Эрүүл мэнд ЭМЧ

06/09/2025

АНУ-ын эрдэмтэд дотор цус алдалтыг секундийн дотор зогсоох шинэ төрлийн хөөс боловсруулжээ. BioFoam хэмээх энэ хөөсийг бие рүү шууд тарьж болох бөгөөд шархны дотор хурдан тэлж, судас болон эрхтний цууралтыг битүүлэн, цус бүлэгнүүлэгч бодисуудыг дамжуулж, өвчтөнийг мэс засал хүртэл тогтворжуулах чадвартай.

Энэхүү хөөс нь бие махбодод харшлахгүй полимер болон гемостатик (цус тогтоогч) нанобөөмсөөр баяжуулсан найрлагатай. Биед орсны дараа хөөс өөрийн хэмжээг 30 дахин тэлж, шархны хөндийг дүүргэн жигд даралт үүсгэдэг бөгөөд энэ нь цус алдалтыг удаашруулдаг. Энгийн боолт, жийргэвчтэй харьцуулахад BioFoam биеийн дотор тэлдэг тул мэс заслын шууд хүрч чадахгүй хэсэгт ч үр дүнтэй.

Энэ технологи анх дайнд үүсдэг шарх гэмтлийн үед ашиглах зориулалттайгаар бүтээгдсэн. Учир нь хяналтгүй дотор цус алдалт нь урьдчилан сэргийлэх боломжтой үхлийн гол шалтгаан байдаг. Их гэмтэлтэй цэргүүдийг аврах хангалттай цаг хугацаа, хэрэгсэл эмч нарт ихэвчлэн байдаггүй. BioFoam энэ байдлыг өөрчилж, амьд үлдэх хугацааг гурван цаг хүртэл сунгах боломжтой, энэ хугацаанд тээвэрлэж, мэс засал хийх боломж бүрддэг.

Клиникийн судалгаагаар хөөс хэдхэн цагийн дотор байгалийн жамаараа задарч, хоргүй үлдэгдэл үлдээдэггүй болохыг тогтоожээ. Мэс заслын үед үлдэгдлийг хялбар арилгах боломжтой тул олон дахин хэрэглэхэд аюулгүй. Судлаачид үүнийг зөвхөн цэргийн бус иргэний салбарт ч ашиглаж болно гэж үзэж байна: зам тээврийн осол, байгалийн гамшиг, яаралтай тусламжид цаг алдалгүй тогтворжуулах хэрэгтэй үед онцгой ач холбогдолтой.

Энэхүү бүтээл зөвхөн гэмтлийн тусламжид төдийгүй дэлхийн хэмжээнд яаралтай тусламжийн анагаах ухааныг өөрчилж чадна. Мэс заслын нөөц багатай хөдөө орон нутгийн эмнэлгүүдэд BioFoam амь аврах чухал гүүр болох боломжтой. Мөн дайн, гамшигт нэрвэгдсэн бүс нутагт хяналтгүй цус алдалтаас шалтгаалсан нас баралтыг эрс бууруулна.

Одоогоор BioFoam хүний биед туршигдаж байгаа боловч анхны үр дүнгээрээ дайны талбарт нас баралтыг хагасаас илүү хэмжээгээр бууруулж болзошгүйг харуулж байна. Хэрэв өргөнөөр хэрэглээнд нэвтэрвэл жил бүр олон мянган хүний амь аврах боломжтой.

04/09/2025

23 долоо хоногтой ургийг гаргаж хавдрыг нь аван, буцаан умайд байршуулжээ

Доктор Олутойе жирэмсний 23 долоо хоногтой эхийн хэвлийгээс хүүхдийг гарган авч, амь насанд аюултай хавдрыг нь авч хийн, дараа нь хүүхдийг буцаан умайд байршуулжээ.

12 долоо хоногийн дараа тэр хүүхэд бүрэн хугацаандаа эрүүл төрсөн нь орчин үеийн анагаах ухааны нарийн ур чадвар, зориг, гайхалтай амжилтыг харуулсан жинхэнэ жишээ болсон юм.

