21/12/2023
🔺ЭРҮҮЛ МЭНДИЙН ГУРВАЛЖИН 🔺
1️⃣ Нийгмийн эрүүл мэнд
2️⃣ Сэтгэлзүйн эрүүл мэнд
3️⃣ Бие махбодийн эрүүл мэнд
➡️Эрүүл байна гэдэг өргөн ойлголт.
Эрүүл амьдрахад эдгээр 3️⃣ -н тэнцвэр нөлөөлдөг.
Зөв (бүх тал нь тэнцүү) гурвалжингийн адил тэнцвэртэй байвал эрүүл байна. Аль нэг тал богиносох үед тэнцвэргүй болно. Жишээлбэл: Хөдөлгөөний дутагдалд орвол эрүүл мэндэд нөлөөлж, улмаар нийгмийн харилцаанд оролцож чадахгүй болно➡️
Нийгмээс өөрийгөө тусгаарлаж (ганцаардаж) эхэлбэл стрессдэж сэтгэлзүйн болон бие махбодийн эрүүл мэндэд сөргөөр нөлөөлнө гэсэн үг.
Энэхүү тэнцвэрт гадны болон хувь хүнээс хамаарах олон хүчин зүйлс нөлөөлнө.
❓Доорх асуултанд хариулж өөрийнхөө эрүүл мэндийн гурвалжин хир тэнцвэртэй байгааг шалгаарай.
(Дүгнэх заавар доод талд бий)
🔻Бие махбодийн хувьд:
- Та идэвхтэй дасгал, хөдөлгөөн тогтмол хийдэг үү?
- Та ихэнхдээ 7-9 цаг унтдаг уу?
- Та тогтмол цагт тэнцвэртэй, тэжээллэгхоол иддэг үү?
- Та урьдчилан сэргийлэх үзлэгт тогтмол ордог уу?
- Та биеийн эрүүл ахуйдаа байнга анхаардаг уу?
- Та тамхи татах, архи хэтрүүлэн хэрэглэх, бусад сэтгэцэд нөлөөлдөг эм бодис хэрэглэхээс зайлсхийдэг үү?
🔻Сэтгэлзүйн хувьд:
- Та одоо байгаа байдал, бодол санаагаа мэддэг гэж бодож байна уу?
- Та сэтгэл хөдлөлөө ойлгож, тэдгээрийг зөв тайлбарлаж байгаагаа мэдэрч байна уу?
- Ихэнх өдрүүдэд та сөрөг гэхээсээ илүү эерэг сэтгэл хөдлөлийг мэдэрдэг үү?
- Та өөрийн давуу талаа мэдэж, тогтмол ашигладаг уу?
- Та зорилгоо тодорхойлж, түүндээ хүрэхийн тулд өсч хөгжих боломжтой гэж боддог уу?
- Та ирээдүйдээ итгэл найдвартай байдаг уу?
🔻Нийгмийн хувьд:
- Танд байнга харилцдаг нэг юм уу хэдэн дотны найз бий юу?
- Та дотны найз нөхөд, гэр бүлдээ сэтгэл хөдлөл, бодлоо айлгүйгээр илэрхийлж чадах уу?
- Танд нийгэм, соёлтойгоо нийтлэг үнэт зүйлс бий юу?
- Хэрэв та санхүүгийн асуудалтай тулгарсан бол тусалж чадах хүмүүс байна уу?
- Та өөрийн дотно хүмүүстэй 'эрүүл' хэм хэмжээ тогтоосон гэж бодож байна уу?
- Танд хандаж зөвлөгөө авах гэсэн, эсвэл бусад хүмүүс тусламж хүсдэг хүн байдаг уу?
✅Заавар: Асуулт бүрт тийм эсвэл үгүй гэж хариулна уу. "Тийм" гэсэн хариулт бүрт нэг оноо өгнө. Хэсэг бүрийн оноог тоолж, ангилал тус бүрийн үлдэгдлийг харьцуул. Тэнцвэртэй эрүүл мэндийн гурвалжинд гурван хүчин зүйл нь ижил оноотой байх болно. Эдгээр асуулт бүрээс оноогоо нэмээд гурвалжингийн талуудын нийлбэрийг олоод доорх асуултанд хариулаад үзээрэй❣️
❓Таны эрүүл мэндийн гурвалжны талууд тэнцүү байна уу?
❓Үгүй бол яагаад?
❓Таны амьдралд тэнцвэргүй байдал хэрхэн илэрдэг гэж та бодож байна вэ?
😩Эрүүл тэнцвэртэй амьдралын хэв маягийг хадгалахын тулд бидний өдөр тутмын завгүй амьдрал, ажил мэргэжил, гэр бүл, цаг зав, анхаарал их шаарддаг тул бэрхшээлтэй байдаг.
🙂Аз болоход энэхүү гурвалжинг тэнцвэртэй байлгахад таниас их зүйл шаардахгүй бөгөөд доорх зүйлсийг хийхэд хангалттай юм.
✅Бие махбодийн эрүүл мэндийг сайжруулахын тулд:
- Өдөрт 7-9 цаг унтах орчноо сайтар бүрдүүлэх.
- Хөдөлгөөний түвшиндээ тохирсон илчлэгтэй, тэнцвэртэй, эслэгээр баян хоолны дэглэм барих.
- Өдрийн турш биеэ тогтмол хөдөлгөж хэвших.
- Жилдээ 1 удаа урьдчилан сэргийлэх үзлэгт хамрагдаж хэвших.
✅Сэтгэлзүйн эрүүл мэндийг сайжруулахын тулд:
- Бясалгал, эсвэл бусад дасгалаар дамжуулан сэтгэлзүйгээ удирдаж сурах.
- Сэтгэл хөдлөлөө хянаж, оюун бодлоо цэгцлэхийн тулд тэмдэглэл хөтлөх.
- Хэрэв таны сэтгэцийн эрүүл мэнд доголдвол мэргэжлийн хүнд хандах.
- Өөрийнхөө давуу талуудын талаар илүү ихийг мэдэх.
✅Нийгмийн эрүүл мэндийг сайжруулахын тулд:
- Салхинд гарах, хоол идэх зэрэгт бусдыг уриад үзэх.
- Бусадтай үр дүнтэй харилцаа тогтоохын тулд харилцах эсвэл, хэцүү яриа өрнүүлэх чадварт суралцах.
- Утга учиртай, таны үнэт зүйлд нийцсэн шалтгааны төлөө сайн дурын ажил хийх.
- Хэцүү үе тохиолдвол ойр дотны хүмүүст сэтгэлээ нээж, тусламж хүсч чаддаг бай
