Onoshmed Clinical Laboratory

Onoshmed Clinical Laboratory Дэлхийн стандартыг
Таны эрүүл мэндэд
(1)

Манай лаборатори дараах төрлийн оношилгоо, шинжилгээг авч үйлчилж байна.

✅ БИОХИМИ
- Элэг цөс, бөөр, нойр булчирхайн үйл ажиллагаа
- Өөх тосны солилцоо
- Чихрийн шижин
- Эрдэс бодис (төмөр, кальци, натри, кали, хлор, магни, фосфор)
- Витамин Д
- Витамин В12
- Фолийн хүчил
- Ферритин
✅ ГЕМАТОЛОГИ
- Цусны дэлгэрэнгүй шинжилгээ
- Коагулограмм
- Цусны бүлэг, резус фактор
✅ ИММУНОЛОГИ
- Эрэгтэй, эмэгтэй бэлгийн даавар
- Элэгний вирусын маркер
- Бамбай булчирхайн даавар
- Хавдарын маркер
- Үе мөчний маркер
- Хелико бактери (цус, өтгөнд)
✅ МОЛЕКУЛ БИОЛОГИ
- БЗДХ оношилгоо
- Эрэгтэй, эмэгтэй наалдацын шинжилгээ
✅ ЦИТОЛОГИ
- Эсийн шинжилгээ

Бид олон улсад хүлээн зөвшөөрөгдсөн, чанар стандартын шаардлага хангасан тоног төхөөрөмжүүд болох Японы Sysmex, Францын BioMerieux, Германы Human, АНУ-ийн Cepheid GeneXpert аппарат, урвалж оношлууруудыг ашигладаг.

Биднийг сонгон үйлчлүүлдэг эрхэм үйлчлүүлэгч та бүхэндээ баярлалаа.

Эрхэм хүндэт харилцагч, үйлчлүүлэгч Та бүхэндээ Ирж буй шинэ ондоо эрүүл энх байж, аз жаргалаар дүүрэн бялхахыг хүсэн ер...
31/12/2025

Эрхэм хүндэт харилцагч, үйлчлүүлэгч Та бүхэндээ Ирж буй шинэ ондоо эрүүл энх байж, аз жаргалаар дүүрэн бялхахыг хүсэн ерөөе ✨🥂✨

🎄 БАЯРЫН өдрүүдээр ажиллах ХУВААРЬ 🎄⭐️ 2025.12.25 Пүрэв гаригт 13:00 цаг хүртэл хагас ажиллана. ⭐️ 2025.12.26 Баасан гар...
24/12/2025

🎄 БАЯРЫН өдрүүдээр ажиллах ХУВААРЬ 🎄

⭐️ 2025.12.25 Пүрэв гаригт 13:00 цаг хүртэл хагас ажиллана.
⭐️ 2025.12.26 Баасан гаригт амарна.
⭐️ 2025.12.27 Бямба гаригт 8:30-15:00 хагас ажиллана.
⭐️ 2025.12.29 Даваа гариг 8:30-15:00 цаг хүртэл хагас ажиллана.
⭐️ 2025.12.30 хэвийн цагийн хуваарийн дагуу ажиллана.
⭐️ 2025.12.31 - 2026.1.1 амарна.

✨ 2026 оны 1 сарын 2-оос ердийн цагийн хуваарийн дагуу ажиллана.

Эрхэм үйлчлүүлэгч, хамтрагч та бүхэндээ ирж буй шинэ онд эрүүл энх, аз жаргал, амжилт бүтээлээр дүүрэн байхыг хүсье. Шинэ оны мэнд дэвшүүлье! 🥂✨

ЦИСТИТ ГЭЖ ЮУ ВЭ?Цистит буюу давсагны салстын үрэвсэл бөгөөд нас хүйс үл хамааран тохиолддог. Циститийн 90% орчим хувь...
18/12/2025

ЦИСТИТ ГЭЖ ЮУ ВЭ?

Цистит буюу давсагны салстын үрэвсэл бөгөөд нас хүйс үл хамааран тохиолддог. Циститийн 90% орчим хувь нь Escherichia coli (E. coli) төрлийн нянгаар үүсгэгддэг. Энэхүү нян хүний бүдүүн гэдсэнд байрлахдаа хор хөнөөл багатай ч, бөөр шээсний замын үрэвслийн үндсэн шалтгаан болдог.