Доктор Олутойегийн энэхүү шинэлэг ажил зөвхөн нэг амь аварснаар үл барам, эмч нарын боломжгүй гэж төсөөлж байсан хязгаарыг давж чаджээ. Энэ нь анагаах ухааны шинэчлэл, гайхамшгийг харуулж байна.

20/01/2025

Хэдэн хүний амь аварсан тухай хэн ч санахгүй, ярихгүй. Хэдэн гэр бүлийг элэг бүтэн амьдрахад тусалсан тухай дурсахгүй. Хэдэн мэс засалч сургасан тухай сөхөхгүй. Ямар хүнд нөхцөлд хэдэн цаг хөл дээрээ зогсч ажиллан хэдэн удаа хагалгаа хийснийг тооцохгүй. Өөрийгөө биш, хэн нэгнийг амьсгалуулахын төлөө хэрэгтэн болсон тухай бузар амаараа бүгд муулна. Солонгос кинонд гардаг эд эрхтэний наймаачны тухай ярьж байгаа мэт.
Цаашид хэдэн хүний амь насыг аврах байсан бол? Эрхтэн шилжүүлэн суулгах чадварлаг эмч энэ улсад их хурлын гишүүдийн тоонд хүрхээр олон уу? Ийм тэнэг хуультай мөртлөө хэт ачаалалтай, цалин багатай эрүүл мэндийн салбарт итгэлтэй ажиллах сайн эмч болох юмсан гэж хүүхдүүд мөрөөдөх болов уу? Энд эмч хийснээс хил гараад асрагч хийе гэх болов уу?
Хөлд хөглөрөх шилийг оройд залрах очир эрдэнээс ялгахгүй. Хатавчинд суух харцыг Хойморт суух дээдсээс ялгаж чадахгүй…гэж ноён хутагтын хэлсэнчлэн юм юм л болж байна даа. Маш харамсалтай. Чадвар туршлагатай ийм эмч хүн өөр улсад ажиллаж байсан бол огт өөр газар залрах байсан даа.

Монгол улс дахь эрүүл мэндийн салбарт эд, эрхтэн шилжүүлэн суулгах үйл хэргийг дэлхийн улс орнуудтай адил түвшинд хөгжүүлэх гэж залуу нас жаргах цагаа зориулсныхаа эцэст ийм байдалд хүрэхийг хүлээн зөвшөөрмөөргүй байна.

Иймэрхүү шийдвэрээр эмч нарыг зүгээр ажлаа хийж байхад нь яллаад байвал эрүүл мэндийн шинжлэх ухаан Монгол улсад бүр мөсөн булшлагдана, цаашилбал эмчийн хомсдолд орж дээрээс нь эмч мэргэжилтнүүдээ алдаад дуусах биз.

