Tutu’s advice

23/04/2025

01/02/2025

ЭМЯ: МЕНИНГОКОККТ ХАЛДВАР ГАРСАН БОЛОВСРОЛЫН БАЙГУУЛЛАГЫН ТАНХИМЫН СУРГАЛТЫГ 7 ХОНОГ ЦАХИМД ШИЛЖҮҮЛЭХ САНАЛ ГАРГАЛАА

📌Нийслэлийн Налайх дүүрэгт 2025 оны 01 дүгээр сарын 28-ны өдөр Менингококкт халдвар, нэн хүнд явцтай Менингококкцеми үжил, үжлийн шок, олон эрхтний дутагдал оноштой эмчлэгдэж байсан бага насны хүүхэд эндсэнд гүн эмгэнэл илэрхийлж байна.

📌Налайх дүүргийн Засаг даргын тамгын газар, Онцгой комисс, Эрүүл мэндийн төвийн мэргэжилтнүүд хамтран Монгол Улсын Шадар сайдын 2023 оны 28 дугаар тушаалаар эрсдэлийн үнэлгээг хийхэд “ӨНДӨР” эрсдэлтэй гарсан. Иймд Налайх дүүргийн халдвар гарсан боловсролын байгууллагын танхимын сургалтыг 2025.02.03-2025.02.10 хүртэл /7 хоног/ хаах арга хэмжээ авч хэрэгжүүлэх санал Эрүүл мэндийн яамнаас хүргүүлж байна.

📌Халдварын голомтод Халдварт өвчин судлалын үндэсний төв, Налайх дүүргийн эрүүл мэндийн төвийн хамтарсан баг хариу арга хэмжээ авч ажиллаж байна. Менингококкт халдвар нийслэлд бүртгэгдсэнээс улбаалан Эрүүл мэндийн яам, нийслэлийн хэмжээнд үйл ажиллагаа явуулдаг харьяа эмнэлгүүдийн удирдлагуудад Менингококкт халдварын тархалт, урьдчилан сэргийлэх чиглэлд хэрхэн ажиллах чиглэл өглөө.

📌 Эрүүл мэндийн сайд 2025.01.03 өдөр Менингококкт халдвартай холбоотой албан даалгавар гаргаж, үүсгэгчийн дэд хүрээ тодорхойлох оношлуураар яаралтай хангах чиглэлийг холбогдох мэргэжлийн төв байгууллагад үүрэг болгосон байсан. Одоогоор Баянгол дүүрэгт бүртгэгдсэн сэжигтэй тохиолдол нь эмнэлзүйн шинж тэмдэг буюу өндөр халуурах шинж тэмдэггүй, биед тууралт гарсан шинж тэмдэгтэй, шинжилгээ хийгдэж байна.

01/02/2025

☝🏻🦠👶 Бага насны хүүхдүүдийн дунд менингококкт халдвар бүртгэгдэж байгаа тул эцэг эхчүүд та бүхэн халдвараас урьдчилан сэргийлж, анхаарал болгоомжтой байгаарай! ✅💯🦠

