтээж, шээс задгайрахад хүргэж, зарим тохиолдолд аарцгийн эрхтний унжилт хүртэл үүсгэж болзошгүй.
6.Аарцгийн булчингийн дасгал хийх. Аарцгийн хөндийн булчингаа сайжруулах тусгай дасгалууд олон талын ач холбогдолтой. Тухайлбал, Кегелийн дасгалууд нь эрүүл аарцгийн булчинг хадгалахад тустай.

✅Эрүүл мэндийн боловсролын хөтөлбөрийн хамтрагч Lenus Med LLC

26/02/2025

“Юу ч бодохгүй”, “Дахиж ингэж бодохгүй” гэж өөртөө амласан ч өөрийн эрхгүй бодол төрөх агшныг та анзаарч байсан уу?

🌕 Бясалгах үед “Юм бодоод болохгүй юм”, “Уйтгартай байна”, “Буруу хийгээд байх шиг” гэж бодогдвол та үйл явцаа шүүмжилж байгаагийн илрэл юм. Энэ тохиолдолд бодлыг өөрчлөх, шүүмжлэх шаардлагагүй. Учир нь бидний толгойд орж ирэх бодол бүрийг бид сонгож чадахгүй.

🌊 Бодлыг далайн давалгаатай зүйрлэж болно. Далайн давалгаа хааяа ширүүн, хааяа намуухан байж, үүсээд алга болдог ба давалгааг ширүүс, намс, давалгаалахаа боль гэж юу ч удирдаж чаддаггүй. Үүнтэй адил бодол оюун санаанд бидний сонголтгүйгээр янз бүрээр үүсээд замхардаг шинж чанартай.

✅ Дараагийн удаа бясалгах үед ямар нэгэн бодол төрвөл бодлоо зогсоох, өөрчлөх, өөр дээрээ хүлээж авах гэж хичээх хэрэггүй бөгөөд зүгээр л далайн эрэг дээр давалгааг харж сууж буй мэтээр анзаарахад л хангалттай. Далайн эрэг дээр сууж буй хүн давалгааг зогсоохыг оролдвол юу болох бол? Магадгүй живэх болов уу. Давалгааг үүсээд алга болж байгааг харахтай адил бясалгах үед бодлоо удирдах гэлгүй үүсээд алга болохыг нь ажиглаарай.

Жигүүр төсөл / Jigur project Good habits-Great generation төслийн сэтгэлзүйн боловсролын хамтрагч дадал хэвшүүлэгч .official бэлтгэн хүргэв.

21/02/2025

✅ Хөрөнгө оруулалтын сонголт хийхэд анхаарах зүйлс

Хөрөнгө оруулалтын зорилго, эрсдэлийн талаарх өөрийн хандлага, ямар хугацаанд хөрөнгө оруулах болон хөрөнгө оруулалтын үйл явцад хэр идэвхтэй оролцох хүсэлтэй байгаа зэргээ шийдсэн бол та дараах алхмыг хийх хэрэгтэй. Үүнд:

-Хөрөнгө оруулалтын төлөвлөгөө гаргах.
Та мөнгөө олон төрлийн хөрөнгө оруулалтад тараан байрлуулах, таны зорилго, хэрэгцээнд нийцсэн бодитой төлөвлөгөө гаргах хэрэгтэй.
-Хөрөнгө оруулалтаа сонгох.
Таны зорилго, төлөвлөгөөнд тохирох хөрөнгө оруулалтыг сонгох. Танд ямар төрлийн хөрөнгө оруулалт (хувьцаа, бонд ба/эсвэл үл хөдлөх хөрөнгийн) тохиромжтойг бодох нь чухал. Түүнчлэн шууд хөрөнгө оруулах уу, хөрөнгө оруулалтын санд хөрөнгө оруулах уу гэдгийг шийдэх нь зүйтэй.
-Хөрөнгө оруулалтын залилан, луйвраас зайлсхийх.
“Хурдан баяжих” хөрөнгө оруулалтын боломж гэсэн үгэнд бүү хууртаарай. Энэ нь луйвар байх магадлал өндөр бөгөөд та өөрийн бүх, эсвэл тодорхой хэмжээний мөнгөө алдахад ч хүргэж болзошгүй.

