25/03/2015
ЭМНЭЛЭГИЙН ЗУРХАЙ
Зурхайн шинжлэх ухааны үүднээс үзэхэд хүний бие махбодь нь 12 үндсэн хэсэгт хуваагдах ба тус бүр нь сансрын аль нэгэн ордны нөлөөлөлд оршдог байна. Сансрын хэмнэлүүдийн хүний эрүүл мэндэд үзүүлэх нөлөөг судалсан шинэхэн судалгаанууд нь үүнийг бүрнээ нотолж байна. Зурхайчдын үзэж байгаагаар хүний хувийн зурлагыг судалснаар хүн өөрийнхөө хамгийн эмзэг хэсгийг тодорхойлж янз бүрийн далд өвчнүүдээс урьдчилан сэргийлэх боломжтой болно.
Хонины орд: Хонь нь толгой нүүр, тархи, гавалын ясыг эрхшээдэг. Энэхүү ордны залуурдах гариг нь марс юм. Витамин дутагдах болон толгойн өвчинд нохойн хошууны хандыг хэрэглэнэ. Хонины ордонд төрсөн хүмүүст төмөр ба кали агуулсан бүтээгдэхүүн чухал байдаг. Эдгээр нь сармаг манжин, байцаа, яншуй зэрэг юм.
Үхрийн орд: Үхэр нь хүзүү, улаан хоолой , хоол боловсруулах зам, бага тархи, хүзүүний яснуудыг эрхшээдэг. Залуурдах гариг нь Венера. Энэхүү ордонд төрсөн хүмүүст башраат, усан үзэм, хатаасан цэцэг, анар жимс, нил цэцэг, грек самар их тустай.
Үхэр нь янз бүрийн ногооны шөл хэрэглэх дуртай.
Ихэрийн орд: Орд нь мөр, бугуй, гарын сарвуу, уушиг, цусны гүйдлийн болон мэдрэлийн системд нөлөөлнө. Ихэрийн ордны ургамалууд нь эмийн бамбай,усан үзэм, лууван, яншуй, вандуй, буурцагт үр тариа юм. Ходоодны хүчил ихдэх бөөр өвдөхөд усан үзмийн эмчилгээ хийнэ. Таны бие махбодь мөөг, бүдүүн ширхэгт үр тариа, загас, өндөг, хушны самрын буйлсанд агуулагддаг фосфорыг шаарддаг.
Мэлхийн орд: Энэхүү ордонд төрөгсөд ходоод болон хоол боловсруулах замын өвчнөөр өвчилж болох юм. Эрхшээсэн гариг нь Сар. Мэлхийний ордныхон сарны циклийн нөлөөнд өртөмтгий учир гуних сэтгэл санаагаар өвдөмтгий байдаг.
Иод танд маш их хэрэгтэй. Загас, далайн байцаа, аль болох хэрэглэх мөн бяслаг, жимс, хулуу, усан үзмийн дарс, гүйлс хэрэглэхэд ашигтай.
Арслангийн орд: Энэхүү орд нь зүрх сээр нуруунд нөлөөлдөг. Түүнийг нар залуурддаг. Таны биед магни болон хүхэр дутагдаж болох юм. Энэхүү бодисууд нь яншуй, манжин, байцаанд агуулагдна.
Охины орд: Охины ордны хүмүүст нурууны доод хэсэг, бүслүүр хавь гэдсэнд нөлөөлдөг. Хүхэр дутагдах магадлалтай. Энэ нь бяслаг, лийр, алим, чавга, хар нэрс хэрэглэж болно гэсэн үг юм.
Жинлүүрийн орд: Энэхүү ордонд бөөр, бүслүүр хавийн яснуудад нөлөөлдөг. Гахайн болон зэрлэг амьтны мах хэрэглэхээс зайлсхийх хэрэгтэй.
Хилэнцийн орд: Энэхүү ордонд бэлгийн замын эрхтэнүүдэд нөлөөлдөг. Давсагны архаг үрэвслийн үед хэрэглэх ургамал нь яншуй, хус, арц хольж хоолны халбага хольцыг стакан усанд хийж 6 цаг хандлаад 10 мин буцалгаад шүүнэ. 3 хуваагаад өдөрт 3 удаа ууна.
Нумын орд: Энэхүү орд нь тохой болон мэдрэлийн системд нөлөөлдөг. Нумыхан дараах эмчилгээний ургамлуудыг хэрэглэнэ. Үүнд: нарийн шилбэ, зэдгэнэ, хүрэн манжин, үхрийн нүд, даливс өвс. Төмөр ба сода дутагдаж байдаг.
Матарын орд: Энэхүү орд нь өвдөг арьсанд нөлөөлнө. Залуурдах гариг Сатурн. Танд магни ба шохой хэрэгтэй. Энэ нь түүхий сүү, өндөгний шар, ногоон сонгино, байцаа, цагаан будаанд агуулагдна.
Хумхын орд: Энэхүү орд нь өвдөг, цусны эргэлт, хараанд нөлөөлдөг. Залуурдах гариг нь Сатурн. Хумхад үхрийн нүд маш ашигтай. Тэнгэрийн вангийн нөлөөнөөс болоод хумхын ордныхны бөөр, хөлийн цусны эргэлт тааруу байх хандлагатай. А,Е витамин иод агуулсан энгийн бүтээгдэхүүн хэрэглэхэд зохимжтой.
Загасны орд: Энэхүү ордонд шингэний систем, тавхайнд нөлөөлнө. Загасныхан уураг, төмрийн фосфатаар баялаг өргөст хэмх, хушга, үзэм хэрглэж байхад сайн. Ээлтэй эмийн ургамал: нарийн шилбэ, гандигар, далайн ургамлууд.
