Монветмед ХХК

03/04/2026

ВИЛМЕКТИН МАКС
VilmectinMAX

Туркийн Ивермектин 2%-иар агуулсан, бага тунгаар булчинд тарьдаг ивомек
Монгол улсын малын эмийн бүртгэлийн дугаар: QF-16-1021-P-P-00713
Монгол улсын мал эмнэлэгт хэрэглэгдэж эхэлсэн он: 2016

НАЙРЛАГА
1мл-тээ 20мг ивермектин агуулсан, үхэр, тэмээ, бог мал, гахайн дотор гадна шимэгч хорхойг устгах өргөн хүрээтэй үйлчлэлтэй тарилгын ариун уусмал.

ХЭРЭГЛЭХ ЗААЛТ
Бог, бод малын дараах дотуур, гадна шимэгчдийн эсрэг өргөн хүрээтэй үйлчлэлтэй.
Үхэр, тэмээний ходоод гэдэс, уушигны савхан хорхой: Диктокаулез үүсгэгч - Dictocaulus bovicola, Арьсны филариаз үүсгэгч: Parafiliaria bovicola, Нүдний нематодууд: Thelezia sp.,
Гуурын ялааны авгалдай: Hypoderma bovis, Hypoderma lineatum,
Шархны өт, Chrysoma bazziana, Cochliomya hominivorax,
Хамууны үүсгэгч: Psoroptes communis bovis, P.communis ovis, Sarcoptes scabei bovis, Chorioptes bovis,
ширх, үс идэгч: Linognatus vituli, Haematophinus eurysternus, Solenopotes capillatus, Damalinia bovis,
Хачиг Boophylus spp., Ornithodurus savignyi

Бог малын ходоод гэдэс, уушигны савхан хорхой: Heamonchus spp., Ostertagia spp., Trichostrongylus spp., Coopera sp., Nematodirus spp., Oesophagostomum spp., Strongyloides papillosus, Chabertia ovina, Trichuris ovis, Dictocaulus filiaria,
Хамууны үүсгэгч: Sarcoptes scabei var, Psoroptes communis ovis, Chorioptes bovis var. ovis,
Ширх, үс идэгч: Bovicola ovis, Linognatus pedalis, L.ovillus, L.stenopsis,шалз: Melophaga ovinus,
Хамрын гуур: Oestrus ovis,
Шархны өт: Chrysoma bezziana,
Хачиг: Boophylus spp., Ornithodurus savignyi

Туузан хорхойд үйлчлэхгүй.

ХЭРЭГЛЭХ АРГА, ТУН
Үхэр, тэмээ, бог малын жингийн 1кг-д 0.2мг ивермектинээр тооцож 50 кг жинд 0.5 мл-ээр тооцож булчинд эсвэл арьсан дор тарина.

Шимэгчидтэй тэмцэх ажлыг илүү үр дүнд хүргэх үүднээс бэлдмэлийг тухайн суурь сүрэгт буй бүх малдаа тарих, Psoroptes ovis-оор үүссэн хамууг 7 хоногийн зайтай хоёр удаа тарьж эмчлэх, гууртай тэмцэхдээ гуурын ялааны нислэг зогссоны дараа тарих, өтөлтөөс хамгаалах зорилгоор мал хөнгөлөх, ээмэглэх үед тарих нь зохистой. Тарилгыг хэрэглэх үедээ үжилгүйжүүлэх, үжлийн эсрэг горимыг баримтална.