23/07/2024

Таны эрхтнүүд хэрэв ярьдаг бол...
ЭРХТЭНҮҮДИЙН ГОМДОЛ ГЭНЭЭ

1️⃣ТОЛГОЙ: Миний хуйх их хуурай үс минь байнга унана их хэцүү. Өглөө болгон хуйхыг минь хумсаараа массажлаад үсээ угаахдаа шампуньдаа нэг халбага сода хийгээд сайн маажиж угаадаггүй байхгүй юу. Тэгээд халуун усаар л услаад байна. Xүйтэн усанд бүр чаддаггүй юм бол хүйтэн бүлээн усаар угааж болно доо. Ингээд баярлуулаад байвал юу гээд л толгой өвдөж даралт ихдэж үс унахав дээ. Эзэнд минь дамжуулаарай…!!!
2️⃣ ХҮЗҮҮ: Манай эзэн өндөр дэртэй унтдаг. Үрчлээтэж байна гээд л химийн гаралтай тос нялаад байна. Тэгээд бас давхар эрүүтэй. Уг нь өдөрт хэд хэдэн удаа арагшаа гэдийгээд 10 секунд болоод давхар ирүүг минь хоёр хажуу тийшээ массажлаад дэргүй унтаад байвал би үрчийж хорчийхгүй шүү дээ. Эзэнд минь дамжуулаарай…!!!
3️⃣ ГАР: Эзэн намайг зай завсаргүй зарна. Нэг гарын тос түрхсэн болоод тэгээд хуруу, тохой янгинаад байна гээд… Уг нь хумсыг минь будахгүй ядахдаа 14 хоног амьсгалчихмаар. Бас гараа атгаж тавиад, бугуйгаа бас тохойгоо эргүүлж тойруулах дасгал хийхэд 3 минут хавааск ш дээ. Мөрөө эргүүлж тойруулаад байвал юу гээд бадайрч эзнээ зовоох вэ дээ. Эзэнд минь дамжуулаарай…!!!
4️⃣ ЦЭЭЖ: Би уг нь тэвхгэр байхыг хүсдэг. Эзэн бөгтийгөөд л жирийгээд байдаг. Сайхан тэвхгэр алхвал мөр чинь бас гоо сайхан ш дээ. Мээм байна. Өдөр шөнөгүй намайг левчихээр хүлнэ. Би суллагдмаар л байна ш дээ Гэртээ байхдаа сул чөлөөтэй. Бас зөөлөн атгаж тавин, баруун зүүн тийш 2 минут гapaapaa массажилчихвал над дээр бэрсүү булчирхай үүсэхгүй ш дээ. Эзэнд минь дамжуулаарай…!!!
5️⃣ ХОДООД+НОЙР БУЛЧИРХАЙ: Эзэн арай дэндэнэ ээ. Чихтэл нь иднэ. Би ямар ч зайгүй тэгээд бүдүүн гэдэс бид 2 байлдана. Би түлхээд нөгөөх авахгүй. Ээ шөнө их хэцүү дүүрэн хоол наашаа ч гүй цаашаа ч гүй… Уг нь орой 18 цагаас хойш юм идэхгүй бол бүдүүн гэдэстэй хэрэлдэхгүй нөгөө БАБА г гулгуулчихна. Эзэн халуун хоол идээд л аpаас нь хүйтэн ус уугаад л том том өөх үмхлээд нойр булчирхай намайг зовоодог байхгүй юу. Бас архи гулгаад ороод ирнэ. Нойр булчирхай би чинь ходоодтой хам найз юм чинь ходоод хөнгөн шингэн бол би яах ч гүй ш дээ. Эзэнд минь дамжуулаарай…!!!
6️⃣ ЭЛЭГ: Би их эмзэг эрхтэн л дээ. Вирус наалдахдаа тун амархан. Миний дайсан архи. Бас өөхлөлт. Эзэн тарган тэгээд өөх хусаад байна. Гөлгөр гадаргуутай болмоор. Куркуматай ус, хужиртай ус юм уу сүү уувал би янзын угаагдана дөө. Эзэнд минь дамжуулаарай…!!!
7️⃣ ЗҮРХ: Би бол мотор. Эзэн хэт их таргалвал би амьсгалах ачааллаа дийлэхгүй ш дээ бас өөхлөнө. Хөнгөн шингэн стрессгүй л байвал би дуртай. Уурлаад улангасаад намайг түргэн түргэн цохилуулаад бүр ШИГДЭЭС рүү амбаардах гээд… Өдөрт 30 минут алхаад тайван байвал мотор би хэдэн жил ч энх мэнд байна дөө. Эзэнд минь дамжуулаарай…!!!
8️⃣ НУРУУ: Уг нь би тулгуур эрхтэн байхгүй юу. Эзэн намайг анхаарахгүй юмөө. Бүслүүрээрээ баруун зүүн тийш 10 эргэлдэхэд л миний сульдаа гарчихна. Мэдрэл нугасны судлуудтай холбоотойгоо мэднэ л дээ. Ээ дээ тэр 108 мөргөхөд би хачин дуртай… Эзэнд минь дамжуулаарай…!!!
9️⃣ БӨӨР: Би хэвлийдээ буй нялхас шиг усанд их дуртай. Эзэн ус уухгүй юмөө. Тэгэхээр эргэн тойронд БӨӨРНИЙ ЧУЛУУ гээч нь наалдаад… Уг нь усыг л сайн уувал би усан дотроо хөвөөд… нөгөө чулуу мулуунууд хөөгдөнө ш дээ. Юун бөөрний дутагдал. Би тэр усанд бол нугасгүй ш дээ. Гэхдээ хүйтэн биш бүлээн ус ч янзтай… Эзэнд минь дамжуулаарай…!!!
🔟 ДАВСАГ+САВ: Би шээстэй байх үнэн дургүй. Эзэн хавчаад байдаг юм. Тэгэхээр нөгөө шээс нь бусад руу үсчих гээд… Тэр дор нь шээчихэж бай л даа. Сав би дүлий эрхтэн нь үнэн л дээ. Эзэн дандаа босоо эсвэл хэвтээ байлгана.
Уг нь би эзэн 10 минут завилж суухад л гуяны артер венийн судас над руу гүйгээд би бөөн баяр. Бас нүцгэн шалдан гүйгээд намайг өвтгөөд тэгээд савны нтр өвчнийг наагаад л… Гэдэс давсаг бид 2 ыг орой болгон сүүлний эсвэл шар тосоор хэвтэж байгаад нар зөв буруу эргүүлээд 50, 50 удаа маccaж хийчихвэл болоод явчихна. Эзэнд минь дамжуулаарай…!!!
1️⃣1️⃣ НАНДИН ЭРХТЭН: Би эзэн усанд орвол л нэг сайхан. Бусад үед хуурайшаад л явдаг ш дээ. Кокосны тос, Aloe vera-гаар тослоод байвал хуурайшихгүй ш дээ. Тэгээд битгий дааруул л даа. Даарахаар дарангуйлаад тэр шээс чинь гарахгүй ЦИСТИД ирж шургалаад хэцүү хэцүү. Хүүхдийн bebe сальфетикаар арчаад тосолчихож байгаарай. Битгий химийн гаралтай саван хөөс нтр ээр угаагаад бай. Нандин эрхтэн тэртэй тэргүй дотроосоо байнга цэвэрлэгддэг юм шүү. Эзэнд минь дамжуулаарай…!!!
1️⃣2️⃣ ХӨЛ: Би чинь төгс үүрэгтэй эрхтэн ш дээ. Тулгуур багана. Эзэн ямар ч хөдөлгөөн хийхгүй хэвтээд би хөшихөөр чинь өвдөг булчин чинэрч бадайрна ш дээ. Тэр тархи толгойтойгоо цусаараа дамжуулаад уулзчихмаар л. Орой болгон хөлөө хананд сойгоод 15 минут хэвтэх дасгал хийвэл эрхтэн бидний цус эргэлдээд уулзаад хичнээн гoогoо гээч...

Бүсгүйчүүд минь хамгийн 1рт өөрийгөө хайрлаж сураарай …

17/07/2024

Энэ хүн 62 настай. Эд эрхтнүүд нь 37 настны хэмжээнд эрүүл саруул яваа. Dave Pasco-гийн ноухаунаас хүргэе:

1. Дасгал хийхгүйгээр эрүүл байлгана гэдэг бүх бараа, эмчилгээг хулхи гэж ойлгоорой. Үхэр өдөржин хивдэг шиг та дасгалаа өдөржин мэрж хий. 45 минут тутамд 10 удаа босч суу.

3. Аль болох өрхийн тариаланд ургуулсан эрүүл хүнс ид. Сайн чанарын мах ид. Шар тос ид. Цусны шинжилгээгээ өгөөд өөрт хэрэгтэй байгаа витамин, эрдэсээ нэмэлтээр тогтмол уу. Энэ хүн өөрөө бол өдөрт 100 гаруй витамин бэлдмэл нарийн төлөвлөгөөтэй уудаг.

4. Creatine, Omega 3 тогтмол уу. Хангалттай олон судалгаа үүнийг баталдаг. Булчин, тархи, зүрх, биеийн ерөнхий үрэвсэл дарахад хэрэгтэй.

5. Өдөрт найман цагийн нойр заавал авч байгаа. Орон дотроо хөлбөрч өнгөрөөсөн цагийг тооцохгүй шүү. Сэрүүн орчинд хүн сайн гүн унтдаг. Нойр сайн байж гэмээнэ зүрх судасны өвчнөөс хол байдаг.

6. Хүнд метал. химийн хорт бодис биед нэвчихээс аль болох зайлсхий. Бидний лаг дэлхийн брэнд гэж боддог маш их бүтээгдэхүүн хортой нэгдэл өндөр хэмжээнд агуулдаг. Буурай орнуудруу дүрэм журам сул учраас бүрч хортой юм экспорт хийдэг.