хийгээрэй эмч нараа

02/08/2023

13А
ЭМС уг нь цэгцрэх шатандаа бна. Гэвч энэ бүхний хүндрэлийг өрх, сум үүрч байгаад л асуудал бгаа юм. Иргэдээ эмнэлэгт хэвтэх маш их сонирхолтой болгочихсон. Зүгээр шахуу байж эмнэлэгт хэвтэж хэдэн витамин өөрөөсөө мөнгө гаргахгүй хийлгэх, жаахан ядарлаа гэвэл хэн нэгэн таньдаг хүнрүүгээ ярьж хэвтэж сувиллуулах, нөгөө эмч нь өрхөөсөө 13А аваад ир гэнэ. Өрхийн эмч “та хэвтэх шаардлагагүй өгөхгүй “ гэхээр Чи юу мэддэг юм бэ, Том эмч намайг хэвт гсн гэж элдэвээр хэлж, эцэст нь үхвэл чи хариуцаарай гэж, зарим дээшээ УИХГ дарга цэрэг таньдаг бүх хүн рүүгээ ярьж, дарамтлуулж бичиж өгөхөөс өөр аргагүй болдог. Нөгөө талаас лавлагаа шатлалын болон 2-3 эмнэлэг олон хүн хэвтүүлж, амбулоториор эмчлүүлбэл ЭМД-аас мөнгө их авна. Иймээс тэдэнд аль болох олон хүн үзэж, хэвтүүлэх сонирхол их, менежмент тэгэж явдаг, Одоо эрүүл болгохоос илүү олон хүн өвдөөд ирээсээ гсн бодлого явж байгаа нь нууц биш, ийм болохоор тэд таньдаг хүн, өмнө хэвтэж, эмчлүүлж байсан хүн бүрлүүгээ ярьж дууддаг. Дуудахдаа өрхөөсөө 13А аваад ирээрэй гдг. Өрхийн эмч рүү ч хүн явуулаач гэж ярьдаг. Гэтэл Өрхийн эмч 13А их өгвөл чи дээд шатлал руу шаардлагагүй хүн их явуулсан бна гэж санхүүжилтээ хасуулна. Хэвтэх сонирхолтой иргэн- Хэвтүүлэх сонирхолтой эмнэлэг- 13А шаардлагагүй хүнд өгөх ёсгүй Өрхийн эмнэлэг энэ 3 ийн огтолцоо, эрх ашгийг зөв зохицуулах бодлого хийх нь ЭМЯ, ЭМДЕГ үүрэг биздээ⁉️ Үүнийгээ зөв зохицуулж чадахгүй цаана иргэнийг дуудсан эмнэлэг нуугдаж, Иргэн- Өрхийн эмч хоёрийг зодолдуулдаг нь зөв бодлого уу ⁉️⁉️⁉️ Лавлагаа шатлалын эмнэлгүүд иргэний хэвтэх сонирхол дээр нь дөрөөлж хүн дууддаг, үүнийгээ Өрхийн эмч мэдлэггүй муу учраас 2-3 дахь шатлалд хүн их ирж бна гэж өөрсдийгээ халхавчилдаг явдлаа одоо больчих ‼️‼️‼️ Өрхийн эмч нар ямар эмнэлэг, ямар эмч 13А авчир гэж явуулаад байгааг шууд зарлах хэрэгтэй. Уг нь бид ингэж хоорондоо зөрчилдөх биш зөв бодлого, зохицуулалт хэрэгтэй байгаа юм лдаа. Бид Монгол хүнийг өвчин эмгэгээс сэргийлэх, эрүүл Монгол иргэдтэй болох гэж ЭМС, эмнэлэг бодлого гаргадаг баймаар бна. Түүнээс өвдөөд ир, 13А аваад ирээд үзүүл гэж дууддаг эмнэлгийг олноор бий болгох бодлого гаргамааргүй байна. Зохицуулалтаа эргэж нэг харна биз. Харьяалалын эмнэлэг рүү шинжилгээ хийлгэхэд 13А яахавдээ ⁉️
Жич; Өрхийн эмчийн мэдлэг чадварын тал дээр Төр засаг Эмч бэлтгэх тогтолцоо бодлого дээрээ л анхаар. Өөрсдөө тийм эмч бэлдэж төгсөгчихөөд өрх дээр очихоороо муу болчихсон юм шиг ярих нь утгагүй. Нэгэнт эмчийн дипломтой, эмчлэх эрхийг нь өгчихсөн байхад ажиллуулахгүй гэд яахав.

17/01/2023

ЭЕРЭГ: Өмнөговь аймагт оторлож явсан айлд төрөх дөхсөн жирэмсэн эх хүндрэл өгч цус алдсан тул Өмнөговь аймгийн БОЭТ-ийн төрөх тасаг, Манлай, Цогтцэций сумдын ЭМТ-ийн хамтарсан баг шуурхай ажиллан гэрт нь хагалгаа хийж эх хүүхдийн амь насыг аварчээ.