03/04/2026

Батлав. Монгол улсын Малын Ерөнхий эмч

НАТРИЙН ТИОСУЛЬФАТЫН 30%-ИЙН УУСМАЛ
ХЭРЭГЛЭХ ЗААВАР

1. Epөнхий зүйл: Натрийн тиосульфатын 30%-ийн тарилгын уусмал нь 1 мл эзлэхүүндээ 300 мг натрийн тиосульфат агуулсан, өнгөгүй, тунгалаг, шингэн хэлбэрийн ариун эм.
2. Олон улсын худалдааны нэр: Natrii Thiosulfas 30% pro injectionibus
3. Физик химийн үзүүлэлтүүд:
3.1. Гол үйлчлэгч бодис: Натрийн тиосульфат
3.2. Эм зүйн шинж: элдэв хордлогыг тайлах үйлчлэлтэй.
3.3. Гадаад байдал: өнгөгүй, тунгалаг, шингэн
3.4. Эмийн хэлбэр: шингэн эм
3.5. Савлалт: Бэлдмэлийг 50, 100, 200 мл эзлэхүүнтэй ариун шилэн цодонд савлаж резин бөглөөгөөр бөглөөд металл малгайвчаар бэхэлсэн, тус бүртээ хэрэглэх монгол заавартай.
4. Үйлчлэлийн механизм: Натрийн тиосульфатын бүтцэд исэлдэлтийн бага (-2) болон өндөр (+6) зэрэгтэй хүхрийн атом агуулах тул маш өргөн хүрээнд исэлдэх, ангижрах урвалд орж элдэв хорын эсрэг үйлчлэл үзүүлнэ. Мөнгөн ус, хүнцэл, хар тугалгын нэгдэл, бусад хүнд металлын давс, иод, хлор, бром, фтор, цианид, синилийн хүчил, селентэй натрийн тиосульфат харилцан үйлчилснээр хоргүй сульфитүүд, хор багатай бусад нэгдлүүд үүснэ. Натрийн тиосульфат нь хэт мэдрэгжил, үрэвслийн эсрэг үйлчлэх ба бие махбодод хүчилжилтээс үүсдэг хордлогыг бууруулна. Мөн түүнчлэн макрофаг, туслагч Т эсийг идэвхжүүлж нян, вирусийн гаралтай халдварт өвчний үүсгэгчийн эсрэг хүчтэй дархлаа тогтооход эерэг нөлөө үзүүлнэ. Вакцин тарихын хажуугаар натрийн тиосульфат хэрэглэвэл дархлааны эрхтэнүүд иммунморфологийн илт сэргэлтэд орж дан вакцин тарьснаас илүү бат бөх дархлаа тогтоно. Натрийн тиосульфатыг нэг удаагийн тунгаар дотуур олгох, булчин, хураагуур судсанд тарих аль ч үед биеийн бүх эрхтэн, эдэд тархах ба элэг, бөөр, булчин, цусанд түүний эмчилгээний төвшрүүлэг өндөр хэмжээнд хүрч 20-24 цаг хадгалагдана. Биеэс ихэнх нь шээсээр гадагшилна.
5. Хэрэглэх заалт: Бэлдмэлийг мал амьтанд хордлого тайлах, үрэвслийг намдаах, хэт мэдрэгжилтийг бууруулах, кетозыг эмчлэх, хүчилжилтийг саармагжуулах болон дархлааг идэвхжүүлэх зорилгоор хэрэглэнэ. Харшил, арьсны үрэвсэл, үений үрэвсэл, цус үжих, хордлогот халдварт өвчин, түлэгдэлтийн үед хэт мэдрэгжилтийг бууруулах, үрэвслийг намдаах зорилгоор хэрэглэнэ. Мөнгөн ус, хүнцэл, хар тугалга бусад хүнд металлын давс, цианид, иод, хлор, фтор, бром, селен, эсхүл тэдгээрийн нэгдлээр хордох болон синилийн хүчил үүсгэдэг, селен ихээр агуулдаг ургамлаар хордох үед хоргүй болгох, хорыг сулруулах зорилгоор хэрэглэнэ.
6. Хэрэглэх арга, тун хэмжээ: Бэлдмэлийг хураагуур судас, булчинд тарих, дотуур олгохдоо дараах тунг баримтална. Үүнд:

Малын төрөл Дотуур, г Судсаар, г Булчинд, г
Үхэр 25-50 5-15 1-4
Адуу 25-50 5-15 -
Бог мал 5-10 1-4 -
Гахай 5-10 1-4 2-3.6
Нохой 1-2 1-3 0.05-0.2
Үнэг 0.4-0.8 0.2-0.5
тахиа - 0.014-0.035