7. Саунд болж өгвөл ойр ойрхон сууж бай. 30, 40 минут нийт байхад болно. Зөнөх өвчин, харвалт, зүрхний шигдээс, сэтгэл зүйн эмгэгүүдээс сайн сэргийлдэг.

8. Хүйтэн шүршүүрт ойр ойрхон орж байгаарай. Бага багаар хүйтэн болгож орсоод байгаад чаддаг болно. Зүрх судас, хоол шингээлт, дархлаа сэргээлт, аз жаргалын гормонуудын ялгаралт зэрэгт сайн нөлөөтэй.

Үг цээжилдэг апп - Hippocards

20/06/2024

Орчин үеийн өндөр хурдтай хэмнэлд унтаж нойр авах нь зүгээр нэг залхуурч хэвтэхийн нэр биш, ажлын хүнд өдрийн дараа хүч чадлаа нөхөн сэргээх гарцаагүй шаардлага болон хувирчээ. Цаг хугацаа гэгч зүйлийг аль болох ашигтай зарцуулахыг хүн бүр эрмэлздэг болж. Боломжоороо их унтаж, сайн амрах нь зүйтэй гэдгийг онолын хувьд бүгд мэддэг ч, хэрэгтэй болон заримдаа онцын хэрэггүй зүйл оролдсоор нойрсох цагаа хасч багасгах явдал улам бүр нэмэгдсээр байна. Ийм бодлогогүй явдлын үр дагавар санаанд оромгүй муу байж болохыг анхааралдаа аваарай!
💥Гадаад төрх өөрчлөгддөг
Гэхдээ бүр муугаар шүү. Энэ талаар хийсэн туршилт судалгааны үр дүнг тоочоод байх шаардлагагүй байх. Эцэж ядарсан цонхигор царай, бүлцийж улайсан нүд, тодрон харагдах жижиг үрчлээсүүд, унжсан завж гээд л хүсмээргүй царай харагддаг шүү дээ. 24-30 цаг унтахгүй байхад л та нүүрэн дээрээ иймэрхүү төрхийг “зурах” вий!
💥Мансуурлын байдал
Зохих “порцийн” нойр авч чадаагүй тохиолдолд оюун санаа маань үнэхээр “согтуу” юм шиг болдог байна. Судалгаанаас үзвэл, 17 цаг унтаагүй хүний биеэ авч явах байдал нь цусанд 0,05% алкоголь орсон үетэй адил болдог гэнэ. Өөрөөр хэлбэл, нойрмог байдал нь согтууруулах ундаа хэрэглэсэнтэй адилаар анхаарал төвлөрөлт, сэтгэн бодох чадварт муугаар нөлөөлж, хариу үйлдлийг удаашруулдаг ажээ.
💥Сэтгэн бодох чадвар алдагдана
Та суут нээлт хийх чадвартай нэгэн байлаа ч, байнгын дутуу нойртой яваад байвал ямар ч амжилтанд хүрэхгүй. Цэргийн албан хаагчдыг 2 өдөр унтуулахгүй байлгаад даалгавар биелүүлэх туршилтанд оруулахад ихэнх хүмүүс бүтээлчээр сэтгэх, шинэ санаа сэдэх чадвараа алдаж, зөвхөн механик хөдөлгөөнийг л ердийнхөөрөө гүйцэтгэж байжээ.
💥Цусны даралт ихэснэ
Энэ талаар хийсэн маш олон янзын судалгаа байдаг. Нойр муудахад хамгийн түрүүнд цусны даралт ихэсдэг бөгөөд энэ нь цаашдаа биеийн ерөнхий төлөв муудахад нөлөөлнө. Иймээс эмч нар даралт ихэсдэг өвчтэй хүмүүст сайн унтаж амрахыг нэн тэргүүнд зөвлөдөг ажээ.
💥Оюуны чадавх буурна
Түүгээр ч зогсохгүй, ой тогтоолт муудаж эхэлнэ. Энэ нь цаашдаа хувийн амьдрал болон мэргэжлийн холбогдолтой үйл ажиллагаанд сөргөөр нөлөөлж болзошгүй юм.
💥Өвчлөх эрсдэл ихэснэ
Унтаж байх үед хүний дархлааны систем төрөл бүрийн вирустэй “байлддаг” цитокин гэх уургийг ялгаруулж байдаг. Бактераас хамгаалах шаардлага бий болмогц бие организм маань цитокиний тоо хэмжээг нэмэгдүүлж байдаг гэнэ. Нойроо багасгаснаар бид цитокиний түвшинг доошлуулж, төрөл бүрийн өвчин үүсгэгч бактерийн дайралтанд өртөмхий болдог ажээ.
💥Даарах
Нойр дутуугаас организм дахь бодисын солилцоо алдагдахад хүрдэг. Үүнээс болж биеийн ерөнхий температур багасаж, хүн даардаг.
💥Илүүдэл жин
Хоногт 4-өөс бага цаг унтдаг хүмүүсийн 73% нь таргалах хандлагатай байдаг. Энэ бүхний буруутан өнөөх л даавар. Өлсөх мэдрэмжийг грелин, лептин гэдэг дааврууд зохицуулж байдаг. Грелин нь организмыг “цэнэглэх”- хоол идэх болсныг тархинд дамжуулна. Харин өөхөн эсүүдэд үүсдэг лептин нь хооллох дур хүслийг бууруулж, цатгалан байгаа дохиог өгдөг аж. Хүн ядрах үед цусан дахь грелиний хэмжээ нэмэгдэж, лептиний түвшин буурдаг гэнэ.
💥Эрт хөгширнө
Бие организмд зүй ёсоор явагддаг хөгшрөлтийн шинж тэмдгийг зогсоох гэж хичнээн их мөнгө зарцуулллаа ч, та хэвийн унтаж амардаггүй л бол ямар ч нэмэргүй. Нойр дутуугаас хүн заавал стресст орж, энэ нь кортизол гэх дааврын хэмжээг нэмэгдүүлдэг. Кортизол нь арьсны тослог булчирхайн шүүрлийг ихэсгэж, арьс хөгшрөхөд нөлөөлнө. Харин таныг унтаж байх хооронд кортизолын хэмжээ хэвийн байдал орж, арьсны эд эсүүд нөхөн төлжих боломжтой болно. Хангалттай сайн унтаж чаддаггүй 30-49 настай хүмүүс үе тэнгийнхнээсээ 2 дахин хурдан хөгширдөг нь батлагджээ.
💥Сэтгэцийн өвчин
Статистик мэдээнээс үзвэл, нойрны дутагдалтай хүмүүс төрөл бүрийн сэтгэл мэдрэлийн өвчтэй болох эрсдэл жирийн унтаж амардаг хүмүүсээс 4 дахин их байдаг ажээ. Хэрэв нойргүйдэл хэт удаан үргэлжилвэл амиа хорлох хүртэл үзэгдэл гарч болзошгүй гэнэ.
💥Ясны гэмтэл
Нойр дутуугаас үүсэх ясны гэмтлийн онол одоогоор бүрэн батлагдаагүй байгаа ч, 2012-2013 онд хархан дээр хийсэн цуврал туршилтын үр дүн ингэж үзэх үндэслэлийг өгч байгаа аж. Тэднийг 72 цаг нойргүй байлгасны дараа ясны эс, чөмөг зэрэгт байх эрдсийн нягтшилт (жишээ нь, кальци) ихээр өөрчлөгдөж байжээ. Бүх сээр нуруутан болон хүнд ч нойргүйдэл ийм таагүй өөрчлөлтийг авчирч мэдэх талаар эрдэмтэд анхааруулж байна.
💥Дундаж наслалт богиносно
Удаан хугацааны турш нойр муутай явах нь бие махбодид зарим төрлийн эргэж буцалтгүй процессийг бий болгодог учир нас богиносгох эрсдэл ихтэй. Дээр нь таргалалт, согтууруулах ундаа, сэтгэцийн хямрал зэргийг нэмбэл үр дагавар нь тун ч хэцүүхэн байх болно. 2010 оны судалгаанаас үзвэл хоногт 6-аас бага цаг унтдаг хүмүүс жирийн нойртой хүмүүсээс 4 дахин бага насалдаг гэсэн тооцоо гарчээ.