Эмэгтэйчүүдэд илүү түгээмэл тохиолддог бөгөөд үүний шалтгаан нь эмэгтэйн биеийн бүтцийн онцлогтой холбоотой. Эмэгтэй хүний шээсний сүв, хошногоны амсар, үтрээтэй ойр байрлана. Иймээс дээрх нянгаар үүсгэгдсэн өгсөх замын халдвар үүсэх нөхцөл бий болно.

🧬 Шалтгаан:

1. Нянгийн халдвар
2. Даарах ялангуяа доороосоо даарах
3. Бэлгийн ариун цэвэр хангалтгүй байх
4. Шээсээ удаан барих
5. Жирэмслэлт
6. Цочроох бодис /үнэртэй саван, шүршигч/

🧬 Шинж тэмдэг:

шээх үед хорсох,
шархирч өвдөх,
ойр ойрхон бага хэмжээтэй шээх,
давсаг дүүрсэн мэт болох,
давсаг, хэвлийн доогуур өвдөх,
шээс үнэртэй, булингартай, цустай гарах, халуурах,
дутуу шээсэн мэдрэмжтэй байх.

⁉️ Хэн илүү өртөх вэ?

Эмэгтэйчүүд, жирэмсэн эх, дархлаа султай хүмүүс, бага насны хүүхэд, ахмад настнууд, хүйтэн орчинд ажилладаг хүмүүс.

🧬 Оношилгоо:

1. Шээсэнд нян ургуулах шинжилгээ
2. Шээсний сүвний арчдас
3. Эмэгтэйчүүдэд үтрээний наацын шинжилгээ

🔴 Нянгийн гаралтай цистит бэлгийн идэвхитэй харилцаанд байдаг эмэгтэйчүүд, жирэмсэн ээжүүд, ахимаг насны эмэгтэйчүүдэд зонхилон тохиолддог. Хүйтэн сэрүүний улиралтай холбоотой давсагны архаг үрэвсэл сэдрэх нь илүүтэй.

🟢 Нянгийн бус шалтгаантай циститийн төрлүүд мөн хүмүүст нилээд тохиолддог.
Интерстициал цистит буюу давсагны өвдөлтийн хам шинжийн тохиолдол ихэнхдээ эмэгтэйчүүдэд оношлогддог. Уг өвчнийг оношлох, эмчлэх хүндрэлтэй байдаг. Мөн шалтгаан нь тодорхойгүй байдаг.

Зарим төрлийн эмнүүд, тухайлбал хими эмчилгээнд хэрэглэдэг циклофосфамид, ифосфамид зэрэг нь биеэс гадагшлах явцдаа задарч, задралынхаа үр дүнд давсагны хана үрэвсүүлэх бодис ялгаруулж химийн шалтгаант цистит үүсгэдэг.
Туяаны циститийг бага аарцгийн эрхтнүүдэд туяа эмчилгээ хийлгэсэн хүмүүс өвчилдөг.

🔵 Гадны биетийн шалтгаант цистит: Урт хугацааны катетарын хэрэглээ нь эд эсийн гэмтэл үүсгэх болон нян үржих таатай орчин болох ба үрэвсэлийн шалтгаан болно.

🟣 Химийн бодисын шалтгаант цистит: ванны хөөс, эмэгтэйчүүдийн ариун цэврийн зориулалттай спрей, үнэртэн, спермицид агуулсан жирэмсэнээс хамгаалах гель зэрэг бүтээгдэхүүний найрлаганд орж буй химийн бодист хэт мэдрэг, харшлын урвалтай төстэй хариу урвалыг үзүүлдэг. Энэ нь цистит үүсгэх шалтгаан болдог.

🟠 Бусад шалтгаант цистит: Чихрийн шижин, бөөрний чулуу, түрүү булчирхайн томрол, нуруу нугасны гэмтэл зэрэг өвчний хүндрэлээс шалтгаалан дасвагны үрэвсэл үүсэж болно.

