What are the opening hours?

Monday 09:00 - 19:00 Tuesday 09:00 - 19:00 Wednesday 09:00 - 14:00 Thursday 09:00 - 19:00 Friday 09:00 - 19:00 Saturday 09:00 - 19:00

https://www.facebook.com/404078763359758/

Армониа эмнэлэг 5D эхо

Home
Mongolia
Ulaanbaatar
Армониа эмнэлэг 5D эхо

Ургийн хөгжил үнэлэх, эмэгтэйчүүд, дотор эрхтний 5d эхо оношилгоо

Манай эмнэлэг хамгийн сүүлийн үеийн өндөр хүчин чадал бүхий 5D эхо аппаратыг ашиглан жирэмсний хөгжлийг үнэлэх, ургийн гажиг илрүүлэх, дотор эрхтнийг үнэлэх зэрэг үзлэг оношилгоог хийж байна.

06/07/2025

7 сарын 7, 8-нд 9:00-19:00 цагт, 10нд 9:00-14:00 цагт ажиллана.
Наадмын өдрүүдээр амарна.
Утас: 77180808

25/06/2025

Жирэмсэн үед ямар хүнсийг болгоомжтой идэх ёстой вэ? Яагаад?

* Түүхий буюу ногоон папайя жимсэнд агуулагдах латекс хэмээх бодис нь умайн булчинг агшаагч окситоцин, простагландинтай ижил төстэй үйлдэл үзүүлж, умайг агшааж зулбах, дутуу төрөх эрсдлийг нэмэгдүүлдэг. Мөн харшил үүсгэж болох тул болгоомжтой иднэ. Энэ жимсийг төрөл бүрийн хоол, салат, амттан хийхэд өргөн ашигладаг, ялангуяа Тайланд хоолны гол орц болдог юм байна.

* Усан үзэм нь глюкоз, фруктоз ихээр агуулдаг тул жин нэмэх ялангуяа ургийн жин нэмэхэд гол нөлөө үзүүлдэг тул жирэмсний сүүлийн саруудад ураг хэт томрохоос сэргийлж, тохируулан идээрэй.

* Зарим төрлийн загас, далайн амьтанд ихээр агуулагдах мөнгөн ус, диоксин нь ургийн тархи мэдрэлийн тогтолцооны хөгжилд сөргөөр нөлөөлдөг тул болгоомжилно.

* Хан боргоцой жимсэнд агуулагдах бромелайн гэдэг бодис нь умайн булчинг агшаах нөлөө үзүүлдэг тул дутуу төрөх эрсдэлтэй. Харин төрөх хугацаа дөхсөн бол идэхийг зөвлөдөг. Мөн ходоодны хүчлийг ихэсгэх, амны салст, шүдний пааланг гэмтээж эмзэгшүүлэх, харшил үүсгэх зэрэг нөлөө үзүүлдэг.

* Хаш буюу баклажан ногоонд агуулагдах соланин гэдэг бодис нь ургийн тархи мэдрэлийн тогтолцоонд сөрөг нөлөө үзүүлнэ. Мөн хаш ногоонд ихээр агуулагдах оксалатын давс нь эх ургийн биед хуримтлагдаж давсан талст үүсгэх, усны солилцоог алдагдуулах, кальцийн шимэгдэлтийг бууруулах нөлөөтэйг анхаараарай.

* Түүхий, шүүрхий мах өндөг. Токсоплазм, сальмонелла нянгийн халдвар авах эрсдэлтэй. Эдгээр халдвар нь урагт ноцтой эмгэг үүсгэх аюултай тул бүрэн болгож идээрэй.

Эцэст нь дүгнэхэд ямар ч хоол хүнсийг зөв хадгалж, зөв бэлтгэж, зохист хэмжээгээр тааруулан хэрэглэвэл ямар ч аюулгүй юм.
"Хоолыг эм шиг хэрэглэхгүй бол эмийг хоол шиг хэрэглэх болно" гэдэг үгийг үргэлж санаж байгаарай.

Илүү дэлгэрэнгүйг үзүүлэх үедээ эмчээсээ асууж лавлаарай.

#АрмониаЭмнэлэг

7718-0808

22/06/2025

Ургийн хөдөлгөөнийг хэрхэн тоолох вэ?