15/06/2024

КВАНТ ФИЗИКИЙН ОНОЛООР АМЬДРАЛД ШУУД НӨЛӨӨЛДӨГ 7 ЗҮЙЛ

Квант физик дэх чичиргээ нь бүх зүйл энерги гэсэн үг. Чичиргээ бүр мэдрэмжтэй тэнцүү байдаг ба хоёр төрлийн чичиргээ байдаг. Мэдрэмж бүр эерэг эсвэл сөрөг байж болох чичиргээг ялгаруулдаг.

1-рт - Бодлууд
Бодол бүхэн ертөнц рүү давтамж ялгаруулдаг ба тэр давтамж нь буцаад эх үүсвэр рүүгээ очдог тул сөрөг бодол, шантрал, гуниг, уур хилэн, айдас төрвөл энэ бүхэн танд буцаж ирдэг. Ийм учраас бодлынхоо чанарт анхаарал тавьж, эерэг бодлыг илүү төлөвшүүлж сурах нь маш чухал.

2-рт - Таны эргэн тойрны хүмүүс
Таны эргэн тойронд байгаа хүмүүс таны чичирхийллийн давтамжид шууд нөлөөлдөг. Хэрэв та өөрийгөө аз жаргалтай, эерэг, шийдэмгий хүмүүсээр хүрээлүүлвэл та ч бас энэ чичиргээнд орно. Одоо хэрэв та гомдоллогч, медик, пессимистүүдээр өөрийгөө хүрээлүүлсэн бол болгоомжтой байгаарай! Үнэндээ, тэд таны давтамжийг бууруулж, тиймээс таны тааллаар таталцлын хуулийг ашиглахаас сэргийлж чадна.

3-рт - Хөгжим
Хөгжим маш хүчтэй. Хэрэв та зөвхөн үхэл, урвалт, уйтгар гуниг, орхигдлын тухай ярьдаг хөгжим сонсох юм бол энэ бүхэн таны чичиргээнд саад болно. Сонсож буй хөгжмийнхөө үгэнд анхаарлаа хандуул, энэ нь таны чичирхийллийн давтамжийг бууруулж магадгүй юм. Тэгээд санаарай: чи яг юу чичирхийлж байна түүнийгээ амьдралдаа татдаг.

4-рт - Үздэг зүйлс
Азгүйтэл, үхэл, урвалт гэх мэт зүйлсийг шийдэх нэвтрүүлэг үзэх үед таны тархи үүнийг бодит байдал гэж хүлээн авч, таны биед бүхэл бүтэн химийн бодис ялгаруулдаг бөгөөд энэ нь таны чичирхийллийн давтамжид нөлөөлдөг. Өөрт чинь сайн зүйл хийж, илүү өндөр давтамжтайгаар чичирхийлэхэд тусалдаг зүйлсийг ажигла.

5-рт - Сэтгэл санаа
Гэртээ ч бай, ажил дээрээ ч бай, эмх цэгцгүй, бохир орчинд их цагийг өнгөрөөдөг бол энэ нь таны чичирхийллийн давтамжид ч бас нөлөөлнө. Эргэн тойрноо сайжруулж, орчин тойрноо цэгцэлж, цэвэрлэ. Орчлон ертөнцөд илүү ихийг авах чадвартай гэдгээ харуул. Байгаа зүйлээ арчил!

6-рт - Үг
Хэрэв та юмс болон хүмүүсийн талаар дүр эсгэх эсвэл муугаар ярьдаг бол энэ нь таны чичирхийллийн давтамжид нөлөөлдөг. Давтамжаа өндөр байлгахын тулд бусдын талаар гомдоллох, муугаар ярих зуршлыг арилгах нь чухал. Тиймээс жүжиг болон хохирогчоос зайлсхий. Амьдралынхаа сонголтонд хариуцлага хүлээ!

7-рт - Талархал
Талархал таны чичирхийллийн давтамжид эерэгээр нөлөөлдөг. Энэ бол таны одоо амьдралдаа хэвшүүлэх ёстой зуршил. Бүх зүйлд талархаж эхэл, сайн зүйлс болон муу гэж боддог зүйлдээ, туулсан туршлагадаа таларх. Талархал таны амьдралд сайн сайхан зүйл тохиолдох үүдийг нээж өгдөг.
#хуулав