15/10/2022

ТАЙГЫН ТҮРГЭН ТУСЛАМЖ. Яах аргагүй анхаарал хандуулмаар сэдэв юм. Баруун тайгын Гуулга хэмээх газар хүний бие муудаад дуудлаганд явсан эмч хонон өнжин мориор ой тайга, шавар намаг, хад байц дамжин явж хүрээд буцах гэхэд шөнө болсон, өвчтөн нь муудсан учир өөрийн нөхцөл байдалдаа тохируулан эмчилж нэг хонож, арайхийн замын ая даахтай болохоор нь аваад явах гэхэд цасан шуурга болоод саатаж нэг өнжиж. Дараа өдөр нь хүнээ аваад яваад замд бие муудаад явж чадахгүй учир замд намаржаандаа үлдсэн ганц айл таарч. Тэндээ хоноглож өвчтөнөө сувилж. Өглөө босоод эмчилгээ, хоол унд болсоор явж байгаа нь энэ. Эмч, түргэн дуудагч нь морьтой, өвчтөн нь асран хамгаалагчтайгаа цаатай. Замд таарч аминд орж, цайлж дайлж хонуулсан айл нь урцтай, тайга нуйтгийн цаатан айл. Хүйтэрч байгаа, өвчтөн бие нь муу тул замд буулгаж, хээр гал түлж, цай чанаж уулган, дулаацуулан тэнхрүүлнэ. Ийм нөхцөлд л Тайгын түргэн тусламж явж бна. Энэ ч яахав тайгын амьдрал гэж үзье, суурин газрын бид бол төсөөлөх ч үгүй.
Гэтэл түргэний эмчийн асуудал байна. Ингэж түргэнд явахад 4-5 өдөр зарцуулсан байгаа юм. Гэтэл хэд ч хоносон бай 2 хоногийн нэмэгдэл л өгдөг. Тэр хүн хоол ундгүй, хүйтэн нойтонд амралтгүй явна. Түргэнээр очсон л юм чинь ямар ч хүнд өвчтэй байсан авч очсон эм тариандаа тааруулаад эмчилгээ хийнэ. Очоод нөхцөлдөө тааруулж хучлага дэвсгэргүй ч айлын юмаар аргалаад хонож өнжинө. Шөнө маш хүйтэн. Айлын хоол харна. Замд нь цас бороо орсон ч өмсөж гарсан хувцастайгаа. Учир нь морь цаагаар явахад ачаа бараа авч явах боломжгүй. Явж байгаад өвчтөн нь муудвал яахав. Мэдээж утас, сүлжээ харилцаа холбоогүй. Явж байгаад ирвэл л нь л ирлээ гэж бодох нөхцөл. Саяын тохиолдолд маш их цус алдаж байгаа, түүнээсээ болоод тамирдаад явж чадахгүй өвчтөн байв.
Цаатан гэхээр л урдаа барьж, үзүүлэн болгож, Хөвсгөлийн нүүр царай гэж, жуулчин ирвэл л аваачиж үзүүлдэг нөхөд энд амьдрал хэрхэн өрнөдгийг мэдрээсэй гэж бичив. Ийм хүнд нөхцөлд ажиллаж байгаа эмчид ядаж томилолт, илүү цагийн нэмэгдлийг нь бүтэн олгочихож болдоггүй юм байх даа. Дуудлаганд явж байгаа эмчийн аюулгүй байдал чухал байнаа. Хөвсгөлийн онцлог, нүүдэлчин соёл, жинхэнэ ориг амьдралыг хадгалж байгаа, хэрэгтэй цагт урдаа барьдаг 400 гаруй хүний эрүүл мэндийн асуудал энд хамаарна. Үүнийг эрх мэдэлтэй хүмүүс нь анхаараасай Хөвсгөл аймгийн Засаг дарга, ИХ-ын төлөөлөл, ЭМЯ, Хөвсгөлөөс сонгогдсон УИХ-ын гишүүд гээд нөлөө бүхий хүмүүст хүргээрэй.

15/10/2022

Нэгэн эмчийн захиа.

Сайн байцгаана уу, эмч нар хагалгаанд орсон өвчтөнөөс 150-500 мянган төгрөг авдаг гэж судалгаа гарсан тухайтай холбогдуулаад хагалгаанд мэдээгүйжүүлгийн эмчээр ордгийнхоо хувьд өөрийн бодлоо хэлэх гэсэн юм.

