Bubnovsky center Mongolia

24/03/2025

ТАЛАРХАЛ

Х.Ганзориг миний бие 2023 оны 3 сараас инсулиний дөжрөл оноштойгоор тус хөдөлгөөнөөр эмчлэх, сэргээн засах төвд явж эхэлсэн. 2024 оны 7 сар хүртэл тасралтгүй хичээлэсэн ба энэ хугацаанд биеийн жин 12 кг-аар буурч, биеийн өөхөн бүрхүүл огцом багассан үр дүн гарсан.Энэ хугацаанд эмчийн зөвлөсөн хоолны дэглэм барьж, хоолныхоо орцоос гурил, будаа, төмс, жимсийг бүрэн хасч, өөхтэй мах, ногоон навчит байцааг гол хоолоо болгосон. Одоо миний сахар, инсулиний түвшин хэвийн хэмжээнд очсон.
Төвийн нийт багш, ажилчдад гүн талархал илэрхийлж,ажлын амжилт хүсэн ерөөе.

Хүндэтгэсэн,
Х.Ганзориг
2025.01.25

14/03/2025

Үйлчлүүлэгчдийн сэтгэгдлээс хүргэж байна. Өөрийн сэтгэгдлээ цаг гарган зориулж бичсэн үйлчлүүлэгчдээ маш их баярлалаа !

22/02/2025

"Бубновскийн Хөдөлгөөн заслын хамт олондоо талархал илэрхийлье.

Миний бие 10 гаруй жилийн өмнөөс нуруу өвдөж, L4, L5 нугалам суулттай гэсэн оноштой явж ирсэн.Олон төрлийн эмчилгээ хийлгэж байсан ч үр дүнгээ тийм сайн өгөөгүй. Эвгүй хөдөлж, хүнд юм өргөхөд л нуруугаар хатгаад хөдөлж чадахаа болидог байсан. 2024 оны 11 дүгээр сард босч сууж чадахгүй нуруу өвдөж улмаар MRI хийлгэхэд асуудал хүндэрч хагалгааны заалттай болсон байсан. Харин нэг өдөр Буяндэлгэр эмчийн Мандуултай хийсэн подкастыг сонссон. Түүнээс хойш эмчилгээнийх нь талаар хайж судалж байгаад ирж үзүүлсэн. Үзүүлсэн өдрөөсөө эхлэн хоолны дэглэм барьж, дасгал хөдөлгөөнөө таслалгүй идэвхитэй хийсээр 2 сар гаруй болж байна. Энэ хугацаанд нурууны өвдөлт байхгүй болж, босч суухад ямар ч зовиургүй болсон төдийгүй зөв хооллолтын ачаар биед эерэг өөрчлөлтүүд илт гарч эрч хүчтэй, хөнгөн шингэн болсон.

Бубновскийн Хөдөлгөөн заслын арга техникийг Монголд нэвтрүүлэн олон олон өвчин зовлонтой хүнийг эмчлэн, амьдралын чанарыг сайжруулж буй Буяндэлгэр эмчдээ, чадварлаг багш дасгалжуулагч нартаа чин сэтгэлээсээ талархаж байна.

Танай хамт олны цаашдын ажил үйлсэд амжилт хүсье.''

Хүндэтгэсэн,
Б.Хүлэгтбаатар

2025 оны 1-р сарын 28-ны өдөр
Улаанбаатар хот

18/02/2025

Бубновскийн хөдөлгөөнөөр эмчлэх сэргээн засах төвийн хамт олонд

Миний бие тус төвд 3 сар эмчлүүлж бүрэн илааршлаа.

Тархины хагалгааны дараах үед чин сэтгэлээсээ эмнэн бүрэн эдгээсэн танай хамт олонд хань ижил, үр хүүхэд, найз нөхдийнхөө талархлыг хүргэхэд таатай байна.
Миний бие нь анх таягтай, биеийн тэнцвэрээ сайн олдоггүй байдалтай ирсэн бол одоо таяггүй, чөлөөтэй бие дааж алхаж явдаг болсон. Мөн эмчлүүлэхийн зэрэгцээ зөв хоололтын талаар маш сайн ойлголттой болж хэвшүүлж эхэлсэн нь тус эмчилгээний эцсийн үр дүнд сайн нөлөөлсөн гэдгийг тэмдэглэн хэлэхийг хүсч байна.
Артерийн даралт буурч хэвийн болсон, биеийн жин хэвийн болж, сахрын хэмжээ эрс багассан, толгой эргэж дотор муухайрдаг нь цөөрсөн зэрэг бие махбодид маань нааштай өөрчлөлтүүд гарсан нь эмч, багш, ажилтнуудын маань ач тус гэж үзэж байна.