📍Таны хөрөнгө оруулалтын үнэ цэнэ буурахад (нэмэгдэхэд – заримдаа амжилттай сайн хөрөнгө оруулалт гэдэг нь тодорхой харагддаг) бэлтгэлтэй байгаарай. Гэвч үнийн гэнэтийн өөрчлөлтийн улмаас яарч шийдвэр гаргах хэрэггүй. Хэрэв та урт хугацааны хөрөнгө оруулалт хийсэн бол зах зээлийн өөрчлөлтийг мэдэрч, тухайн нөхцөлд тохирсон зөв шийдвэр гаргаж байх нь чухал.
📍Урт хугацааны хөрөнгө оруулалтын зорилго болон ирээдүйн талаарх төсөөлөлдөө тулгуурлан хөрөнгө оруулалтын шийдвэр гаргах хэрэгтэй. Өнгөрсөн хугацаанд тохиолдсон зүйлд тулгуурлан шийдвэр гаргаж болохгүй.
✅Cанхүүгийн мэргэжлийн зөвлөгөө нь таны эрсдэлд хандах хандлагаас шалтгаалан зорилгодоо хүрэхэд тань тусалж чадахуйц хөрөнгө оруулалтыг сонгоход тусална.Түүнчлэн хөрөнгө оруулалтын талаар алдаатай шийдвэр гаргахаас зайлсхийхэд санхүүгийн сайн зөвлөгөө танд тусална.
Эх сурвалж:www.sankhuugiinbolovsrol.mn
✅Санхүүгийн боловсролын хөтөлбөрийн хамтрагч

20/02/2025

🥚Бүх өндгөө нэг сагсанд бүү хий

Бүх өндгөө нэг сагсанд бүү хий. Өөрөөр хэлбэл, янз бүрийн салбарт хөрөнгө оруулалтын өөр өөр төрөлд мөнгөө тараан хуваарилах замаар хөрөнгө оруулах буюу мөнгөө нэг ижил чиглэлд хөрөнгө оруулахгүй байх нь зүйтэй. Үүнийг ТӨРӨЛЖҮҮЛЭХ гэнэ.

📍Үүний гол зорилго нь зарим хөрөнгө оруулалтаас хүлээсэн алдагдлыг амжилттай хөрөнгө оруулалтын ашиг, орлогоор нөхөх боломжийг бүрдүүлэхэд оршино. Өөрөөр хэлбэл, эрсдэл ихтэй болон багатай хөрөнгө оруулалтын тэнцвэрийг хангах сайн арга юм.

💸Хувьцаанд хөрөнгө оруулж байгаа бол, зөвхөн нэг компанийн хувьцааг худалдан авахын оронд өөр, өөр салбарт үйл ажиллагаа явуулж буй олон компанийн хувьцааг худалдан авах нь зүйтэй. Түүнчлэн хөрөнгө оруулалтын санд хөрөнгө оруулах замаар хөрөнгө оруулалтаа төрөлжүүлж болно. Энэ нь төрөл бүрийн “хөрөнгийн ангиллаас” сонгож өөрийн эрсдэлийг хуваарилах арга зам юм. Жишээ нь, бэлэн мөнгө, хувьцаа, бонд, үл хөдлөх хөрөнгөд хөрөнгө оруулдаг хөрөнгө оруулалтын сангуудаас ХОЛИМОГ байдлаар сонгох, эсвэл хөрөнгийн эдгээр олон төрлийн ангилалд хөрөнгө оруулдаг ХЭД ХЭДЭН хөрөнгө оруулалтын санд хөрөнгө оруулах гэх мэт...

📍Худалдаж авахаасаа өмнө борлуулах тухай бод
Зарим төрлийн хөрөнгө оруулалтыг түргэн, эсвэл ерөнхийдөө зарж борлуулахад хэцүү байдаг. Хөрөнгө оруулах эсэхээ шийдэхдээ эхлээд хожим нь түүнийг зарж борлуулахад хялбар эсэх талаар судалж мэдэх нь чухал.

Эх сурвалж:www.sankhuugiinbolovsrol.mn
✅ Санхүүгийн боловсролын хөтөлбөрийн хамтрагч

19/02/2025

👃 Амьсгалын дасгал хийж шалгалтын амжилтаа boost-лэх боломжтой гэж үү???

📌 Ширээгээр дүүрэн шалгалтад бэлдэх ном, дэвтрээ хараад хаанаас нь, яаж эхлэхээ мэдэхээ больчихдог үе цөөнгүй. Эсвэл “Мэдэхгүй сэдэв ирэх вий дээ, шалгалтдаа унаад сургуульдаа, тэтгэлэгтээ тэнцэхгүй бол дараа нь яана аа” гэх мэтээр ирээдүйд санаа зовниж хичээлээ давтах цагаасаа хумсалдаг. Энэ үед таны айдас, түгшүүрийг бууруулж, үр бүтээмжийг нэмэгдүүлэх нэг арга нь амьсгалын дасгал юм.

✅ Судалгаагаар өдөр бүр амьсгалын дасгал тогтмол хийсэн оролцогчдын түгшүүрийн түвшин туршилтын өмнөх үеэс 20 хувиар буурсан үр дүн гарчээ.

✅ Амьсгалын дасгалыг өдөр тутмын дадал болгох дараах аргыг ашиглаарай.

