АДАМ эрэгтэйчүүд, бөөрний эмнэлэг

22/05/2026

2026-05-23ны БЯМБА гарагт
Марафон2026- замын хөдөлгөөний хязгаарлалтаас болж ажиллахгүй болохыг мэдэгдэе.

22/05/2026

Эрчүүд бөөр шээсний замын чулуу өвчнөөр илүү өвддөг үү?

*Бөөрний шээсний замын чулуу өвчнөөр дундчаар эрэгтэйчүүдийн 18% , эмэгтэйчүүдийн 8% нь нэг болон түүнээс олон удаа өвчилдөг.

* Зун цагт чулуу үүсэлт нэмэгддэг үү?
Зуны дэлгэр цагт бид аялал, зугаалга ихсэж хорхог, шорлог, боодог хийж шар айраг уух мөн халууны нөлөөгөөр бие мах бодид шингэний дутагдал илүү их үүснэ.

Мөн хонины мах, гэдэс дотор идсэний дараах цусанд пурины солилцооноос үүсэх шээсний хүчлийн хэмжээ ихсэж бөөрөнд шээсний хүчлийн чулуу үүсгэх эрсдэл улам нэмэгддэг.
Чулуу үүсэхэд нөлөөлөх гол хүчин зүйлд:

Дотоод хүчин зүйл:
* Бодисын солилцооны өөрчлөлт (даралт ихсэх, чихрийн шижин болон таргалалт)
* Гэр бүл, удамшил
* Эр хүйс
* Бөөр, шээсний замын анатомийн өөрчлөлт
Гадаад хүчин зүйлд
* Хооллолтын байдал / махны өндөр хэрэглээ, шингэний хомсдол нь нэг нөхцөл болно./
* Цаг уурын онцлог
* Шингэний хэрэглээ
* Суугаа хэвшил

Чулуу үүсэх явц нь дараах дарааллаар явагддаг.
I. Давс хэт ихсэх (Oversaturation) :
A. Шээсэнд байх эрдэс болон давсны хэмжээ бага зэрэг ихсэх үе
Б. Шээсэнд байх эрдэс болон давсны хэмжээ ихээр нэмэгдэх үе
II. Бөөм үүсч томрох, талстууд наалдах - (Nucleation, growth and Aggregation)
III. Аггрегаци үе : Шээсэнд байх эрдэс болон давснууд талсжина. Талстууд хоорондоо нийлж наалдан, талстууд хэмжээгээр томроно.
IV. Чулуу хэлбэржих үе: Талстууд нийлж чулуу хэлбэржин хэмжээгээр томроно.

Хамгийн түгээмэл тохиолдох бөөр шээсний замын чулууны төрлүүд нв дараах 4 төрөл байдаг.

*Кальцийн давс түлхүү агуулсан буюу оксалатын чулуунууд,
*Шээсний хүчлийн чулуу/ тулай өвчний үед шээсний хүчил цусанд их байна.
*Фосфатын чулуу
*Струвитын / Шээсний замын нянгийн үрэвслийн чулуу/

ТА УРИН ЗУНЫ ДУЛААН ЦАГТ УС БОЛОН ШИНГЭНИЙ
ХЭРЭГЛЭЭГЭЭ ТҮЛХҮҮ ХЭРЭГЛЭЭРЭЙ.

Бөөр, шээсний замын хэт авиа болон шээсний дэлгэрэнгүй шинжилгээ, шээсний хүчлээ цусанд хэмжүүлэх бол та цаг аваад бидэнд хандаарай.


Ажлын өдрүүдэд 08.30-16.30
Бямбад 09.00-14.00

7755-9596

19/05/2026

Зүгээр л мөөгөнцөртсөн үү? ...

Эрчүүд ихэнхдээ өөртөө онош тавьчаад эмч дээр ирдэг.
*эмчээ би мөөгөнцөртчихсөн байх_ бэлэг эрхтний толгойд цагаан өнгөр тогтоод байна ...
* арьс нь хуулраад байгаа мэт бөмбөрсөн зүйл гарааад ...
* тээрхийн арьсан дороос таагүй үнэр гарах, муудсан загас шиг эвгүй үнэртэж байна. гм өгүүлэмжтэй эмчид ирнэ.