Та нартаа хүн зон олноо өвчин, зовиураас нь эгнэгт салгаж, аз жаргал бэлэглэдэг ариун үйлсэд чинь өндөр амжилт хүсээд бүгдэд нь урт удаан наслахыг хүсэн ерөөе.

Хан Уул дүүргийн 17-р хорооны өндөр настан Ч.Батсайхан
2024.05.19

17/12/2024

А.Буяндэлгэр эмчийн “Сахарын өвчнийг хүндрүүлэхгүй зогсоож болно” төлбөртэй 10 хоногийн цахим сургалт зарлагдаж байна.

Сургалт 2024 оны 12 сарын 17-нд 18 цагт эхэлнэ.
(Хичээл 1 сарын хугацаанд хадгалагдана)

Сургалтын хөтөлбөр:

1. Цахим лекц өдөр бүр

2. Ганцаарчилсан цахим зөвлөгөө

3. Онош-Мед лаборатор-д шинжилгээ 50% хөнгөлөлттэй өгнө

4. Бубновскийн хөдөлгөөний эмчилгээний төвд үнэгүй оношлогоонд хамрагдана

5. Өдөр бүр хоолны цэс, дүрс бичлэг танилцуулна

Лекцийн сэдэв:

1. Удиртгал. Бернстейн эмчийн эмчилгээний арга

2. ЧШ 2-р хэлбэр өвчний эмчилгээний ерөнхий зарчим

3. НУБХоолны дэглэм . Ясны шөл хийх аргачлал

4. Сахарын өвчнийг эмчлэхэд хүчний дасгал хийх ач холбогдол

5. Сахарын өвчнийг эмчлэхэд мацаг барих ач холбогдол

6. ЧШ 1-р хэлбэр өвчний эмчилгээний ерөнхий зарчим

7. Сахарын өвчний эмийн эмчилгээний ерөнхий зарчим. Хортой гаж нөлөө ихтэй эм

8. Инсулин эмчилгээний ерөнхий зарчим

9. Сахарын өвчний хүндрэлүүд

10. Сахарын өвчний зөв хяналт

Тус дансаар 300 мянган төгрөг төлж дансны хуулгаа чатаар илгээж , хаалттай группд орох хүсэлт явуулна. Гүйлгээний утга дээр фейсбуук нэрээ бичнэ.

[https://www.facebook.com/groups/2408762016144441]

Хаан банк Буяндэлгэр
5311645805

17/10/2024

Бубновский төвийн эмч А.Буяндэлгэрийн орсон подкастийн хүлээн авч үзнэ үү! Энэхүү ярианаас манай эмчилгээний арга барил мөн чихрийн шижингийн талаар мэдээлэл авах боломжтой.

Ивээн тэтгэгч: Coffee Fellows : https://www.facebook.com/CoffeeFellowsMongoliaUlaanbaatarShangriLaMallЗочинтой холбогдохыг хүсвэл:https://www.facebook.com/bu...

26/04/2024

✅ ДАСГАЛЖУУЛАГЧ БАГШ АЖИЛД СУРГАЖ АВНА.

7 хоногт 3 өдөр ажиллана

Тавигдах шаардлага:
- Эрүүл бие бялдартай
- Харьцааны өндөр соёлтой
- Багаар ажиллах чадвартай
- Цэвэрч нямбай
- Буруу зуршилгүй

Жич: Нас хязгаарлахгүй.

Таныг ая тухтай орчин, эвсэг хамт олон, боломжтой цалин хүлээж байна.
Та сонирхож байвал анкетаа ulanbator@bubnovsky.org хаягаар
ирүүлнэ үү.

Мэдээлэл авах утас : 7000-0162

11/04/2024

'' Таны эрүүл мэнд таны гарт ''

13/02/2024

Үйлчлүүлэгчийн маань эмчилгээний түүх болон сэтгэгдэл

"Бубновский төвийн хамт олонд талархсанаа илэрхийлж, бусад өвчтэй хүмүүст зориулав."