🧬 Урьдчилан сэргийлэх:

1. Ус буюу шингэн сайн уух
2. Шээс хүрсэн даруйд давсгаа суллах
3. Бэлгийн ариун цэврийг сайн сахих
4. Хүндэрсний дараа бөгсийг урдаас хойш чиглэлд арчих боломжтой бол цэвэр усаар угаах
5. Даарч хөрөхөөс сэргийлэх, улирлын байдалд тохируулан хувцаслах
6. Усанд орохдоо шүршүүрт орох
7. Цэвэр даавуун дотуур хувцас өмсөх

💜 Эмэгтэйчүүдийн эмчийн үзлэг, оношилгоо
Цаг авах: 77205599, 80905172

🟡ВИТАМИН Д ГЭЖ ЮУ ВЭ?Витамин Д нь хүний биемахбодын хэвийн үйл ажиллагаанд зайлшгүй шаардлагатай тосонд уусдаг витамин ю...
11/12/2025

🟡ВИТАМИН Д ГЭЖ ЮУ ВЭ?

Витамин Д нь хүний биемахбодын хэвийн үйл ажиллагаанд зайлшгүй шаардлагатай тосонд уусдаг витамин юм. Витамин Д яс, дархлаа, булчин болон дааврын тэнцвэрт маш чухал үүрэгтэй.

🧪Яагаад шинжилгээ өгөх хэрэгтэй вэ?

⬇️Витамин Д дутагдлын үед насанд хүрэгчдэд ядрах, нойрмоглох,булчин сулрах, өвдөх, дархлаа сулрах, өвчлөмтгий болох, ясны сийрэгжилт, хүүхдэд шээс хурц үнэртэй болох, хүүхэд хөхөө хөхөх болон унтаж байхдаа хөлрөх, өсөлт удаашрах, хоцрох, яс, үе мөчөөр өвдөх, янгинах, толгой томрох шинжүүд
⬆️Харин витамин Д-ийн илүүдлийн үед биемахбодид кальци хэт их хуримтлагдаж ядрах, бие сульдах, дотор муухайрах, бөөлжих, хоолны дуршил буурах, толгой өвдөх цусан дахь кальци ихэссэнтэй холбоотой ам цангах, их шээх, ам хатах, хавагнах, яс булчингаар өвдөх булчин татах, зүрх дэлсэх, цусны даралт ихсэх, хүүхдэд цочромтгой болох, дотор муурайрах, бөөлжих, жин бага нэмэх, хэвлийгээр өвдөх шинжүүд илэрдэг.

Цусанд агуулагдах 25-ОН Vitamin D түвшинг хэмжиж дутагдал байгаа эсэхийг тогтооно.

🧪🕐Шинжилгээ өгөхөд ямар нэг бэлтгэл шаардлагагүй (өлөн байх, хоолны дэглэм барих, ууж байгаа витамин Д-г зогсоох зэрэг).

Витамин Д-ийн дутагдал нь 🦴ясны бат бөх чанарыг бууруулж, ясны сийрэгжилтийг үүсгэдэг. Мөн
🔸Хорт хавдар
🔸Зүрх судасны өвчин
🔸Цус харвалт
🔸Сэтгэл гутрал
🔸2-р хэлбэрийн чихрийн шижин
🔸Склероз зэрэг өвчин эмгэгүүдийн эрсдлийг нэмэгдүүлнэ.

📍Цусан дахь витамин Д-ийн түвшин 29 ng/ ml ба түүнээс дээш буюу 70-80% -тай байх нь ерөнхий эрүүл мэндийг дэмжиж байдаг.

Цусанд байгаа түвшнээр нь:
🟡Хөнгөн дутагдал: 29 ng/ ml ба түүнээс бага
🔴Хүнд дутагдал: 8.1 ng/ml ба түүнээс бага байхыг хэлнэ.

Хэрвээ таны шинжилгээнд витамин Д-ийн дутагдал илэрвэл эмч таны нас, жин, дутагдлын түвшнээс хамааруулж зөв тунгаар витамин Д бичиж өгнө.

❗️Өөрөө дур мэдэн хэт өндөр тунгаар уух нь аюултай.
Витамин Д бидний хэрэглэдэг хоол хүнсэнд агуулагдах боловч хоногийн хэрэгцээг бүрэн хангахгүй учир өдөр тутамдаа ууж хэрэглэх шаардлагатай байдаг.