20/04/2024

МАЦАГ.
Хэрхэн зөв мацаг барих вэ? Нэг өдөр мацаг бариад 3 сараар залуужъя !!!
Мацаг барих гэдэг нь бие организмыг цэвэршүүлэх, өвчнөөс ангижрах, оюун ухаанаа төгөлдөржүүлэх зорилгоор хүн ямар нэг хоолноос, зарим тохиолдолд уснаас татгалзах сайн дурын үйлдэл юм. Эрт цагаас хүмүүс оюун санааны өндөрлөгт хvрэх, эрүүлжихийн тулд мацаг барьдаг байжээ. Өнөө цагт ч мацаг барихын үнэ цэнэ алдагдаагүй.
Мацаг барих өдрөө долоо хоногт нэг удаа байхаар сонгож, тэр өдрөө тогтмол мацаг барьж чадвал биед хуримтлагдсан хорт бодис алга болж, олон төрлийн өвчнөөс урьдчилан сэргийлэх болно. Долоо хоног бүр нэг удаа мацаг барихад жилд 52 өдөр болно. Энэ хугацаанд бол таны үе мөчөөс хорт хүчлийн талстуудыг зайлуулж биед эрч хүч хангалттай хуримтлагдах болно.
Хэрхэн зөв мацаг барих вэ? Мацаг барих өдрөө 24 цагийн турш зөвхөн ус л ууна. Өмнө нь мацаг барьж үзээгүй бол эхний удаад тараг уух, жимс ногоо идэх мэтээр хөнгөн чанарын хүнс бага зэрэг хэрэглэж болно. Мөн жимс болон сүүгээр дагнаж болно. Дараагийн удаа жимс буюу жимсний шүүстэй, дараагийн удаа зөвхөн усаар эцэст нь юу ч идэхгүй, уухгүйгээр мацаг барьж үзээрэй. Хоол тэжээлийн нэг мэргэжилтэн “Хэдийчинээн бага шингэн ууна, төдий чинээ их хүчээр мацаг үйлчилнэ” гэж хэлсэн байдаг. Энэ үгийг битгий мартаарай. Мацагаа хөдөлгөөнтэй хослуулвал гайхалтай үр дүнд хүрнэ. Гэхдээ өөртөө хэт их ачаалал өгөх хэрэггүй, алхах, хөнгөн дасгал хийх зэргээр биеийнхээ бодисын солилцооны өөрчлөлтийг дэмжиж өгөх хэрэгтэй. Мацаг барьдаг хүмүүс мацгийн өдрүүдэд ухаан санаа нь тод ойлгомжтой байж эрч хүч, эрүүл байдлыг мэдэрдэг. Харин эхний удаад бие махбодь чинь хэт нэвчсэн хорыг гадагшлуулж эхэлж буй учир таныг мацаг нэлээд сульдааж болно. Чухам энэ бол мацаг үйлчилж буйн шинж. Нөгөө талаар бие махбодид удаан хугацаагаар тагларсан хортой хаягдлууд нь цусанд нэвчиж гадагшлан ялгарахад бэлэн болж буй нь тэр. Цагаавтар өнгөөр хучигдсан салст бүрхэвч ходоод, нарийн гэдсэнд хуримтлагдсан нян, хог хаягдлууд хэлээр дамжин гардаг. Чухам энэ үед хэлээ маш сайн хусаж хорыг цэвэрлэх хэрэгтэй. Энэ гадагшилж байгаа процесс бол цэвэршилтийн нэг үзүүлэлт юм. Ходоод хонхолзоход хэрэв ядарлаа тэвчихгүйгээр ихээр идэж эхэлбэл мацгийн хамаг үр ашгийг баллах болно. Мацгийн үе дэх чанд сахилга нь таныг сэтгэлийн тэнхээтэй болгоно. Оройн хоол идсэнээс 10-12 цаг болоод биемахбод өөрийгөө ямар нэг хэмжээгээр цэвэрлэж байдаг. Хорт хаягдлууд цусанд орж түүгээр гадагшлуулагдаж байдаг. Хүмүүс өглөө босоод түргэхэн хоол идэхийг яардаг. Чухам энэ байдал нь дээрхи процессыг зогсоодог байна. Зарим хүмүүс бие нь тавгүйтэхэд шөнө дунд босч хоол иддэг. Өөрөөр хэлбэл тэд хуримтлагдсан хорын шингээлтийг зогсоохын тулд ходоодоо хоолоор дүүргэж байна гэсэн үг. Энэ бүх өөрчлөлт нь хүний биед дотоод цэвэрлэгээ хийхийг шаардаж буй сануулга дохио. Хүн хэд хэдэн удаа мацаг барьсны дараа бие нь цэвэршиж эдгээр сулралын мэдрэмжүүд нь арилдаг. Бүр огт өлсдөггүй. Учир нь сахар цардуул мэтийн залгидаг биет байхгүй болдог.
Мацаг яаж тайлах вэ? Мацаг хэрхэн тайлах нь мацаг барихаасаа чухал юм. Та бүх махбодоо амрааж цэвэрлэсний дараа өөх тос махтай хүнд хоолыг ихээр цадатлаа идэх юм бол ходоод тань дахин сунаж хэт ачаалалд автан мацгийн бүх үр дүн устах болно. Мацаг тайлах өглөө нар мандсаны дараа давс буюу зөгийн балтай нэг аяга нимбэгний шүүс уух. Нимбэгний шүүс нь маш шүлтлэг бөгөөд бие махбодыг цэвэрлэхэд хамгийн сайн нөлөөтэй. Энэ нь хүчлийг саармагжуулж мацгийн үед эд эрхтнээс цэвэрлэгдэн бүх зүйл салстуудыг устгах төдийгүй, шингээж амархан гадагшлуулдаг.
Дараа нь хагас эсвэл бүтэн гадил идэхдээ зажлалгүйгээр жижиг жижгээр хазаж шууд залгих хэрэгтэй. Гадил/банан/ шингээн уусгах хөвхөнцөр мэт үйлчилж ходоод нарийн гэдсэн дэх хорыг саармагжуулан хялбар гадагш хөөнө. Энэ нь хоол тасралтгүй боловсруулахад таатай нөхцөл бүрдүүлэн нарийн гэдсийг тосолж байдаг юм. Хэрэв бололцоотой бол өглөөний ундаа хагас цагийн дараа уувал зохимжтой. Мацгийн дараахь анхны хоол хөнгөн чанарын шинэ ногоо жимсээр баялаг байх шаардлагатай. Ялангуяа цэцэгт байцаа, навчит ногоо нь хоол боловсруулах замд үлдсэн хор хаягдлыг шингээж угааж суллана. Ширхэглэг хальстай ногоо нь шүүрдэж цэвэрлэж буй мэт үйлчилнэ. Шүүслэг жимс нь хоол боловсруулах замыг цэвэрлэн хамахад тусална. Өглөөний хоол амархан шингэхүйц хөнгөхен байх тусам ходоод нарийн гэдсэн дэх үлдэгдэл хор салсыг түргэн гаргадаг.
Мацгийн дараахь өдөр усанд орохдоо арьсны нүх сүвүүдээр гадагшилсан хор, хог хаягдлыг цэвэрлэхийн тулд биеэ сайтар үрж угаана.
Түүнчлэн 7 хоногийн аль гарагт мацаг барьвал хаана ямар нөлөө үзүүлдэг болохыг нарийвчлан судласан байдаг.
Долоо хоногт 1 удаа мацаг барих нь тийм ч хэцүү биш, харин ч та сэтгэл хангалуун байж яг л нисэж буй мэт хөнгөн шингэн болно! Хамгийн гол нь тогтмол, зөв мацаг барих нь чухал шүү хэмээжээ.(copy)

19/04/2024

Мазок шинжилгээ юуг хэлж байна вэ?

