04/05/2026
Хүүхэд уурлах эрхтэй
Хүүхэд гэхээр л уурлахгүй, дандаа инээж, эсэргүүцэхгүй, үгэнд орох ёстой гэсэн үзэл санаанаасаа одоо өөрчлөгдөх хэрэгтэй.
Хэрэв хүүхэд юм байж гээд сэтгэл хөдлөл үзэл санаа мэдрэмжинд нь халдаад байвал сүүлдээ хүүхэд битүү болж, өөрийгөө илэрхийлэхээ больж, өөрийгөө үзэх үзэлд маш том сөргөөр нөлөөлнө.
Том хүний урдаас гэдэг хандлагыг өөрчлөх цаг нэгэнт болжээ. Элдэв хүмүүжил гэхээсээ илүү хүүхдээ хувь хүн учраас гээд сонсож ойлгож хүлээн зөвшөөрч хүмүүжүүлвэл түүн шиг сайхан хүмүүжил алга байна.
Хүүхдэд том хүнтэй адил сэтгэл хөдлөл, мэдрэмж бий. Яг адилхан уурлана, инээнэ, эсэргүүцнэ, өөрийн үзэл бодлоо ч илэрхийлэх эрхтэй.
Гол нь аав ээжийн хэт өндөр шаардлага, үзэл бодлын зөрүү, буруу харилцаа, хүүхэд учраас, үргэлж үгэнд орно гэсэн хандлага, бодол зэрэг нь хүүхдэд маш их стресс болдог. Томчууд хүүхэдтэйгээ ярилцдаг гэдэг. Гэхдээ хэзээ ч сэтгэл хөдлөл мэдрэмжийг нь ойлгодоггүй. Шууд түүнийг нь буруушаан, дардаг.
Харин хүүхэд өөрийг нь сонсохгүй учраас чимээгүй сонсож, стресстдэг. Үүнийгээ аав ээж нар намайг аягүй сайн сонсдог гэж ярьдаг. Үнэндээ хүүхэд өөрийг нь ойлгодоггүй учраас чимээгүй байдаг. Уур бухимдалыг нь зөв ойлгоод тайван хүлээцтэй асууж яриулах нь хүүхдийн стресс тайлагдаж, тайвширдаг.
Хүүхдээ ойлгохын тулд сэтгэл хөдлөл мэдрэмжийн тухай уншиж ойлгосон байх шаардлагатай.
Сэтгэл Зүйч Н. Ариун-Эрдэнэ