Хатиг, буглаа нээх гэх мэт жижиг мэс ажилбар хагалгаа гэж байдаг ба мэдээгүйжүүлгийн хувьд жижиг мэдээгүйжүүлэг гэж байдаггүй. Ерөнхий мэдээгүйжүүлэг, нугасны болон нугасны гадна хөндийн мэдээгүйжүүлэг, орчны мэдээгүйжүүлэг (блокад) болон хавсарсан мэдээгүйжүүлэг тус бүрдээ эрсдэл, хүндрэлтэйн дээр тухайн өвчтөний нас, хүйс, хагалгааны цар хүрээ, архаг хууч өвчний байдал, яаралтай эсвэл төлөвлөгөөт хагалгаа гэх мэт олон хүчин зүйлсээс мэдээгүйжүүлэг шалтгаалдаг.

Мэс засал хийгдэж байх хугацаанд мэдээгүйжүүлгийн эмч сувилагч тухайн өвчтөний мэдээгүйжүүлгийг, амин үзүүлэлтүүдийг даралт, зүрхний цохилтын тоо, захын цусан дахь хүчилтөрөгчийн ханамж, зүрхний бичлэг, биеийн температур, мэдээгүйжүүлгийн гүн, шингэн алдалт, алдсан цус, гарч буй шээс, цусны сахар, гар хөлний байрлал эвгүй тавигдсан, дарагдсан байна уу, мэдээгүйжүүлгийн эм тарианы хугацаа, мэдээгүйжүүлгийн аппарат тоног төхөөрөмжийн ажиллагаа гэх мэт бүхий л зүйлийг хянаж гарсан хүндрэл өөрчлөлтийг засах тогтворжуулах ажлыг агшин хором бүрээр хэмжиж ажилладаг. Хагалгаа хийгдэж амжилттай болоод өвчтөн мэдээгүйжүүлэгээс гарч сэрээд мэс заслын тасагтаа хэвтэн шаардлагатай эмчилгээ боолт хийгдэн эмнэлгээс гардаг. Гэвч зарим өвчтөн хагалгааны явцад АД зүрхний цохилтын тоо ихсэж, багасах, хэм алдагдах, мэдээгүйжүүлгийн эм тарианаас харшлах, төвөгтэй интубаци... гэх мэт олон хүндрэлүүд тохиолддог.

Мэдээгүйжүүлгийн үед хүндрэлтэй байсан өвчтөнг палатандаа орсон үед дахиж очиж үзэх, шаардлагатай бол эмчилгээ нэмэх, эмчилгээ хийсний дараа дахин биеийн байдлыг үнэлэх зэргээр өвчтөнийг эргэж палатаар 2, 3 удаа орж үзэхээр палатны бусад өвчтөнүүд өчигдөр намайг хагалгаанд ороход энэ эмч ингэж 2, 3 орж ирж үзээгүй дээ, энэ өвчтөн МӨНГӨ өгсөн болохоор энэ эмч ингэж үзэж байна, илүү их эмчилгээ хийж байна гэж сэрдэнэ.

Эсвэл өвчтөн өөрөө энэ эмч дахин дахин орж ирж үзээд надаас МӨНГӨ хараад байна гэж сэрдэнэ. Заримдаа ч өвчтөний биеийг асууж палатаар нь дахин дахин орохоосоо халширмаар.....

Мөн зарим өвчтөн, ар гэрийхэн нь баярлалаа гээд хоол авч ирнэ... KFC, Mr Pizza гэх мэт түргэн хоол эсвэл хаана яаж хийсэн нь тодорхойгүй гэрийн хоол... идэх нэг хэцүү, идэхгүй байх бас хэцүү... хүний баярлаж талархаад авч ирсэн хоолыг идэхгүй гэхээр их зан гаргаж байгаа ч юм шиг эсвэл дахиад өнөөх МӨНГӨ хараад хоол идсэнгүй гэж бодох... Жнь: халал мах иддэг хүнд гахайн махтай пицца өгнө, идэхгүй болохоор гомдоно...