Шувуунд дархлаа идэвхжүүлэх зорилгоор натрийн тиосульфатын 30%ийн уусмалыг тарилгын усаар 4,3 дахин шингэлж 7%-ийн уусмал болгоод (100 мл натрийн тиосульфатын 30%ийн уусмалыг 330 мл тарилгын устай холино) дэгдээхэйд 0,2 мл, тахианд 0,5 мл -ээр дунд чөмөг орчмын булчинд тарина. Шувууны Ньюкаслын өвчин, өндөглөлт буурах синдром, халдварт бронхитын эсрэг идэвхгүйжүүлсэн вакцин 400 мл-ийг натрийн тиосульфатын 30%ийн 120 мл уусмалтай холиод 100-120 хоногийн бойжилттой өсвөр тахианд 0,65 мл -ээр нэг удаа булчинд тарина.
7.Хориглох заалт: Натрийн тиосульфатыг хэрэглэснээс хойш наад тал нь 24 цаг өнгөрөөгүй байхад сүүг ашиглах, хүнсэнд зориулан төхөөрөхийг хориглоно.
8. Гаж нөлөө, эмийн харилцан нөлөөлөл: Натрийн тиосульфат зөвлөсөн тунгаар олгоход эмнэл зүйн ямар нэг гаж шинж илрэхгүй. Эмчилгээний явцад иод, хром, бром агуулсан бэлдмэлтэй хамт хэрэглэж болохгүй.
9. Хордлого саармагжуулах арга, хэрэглэх эм: Бэлдмэл хэрэглэх үедээ малын эмийн зүйлтэй харьцан ажиллах хувийн ариун цэвэр, аюулгүй ажиллагааны нийтлэг дүрмийг баримтална.
10. Хадгалах, тээвэрлэх нөхцөл: Нарны гэрлийн шууд тусгалаас хамгаалж, тасалгааны хэм (4-25оС)-д хадгална. Тээвэрлэхдээ эм бэлдмэл тээвэрлэх журмыг баримтална
11. Эмийн идэвхээ хадгалах хугацаа: Үйлдвэрлэснээс хойш 2 жил.
12. Үйлдвэрлэгч улс, эмийн үйлдвэр: БН Беларусь Улс, Белвитунифарм ХК
13. Монгол улс дахь албан ёсны гэрээт борлуулагч: МОНВЕТМЕД ХХК

Анхааруулга: Зөвхөн мал, амьтанд зориулсан. Хүнд хэрэглэж болохгүй. Хүүхэд хүрэхээргүй газар байлга!

27/01/2026

ЭХ, ТӨЛ МАЛДАА СЕЛЕН ТАРИХ УЛИРАЛ #
Е-СЕВИЛ® ТАРИЛГЫН ЭМИЙГ ХЭРЭГЛЭХ ЗААВАР

1. Epөнхий зүйл: 1мл бүртээ 1мг Селенит натри, 60мг Витамин Е, 40мг Витамин В1 агуулсан, амин дэм, эрдэс бодисын дутагдлаас сэргийлэх болон эмчилгээний зориулалттай тарилгын ариун уусмал.