[ОДООГИЙН ДАДАЛ]-ийн дараа би амьсгалын дасгал хийнэ.
“Би хичээлээ давтахаар ширээнийхээ ард суусны дараа 3 минут амьсгалын дасгал хийнэ.”, “Хичээлээ бэлдэх үед гацсан мэдрэмж төрвөл би 3 удаа гүнзгий амьсгал авна” гэх мэт. Өөрөөр хэлбэл, аль хэдийн суучихсан дадал, зуршлынхаа дараа суулгахыг хүссэн дадлаа хийх юм.

Хэзээ, хаана хийхээ тодорхой болгох

Өдөр бүр тодорхой нэг цагт, ижил газар тухайн үйлдлийг хийвэл дадал болох магадлал нэмэгддэг. HabiDo аппликейшний “амьсгалын дасгал” дадлыг төлөвлөснөөр таны төлөвлөсөн цагт гар утсанд тань сануулга ирэхээс гадна та амьсгалын дасгал хийх зааварчилгааг авах болно.

Дадал-> Шинэ дадал төлөвлөх->Сэтгэл зүй-> Амьсгалын дасгал-> Сануулга үгс болон цагийг тохируулаарай.

Шалгалтдаа бэлдэхийн тулд хийх олон зүйл байж болох ч өнөөдрийн төлөвлөсөн хугацаанд алийг хийж чадах вэ? гэдэгт анхаарлаа төвлөрүүлээрэй.

Ирээдүйд шалгалтад ямар сэдэв ирэх, сургуульдаа, тэтгэлэгтээ тэнцэх эсэх нь бидний бүрэн удирдаж чадах зүйлс биш бөгөөд харин одоо юу хийхээ бид удирдаж чадах билээ. Үр дүнд санаа зоволгүй, үйл явцдаа анхаарч бүтээмжээ нэмэгдүүлэхэд тань амьсгалын дасгал тусална.

@Жигүүр төслийн сэтгэлзүйн болосвролын хамтрагч дадал хэвшүүлэгч бэлтгэн хүргэв.

18/02/2025

🐣Ариун Цэврийн Хэрэгслийн Сонголт

🍀Өөрийгөө хүндэлж өөртөө илүү хайртай байгаарай

Ариун цэврийн хэрэгсэл бол бидний амьдралын сарын тэмдгийн өдрүүдэд зайлшгүй шаардлагатай зүйлсийн нэг юм. Эдгээр хэрэгсэл нь эрүүл мэндийг хамгаалах, тав тухыг бий болгоход чухал үүрэг гүйцэтгэдэг. Тиймээс, ариун цэврийн хэрэгслийг сонгохдоо анхаарах хэд хэдэн хүчин зүйлсийг авч үзэх нь зүйтэй.
✅Чанар
✅Химийн бодис ; Ариун цэврийн хэрэгсэлд агуулагдах химийн бодисууд нь арьсанд муугаар нөлөөлж болзошгүй. Тиймээс, өнгө будаг, ароматик бодис зэрэг нэмэлт зүйлсийг багтаасан бүтээгдэхүүнээс зайлсхийх нь зүйтэй.
✅Хэрэглээний тав тух
✅Төрөл: Ариун цэврийн хэрэгслийн төрөл нь хэрэглэгчийн хэрэгцээнээс шалтгаалдаг. АЦХ нь шингээх хэмжээнээс хамааран хэд хэдэн төрөлтэй байх ба тус бүр дуслан тэмдэглэгээтэй байдаг.

📍Чанаргүй ариун цэврийн хэрэглэл ба сарын тэмдгийн үеийн буруу дадлаас эрүүл мэндэд учрах эрсдэл
Ариун цэврийн хэрэглэлийг буруу хэрэглэх, сарын тэмдгийн үеийн эрүүл ахуйн зөвлөмжүүдийг дагаж мөрдөөгүйгээс эрүүл мэндэд дараах эрсдэлүүд учирч болзошгүй тул зөв дадлыг хэвшүүлснээр эрүүл мэндээ хамгаалах боломж бүрдэнэ.

Чанар, төрөл, химийн бодис, гарал үүсэл, үнэ, хэрэглээний тав тух зэрэг хүчин зүйлсийг анхааралтай авч үзэж, өөрийн хэрэгцээнд тохирсон бүтээгдэхүүнийг сонгох нь чухал. Ингэснээр та зөвхөн өөрийн эрүүл мэндийг хамгаалахаас гадна сарын тэмдгийн өдрүүдэд эрч хүчтэй, тав тухтай хичээл номдоо шамдан суралцах юм шүү.
🧲Өөрийгөө хүндэлж өөртөө илүү хайртай байгаарай

Эх сурвалж:https://www.unicef.org/mongolia/media/1051/file/Өврийн_дэвтэр_MN.pdf

✅ Эрүүл мэндийн боловсролын хөтөлбөрийн хамтрагч Lenus Med LLC