17/09/2025
Авахаасаа өмнө талархаж сурахуй
Та хэдийд сэтгэл хангалуун талархалтай байдаг вэ? Магадгүй "гэр бүлдээ талархаж явдаг, сайхан гэр оронтойдоо, найз нөхөддөө, ажил албандаа, үр хүүхдүүддээ талархдаг" гэж хариулах байх. Гэтэл эдгээр нь амьдралд аль хэдийн бий болсон зүйл шүү дээ. Ерөнхийдөө бид амьдралдаа аль хэдийн тохиолдчихсон, аль хэдийн бий болсон зүйлсэд талархалтай ханддаг.
Биднийг баярлан баясахад шалтгаан хэрэгтэй, талархалтай болоход урам хэрэгтэй, хайрлахад үндэслэл хэрэгтэй гэж бид бүхнийг итгүүлсэн. Тэгвэл та ямар нэгэн хүссэн сайхан зүйлдээ болохоос нь өмнө талархаж, сэтгэл санаагаа сэргээн сайн сайхныг мэдэрч чадах уу? Тэрхүү шинэ амьдралаа бүхэлд нь төсөөлж, тэр сайхан зүйлдээ яг одоо мэт оршиж чадах уу?
Гадаад орчинд өөрлөлт хийхийн тулд дотоод мэдрэмж бодолдоо өөрчлөлт хийх нь үр дүнтэй арга гэж үздэг. Хүн талархалтай төлөв байдалд байхдаа хүссэн сайн сайхан зүйлсээ аль хэдийн болчихсон, бүтчихсэн гэсэн энергийг өөртөө татаж байдаг. Талархал бол хүний ухаан санаа болон бодлоос хавьгүй илүү өргөн цар хүрээтэй зүйл юм. Хүссэн зүйл тань яг энэ цаг мөчид, одоо амьдралд тань болж буй мэт сэтгэгдэл, мэдрэмжийг бий болгох нь чухал.
Жое Деспенза