2. Олон улсын худалдааны нэр: E-SEVIL/Е-СЕВИЛ
3. Физик химийн үзүүлэлтүүд:
3.1. Гол үйлчлэгч бодис: Селенит натри, Витамин Е, Витамин В1
3.2. Эм зүйн шинж: Витамин Е, В1, селен дутагдлаас урьдчилан сэргийлэх болон эмчилгээний зориулалтаар хэрэглэнэ.
3.3. Гадаад байдал: Цагаан өнгөтэй цийдмэг
3.4. Эмийн хэлбэр: Тарилгын цийдмэг
3.5. Савлагаа: 100мл-ийн бараан шилэн цодонд савласан.
4. Үйлчлэлийн механизм: Селен нь мал, амьтны бие махбодийн хэвийн өсөлт, нөхөн үржихүйн хэвийн үйл ажиллагааг хангахад чухал шаардлагатай элементийн нэг юм. Тэжээвэр мал, амьтанд төрөл бүрийн сөнөрөлт өвчнийг эмчлэх, урьдчилан сэргийлэх зорилгоор хэрэглэнэ. Витамин Е биологийн үл исэлдүүлэгч чанартай. Витамин В1 нь хэвийн өсөлт, тэжээл боловсрох, шимэгдэх хэвийн ажиллагааг хангах, нүүрс усны солилцоонд коэнзим болон оролцдог. Мөн мэдрэлийн тогтолцооны хямралаас урьдчилан сэргийлэх нөлөөтэй.
5. Хэрэглэх заалт: Төрөл бүрийн малын төл, өсвөр малын булчин цайх өвчнийг эмчлэх, ялангуяа хээлтэй болон төл малд селен, Е болон В1 витамины дутагдлаас үүсэх эмгэгээс (булчин цайх, саажих, амьдрах чадваргүй төл гарах, хаг саатах) урьдчилан сэргийлэх, тэжээлийн ерөнхий хомсдолоос үүдсэн булчингийн сулрал, сөнөрөл, тэжээл дэх биологийн идэвхт бодис дутмагшлаас үүсдэг саажилт, үргүйдлийг эмчлэх, эм малын хээл авалт, нийт малын онд оролтыг сайжруулах, төлийн хэвийн өсөлтийг хангах, мал, амьтныг хол тээвэрлэхэд үүсэх стрессээс хамгаалах зэрэг зориулалтаар бэлчээрийн мал аж ахуйн нөхцөлд өргөн хүрээнд хэрэглэнэ.
Хэрэглэх тун:
Сэргийлэх тун
Үнээ, Адуу (хээлийн 5 сартай үеэс) 5-10мл
Хонь, Ямаа (хээлийн 3 сартай үеэс) 1-2мл
Тугал, Унага 0.5-1мл
Хурга, Ишиг (1-7 хоногтой) 0.25мл, (7-30хоногтой) 0.25-0.5мл, (1 сараас илүү настай) 0.5-1.0мл
Эмчлэх тун
Тугал, Унага 1-2мл
Хурга, Ишиг (1-7 хоногтой) 0.25-0.5мл, (7-30хоногтой), 0.5-1мл, (1 сараас илүү настай)1-2мл
Нохой, Муур 0.1-1.0мл
6. Хэрэглэх тун хэмжээ: Үхэр, адуу, хонь, ямаа, хурга, ишиг, тугал, унага, муур, нохойд доорх хүснэгтэд заасан тунгаар тарина. Хэрэв шаардлагатай гэж үзвэл нэг долоо хоногийн зайтайгаар дээд тал нь 4 удаа давтан тарина. Тарихаас өмнө сайтар бэлдмэлийг зайлна. Тарилгыг хэрэглэх үедээ үжилгүйжүүлэх, үжлийн эсрэг горимыг баримтална.
7. Хэрэглэх арга: Арьсан дор эсвэл булчинд тарина.
8. Хориглох заалт: Ямар нэг хориглох заалт байхгүй.
9. Гаж нөлөө, эмийн харилцан нөлөөлөл: Тарилга тарьсан хэсэгт түр зуурын цочрол өгч болно. Бусад эм, бэлдмэлтэй хавсран хэрэглэхэд ямар нэг гаж нөлөө үзүүлсэн мэдээлэл байхгүй.
10. Хордлого саармагжуулах арга, хэрэглэх эм: Өндөр тунгаар тарьсан тохиолдолд амьсгаадах, зүрхний цохилт түргэсэх, чацга алдах, үхэдхийн унах зэрэг шинж тэмдэг илэрч болно. Тун хэтрүүлсэн үед шинж тэмдгийн эмчилгээ хийх ба хордлого саармагжуулах тухайлсан ерөндөг байхгүй.
11. Хадгалах, тээвэрлэх нөхцөл: Гэрлийн шууд тусгалаас хамгаалж, тасалгааны хэм (15-250С)-д хадгална. Тээвэрлэхдээ эмзэг, хагарах эм бэлдмэл тээвэрлэх журмыг баримтална.
12. Эмийн идэвхээ хадгалах хугацаа: Үйлдвэрлэснээс хойш 3 жил.
13. Үйлдвэрлэгч улс, эмийн үйлдвэр: Турк улс Вилсан үйлдвэр
14. Монгол улс дахь албан ёсны гэрээт борлуулагч: МОНВЕТМЕД ХХК
Анхааруулга: Хүнд хэрэглэж болохгүй. Хүүхдээс хол байлга!
Зөвхөн мал эмнэлгийн зориулалтаар хэрэглэнэ.
Гэрэл зургийг: Д.Балдан-Очир Baldan-Ochir Dambadarjaa
Дизаинер Б.Пүрэвсүрэн Pj Puje