Миний бие 64 настай, ногоон гэрэл, цагаан шугам дээр танхай жолоочийн улмаас зүүн хөл өвдгөндөө гэмтэл авсан. Анх таягтай ирээд эхний 12 сеанс хөдөлгөөнт эмчилгээний хөтөлбөрийг дуусгаж таяггүй явдаг болсон. Намар 2 дахь сеанс эмчилгээнд хамрагдахад өвДөлт өгсөн. Өвдөлтийг тэсэх ёстой гээд дасгалаа хийгээд дуусахад нэлээд өвдөлттэй таягтай явдаг болсон. Өвдөлттэй байгаагаа дасгалжуулагчдаа заавал хэлж байх ёстой юм байна. Нэг удаа их өвдөлттэй орж ирэн хөдөлгөөнт заслаар өвчин алга болохыг мэдрээд үр дүнтэй юм гэдгийг маш сайн ойлгосон. Хувь хүнээс маш их тэвчээр хатуужил шаардана. Аливаа өвчнийг даван туулах кориг сэтгэл, хүсэл бүх өвчтөнд байх ёстой. Өвдөлтөөсөө халшраад явмааргүй санагдах үе гарна.
С.М.Бубновский өөрөө өвчнөө зориг хатуужлаар даван туулаад энэ гайхамшигтай төхөөрөмжийг бүтээсэн хүн. Энэ төхөөрөмж, эмчилгээний аргыг Монголд нэвтрүүлсэн Буяндэлгэр эмчдээ маш их талархаж байна. Сайн боловсон хүчнээ Москвад Бубновский төв дээр бэлтгэж авсан. Бүх ээлжийн дэсгэлжуулагч нар сэтгэлээсээ сайхан хандаж тусалдаг.
Явцын дунд зөвлөх эмчээ Санктпетрбургээс авчран Колесниковт үзүүлэн зөвлөгөө авсан. Эмчилгээний 3 дахь шатлалын хөтөлбөрт хамрагдаж, дасгалуудаа заалган хийсний үр дүнд хөлний өвдөлт, зөөлөн эдийн гэмтэл засарч байна. Мөн үргэлжлүүлэн дэмжих хөтөлбөрт хамрагдана гэж бодож байна. Өвлийн хальтаргаанд унаж бэртэх гээд 4 мөчөө чангалж явсаар бүх булчин чангарч өвчлөлтэй байна. Хөдөлгөөнт заслын үр дүнд хатангиршсан эд эс нар тэлэгдэн сэргэж буйг мэдэрч байна. С.М.Бубновскийн зөвлөснөөр өвчтэй үед өвчин намдаах эм уухгүй байна. Тэсэх л хэрэгтэй. Нэгэнт курс эмчилгээ эхэлсэн бол бүтэн эмчилгээнд хамрагдах нь үр дүнтэй. Дасгал хийгээд өвчин өргөс авахтай адил алга болно гэж бодож болохгүй. Тэвчээд дасгал хөдөлгөөнөө үр дүн гартал хийх. Гэмтэл, насны өөрчлөлтөөс хамааран бидний булчин маш их хатангиршалтай, эд эсийн өөрчлөлт ордог. Хөдөлгөөний архаг дутагдлаас үүдэн бий болсон нуруу, үе мөчний өвчин зөвхөн зөв дөсгөл хөдөлгөөнийг энэ гайхамшигтай төхөөрөмж дээр хийснээр багасч, эдгэрнэ. Замын түгжрэлд ирэхэд хэцүү юм. Санал болгоход салбар нээвэл сайхан юм.Үүнд бас төхөөрөмж, боловсон хүчин шаардагдана.

Бубновский төвийн хамт олондоо амжилт хүсэн, олон төрлийн дасгал хөдөлгөөнөөр олон хүнийг эдгээгээрэй гэж хүсэн ерөөе. Баярлалаа. Н.Алтанцэцэг 99264999

Эмчийн хувьд саналаа хэлье. С.М.Бубновский Монголд ирэхэд лекцэнд сууж, номнуудыг худалдаж авсан. Эмчийн хувьд харвалтын дараах хүмүүст дасгалуудыг зааж өгөхөд маш сайн үр дүн өгсөн. Нурууны гэмтэл, өвчтэй хүмүүст дасгал хийлгэсэн, Ямар ч гэсэн хагалгаанд ор гэсэн 3 өвчтөн хагалгаанд ороогүй дасгал хөдөлгөөнөөр эмчлэгдсэн. Баярлалаа. Олон өвчтөнг хөл дээр нь босгоорой.