Ураг эрүүл бойжиж байгааг илтгэх хамгийн энгийн үзүүлэлт бол ургийн хөдөлгөөний идэвх юм. Жирэмсэн эх ургийн хөдөлгөөнийг хянах олон арга байдаг бөгөөд энгийн 1 аргыг та бүхэндээ хүргэе.
-Ээж зүүн талаараа хэвтээд ургийн хөдөлгөөнд анхаарлаа сайтар хандуулна.
/эргэв-1, өшиглөв-2 гэх мэт тоолно/ Ихэвчлэн оройн хоолны дараа ургийн хөдөлгөөн идэвхждэг.
-Ураг ямар хугацаанд 10 удаа хөдөлснийг тэмдэглэнэ. 📝
-Хэрвээ 2 хоног дараалан ажиглахад 2 цагт дор хаяж 10 удаа хөдлөхгүй, эсвэл хөдөлгөөн огт мэдрэгдэхгүй байвал эмчид яаралтай хандаарай. 🏥
Хүчилтөрөгч дутагдах, бүтэх, өсөлт хөгжил саатах, ургийн гажиг хөгжил зэрэг эмгэгийн үед ургийн хөдөлгөөн цөөрөх, хөдөлгөөн нь мэдэгдэхгүй болох эсвэл хэт их хөдөлгөөнтэй байх зэрэг шинжүүд илэрдэг‼️

7718-0808
#АрмониаЭмнэлэг

12/06/2025

Манай эмнэлэгт 5D эхо аппаратаар 10-аас дээш жил ажилласан туршлагатай эмч нар дараах оношилгоог хийж байна:

- Жирэмсний бүх хугацааны эхо оношилгоо
- Эмэгтэйчүүдийн эхо оношилгоо
- Дотор эрхтэний эхо оношилгоо
- Бамбайн эхо оношилгоо

Цагийн хуваарь:

Хаяг: БЗД 14-р хороо Рапидмед эмнэлгийн 7 давхарт (ХӨСҮТ-ийн зүүн урд)

Цаг авах утас: 7718-0808
Ажлын бус цагаар чатаар цаг авах боломжтой.

10/06/2025

6 сарын 11-ний бүх нийтийн амралтын өдөр 9:00-14:00 цагт ажиллана.

05/06/2025

Жирэмсэн үед таны өтгөн хатаад байна уу? Яавал дээр вэ?

Жирэмсэн үед өтгөн хатах зовиур нилээд олон эмэгтэйг шаналгадаг бөгөөд дараах шалтгааны улмаас өтгөн хатдаг.
1. Жирэмсний даавар-прогестероны нөлөөгөөр хоол боловсруулах замын хөдөлгөөн удааширснаас
2. Төмрийн бэлдмэл болон төмөр агуулсан жирэмсний витамины нөлөөгөөр
3. Жирэмсний хугацаа нэмэгдэх тусам томорсон умай болон ураг, бүдүүн шулуун гэдсийг дарж шахсанаас
Хэрвээ жирэмслэхээс өмнө өтгөн хатдаг байсан бол жирэмсэлснээс хойш бүр илүү их хатдаг.

Хэрхэн урьдчилан сэргийлэх вэ?
~ Бүхэл үрийн талх, үр тариа, хивэг, жимс, хүнсний ногоо зэрэг эслэг ихтэй хоол хүнс түлхүү хэрэглэх.
~ Өдөрт 1 ш киви идэх нь өтгөн хаталтаас сэргийлдэг.
~ Өдөрт дор хаяж 1,5 литр ус уух
~ Өөрт тохирсон дасгал хөдөлгөөн сонгон тогтмол хийх (алхах, усанд сэлэх, жирэмсний иог гм)
~ Цай, кофе, хийжүүлсэн ундаа зэрэг нь бие дэх шингэнийг хөөж улмаар өтгөн хаталтыг улам нэмэгдүүлдэг тул хэрэглэхгүй байх.
~ Хүндээр бие засмаар санагдмагц хойшлуулалгүй 00 орж хэвших хэрэгтэй.

30/05/2025

Цагийн хуваарь түр өөрчлөгдөж дараах хуваариар ажиллаж байна:

Даваа-Бямба гарагт 9:00-14:00 цагт ажиллана.
Ням гарагт амарна.

Утас 77180808

29/05/2025

Жирэмсний язралт

Нийт жирэмсэн эмэгтэйчүүдийн 75-90%-д арьсны язралт үүсдэг.
Эмэгтэй хүн арчаагүйгээс болж арьс нь язардаггүй.
Жирэмсний явцад эмэгтэй хүний биеийн жин багадаа 7-14 кг нэмэгддэг гэдгийг бид мэднэ. Хоног хоногоор эрчимтэй томрох ургийн өсөлттэй эхийн арьс дасан зохицож сунаж амжаагүйгээс, хүн бүрийн арьсны уян чанар, сунамтгай чанар өөр өөр байдагтай холбоотойгоор язралт үүсдэг.
Язралт нь жирэмсний 6,7 сартайгаас үүсч эхлэн төрсний дараа хэвлий, гуя, ташаа, хөх, заримд нь бүр хөлийн эрээн булчинд цагаан зураас болон үлдэж эмэгтэйчүүдийн гоо сайхан, өөртөө итгэх итгэлийг үгүй хийдэг.
Харамсалтай нь язралтаас 100% урьдчилан сэргийлдэг, язралтыг бүрэн арилгадаг ямар ч арга одоогоор алга байна.