23/01/2026

КАТОВИЛ ®
ТАРИЛГЫН ЭМ ХЭРЭГЛЭХ ЗААВАР
1. Epөнхий зүйл: Катовил нь 1мл-тээ 17.30 мг фосфортой тэнцэх 100 мг Бутафосфан, 0.05 мг B12 витамин агуулсан, улаавтар өнгөтэй тунгалаг тарилгын ариун уусмал юм.
2. Олон улсын худалдааны нэр: КATOVIL®
3. Физик химийн үзүүлэлтүүд:
3.1. Гол үйлчлэлт бодис: Фосфор, B12 витамин
3.2. Эм зүйн шинж: Бэлдмэлийн найрлага дахь фосфор болон В12 амин дэм нь бие мах бодид фосфорын дутагдлыг нөхөж булчингийн хүч чадлыг нэмэгдүүлэх, элэгний үйл ажиллагааг дэмжиж уураг, нүүрс ус, өөх тосны бодисын солилцоо болон цусны улаан эсийн бүрдэлтэнд нөлөөлж цус багадалтаас сэргийлэн бие мах бодийн өсөлт, дархлааг сайруулна.
3.3. Гадаад байдал: Улаавтар өнгөтэй, тунгалаг шингэн
3.4. Эмийн хэлбэр: Тарилгын уусмал
3.5. Савлалт: 20, 50, 100мл-ийн бараан шилэн лонхонд савласан, тус бүртээ цаасан хайрцагтай, хэрэглэх монгол заавартай.
4. Үйлчлэлийн механизм: Органик фосфорын нэгдэл болох Бутафосфан нь малын биед фосфорын эх үүсвэр болон ашиглагдана. Фосфор нь бие махбодид фосфорын дутагдлыг нөхөж бодисын солилцооны хямралыг арилган ясны эрдэсжилт, булчингийн агшилтыг сайжруулах, гөлгөр булчинт эрхтнүүдийн урвалжит чанарыг нэмэгдүүлэхээс гадна өндөр энергитэй фосфатуудын (АДФ, АТФ) үндсэн бүрэлдүүн болж бие махбодийн энергийн гол эх үүсвэр болон ашиглагдана. B12 витамины нь мал, амьтны уураг, нүүрс ус, өөх тосны солилцоог идэвхжүүлж бэлгийн болон цусны эсийн боловсрох, хөгжих, хэд хэдэн ферментийн нийлэгжилтэд оролцон цус багадалтаас сэргийлэх, дархлааг сайжруулах, бие мах бодийн хэвийн өсөлт, хөгжилтийг хангахад чухал үүрэг гүйцэтгэнэ.
5. Хэрэглэх заалт: Бутафосфаны хамгийн чухал хэрэглээ нь бодисын солилцооны өвчнүүдийг эмчлэх, ялангуяа өсвөр малын хэвийн өсөлт, хөгжилтийг хангахад оршино. Катовил тарилгын уусмалыг кальци, фосфор, магнийн солилцооны хямралаас үүсэх таталдалт, саажилт (кальци, магнийн бэлдмэлтэй хавсран хэрэглэх), хаврын улиралд болон тэжээлийн чанар, хэмжээ хангалтгүйгээс шалтгаалах фосфорын дутагдал, өеөдөлт, рахит, яс зөөлрөх, сөнөрөх өвчин, хоёрдогч шалтгаанаар болон шимэгч хорхойн улмаас үүсэх цус багасалтын үед хэрэглэнэ. Мал, нялх төл ядарч