Мазокийн шинжилгээ буюу үтрээний наалдацын шинжилгээ: Энэ шинжилгээ нь эмэгтэйн үтрээнээс арчдас аван нөхцөлт эмгэгтөрөгч нян, мөөгөнцөр, бэлгийн замын халдварт өвчин үүсгэгч илрүүлэхээс гадна цагаан эс, хучуур эс, салст зэргийг тусгай будагч бодисын тусламжтай микроскопоор харан тодорхойлно.

Мазокийн шинжилгээг хэзээ хийлгэх вэ?

Үтрээнээс цагаан, ногоон, шар өнгийн өтгөндүү шингэн ялгарах
Эвгүй үнэр гарах
Загатнах
Яр, цэврүү гарах
Шээх үед өвдөх
Бэлгийн харьцааны үед өвдөх
Сарын тэмдгийн мөчлөг алдагдах
Халуурах

Шинжилгээний хариуг юу хэлж байна вэ?

1,Гонококк илрэх

Гонококк илрэх нь заг хүйтэн өвчин байгааг илэрхийлнэ. Энэ үед эмэгтэйд умайн хүзүүний үрэвслээр илрэх ба зовиур багатай, балархай хэлбэрээр (75%) элбэг тохиолдоно.

Заг хүйтэний үед дараах зовиурууд илэрнэ.

Бэлэг эрхтэн орчим эвгүй оргиж, загатнана

Умайн хүзүүний сувгаас өтгөн ногоон, идээт ялгадас гарна

Умайн хүзүүний салст улайж хавагнана

Хэвлийн доод хэсгээр өвдөх зовиур илэрч болно

2.Флор кокк илрэх

Энэ хэвийн нянгийн үржил байгааг илэрхийлнэ Ялангуяа дархлаа сулрах, ажлын ачаалал ихтэй байх, ядрах үед ихэсэж , үтрээнээс ялгарах цагаан юмны өнгө шаргал туяатай болж, бага зэргийн эвгүй үнэр гарах зэрэг зовиур илэрнэ

3. Трихомоназ илрэх

Трихомоноз илэрсэн бол заавал эмчийн заавраар эмчилгээг хийнэ. 4 шилбүүртэй хөдөлгөөнтэй эгэл биетэнээр үүсгэгдсэн бэлгийн замаар дамждаг халдварт өвчин.

Эмэгтэйчүүдэд бэлгийн уруул, үтрээний үрэвсэл үүснэ, эвгүй үнэртэй, шар ногоон өнгөтэй ялгадас гарна

Хосуудыг хамтад эмчилнэ

4. Мөөгөнцөр илрэх:

Эмэгтэйчүүдийн 75% нь мөөгөнцрөөр өвчилдөг, олон удаа сэдэрдэг, 80% candida albicans-аар, үлдсэн 20% нь бусад candida krusei candida tropicalis- гэсэн мөөгөнцөр үүсгэгчээр үүсгэгдэнэ.

Мөөгөнцрийн халдвар нь бэлгийн хавьтлаар шууд дамжддаггүй, харин бэлгийн хавьтлын явцад үүссэн жижиг гэмтлээр дамжина.

Үтрээний мөөгөнцөр үүсгэх шалтгаан:

Дархлаа буурах
ХДХВ-ийн халдвар
Чихрийн шижин
Үтрээ угаах
Жирэмслэлт
Антибиотик удаан уух
Шинж тэмдэг:

Гадна бэлэг эрхтэн, бэлэг эрхтэний амсар орчмоор загатнах, эмзэглэх, хөгц үнэртэй өтгөн цагаан ялгадас гарах нь мөөгөнцрийн сонгодог шинж тэмдэг юм.

5.Гарднелла нян илрэх

Гарднелла нян ихэснээс болж нянгийн шалтгаант үрэвсэл үүснэ.

18 наснаас дээш эмэгтэйчүүдэд үтрээс ялгадас гардаг гол шалтгаан нь болно. Биений юм үзэгдэхийн өмнө, эсвэл бэлгийн хавьталын дараа үтрээнээс загасны эвгүй үнэртэй, цайвар шаргал шингэн юм гарна.

6. Лейкоцит илрэх

Лейкоцит 1-3 нэмэх тэмдэглэгээтэй байвал үтрээний үрэвсэл идэвхитэй явагдаж байгааг илэрхийлнэ. Үтрээний мөөгөнцөр, нянгийн шалтгаант үтрээний үрэвсэл, трихомоназын халдварын үед ч лейкоцит их хэмжээтэйгээр илэрнэ.

7. Лактобацилл багасах, алга болох

Лактобацилл нян нь үтрээний бичил биетийн эрүүл, хэвийн тэнцвэрт байдлыг хадгалахад тусалдаг байгалийн ариутгагч болдог.

Үтрээний ашигтай бичил биетэн буюу нян дараах үүрэг гүйцэтгэнэ:

Их хэмжээгээр оршдгоороо үтрээнд нэвтэрсэн хор хөнөөлтэй нянгуудыг тооны хувьд давамгайлж устгадаг.

Үтрээний орчны хүчил, шүлтийн тэнцвэрт байдлыг хадгална. (үтрээний орчин хүчиллэг орчныг бүрдүүлнэ)

Үтрээнд нэвтэрсэн бусад нянгуудыг устгах эсвэл тоог нь багасгах үйлчилгээтэй бодисыг ялгаруулна.

Биологийн гаралтай антибиотик болох бактериоцин ялгаруулж үтрээнд нэвтэрсэн халдварын нянг устгах буюу тоог нь цөөрүүлдэг.

Үтрээнд нэвтэрсэн халдварын нянг үтрээний салстад бэхлэгдэн, эдийг гэмтээхээс хамгаалдаг бодис ялгаруулан хориг тавьдаг.

