Эх Нялхсын Төвийн дэргэдэх Хүүхдийн Цусны Эмгэг, Хавдрын Эмнэлэг

28/08/2024

"ТҮҮХТ 10 ЖИЛИЙН ОЙН ӨДӨР"-т

Энэ эрхэм хүн Монгол Улсын хүүхдийн эрүүл мэндийн салбарт оруулсан бодитой хувь нэмэр, дэмжлэг туслалцааг бид бүхэн үргэлж санан, дурсаж, бахархаж явдаг билээ. 🙂🙏🙏🙏

2014 оны 08 сарын 28-ны өдөр буюу одоогоос яг 10 жилийн өмнө Ажиа Ренбүүчийн санаачлага, хөрөнгө оруулалтаар ЭХЭМҮТ-ийн Хүүхдийн Эмнэлгийн өргөтгөл болох 6 давхар барилга байгууламж ашиглалтанд орж байлаа.

Тухайн үед манай улсын эдийн засгийн чадал, чансаа өнөөгийнх шиг биш ... ядуу тарчиг байлаа ...

Дээр нь дэлхийн эдийн засгийн хямрал Монгол Улсад нөлөөлж, төсөв санхүү маш хүнд байдалд орсон байв.

Ажиа Ринбүүчи тухайн үед (2012 онд) Эрүүл мэндийн сайд С.Ламбаатай уулзан ярилцсанаар хорт хавдартай хүүхдэд үзүүлэх тусламжийн орчин нөхцөл, техник технологийг сайжруулах шаардлагатай байгааг олж мэджээ.

Ингээд ердөө 2 жилийн дотор манай төвийн өргөтгөлийн барилга баригдаж, ашиглалтанд орсон юм.

Түүнээс хойш техник технологийн том төслүүд ар араасаа хэрэгжиж эхэлсэн ... 🙏🙏🙏 Бид, манай хамт олон их бэлэгшээдэг юм.

Засгийн газрын төслүүд ... томоохноос нь дурдвал зүрхний ангиографийн лаборатори байгуулагдав ... Японы төсөл 1.5 сая доллар, ... Австрийн ЗГ-ын 7.0 сая еврогийн 2 төсөл (нийт 14 сая евро) ... гэх мэт.

Ариутгал халдваргүйтгэлийн тасгийн иж бүрэн шинэчлэл (1.5 тэрбум төгрөг) ... мэс заслын вакуумжсан өрөөнүүд .......

Эмнэлгийн гадаад орчны иж бүрэн засвар, шинэчлэл, авто зам, машины зогсоолууд ...

Орчин нөхцөл, техник технологид үсрэнгүй өөрчлөлт оров .....

Ар араасаа цуварсан энэхүү бүтээн байгуулалт өнөөдөр ч үргэлжилж ... өргөтгөл, их засварууд хийгдэж байна.

Ажиа Ринбүүчигийн барьж өгсөн өргөтгөлд одоо "Хүүхдийн цусны эмгэг хавдар судлалын тасаг", "Нярайн эрчимт эмчилгээний тасаг", "Мэс заслын өрөөнүүд - Эрчимт эмчилгээний тасаг", зүрхний ангиографийн лаборатори, СТ, MRI суурилагдан ажиллаж байна.

Тэнд хүүхдийн эрүүл мэнд, амь насыг аврах буянтай сайхан үйлийг хамт олон минь хийж, бүтээж байна.

Ийм сайхан өдөр Таныхаа ач тусыг бид санан дурсаж, бахархан, баярлаж байна.

Тандаа Монголын үр хүүхдүүдийн нэрийн өмнөөс, тэдний гэр бүлийн өмнөөс, эмч ажилчдынхаа нэрийн өмнөөс баярлаж, талархаж байгаагаа дахин илэрхийлье.

Та эрүүл энх байж, урт насалж, удаан жаргаарай. 🙂🙂🙂🙏🙏🙏

Багш дор мөргөмү ...
Ном дор мөргөмү ...

ЭХЭМҮТ-ийн Хүүхдийн эмч нар

20/09/2023

Номын эрхэм дээд Ажиа гэгээн багшийн маань мэлмий гэсэн өдрийн баярын мэндийг хүргэе! Гэгээнтэн багшийн минь мэлмий тунгалаг өлмий бат оршиж 10 зүгтээ үйлс зохионгуй нь дэлгэрэн цацарч байх ерөөл дэвшүүлье!

20/08/2023

Намрын эхэн сарын шинийн 3-ны билэгт сайхан өдөр Ачит эрхэм дээд Ажиа гэгээн багшийн намтар түүх Польш хэлээр хэвлэгдэн гарлаа. Энэхүү номыг хэвлэн гаргасан өглөгийн эзэд М.Батжаргал, Ү.Байгалмаа, Ү.Отгонбаатар нартаа бүтээсэн буяны үйлс нь арвай буудай мэт арвидаж байхын ерөөл дэвшүүлье. Энэ дашрамд Ачит багшийн Монголчуудад хүртээсэн буяны үйлсээс цухас дурдвал Монгол лам нарыг Гүмбум хийдэд сургаж, номын авшиг сургаалыг лам нарт хүртээсэн. ЭХЭМҮТ- д хүүхдийн цусны эмгэг, хавдрын эмнэлэг барьж байгуулан олон хүүхдийн өвчин эмгэгийг анагаах орчинг бүрдүүлсэн, Зөв тэтгэлэгт хөтөлбөрийн хүрээнд 100- аад хүүхдийг их дээд сургуульд суралцах сургалтын бүрэн тэтгэлэг олгож ирээдүйд боловсролтой олон зөв иргэнийг бий болгож байна, Ахмад настанд зориулсан ахмадын хөгжлийн Агнист төвийг барьж байгуулсан, Японы шүдний эмч нартай хамтарсан Happy Tooth хөтөлбөр гэх мэт олон үйл ажиллагааг дурдаад баршгүй билээ.

16/04/2023

21/09/2022

Гэгээн багшийнхаа мэлмий гийж сүүдэр тохиосон өдөр сургаал номыг нь сонсох сайхан байлаа

08/09/2022

08/09/2022