Гэхдээ, язралт үүсэхээс тодорхой хэмжээгээр сэргийлэх аргууд бас байнаа.
👉Анхаарлаа нааш нь хандуулаарай.👇
~ Зөв хооллож хэт их жин нэмэхгүй байх.
~ Ус сайн уух. Өдөрт багадаа 2л цэвэр ус ууж арьсаа хуурайшихаас хамгаалах.
~ Язралтаас хамгаалдаг, арьс чийгшүүлэгч тос, лосьон тогтмол хэрэглэх.
~ Арьс язрахын өмнө загатнадаг. Энэ үед нь маажилгүйгээр ахиухан тос нялж түрхэх хэрэгтэй.
~ Эмчийн заавраар Омега-3 уух.
~ Шүршүүрт орохдоо язралт ихэвчлэн үүсдэг хэвлий, гуя, хөхөө халуун хүйтэн усаар ээлжлэн шүрших.
~ Жирэмсний зориулалтын дотуур өмд өмсөх, даруулга зүүх.

Сонирхуулахад, бор арьстай хүнд язралт үүсэх нь бага байдаг. 👏👏
Төрсний дараа тохирсон даруулга зүүж, арьсны эмчид цаг алдалгүй хандаж ретинолтой тосон эмчилгээ, лазер эмчилгээ зэргийг хийснээр язралтыг бүдгэрүүлэх, хэмжээг нь багасгах боломжтой ажээ.

27/05/2025

Түгээмэл асуултууд.
Асуулт: Төрөх хугацаагаа яаж тооцоолох вэ?

Хариулт:
Жирэмслэлт ойролцоогоор 40 долоо хоног үргэлжлэх бөгөөд 38-41 долоо хоногтойд төрвөл хэвийн гэж үзнэ.
Жирэмсний хугацаа болон төрөх хугацааг сүүлийн сарын тэмдгийн хугацаа болон эхогоор тодорхойлдог. Сарын тэмдгийн мөчлөг тогтмол бол сүүлийн сарын тэмдэг (ССТ) ирсэн өдрөөс эхлэн 40 долоо хоног буюу 280 хоногийн дараа төрнө гэж тооцно. Энэхүү 280 хоногийг хялбар бодож олох арга бий.
ССТ ирсэн сар-3=төрөх сар
ССТ ирсэн өдөр+7=төрөх өдөр
Жишээ нь: таны сүүлийн сарын тэмдэг 9 сарын 9-нд ирсэн бол 9-3=6-р сар,
9+7=16-ны өдөр буюу төрөх хугацаа 6-р сарын 16 байна.
Сарын тэмдэг тогтворгүй эсвэл тухайн сард өндгөн эсийн гадагшилсан хугацаатай холбоотойгоор төрөх хугацааг тооцох боломжгүй үед 2-3 сартай үеийн эхо үзлэгээр тодорхойлно.

#АрмониаЭмнэлэг

📞7718-0808, 9058-1121

19/05/2025

Түгээмэл асуултууд.

Асуулт 5. Умдаг ясруу өвдөөд байх боллоо, энэ юуных вэ? Яах ёстой вэ?

Хариулт:
Жирэмсний сүүлийн саруудад умдаг ясны үений холбоос сулран умдагны яс хоорондох зай ихсэж, хөдөлгөөнтэй болж биеийн байрлал өөрчлөгдөх үед өвдөлт илрэх эмгэгийг умдагны үений үрэвсэл буюу симфизит гэж нэрлэдэг.
Жирэмсэн эхийн биед кальци дутагдах, релаксин даавар их байх, жирэмсэн эх хэт их жин нэмэх, хөдөлгөөн багатай байх, том ураг, олон төрөлт, өмнө нь умдагны үений үрэвсэл болж байсан зэрэг шалтгаануудаар үүсдэг.
Энэ үед умдагны үеэр өвдөхөөс гадна “нугасны алхаа”тай болох, хэвтэж байгаад хөлөө дээш өргөж чадахгүй болох, умдагны үе эмзэглэл ихтэй болох зэрэг шинжүүд илэрдэг.
Эмчилгээний үндсэн арга нь амин дэм болон кальцийн бэлдмэл, дааврын бус гаралтай өвдөлт намдаах эм зэргийг хэрэглэх, аарцгийн хөдөлгөөнийг хязгаарласан боолт хийх, хэвтрийн дэглэм сахих зэрэг юм.
Хэрэв жирэмсний сүүлийн хугацаанд хүнд хэлбэрээр илэрвэл төрөлтийн үед умдагны үе салах эрсдэл өндөртэй тул кесар хагалгаагаар төрүүлдэг.
Дээрх зовиур танд илэрч байвал хяналтын эмчдээ хандаж, умдагны үений эхо болон рентген зураг авахуулж симфизит аль үе шатандаа байгааг оношлуулаарай.