Энэ нянгийн тоо маш бага болвол үтрээний нянгийн шалтгаант үрэвслээр өвддөг . Лактобацилл нянгийн тоо бууруулахад нөлөөлөх хүчин зүйлс

Антибиотикийн зохисгүй хэрэглээ

Үтрээ хэт ойр ойрхон угаах, саван хэрэглэх

Архаг өвчлөл, эмгэгүүд. Чихрийн шижин зэрэг бодисын солилцооны эмгэгүүд үтрээ хуурайшихад нөлөөлнө.

Стресст өртөх

Дархлаа дарангуйлагдах

Дааврын өөрчлөлт

Эмчилгээ:

Шалтгааны эсрэг эмчилгээг хийнэ. Трихомоназ , Гарднелла, Мөөгөнцрийн аль эмгэг вэ? гэдгээс хамаараад эмчилгээ нь өөр өөр байна. Мөн шаардлагатай тохиолдолд антибиотик эмчилгээг 7-14 хоног уулгана. Үтрээний хэсэг газрын үрэвслийг дарах, өвдөлт намдаах, нянгийн үржлийг дарангуйлах үйлдэлтэй олон төрлийн эмийн ургамал агуулсан В-гелийг өдөрт 2 удаа 2г үтрээний гүнд хийнэ. Эмчилгээ 7-14 хоног үргэлжилнэ.

Урьдчилан сэргийлэлт:

1.Үтрээ, умайн хүзүү, өндгөвчийг эрүүл байлгахын тулд хамгийн түрүүнд үтрээний угаалгыг өдөр бүр цэвэр бүлээн усаар угааж, ариун цэврийг сайтар сахихад оршдог . Иймээс өдөрт 1 удаа цэвэр бүлээн усаар урдаас арагш чиглэлтэй байдлаар урсгал усаар угаана. Ямар нэг саван хэрэглэх шаардлагагүй байдаг бөгөөд хэрэв хэрэглэхээр бол ph шүлтлэг савангаар угаагаарай.

2. Үтрээний орчинг эрүүл байлгах 2 дахь зүйл бол амьдралын зөв хэв юм. Зөв амьдралын хэв маяг гэдэгт аминдэмээр баялаг хоолыг өдөр бүр хэрэглэх, дархлаагаа сайн дэмжин, витамин С , Д зөв тунгаар тогтмол хэрэглэх, стрессээ зөв тайлж сурах, хорт зуршилгүй байх , зөв бэлгийн амьдралтай байх зэрэг ордог.
Эмэгтэйчүүдийн эмчийн зөвлөгөө

17/04/2024

📌 ТУНГАЛАГИЙН ТОГТОЛЦОО

Хүний биенд эсүүдийн хоорондох зай нь элдэв бохирдол, эс эрхтэний ялгадас, хорт бодис, эмгэг бичил биетүүдээр дүүрдэг. Үүнийг байнга цэвэрлэж зайлуулж устгаж байдаг тунгалагийн тогтолцоог байгалаас бидэнд заяажээ. Нэг ёсны бохир цэвэрлэх систем юм.

✅Тунгалагийн тогтолцоо:

• БОДИСЫН СОЛИЛЦООГ дэмжих үүрэг: эд завсрын шингэнийг цуглуулан авч, цусны эргэлтэнд буцаан оруулах үүрэгтэй

• ШҮҮХ, ЦЭВЭРЛЭХ үүрэг: Вений судасруу хүргэх замдаа аливаа бохирдол, хорыг шүүж устгаад гадагшлуулах үүрэгтэй. Шүлс, нус, хөлс, ялгадасаар гадагшилна.

• Тунгалагийн шингэний элементүүдийг бий болгоно.

• ХАМГААЛАХ ҮҮРЭГ: Энд хүний бие махбодийн хамгаалах алба гэгдэх лейкоцит, микрофагууд оршдог. Гаднаас орж ирсэн бактери, хорт зүйлүүдийг тэд устгах, халдвар, хорт бодис тархахаас хамгаалах үүрэгтэй.

• БИЕИЙН ДАРХЛААЖУУЛАЛТ, дархлааны эсүүд энд үйл ажиллагаагаа явуулдаг.
Тунгалагийн тогтолцооны тухай чухал ойлголт:
• Цуснаас 3 дахин их. Биеийн шингэний 70%-г тунгалагийн шингэн эзлэнэ.
• Биенд цугларсан хорын 80% нь энд хуримтлагддаг
• Тунгалагийн шингэн нь биеийн бүх шингэний суурь болдог, нулимс, шүлс, хөлс гэх мэт
• Зөвхөн нэг тийшээ чиглүүлдэг клапнуудын тусламжтайгаар доороос дээшээ, гаднаасаа дотогшоо урсана
• Өөрийн гэсэн шахдаг механизм байхгүй, өрц болон хажуугийн булчингуудаар шахагддаг
• Урсгалын хурд удаан, хөлийн хуруунаас толгой хүртэл хүрэхэд 3 сар болно.

Тунгалгийн тогтолцоо нь дор дурдсан хэсгүүдээс бүтнэ. Үүнд:

✅ 1. ТУНГАЛАГИЙН ЗАНГИЛААНУУД буюу тунгалагийн булчирхайнууд /биенд 450ш байдаг/: Үүнийг Гаалийн албатай зүйрлэж болно. Энд бактери, вирус, хортой бодис, эс эрхтний ялгадсыг цааш нь нэвтрүүлэхгүй шүүж, түүнийг устгаж , биенээс гаргаж гадагшлуулна Тунгалгийн булчирхайд асар их хэмжээний инестин агуулагдаж байдаг. Харин интестин нь биеийн дархлааг сайжруулан, хүний биед агууллагддаг ашигтай нэгдлүүдийг ашиггүй нэгдлүүдээс зааглан, хөгшрөлтөөс сэргийлдэг байна.
Зангилаа ихээр байдаг эрхтэнгүүд:
• Бэлэг эрхтэн
• Бүдүүн гэдэс
• Хөлсний булчирхай
• Дэлүү
• Сэрвээ булчирхай
• Хамар
• Амны хөндий
• Нүд
• Уушиг
• Толгой

✅ 2. ТУНГАЛАГИЙН СУВГУУД: Энэ нь эд, эрхтэнээс тунгалагийн шингэнийг маш нарийн хялгасан сувгаар нийлүүлж аваад арай том сувгуудаар дамжуулж венийн цусанд нийлүүлэх сувган тогтолцоо юм.

✅ 3. ТУНГАЛАГИЙН ШИНГЭН, лимфа/ лат.

Тунгалагийн тогтолцооны үйл ажиллагаа алдагдах маш олон шалтгаан бий:
• ХӨДӨЛГӨӨНИЙ ДУТАГДАЛ
Тунгалагийн тогтолцоо нь цэвэрлэх чадвартай, тэгэх ч үүрэгтэй, гэхдээ хөдөлгөөнгүй болчихоороо өтгөрснөөр янз бүрийн хорт бодис овоорон, бичил биетүүд үржиж өвчин эмгэг үүснэ. Хавдрын эх энд үүсдэг гэдэг.
• Буруу амьсгал. Хөдөлгөөн багатай хүн хэвлийгээр биш цээжээрээ хурдан амьсгалдаг, ялангуя эмэгтэйчүүд
• БУРУУ ХООЛЛОЛТ
• СТРЕСС
• Тэжээллэг бодисын дутагдал
• Агаар хөрс хортой орчин
• Эмийн эмчилгээ

Тунгалгийн тогтолцоогоо цэвэрлэх болсон гэдгийг батлах шинж тэмдэгүүд:
• Булчирхайнууд томрох
• Нус, цэр, ялгадас ихээр гарах
o Тунгалгийн тогтолцоо бохирдохоор Кандида мөөгөнцөөр ихээр үрждэг, түүнийг арилгах маш хэцүү.
• Хоол боловсруулалт хямрах, гэдэс дүүрэх
• Толгойн байнгын өвдөлт
• Байнга нойр хүрэх
• Байнга хамар битүүрэх, ханиад томуу ойрхон ойрхон хүрэх
• Илүүдэл жин
• Архаг ядаргаа
• Үе мөчний үрэвсэл

o Гол үүсгэгч стрептокок
• Арьсны өвчин /харшил, псориоз, дерматит, диатез, арьсны ургацууд/
o Тунгалгын зангилаа, булчирхайнууд бөглөрөөд шууд арьсаар гарч эхлэхээр тэгнэ.
o Энэ үед мөөгөнцөр үүсэж хүндрүүлдэг

Тунгалгийн тогтолцоог идэвхжүүлж цэвэршүүлэх Аюрвед болон Альтернатив эмчилгээний аргуудыг танилцуулья.
Эдгээр нь хорыг биеэс зайлуулж тунгалгийн тогтолцооны үйл ажиллагааг хэвийн явуулахад тусална.

✅1. Хөдөлгөөний идэвхи: Бидний биед цуснаас 3 дахин их хэмжээний тунгалгийн шингэн бий. Цус хангамжийн системд зүрхний тусламжтайгаар шахалт явагдаж байдаг бол энд шахах эрхтэн байдаггүй. Тиймээс тунгалагийн тогтолцоонд шаардлагатай хамгийн эхний зүйл бол тогтмол дасгал хөдөлгөөн хийснээр урсгалыг нь сайжруулж бөглөрөл үүсгэхгүй байх юм.
• Эрчимтэй хөдөлгөөнтэй, хөлс гаргах дасгал тогтмол хийж байх. Хөлсөөр асар ир бохирдол гардаг гэдгийг бүгд мэдэж байгаа.
• Сунгалтын дасгал, Йогийн дасгал: тунгалагийн урсгалыг сайжруулна.
• Тунгалагийн тогтолцоонд нөлөөлөх бас нэг сайн дасгал бол жижиг батут дээр үсрэх юм.
2. Амьсгалын дасгал:
• Хэвлийн гүнзгий амьсгал. Хэвлийгээр амьсгал авснаар өрц хөдөлгөөнд орж шахуургын үйл явц өрнөж тунгалагийн тогтолцоог дэмжинэ. Ингэснээр хорт бодисыг зөөвөрлөхөд туслана.
3. Зөв хооллолт, хоолны дэглэм: Мацаг, пребиотик, пробиотик
4. Цэвэр ус уух: Өөртөө тааруулж ус ууна, бүлээн ус ууна. Нимбэг, цагаан гаатай ус уувал сайн.
5. Тосон цэвэрлэгээ: усанд уусдаггүй бодисууд биенд агуулагдаж байдаг учир үүнийг эмчилгээний тос уух ба тосолгоогоор цэвэрлэнэ. /Йогийн панчакарма/
6. Саун ба Усан массаж: Тунгалгийн тогтолцоог хоргүйжүүлэх хамгийн хялбар аргуудын нэг бол саун болон усан иллэг юм. Ингэснээр тунгалагийн шингэний эргэлтийг нэмэгдүүлэх ба илүүдэл шингэн, өөх, хорыг эсээс зайлуулна.
7. Биеийн массаж: сайн боловч буруу хийвэл тунгалагийн суваг, клапнуудыг гэмтээх аюултай.
8. Халуун, хүйтэн шүршүүр: Цусны судас халуун усны нөлөөгөөр өргөсдөг харин хүйтэн усанд судас агшдаг. Биед агуулагдах шингэнүүд нь ийм нөлөөнд удаан хугацаагаар байснаар “шахуургын” үйлчилгээ үзүүлнэ. Жирэмсэн болон зүрх судасны өвчтэй хүмүүст энэ эмчилгээг хийж болохгүй.
9. Хуурай цэвэрлэгээ: 10 минутын турш биеийн сойзны тусламжтай тойрог хөдөлгөөн хийж биеэ угааж цэвэрлээрэй.
10. Тунгалагийн урсгалд нөлөөлдөг хүнс хэрэглээ: Маалингын үр, навчит ногоон ногоо, чиа үр, спирулина

✅Эмчилгээ
• Тунгалагийн шингэний урсгалыг эрчимжүүлэх. /ЧИХЭР ӨВС/, Анхаарах зүйл өмнө нь элэг, цөс цэвэрлэсэн байх
• Хор тайлах. /Идэвхжүүлсэн нүүрс, Энтеросгель/
• Витамин, эрдэс /ЙОД/
Тунгалагийн тогтолцоонд муугаар нөлөөлдөг зүйлс:
• Хөдөлгөөний дутагдал
• Сахар, сахар агуулсан хүнс, цагаан гурил, боловсруулсан тос,
• Амьтны гаралтай өөх тос, мах, сүү сүүн бүтээгдэхүүний хэтрүүлэн хэрэглэх
• Цай, кофе, хийжуулсан ундаа
• Бариу хувцас: Бариу хувцас өмссөнөөр тунгалагийн тогтолцооны эргэлтэнд муугаар нөлөөлнө. Учир нь бариу хувцас тунгалагийн урсгалыг саатуулж хорт бодис хуримтлагдахад хүргэдэг.
Copy