Шаардлагатай зарим нэг өвчтөнд жнь: бамбайн дааврын өөрчлөлттэй хүнд бамбайн дааврын шинжилгээ өгөөд дотоод шүүрлийн булчирхайн эмчид үзүүлээд ирээрэй эсвэл зүрхний ноцтой асуудалтай хүнд зүрхний эхо шинжилгээ хийлгээд зүрх судасны нарийн мэргэжлийн эмчид үзүүлээд ирээч гээд гуйна... өвчтөн гараад л энэ эмч хувийнхаа эмнэлэг рүү, таньдаг эмчрүүгээ явуулж МӨНГӨ авах гэж байна гэж сэрдэнэ....

Хүний амь настай хамгийн ойрхон эрсдэлтэй ажлыг хийж байгаа бидэнд өвчтөнд хагалгааны явцад янз бүрийн хүндрэл эрсдэл гаралгүй хагалгаа амжилттай болоод гарч ирэх шиг жаргал байхгүй...

Гэвч магадгүй бүх зүйл санаснаар болохгүй хүндрэл гарвал дахиад л энэ эмчид МӨНГӨ өгөөгүйгээс....... гэх мэт эмчийн үйл хөдлөл бүрийг МӨНГӨтэй холбож бодоод байх болжээ....

Эрүүл мэндийн салбарын буруу тогтолцоо эмч өвчтөнийг хооронд нь талцуулж энгийн нэг ажлаа хийгээд явж байгаа эмчийг авилгач болгож хагалгаанд орсон гэхээрээ л МӨНГӨ харж явдаг гэж сэрдэгдэн ажлаа хийхдээ хүртэл энэ мэт эмээдэг болж дээ

Хагалгаанд ороод хvндэрсэн евчтенийг сэхээх гэж евчтений дэргэд жижvvр хийж хоноод маргааш нь амрах ёстой байтал амрахгvйгээр vргэлжлvvлээд зайлшгvй хагалгаанд орох асуудал vргэлжид гарна. Амралтгvй ажиллах хэрэгтэй болно. Цаг наргvй ингэж ажиллаад байхад илvv цаг ажилласан менге олгохгvй гэж татгалздаг эмнэлэгийн удирдлага байх юм. Илvv цаг бодогдоогvй байнаа гээд хvcэлт тавихаар ЗАЙЛ гэж хеене. Ийм байж болох юм уу.

Өвчтөний амь нас аврах яаралтай хагалгаа, хүнд өвчтөний төлөвлөгөөт хагалгаа гэх мэт янз бүрийн олон хагалгаанд орохдоо өвчтөнөөс мөнгө харж эсвэл хоол харж орж үзээгүй, харин ч эсэргээрээ за гайгүй байгаасай элдэв хүндрэл битгий гараасай амжилттай болоосой... хагалгаанаас амжилттай гараад ар гэртээ, үр хүүхэддээ элдэв ялд уналгүй, цагдаа шүүх бололгүй, өр төлбөрт орчилгүй очих юмсан л гэж боддог эмч харин монголоос өөр оронд байхгүй байхаа...

Эмчийг хvндэлдэг хэн бvхэн энэ захиаг ЭМЯамны сайд дарга нарт хvртэл шейрлээд өгөөрэй.

19/07/2022

O S**T !

06/07/2022

ЦАГ ГАРГАЖ УНШААРАЙ ЭЦЭГ ЭХЧҮҮДЭЭ.❗️❗️❗️❗️❗️

👼 Эрэгтэй хүүхдийн бэлэг эрхтэн хэзээ шамлагдах вэ?
Энэхүү мэдээллийг сүүлийн 2 жилийн нотолгооны хамгийн өндөр түвшний буюу мета анализ ашиглан бэлтгэсэн тул өндөр хөгжилтэй олонхи орны эмнэлгүүдийн өнөө үед мөрдөж буй зарчим юм.
1. Дөнгөж төрсөн 100 нярай эрэгтэй хүүхдийн 95 аас 96 -гийн бэлэг эрхтэн буюу шодой шамлагддаггүй, ердөө 4-5-ынх нь л шамлагддаг байна. Өөрөөр хэлбэл нярай, бага насны /5 хүртэл насны/ эрэгтэй хүүхдийн шодой шамлагдах албагүй гэдгийг манай эцэг, эхчүүд мэдэж байх ёстой. Үүнийг эрүүл гэж үзнэ. Түүнчлэн памперснаас болж одоогийн хүүхдийн шодой шамлагдахгүй байгаа гэдэг мэдээлэл түгсэн нь туйлын буруу ойлголт юм.
2. 1- 3 нас хүрэхэд 30%-д, 5 насанд 60%-д шодойн толгойг хучиж буй тээрхийн арьс өөрөө хагас эсвэл бүрэн шамлагддаг болно. Энэ насанд шамлахад шээсний сүв харагдахгүй бол фимоз гэнэ. Тэгэхээр Фимоз гэдэг оношийг 5 наснаас өмнө тавих ёсгүй бөгөөд 5 наснаас өмнө шодойг хүчээр шамлах /язарна!, өвдөнө!, сорвижино!/, байнга шамлах “дасгал” хийх /шодойгоороо оролддог буруу зуршилтай болно!/, тээрхийн арьсыг тайрах /циркумцези/, сэтлэх зэрэг мэс ажилбар /10-аад төрлийн хүндрэл гарах магадлалтай!, гоо сайхан нь алдагдана!/ хийж болохгүйг гэдгийг эцэг эхчүүд төдийгүй эмч нар анхаарах хэрэгтэй!
3. Тээрхийн арьс бэлэг эрхтэний толгойтой наалдсан байх нь хэвийн бөгөөд энэхүү төрөлхийн, онгон наалдацыг 9-10 нас хүртэл салгуулах шаардлагагүй гэж үздэг. Тэгэхээр бага насанд нь шодойн наалдацыг хүчээр салгуулж болохгүй. Наалдацыг салгах нь маш хүчтэй өвдөлт өгдөг бөгөөд хүчээр салгуулсан хүүхэд дахиж шодойндоо хүргүүлэхээс айдаг.
4. Тээрхийн арьс бага багаар сунаж, наалдац нь аажмаар салж /ялангуяа 5 наснаас хойш/ эрэгтэй хүүхэд эрийн цээнд хүрч 16 - 17 нас хүрэхэд шодой өөрөө 100% шамлагддаг гэдгийг манай нийт эцэг эхчүүд төдийгүй эмч нар анхаарах хэрэгтэй! Энэ явц нь урьд цагт ч тийм байсан, одоо ч мөн ийм байгаа. Зөвхөн 0.5 - 1% -д эмгэг фимозын улмаас шамлагдахгүй байж болох бөгөөд энэ тохиололд л эмнэлгийн заалтаар хагалгаа хийнэ.
5. Эрэгтэй хүүхдийн бэлэг эрхтэний арьсыг тайрах, сэтлэх зэрэг хагалгааг зөвхөн эмнэлгийн заалтаар хийх ёстой бөгөөд энэ заалт нь маш ховор тохиолддог. Эрүүл шодойг эмчийн саналаар мэс хүргүүлж болохгүй. Харин шашны уламжлалын дагуу хүүхдийнхээ тээрхийн арьсыг тайруулах нь тухайн гэр бүлийн асуудал гэдэг нь ойлгомжтой.
Тэгэхээр эрэгтэй хүүхдийн шодойг нотолгоонд суурилаагүй элдэв мэдээлэл, хувь хүний санал бодлоор “шамлах ёстой” гэж янз бүрээр тайлбарлан оролдох, мэс засал хийх нь ямар ч үндэслэлгүй юм.
Хүүхдийнхээ шодойг угааж шодойн ариун цэврийг багаас нь сахиулж сургах хэрэгтэй!

Хүүхдийн мэс заслын эмч, МУ-ын Төрийн шагналт, АУ-ны доктор, Клиникийн профессор М. ТҮМЭННАСАН

08/01/2022

Ээлж солих хүнээ ирж явааг хараад 😜

10/07/2021

Хотод хүн үлдсэн юм уу? гэнэ үү? Эмнэлгийн ажилчид амрах ч завгүй ажилласаар байгаа шүү! 👩‍⚕️🏥

08/07/2021