Таны мэдлэгт дусал нэмэр болсон бол 👍 дарж биднийг дэмжээрэй.🙇🏻‍♀️
#АрмониаЭмнэлэг

📞7718-0808

13/05/2025

Түгээмэл асуултууд. Жирэмсэн үед умайн хүзүүний уртыг хэмжих нь яагаад чухал байдаг вэ?

Умайн хүзүү гэдэг нь умайн доод хэсэгт байх үтрээтэй холбогдож буй хэсэг юм. Жирэмслэхээс өмнө умайн хүзүү хатуу, 3см-ээс дээш урттай, суваг нь хаалттай байдаг бол жирэмсний хугацаанд аажмаар зөөлөрсөөр төрөх хугацаа болоход богиносч нээгддэг.
Жирэмсний хугацаанд умайн хүзүү хэт эрт богиноссоноос дутуу төрөх (37 долоо хоногоос өмнө) эрсдэл нэмэгддэг.
Хэрэв танд дараах дутуу төрөлтийн шинж илэрвэл эхогоор умайн хүзүүний уртыг хэмжүүлэх шаардлагатай:
- тогтмол давтамжтай базлалт мэдрэгдэх
- нурууны доод хэсгээр байнга өвдөх
- үтрээнээс цусархаг зүйл болон ураг орчмын шингэн гарах
- аарцагт даралт үүсэх

Мөн шинж тэмдэггүйгээр умайн хүзүүний богиносолт жирэмсний эрт хугацаанд үүсч болох бөгөөд үүнийг жирэмсний 24 долоо хоногоос өмнө товлолт эхо үзлэгүүдээр илрүүлсэнээр умайн хүзүүнд түр оёдол тавьж (cerclage) дутуу төрөлтөөс сэргийлэх боломжтой.

Өмнөх жирэмслэлтээр зулбасан эсвэл дутуу төрж байсан, умайн хүзүү гэмтэж байсан, умайн хүзүүний мэс ажилбар хийлгэж байсан, жирэмсний хожуу үед үр хөндүүлж байсан, төрөлхийн умайн хүзүү богинотой хүмүүс эмчийн заасан тодорхой хугацаанд умайн хүзүүний уртыг тогтмол хянуулах шаардлагатай.

#АрмониаЭмнэлэг

📞7718-0808

09/05/2025

Ургийн хүйсийг эхогоор хэзээ мэдэж болох вэ?

3 сар хүртэл хүйсийг эход харах боломжгүй.
3 сартайд буюу 11-13 долоо хоногтойд ургийн бэлгийн төвгөр (энэ төвгөр цааш эр эм бэлэг эрхтэн болж хэлбэржинэ) хэмээх бүтцийг эхогоор харж хүйсийг тодорхойлдог.
Энэ үед бэлгийн төвгөрийн чиглэл нуруутай үүсгэж буй өнцөгийг харж хүйсийг хэлэх боломж 70-90%- тай байдаг. Гэхдээ ургийн байрлал, эмчийн дадлага туршлагаас ихээхэн хамаарна.
Харин 14 долоо хоногоос хойш ургийн эр, эм гадна бэлэг эрхтний хэлбэр илэрхий ялгаатай харагдаж эхэлнэ. Иймээс хүйсийг баталгаатай тодорхойлуулах хүсэлтэй бол 14 долоо хоногтойгоос хойш эход харуулах хэрэгтэй.

Таны мэдлэгт дусал нэмэр болсон бол 👍 дарж биднийг дэмжээрэй.🙇🏻‍♀️
#АрмониаЭмнэлэг

📞7718-0808

Address

БЗД, 14-р хороо, 14-р хороолол, Халдвартын эмнэлгийн урд талд Rapid Med эмнэлгийн байр, 7 давхарт 704 тоот
Ulaanbaatar
976

Opening Hours

Monday	09:00 - 19:00
Tuesday	09:00 - 19:00
Wednesday	09:00 - 14:00
Thursday	09:00 - 19:00
Friday	09:00 - 19:00
Saturday	09:00 - 19:00

Telephone

77180808

Website

facebook.com

Alerts

Be the first to know and let us send you an email when Армониа эмнэлэг 5D эхо posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Армониа эмнэлэг 5D эхо: