09/04/2025
👉ХИЙ ГЭЖ ЮУ ВЭ?
Хий, шар, бадган нь хүний биед бодитоор оршдог бөгөөд таван махбодын мөн чанарыг агуулдаг. Үүнд хий нь хийн махбодтой, шар нь гал, бадган нь ус, шороо махбодын мөн чанарыг агуулдаг. Хий нь 6 билэг чанартай, шар бадган тус бүр долоо долоон билэг чанарыг агуулж байдаг.
👉Уламжлалт анагаах ухаанд хүний биеийн ХИЙ, ШАР, БАДГАН, 7 ТАМИР, З ХИР хоорондоо харилцан тэнцвэртэй байхыг эрүүл бие гэнэ.
👉Хүний биед үндсэн 5 хий байдаг.
1. Амь баригч хий - Толгойн орой буюу тархинд оршиж нугасаар дамжиж, хоолой хэсгээр гүйнэ. Хоол унд залгих, амьсгал авах гаргах, шүлс хаях, хэхрүүлэх зогисуулах үйлийг үйлдэнэ. Оюун ухаан болон нүд зэрэг 5 эрхтэнийг тодруулж, сэтгэлийг барина.
2. Дээш гүйгч хий- Өвчүү хэсэгт оршиж, хамар хоолой, хэлэнд гүйж ярих үйлийг үйлдүүлж, хүч чадал, өнгө зүс, хичээл шамдлыг батжуулж тодруулна.
3. Түгээгч хий - Зүрхэнд оршиж, бүх биед түгэж гүйнэ. Биеийн хөдөлгөөнийг үйлдүүлнэ. Мөн цус тэргүүтэн тунгалагийг бүх биеэр тараадаг. Энэ хий хямарвал шалтгаангүй айх, цочих, зүрх дэлсэх, дэмий чалчих, дэмий тэнэх зэрэг шинжүүд илэрдэг.
4. Гал тэгшитгэгч хий - Ходоодонд оршино.
Дотор гэдсээр гүйж, хоол ундыг шингээнэ.
Тунгалаг цөвийг ялгаж, хорлогдохууныг
боловсруулна.
5. Уруу арилгагч хий - Шулуун гэдэс зэрэг
биеийн доод хэсэгт оршино. Олгой, давсаг,
бэлгэ эрхтэн, гуяны дотуур гүйнэ. Дусал, сарын тэмдэг, отгон шингэн мөн хүүхэд тогтох, өсөх, төрөх зэрэг үйлийг үйлдэнэ.
Эдгээр хийн аль нэг нь хямрахад дагаж хямардаг.
_үйлчилгээ
https://maps.app.goo.gl/kgwrNPAb4v4Ut9NYA?g_st=com.google.maps.preview.copy
