“Гүүд Нэйборс” ОУТББ нь дэлхийн 38 оронд суурин төлөөлөгчийн газраа байгуулан Орон нутгийн хөгжлийн хөтөлбөрүүдийг хэрэгжүүлдэг хүмүүнлэг болон хөгжлийн төлөөх Олон Улсын Төрийн Бус Байгууллага мөн. БНСУ-д анх 1991 онд байгуулагдсан.
1996 онд НҮБ-ын Нийгэм Эдийн Засгийн Зөвлөлөөс Ерөнхий Зөвлөх Эрх авсан. Мөн 2007 онд НҮБ-ийн Мянганы хөгжлийн Зорилтыг хэрэгжүүлэн ажиллаж байгааг үнэлэн НҮБ-аас “НҮБ-ийн Мянганы Хөгжлийн Сангийн шагнал (MDGs Award)”-ыг хүртээсэн.
“Гүүд Нэйборс” ОУТББ-ын Монгол дахь Төлөөлөгчийн Газар нь 2006 онд байгуулагдсан бөгөөд Нийслэлийн Сүхбаатар, Чингэлтэй, Налайх, Баянзүрх, Сонгинохайрхан, Хан-Уул дүүрэг, Дархан-Уул аймагт Хүүхэд Ивээн Тэтгэх Хөтөлбөрт суурилсан Орон Нутгийн Хөгжлийн хөтөлбөрүүд хэрэгжүүлж байна.
Эрхэм зорилго // Mission
Гүүд Нэйборс байгууллага нь өлсгөлөн, гачигдалгүйгээр, хамтдаа эв нэгдэлтэйгээр амьдардаг дэлхийг бүтээнэ.
Алсын хараа // Vision
Гүүд Нэйборс байгууллага нь ядуурал, гай гамшиг, дарамт шахалтанд өртсөн хөршүүдийнхээ эрхийг хүндэтгэж, тэдний итгэл найдвар, урам зоригийг нь бадраан, хэнээс ч хараат бусаар, бие даан амьдрахад нь дэмжлэг үзүүлнэ.
Үнэ цэнэ // Core Values
· Бид арьс өнгө, шашин шүтлэг, үзэл бодол болон газар нутгаас үл хамааран тусламж хэрэгтэй газар бүрт хүрч ажиллах болно.
· Бид хувь хүн, гэр бүл болон орон нутагт тогтвортой хөгжлийг хангаж, бие даасан байдалтайгаар оршин тогтноход нь дэмжлэг үзүүлнэ.
· Бид хүүхдийн эрхийн төлөө бүхий л хүчээ дайчлан ажиллах болно
· Бид харилцан бие биенээ хүндэлж, эв найртайгаар амьдардаг эрүүл, даяарчлагдсан иргэний нийгмийг цогцлооно.
· Бид орон нутгийн сайн дурынхны оролцоотойгоор тухайн орон нутгийн нийгмийн хөгжилд хувь нэмрээ оруулна.
· Бид орон нутгийн хөгжлийн төлөө хүсэл зорилгоороо нэгдэхийг хүссэн хүмүүстэй хамтран ажиллана.
· Бид мэргэшсэн байдлаар ажиллаж, үйл ажиллагаа болон санхүүгийн талаар ойлгомжтой, үнэн зөвөөр тайлагнана.
· Бид үйл ажиллагаандаа илүү олон хүнийг татан оролцуулж, ивээн тэтгэгчдийн хүрээг тэлж ажиллана.
Бидний үйл ажиллагааны чиглэл
“Гүүд Нэйборс” ОУТББ-ын Монгол дахь Төлөөлөгчийн Газар нь Хүүхэд Ивээн Тэтгэх Хөтөлбөрт суурилан орон нутгийн хөгжил, иргэдийн бие даасан байдлыг дэмжих, хүүхдийн эрх хамгаалал, хүрээлэн буй орчны эрүүл ахуйн хүрээнд дараах чиглэлээр урт болон дунд хугацааны төсөл, хөтөлбөрүүдийг хэрэгжүүлж байна.
ХҮҮХЭД ИВЭЭН ТЭТГЭХ ХӨТӨЛБӨР
БОЛОВСРОЛ, ХАМГААЛАЛЛЫН ХӨТӨЛБӨР
ЭРҮҮЛ МЭНДИЙН ХӨТӨЛБӨР
УНДНЫ УС, ЭРҮҮЛ АХУЙН ХӨТӨЛБӨР
ОРЛОГО НЭМЭГДҮҮЛЭХ ХӨТӨЛБӨР
НӨЛӨӨЛЛИЙН ХӨТӨЛБӨР
СҮЛЖЭЭ ХАМТЫН АЖИЛЛАГАА
САЙН ДУРЫН ТӨВ
ХҮҮХЭД, ГЭР БҮЛД ЗӨВЛӨГӨӨ ӨГӨХ ТӨВ
ГҮҮД ШЭЙРИНГ НИЙГЭМД ТУСТАЙ КОМПАНИ