Анжел хүүхэд, нярайн эмнэлэг

22/05/2026

Эх сурвалж: Чагнуур академи

21/05/2026

Нярай хүүхдийг “тархины даралттай” гэж хэлэх нь элбэг байдаг ч үнэндээ тархины даралт ихсэлт нь ховор тохиолддог эмгэг юм. Зөвхөн уйлагнах, цочромтгой байх, муу унтах зэрэг шинжээр нь шууд ингэж оношлох боломжгүй.

Хэрэв та энэ талаар санаа зовж байвал айж түгшихийн оронд хүүхдийн эмчид үзүүлж, шаардлагатай тохиолдолд зулайн эхогоор тархины байдал хэвийн эсэхийг хурдан, өвдөлтгүй, аюулгүй шалгах боломжтой. Ихэнх хүүхдийн шинжилгээ хэвийн гардаг тул эцэг эхчүүд тайвширдаг.

Мөн зулайн эхо нь зарим тохиолдолд тархины бусад өөрчлөлт (уйланхай, шохойжилт, харвалт гэх мэт), эмгэгийг эрт илрүүлж, цаг алдалгүй эмчилгээг эхлэхэд тус болдог. Тиймээс нярай хүүхдээ зулайн эхогоор эрт шалгуулж байхыг зөвлөж байна.

16/05/2026

11/05/2026

Хүүхдийн ТҮНХНИЙ ЭХО-г хэзээ харуулах вэ?

05/05/2026

Фото эмчилгээний үед хар живхний талаар ээжүүдээс асуулт ирсэн тул товч тайлбар хүргэе.

Хар живхийг нярайн шарлалтын фото эмчилгээний үед заавал хэрэглэх стандарт байхгүй. Хэрвээ “хар живх заавал өмсгөнө” гэсэн зөвлөмж байвал тухайн эх сурвалж, нотолгоог нь харах нь зүйтэй.

Нярайн шарлалтын эмчилгээний үед:
-Хүүхдэд ихэвчлэн ердийн цагаан живх өмсгөдөг. Энэ нь ариун цэврийг хангахын зэрэгцээ арьсыг аль болох их гэрэлд ил байлгах зорилготой.

Эцэг эхчүүдийн мэдвэл зохих зүйлс:
-Живх яагаад хэрэгтэй вэ?
Ариун цэврийн зорилготой. Зарим тохиолдолд (инкубаторт байвал) заавал өмсөх шаардлагагүй байж болно.
-Арьс ил байх нь чухал: Илүү их арьс гэрэлд өртөх тусам сайн. Гэхдээ энгийн живх нь эмчилгээний үр дүнд болон нөхөн үржихүйн эрхтэнд сөргөөр нөлөөлөхгүй.
-Живхийг ойр ойрхон солих хэрэгтэй.
-Маш өндөр шарлалттай үед эмч живхгүй фото эмчилгээ хийхийг зөвлөх боломжтой.

Хамгийн чухал нь:
-Нүд хамгаалах: Гэрэл асаалттай үед нүдний хамгаалалт заавал хэрэглэнэ.
-Ойр ойрхон хооллох: Хүүхдийг шингэний дутагдалд орохоос сэргийлж, шарлалтыг шээс, өтгөнөөр хурдан гадагшлуулахад тустай.
-Тос, лосьон хэрэглэхгүй
-Эмчилгээний зааврыг заавал дагана

Анжел хүүхэд, нярайн эмнэлэг
80661958, 88661958, 88651958

05/05/2026

04/05/2026

Тархины уйланхайт өөрчлөлт (Cyst) гэж юу вэ?

Тархины уйланхай буюу цист гэдэг нь тархин дотор үүссэн, дотроо шингэн агуулсан уут юм. Ихэнх тохиолдолд эдгээр нь хоргүй бөгөөд аюул багатай байдаг ч, уйланхайн байрлал, хэмжээ болон доторх агууламжаас шалтгаалан эрүүл мэндэд сөрөг нөлөө үзүүлэх эрсдэлтэй.
Уйланхай дотор тархи-нугасны шингэн, цус, эд эс эсвэл ховор тохиолдолд хавдрын эсүүд агуулагдаж болно.

Уйланхай ямар асуудал үүсгэж болох вэ?
Хэдийгээр уйланхай нь хавдар биш боловч дараах хүндрэлүүдийг үүсгэж болно:
* Тархины даралт: Том хэмжээтэй уйланхай тархины эдийг шахаж, толгой өвдөх, хараа муудах, дотор муухайрах шинж тэмдэг үүсгэдэг.
* Нярайн нэмэлт зовиур: Нярай хүүхдүүд шалтгаангүйгээр уйлах, тайван бус болох хэлбэрээр зовиурлана.
* Тархины усжилт: Уйланхай нь тархины шингэний эргэлтийг хааж, тархины усжилт (гидроцефали) үүсгэх эрсдэлтэй.

Оношилгоо
1. Зулайн ЭХО: Ихэвчлэн нярай хүүхдэд зовиур илэрсэн үед ЗУЛАЙН ЭХОГ-оор оношилдог. Гэвч шинж тэмдэггүй уйланхайнууд хожуу оношлогдож, хүндрэх тохиолдол байдаг тул хүүхдийг эрт үед нь урьдчилан сэргийлэх зорилгоор зулайн эход харуулах нь чухал юм.
2. Жирэмсний үеийн хяналт: Зарим уйланхай ургийн хөгжлийн шатанд үүсдэг бөгөөд жирэмсний үеийн эхогоор оношлогдох боломжтой.
3. Нэмэлт шинжилгээ: Шаардлагатай тохиолдолд MRI эсвэл КТ (CT) шинжилгээгээр нарийвчлан тогтооно.

Эмчилгээ
Эмчилгээний тактик нь уйланхайн хэмжээ, байрлал болон хүүхдэд илэрч буй шинж тэмдгээс хамаарна:
* Ажиглалт ба хяналт: Хэрэв уйланхай жижиг, томрохгүй, ямар нэгэн зовиур өгөхгүй байвал заавал мэс засал хийх шаардлагагүй. Энэ тохиолдолд мэдрэлийн эмчийн хяналтад байж, тогтмол ЭХО-гоор хянуулна. (Жишээ нь: Хажуу ховдлын доторх жижиг уйланхайнууд).
* Мэс заслын эмчилгээ: Уйланхай томорч тархины эдийг дарах эсвэл тархины усжилт үүсгэж байвал (Жишээ нь: Коллоид уйланхай) мэдрэлийн мэс заслын эмч яаралтай хагалгаа хийх шаардлагатай болдог.

Эх сурвалж:
https://www.healthline.com/health/choroid-plexus-cyst
https://www.cedars-sinai.org/.../diseas.../b/brain-cyst.html
Анжел хүүхэд, нярайн эмнэлэг
88661958, 88651958

28/04/2026

Нярай охидын живх зөв солих тухай

Нярай охидыг цэвэрлэхдээ үргэлж урдаас хойш (шээсний сүв болон бэлэг эрхтэн талаас өгзөг рүү)арчих хэрэгтэй. Энэ нь шээсний замын халдвараас сэргийлэхэд чухал.

Зөөлөн нойтон даавуу эсвэл үнэргүй, спиртгүй нойтон салфетка ашиглан зөвхөн гадна хэсгийг зөөлөн арчина. Арьсыг хүчтэй үрэх, дотор хэсэг рүү салфетка хийхээс зайлсхийх хэрэгтэй.

Цэвэрлэх зөвлөмж:
1. Бэлтгэл:
Гараа сайтар савандаж угааж, бүлээн ус, зөөлөн даавуу эсвэл цэвэр салфетка бэлдээрэй.
2. Урд талаас хойш арчих:
Үргэлж бэлэг эрхтэн талаас өгзөг рүү арчина. Хэзээ ч эсрэг чиглэлд арчиж болохгүй!
3. Арьсны нугалаасыг цэвэрлэх:
Бэлгийн уруулыг зөөлөн салгаж, өтгөн эсвэл төрсний дараах цагаан тослог ялгадас байвал болгоомжтой цэвэрлэнэ.
4. Нэг удаад нэг салфетка хэрэглэх:
Арчих бүрдээ шинэ цэвэр салфетка хэрэглэж, нян тараахаас сэргийлнэ.
5. Сайтар хуурай болгох:
Арьсыг болгоомжтой хуурайшуулна. Чийгтэй үлдээвэл мөөгөнцөр, улайлт үүсч болзошгүй.
6. Хамгаалах тос хэрэглэх:
Шаардлагатай бол живхний тосыг нимгэн түрхэнэ.

Нэмэлт чухал зөвлөгөө
*Хэт их угааж, үрж болохгүй. Үтрээ нь өөрийгөө цэвэрлэх чадвартай.
*Үнэргүй, спиртгүй бүтээгдэхүүн хэрэглээрэй.
*Нярай охидын арьсны нугалаас олон байдаг тул завсрыг нь болгоомжтой шалгаж цэвэрлээрэй.

Эх сурвалж: www.babycentre.co.uk

Анжел хүүхэд, нярайн эмнэлэг
88661958; 80661958

27/04/2026

ГАР ХӨЛ АМНЫ ӨВЧНӨӨС СЭРГИЙЛЬЕ‼️‼️‼️
👇Гар хөл амны өвчний халдварын эх уурхай нь:
Эмнэлзүйн далд балархай, цочмог хэлбэрээр өвчлөгсөд вирус тээгчид юм. Уг өвчин хүнээс хүнд халддаг‼️‼️‼️

27/04/2026

😢

Т.Цэвэлням: Нярайн шарлалт хүндэрч, насан туршийн саажилттай болсон хүүхдийн тоо НЭМЭГДСЭЭР байна ❗

https://ubn.mn/p/96760

Дэлхий даяар жил бүр 100 мянган төрөлт тутамд 1300-1500 хүүхэд нярайн шарлалтын улмаас нас бардаг гэх эмзэглэм үзүүлэлт бий. Тэгвэл түүнээс ч олон хүүхэд уг өвчний хүндрэлээр хөгжлийн бэрхшээлтэй буюу саа, саажилттай болдог нь олон улсын эрдэмтдийн санааг байнга зовоосоор иржээ.