Олон улсын удирдамжуудаар: (IOM стандарт)
Витамин Д-г өдөр тутамдаа дараах тунгаар уухыг зөвлөдөг.
👶Нярай 0-1 насны насны хүүхдэд: 400 ОУН/ өдөр
🧒1-18 насны хүүхэд, өсвөр үеийнхэнд: 600 ОУН/өдөр
👩‍🦰👨‍🦰19-65 насныхан: 600 ОУН/өдөр
👵🧓65 -аас дээш насныхан: 800 ОУН/ өдөр
🤰🤱Жирэмсэн, хөхүүл эх: 600 ОУН /өдөр

ОНОШМЕД лабораторит Витамин Д-ийн шинжилгээг бүрэн автомат иммунологийн анализаторын аппаратаар хийж 2 цагийн дараа хариу гарах ба эмчийн зөвлөгөө авах боломжтой.

Охидын вульвовагинит нь гадна бэлэг эрхтний (вульво) болон үтрээний салстын (вагинит) үрэвсэл бөгөөд нэлээд түгээмэл тох...
08/12/2025

Охидын вульвовагинит нь гадна бэлэг эрхтний (вульво) болон үтрээний салстын (вагинит) үрэвсэл бөгөөд нэлээд түгээмэл тохиолддог.

👧 Ялангуяа 2-10 насны охидод үтрээний орчин хэвийнхээс илүү эмзэг байдаг тул түргэн үрэвсдэг.

🧐Шалтгаан:
1. Ариун цэврийн дэглэм алдагдах бэлэг эрхтнийг угаахдаа буруу угаах , өдөр бүр дотуур хувцсыг сольдоггүй, хэт бариу дотуур хувцас, өмд өмсөх
2. Халдвар: бактерийн, мөөгөнцрийн, вирусын гаралтай
3. Арьсны цочрол саван, шампунь, шингэн саван, анхилуун үнэрт ваннанд орох
4. Хялгасан хорхойтох
5. Харшил: ариун цэврийн цаас, угаалгын нунтаг, дотуур хувцасны материалд харшлах

😷Шинж тэмдэг:
📍Бэлгийн уруул хавдах, улайх
📍Шээхэд хорсох, шээхдээ уйлах
📍Өнгө, үнэртэй ялгадас гарах
📍Дотуур өмд байнга бохирдох

🔬Оношлогоо:
1. Эмч гадна бэлэг эрхтний үзлэг хийх
2. Ялгадасны шинжилгээ (мазок)
3. Шимэгч хорхой илрүүлэх шинжилгээ

🚺Охидын бэлгийн ариун цэвэр сахих арчилгаа:
🚿 Бэлэг эрхтнийг зөөлөн бүлээн усаар өдөрт 1-2 удаа угаах, савангүй угаах
🧼 Хэт үнэртэй ариун цэврийн бүтээгдхүүн хэрэглэхгүй байх
🩲 Цэвэр хөвөн даавуун угааж индүүдсэн дотуур хувцсыг өдөр бүр сольж өмсөх, хэт бариу дотуур хувцас, өмд сонгохгүй байх
🧒👶Живхийг тогтмол солих (2 нас хүртэлх хүүхдэд)
🧻Ариун цэврийн цаасыг зөв сонгох - цочрол өгөхгүй, аль болох химийн үнэр, будаг, хлоргүй агууулаагүй, бутардаггүй цаас чухал.
🧻Ариун цэврийн цаасыг зөв хэрэглэх:
📌Урд талаас хойш чиглэлтэй арчих /охидод хамгийн чухал дүрэм/
📌Нэг удаад цаасыг олон давхарлах биш, зөөлөн дарж арчих
📌Угаах шаардлагатай бол зөвхөн бүлээн усаар угаах

Дархлаа дэмжих зорилгоор:
💊Д3 аминдэмийг насанд тохирсон тунгаар тогтмол хэрэглэх
🥛Хоол хүнсэнд цагаан идээ тараг, ааруул хэрэглэх энэ нь үтрээний ашигтай бактерийг дэмжиж өгнө.
☕️Халуун бүлээн шингэн сайн уулгах
🥼👚🥾Улиралдаа тохируулан хувцаслах

🩺Хүүхдийн эмчийн үзлэг, оношилгоо
Цаг авах: 80905172

Томуу, томуу төст өвчний үндсэн шинжийн нэг нь халууралт юм.Халууралт гэдэг нь биеийн хэм 37.5°C хэмээс их болохыг хэлн...
05/12/2025

Томуу, томуу төст өвчний үндсэн шинжийн нэг нь халууралт юм.

Халууралт гэдэг нь биеийн хэм 37.5°C хэмээс их болохыг хэлнэ. Ихэвчлэн ямар нэг халдварын үед халуурах бөгөөд энэ нь бие махбодын хариу урвал юм. Хүний биеийн хэвийн халуун наснаас хамаарч 36.1-37.4°C хэм байдаг.

Халууныг суганд, аманд, чихэнд, духанд, шулуун гэдсэнд хэмжихэд өөр өөр, өглөө, оройны халуун 0.5°C хэмийн зөрүүтэй байдаг. Хамгийн найдвартай нь ам, шулуун гэдсэнд үзэх юм.

Халууралт нь улаан 🔴, цагаан ⚪️халууралт гэж ангилагддаг.
🔴 Улаан халуууралтын үед хүүхдийн гар, хөл, бүх биеэр халуун, арьсны өнгө улаан байдаг бол цагаан халууралтын үед гар, хөл хүйтэн, арьс эрээнтсэн, хүүхэд чичэрч байдаг. ⚪️ Цагаан халууралт аюултай. Халууныг заавал халууны шилээр хэмжиж үзнэ ялангуяа өндөр халуурч байгаа үед 6 цаг тутам хэмжээрэй.

🩺 Халуун бууруулах аргууд:
1.💊 Халуун буулгах эмийг хүүхдийн биеийн кг жинд ибупрофеныг 10 мг/кг-аар, парацетомолыг 10-15 мг/кг -аар тооцож /Эмчийн заавраар/ 6-8 цагаар уулгана.
2.👚👖Хувцсыг нимгэлнэ.
3.💧Тасалгааны хэмтэй усанд норгосон алчуур духан дээр нь тавих, биеийн нимгэн арьстай хэсгүүд (суга, цавь, хүйсний эргэн тойрны) арчих
4. ☕️🥛Халуун бүлээн шингэнийг /буцалсан ус, хярам, бор цай, шөл, хоросол зэргийг/ 10-15 минутын зайтай 15-20 мл-ээр уулгах
5. 🪟Өрөөг 22-24 С хэмд байлгаж, агааржуулалт сайтай байлгах
6. 🍵🥑🥦Хөнгөн хооллох: шингэн шөл, жимс, ногоо түлхүү хэрэглэх

‼️Хийж болохгүй зүйлс:
📌Хөлдөөсөн мөс, жин тавих
📌Архи спиртээр арчих
📌Хүйтэн усанд оруулах
📌Зузаан хөнжилд ороож хөлөргөх
📌Халуун бууруулах эмийн хэт ойрхон, тунг нэмж өгөх

‼️Яаралтай эмчид хандах шинжүүд:
1. 3 хоногоос дээш хугацаагаар 39 хэмээс өндөр халуурах
2. Амьсгал давчдах, таталт өгөх
3. Ус уухгүй, 3 цагаас дээш хугацаагаар шээхгүй байх
4. 3 сар хүрээгүй нярай 38 хэмээс дээш халуурах

🩺Хүүхдийн эмчийн үзлэг, оношилгоо
Цаг авах: 80905172



Эх сурвалж: ЭМЯ, НЭМГ, НЭМҮТ

Өнөөдөр Хөгжлийн бэрхшээлтэй хүмүүсийн олон улсын өдөр тохиож байна.Хөгжлийн бэрхшээлтэй хүүхэд гэж: Бие махбод, оюун у...
03/12/2025

Өнөөдөр Хөгжлийн бэрхшээлтэй хүмүүсийн олон улсын өдөр тохиож байна.

Хөгжлийн бэрхшээлтэй хүүхэд гэж:
Бие махбод, оюун ухаан, сэтгэл санаа, мэдрэхүйн /хараа, сонсгол/, зан үйл, суралцах чадвар зэрэг хөгжлийн тодорхой чиглэлд удаан хугацааны буюу байнгын хязгаарлалттай болохыг хэлнэ.

Хөгжлийн бэрхшээлтэй хүүхдэд үзүүлдэг үйлчилгээ, дэмжлэгүүд: Хүүхдийн хөгжлийн хоцрогдол, зан төрхийн өөрчлөлт, хэл яриа удаашрал, хараа сонсголын асуудал, хөдөлгөөний хүндрэл ажиглагдвал: Хаана хандах вэ?
🩺1. Өрхийн эмч /хүүхдийн эмч/, хүүхэд төрөхөөс гарангуут өрхийн эмчийн хяналтад орж 9, 18, 36 сартайд хөгжлийн хоцрогдол илрүүлэх үзлэгт хамрагдана
🩺2. Хүүхдийн мэдрэлийн эмч
🧠3. Сэтгэл зүйч
👩‍🔬4. Сэргээн засахын эмч
🏥5. Хараа, сонсголын оношлогоо зэргийг харьяа дүүргийн эрүүл мэндийн төв, ЭХЭМҮТ, ЭНЭҮТ, СЭМҮТ, ГССҮТ, ХСЗТ зэрэгт хандана.

Гэрийн нөхцөлд хийх хөгжлийн дэмжлэг:
👩‍🦰👨Эцэг, эхийн оролцоо-хөгжлийн 50%
1. Өдөр бүр тогтмол 15-30 минут👅👀 Хэл заслын дасгал, харааны дасгал, дуу авиа ялгах тоглом, хөдөлгөөн хянах дасгал
2. Хэл яриа дэмжих энгийн аргууд:
📓🖼️Өдөр бүр нэрлүүлэх тоглоом, зурагт ном харж зургыг тайлбарлах, хүүхдээр өөрөөр нь хэлүүлэх, энгийн үг хэллэгээр тайлбарлаж сурах
3. Хөдөлгөөний бэрхшээлтэй хүүхдэд:
🧘‍♀️🧩 Булчин сулрахгүй байлгах сунгалтын дасгал, явган, мөлхөх, зогсох, хүрэх дасгал хийлгэх

Сургууль цэцэрлэгийн оролцоо:
Хүүхэд аль болох хамт олонтой хамт байх нь үр дүнтэй хөгжүүлэлт юм.

Халамж төрийн үйлчилгээ:
1.🧍‍♀️🧍‍♂️Хөгжлийн бэрхшээлтэй хүүхдийн сар бүрийн халамж
2.👩‍🦰Асран хамгаалагчийн дэмжлэг
3.🧑‍⚕️Эрүүл мэнд-сэргээн засах үйлчилгээ
4.🏢Боловсрол-Тусгай анги, хамт олонтой хамруулан сургах хөтөлбөрт хамрагдах эрхтэй.

Хэн ч хоцрох ёсгүй ХАМТДАА💞

Өнөөдөр Дэлхий нийтээр ДОХ-ын эсрэг олон нийтийн анхаарал хандуулах өдөр болгон тэмдэглэж байна.2025 онд гаргасан "Globa...
01/12/2025

Өнөөдөр Дэлхий нийтээр ДОХ-ын эсрэг олон нийтийн анхаарал хандуулах өдөр болгон тэмдэглэж байна.

2025 онд гаргасан "Global AIDS Update 2025" тайланд дурдсанаар Дэлхий даяар ХДХВ халдвартай хүний тоо 40.8 сая болжээ. 2024 онд шинээр 1.3 сая халдвар бүртгэгдсэн. 2024 онд ХДХВ-ын халдвартай амьд байгаа нийт хүмүүсийн 2.42 сая нь 0-19 насны хүүхэд, залуучууд байна.

Дархлалын олдмол хомсдол буюу ДОХ нь Хүний дархлал хомсдлын вирус буюу ХДХВ-ээр үүсгэгддэг халдвар юм. ХДХВирус нь хүний дархлалын системийг үүний дотор T эсийг гэмтээж, дархлааны эсийн тоо буурч,биемахбодийн халдвар, өвчинтэй тэмцэх чадварыг бууруулдаг.

ХДХВ нь өвчтэй хүнээс эрүүл хүнд бэлгийн зам болон цусаар, ХДХВ-ын халдвартай эхээс урагт дамжин халдварладаг.
Халдвар авснаас хойн шинж тэмдэг илрэхгүй 6 сараас 10 жил үргэлжилж болно. Энэ үедээ халдварыг тараах өндөр эрсдэлтэй.

Халдвар авах эрсдэлтэй хүмүүс:
🟣Эрэгтэй хүнтэй бэлгийн харьцаанд ордог эрчүүд
🟣Биеэ үнэлэгчид
🟣Бэлгийн олон хамтрагчтай, хамгаалалтгүй бэлгийн харьцаанд ордог хүмүүс
🟣Бэлгийн замын халдварт өвчнөөр өвчлөгсөд
🟣Судсаар хар тамхи хууль бусаар хэрэглэдэг хүмүүс зүү, тариур дамжуулан хэрэглэх

Урьдчилан сэргийлэх:
1. Хосууд бие биендээ үнэнч байх
2. Шаардлагатай тохиолдолд нэг удаагийн зүү, тариур, эмнэлгийн хэрэгсэл хэрэглэж байх
3. Тохиолдлын бэлгийн харьцаанд орохгүй байх, тэвчих
4. Бэлгийн замын халдварыг бүрэн эмчлүүлэх
5. Жилд 1- 2 удаа урьдчилан сэргийлэх үзлэгт хамрагдаж , шинжилгээ өгөх

ОНОШМЕД лабораторит HIVAg+Ab, Anti HIV 1/2 болон бэлгийн замын бусад халдваруудыг илрүүлэх шинжилгээг орчин үеийн чанарын шаардлага хангасан баталгаажсан арга технологиор мэргэжлийн өндөр түвшинд хийж гүйцэтгэж байна.

Ханиад томууны үед хамар угаах нь хамгийн үр дүнтэй арга юм. Хамар угаах нь хамрын хөндийн нян, вирусийг цэвэрлэдэг тул ...
28/11/2025

Ханиад томууны үед хамар угаах нь хамгийн үр дүнтэй арга юм. Хамар угаах нь хамрын хөндийн нян, вирусийг цэвэрлэдэг тул халдварыг даамжруулахгүй харшлын шинж тэмдгийг бууруулдаг. Ингэснээр хамрын самалдгийг агшааж чөлөөтэй амьсгалахад тусална. Мөн нусыг цэвэрлэж хамрын хөндийг эрүүл, чийглэг байлгахад тусална.

Хамар угаахад анхаарах зүйлс: ❌Чихний хэнгэрэг цоорсон бол хамар угаахгүй байх. 💦Хамраа цэвэрлэхдээ хэт халуун эсвэл хэт хүйтэн уусмал ашиглахгүй байх. 🚰Зөвхөн цэвэршүүлсэн ус ашиглана. Крантны ариутгаагүй ус ашиглахгүй байх.
😪Хамраа угаах үедээ хамраараа амьсгалахгүй, инээхгүй, ярихгүй, зажлахгүй байх хэрэгтэй.
🚨Хамар битүү үед хамраа угааж болохгүй бөгөөд хамрын битүүг арилгасны дараа угаах нь зүйтэй.

🚿Хамар угаах зориулалтын сав эсвэл 20 грамын тариур, хамар угаах зориулалтын давсны нунтаг эсвэл ахуйн хэрэглээний нунтаг давс хамар угаахад хэрэгтэй болно. 37 хэмийн цэвэршүүлсэн усыг зориулалтын хамар угаах саванд давсаа хийж найруулна. Хамар угаах савыг доош нь харуулж хамрын нэг нүхэнд хийж амаа хагас ангайж уусмалтай савыг зөөлөн шахаж хамраа угаана. Хамрын нөгөө нүхэнд дээрх үйлдлийг давтан хийнэ.

#Оношмед

27/11/2025

Цэвэршилт бол эмэгтэй хүн бүрт тохиолддог бие физиологийн шилжилтийн үе билээ. Хэдийгээр энэ үйл явц эмэгтэйчүүд бидний амьдралд заавал тохиолдох үйл явц боловч бид хэрхэн ухаалгаар мөн дэмжлэгтэйгээр даван туулахаа төдийлөн мэддэггүй. Тэгвэл манай хамт олон цэвэршилтийн үеийн тусламж, зөвлөгөө, үйлчилгээг танд хүргэж байна.