сульдах, булчингийн чангарал сулрах, эх мал төллөсний дараах хүндрэлүүд, хаг саатах, малын биеийн болон үржлийн бойжилт, хөгжилт саатах, сүүний гарц багасах, тэжээлийн дуршил өөрчлөгдөн идэш бус элдэв зүйл мэрэх, идэх зэрэг бодисын солилцооны хямралын үед хэрэглэнэ. Эрүүл малын ашиг шимийг нэмэгдүүлэх, ажлын болон уралдааны малын дархлааг сайжруулах, нохой, тэжээвэр үслэг амьтдын төлийн өсөлтийг дэмжих, хугарсан ясны бороололтыг түргэтгэх (Д витаминтай хавсруулан) зорилгоор хэрэглэж болно.
6. Хэрэглэх арга, тун хэмжээ: Малын эмч өөрөөр зөвлөөгүй нөхцөлд:
Адуу, Үхэр, Тэмээнд 5-25 мл, Тугал, Унага, Ботгонд 5-12 мл, Хонь, Ямаанд 2.5-5 мл, Хурга, Ишгэнд 1.5-2.5 мл, Нохойд 0.5-5 мл, мууранд 0.5-2.5 мл тунгаар хураагуур судас, булчин, арьсан дор өдөрт нэг удаа тарина. Тарих давтамжийг өвчний явцтай уялдуулна. Тарилгыг хэрэглэх үедээ үжилгүйжүүлэх, үжлийн эсрэг горимыг баримтална. Архаг өвчтэй мал эмчлэх, эрүүл малын ашиг шимийг нэмэгдүүлэх зорилгоор хэрэглэхдээ эмчилгээний дээрх тунг хагаслаж болно.
7. Хориглох заалт: Хээлтэй малд хэрэглэж болно. Эмийн үлдэгдэл биеэс гадагшлах хугацаа мах, сүүнд “0” өдөр байна.
8. Гаж нөлөө, эмийн харилцан нөлөөлөл: Зөвлөсөн тунгаар хэрэглэхэд гаж нөлөө илрэхгүй. Бусад эм, бэлдмэлтэй хольж хэрэглэж болохгүй.
9. Хадгалах, тээвэрлэх нөхцөл: Нарны гэрлийн шууд тусгалаас хамгаалж, тасалгааны хэм (15-250С)-д хадгална. Тээвэрлэхдээ эмзэг, хагарах эм бэлдмэл тээвэрлэх журмыг баримтална.
10. Эмийн идэвхээ хадгалах хугацаа: Үйлдвэрлэснээс хойш 2 жил.
11. Үйлдвэрлэгч улс, эмийн үйлдвэр: Турк улс Вилсан үйлдвэр
12. Монгол улс дахь албан ёсны гэрээт борлуулагч: МОНВЕТМЕД ХХК
Анхааруулга: Зөвхөн мал, амьтанд зориулсан. Хүнд хэрэглэж болохгүй. Хүүхэд хүрэхээргүй газар байлга!

31/12/2024

28/11/2024

E СЕВИЛ
ОНЦЛОГ ШИНЖ ЧАНАР
ТОГТВОРТОЙ ЦИЙДМЭГ ХЭЛБЭРТЭЙ: Селен бага багаар жигд шимэгдэнэ, болзошгүй хордлогоос сэргийлнэ.
ВИТАМИН В1 АГУУЛАМЖТАЙ: В1 витамин булчингийн сөнөрлийн эргэн сэргэх үйл явцыг дэмжинэ. Глюкозыг энерги болгон хувиргах урвалыг түргэсгэнэ, булчингийн агшилт сайжирнэ. Мэдрэлийн үйл ажиллагааг сайжруулна.

22/09/2023

29/10/2022

Малын эмийн танилцуулга 2023-2024