#Оношмед
#Цэвэршилт

Уушигны архаг бөглөрөлт өвчин /УАБӨ/ нь дэлхийн хүн амын өвчлөл болон нас баралтын шалтгааны нэг юм. Монгол улсад 2018 о...
27/11/2025

Уушигны архаг бөглөрөлт өвчин /УАБӨ/ нь дэлхийн хүн амын өвчлөл болон нас баралтын шалтгааны нэг юм. Монгол улсад 2018 оны байдлаар 10000 хүнд ноогдох халдварт бус өвчний шалтгаанд амьсгалын тогтолцооны өвчлөл нэгдүгээр байрыг эзэлжээ.

УАБӨ нь архаг үрэвслийн улмаас агаар дамжих зам болон уушгины цулцанд бүтцийн өөрчлөлт гарснаар агаарын урсгал хязгаарладаг, урьдчилан сэргийлэх, эмчлэх боломжтой элбэг тохиолддог өвчин юм. Энэ өвчний шинж тэмдгүүд нь:

😮‍💨АМЬСГААДАХ
😵УДААН ХУГАЦААГААР ХАНИАЛГАХ,
😞ЦЭР ГАРАХ шинжүүд жил ирэх тусам нэмэгдэж даамжирдаг.
Идэвхтэй, идэвхгүй тамхидалт тамхидалт болон утаа, хорт хий, тоостой орчинд байнга ажиллах нь энэ өвчний үүсэх хамгийн том шалтгаан юм. Мөн олон удаа дахисан амьсгалын замын халдвар, хууч өвчин, гэрийн доторх болон гаднах агаарын бохирдол, нас, удамшлын хүчин зүйлс энэ өвчний үүсэх шалтгаан болдог. Энэ өвчнөөс сэргийлэхийн тулд тамхинаас татгалзах, зөв зохистой хооллох, амьсгалын замын өвчнөөс урьдчилан сэргийлэх, дархлаагаа дэмжих, витамин Д3 тогтмол хэрэглэх, агаарын бохирдолтой үед амны хаалт хэрэглэх, идэвхтэй дасгал хөдөлгөөн тотмол хийх, томуугийн дархлаажуулалтад хамрагдах, ажлын байрны хөдөлмөрийн аюулгүй байдлыг тогтмол сахих нь чухал юм.

#Оношмед

2025.11.26-ны Улс тунхагласны баярын өдрөөр манай "Төв лаборатори"- Хатагтай салбар, "Орбита" салбар 08:30-15:00 хүртэл ...
24/11/2025

2025.11.26-ны Улс тунхагласны баярын өдрөөр манай "Төв лаборатори"- Хатагтай салбар, "Орбита" салбар 08:30-15:00 хүртэл ажиллана. Харин "Тасган" болон "UBH" сорьц авах цэгүүд амарна.

#Оношмед

Address

Ulaanbaatar

Opening Hours

Monday 07:00 - 17:30
Tuesday 07:00 - 17:30
Wednesday 07:00 - 17:30
Thursday 07:00 - 17:30
Friday 07:00 - 17:30
Saturday 09:00 - 15:00

Telephone

+97677205599

Website

Alerts

Be the first to know and let us send you an email when Onoshmed Clinical Laboratory posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Onoshmed Clinical Laboratory:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category

Танилцуулга

Оношмед Клиник Лабораторийн нүүр хуудсанд тавтай морилно уу.

“Оношмед” ХХК нь 2004 оноос эхлэн клиник оношлогооны лабораторийн чиглэлээр үйл ажиллагаа явуулж эхэлсэн Монголын анхны хувийн лабораториудын нэг юм. Өнгөрсөн 13 жилийн хугацаанд бид орчин үеийн дэвшилтэт тоног төхөөрөмж ашиглан мэргэшсэн баг хамт олны бүрэлдэхүүнтэй оношлогоо шинжилгээ хийж, үйлчлүүлэгчдийнхээ итгэл, талархлыг хүлээсэн үйлчилгээ үзүүлсээр ирлээ. Үйлчлүүлэгчиддээ чанартай үйлчилгээ, найдвартай оношлогоог санал болгож, тэдний хувийн нууцыг чандлан хадгалах зарчмыг бид баримтлан ажилладаг. Манай лаборатори дараах төрлийн оношлогоо, шинжилгээг түргэн шуурхай, найдвартай авч үйлчилж байна. Үүнд


  • Биохими

  • Гематологи