Эрчүүдийн шодойн толгойн хэсэг, тээрхийний арьс өөрийн гэсэн арьсны орчин, ашигтай нянгийн тогтоц гэж ялгаагүй байдаг.
Шалтгаан нь:

--хэт их савандаж угаадаг.
-- бэлгийн хамтрагч хөхүүл, жирэмсэн байх,
-- үтрээний ашигт нян буюу сүүний хүчлийн савханцарын харьцаа алдагдах
-- нянгийн вагиноз буюу Микоплазм, Уреаплазм, Гарднерелл, Мобилинкус... зэрэг үтрээний нянгууд ихэссэн байж болно.

Эдгээр асуудлыг хамтдаа эмчилж байж эмчилнэ.
шалтгааан ч бас байж болдог.

Танд дээрх асуудлууд байвал 2 цагаас дээш шээлгүйгээр эмнэлэгт ирж наацын болон Пи СиАр шинжилгээ өгөх шаардлагатай.

7755-9596 утсаар та ажлын өдөр
08.30-16,30
Бямбад 09.00-14.00хооронд цаг аваад ирээрэй
АДАМ ЭМНЭЛЭГ

#Мөөгөнцөр



#ЭРЭГТЭЙЧҮҮДИЙНасуудал

Call now to connect with business.

18/05/2026

#АМАН СЕКСЭЭР ЭРЭГТЭЙЧҮҮД #БЗДХ
БЭЛГИЙН ЗАМЫН ХАЛДВАР АВАХ УУ?

Товчхондоо "ТИЙМ"

Эрэгтэй хүн орал с**с (аман с**с) хийх эсвэл хийлгэх үедээ Бэлгийн замаар дамжих халдвар (БЗДХ) авах бүрэн боломжтой.

Орал с**с нь бактер, вирусээр үүсгэгддэг бусад түгээмэл БЗДХ-уудын хувьд маш идэвхтэй дамжих зам болдог.

ҮҮНД:

*ӨНДӨР ЭРСДЭЛТЭЙ БЗДХалдварууд
Зарим төрлийн халдварууд нь салст бүрхэвчинд үржих таатай нөхцөлтэй байдаг тул амны хөндий, хоолой болон бэлэг эрхтний хооронд халдвар хялбархан дамжих орчин болдог.

1.Гонорей ( #ЗАГХҮЙТЭН): Орал с**сээр р хамгийн түгээмэл дамждаг БЗДХ-ын нэг. Хэрэв бэлгийн хамтрагч нь хоолойн гонорей- заг хүйтний халдвартай бол эрэгтэй хүний бэлэг эрхтэнд халдвар дамжуулах боломжтой бөгөөд үүний эсрэгээр ч дамжих эрсдэлтэй. Хоолойн гонорей нь ихэвчлэн ямар нэгэн шинж тэмдэггүй байдаг ч маш их халдвартай байдаг.
2, Хламидия: Гонорейтой адил хламидийн халдвар нь орал с**сээр дамжин хоолой эсвэл шээсний сүвийг халдварлуулж болно. Халдвар дамжих магадлал нь гонорейг бодвол үл ялиг бага боловч маш түгээмэл.
3. Энгийн герпес - хомхойн вирус (HSV-1 ба HSV-2):
HSV-1: (ихэвчлэн амны уруул дээр гардаг хомхой) нь хамтрагчийн амнаас эрэгтэй хүний бэлэг эрхтэнд хялбархан халдварлаж, бэлэг эрхтний герпес үүсгэдэг.
HSV-2 -(ихэвчлэн бэлэг эрхтний герпес) нь бэлэг эрхтнээс хамтрагчийн амны хөндийд дамжих боломжтой.

АНХААРАУУЛГА: Халдвар нь ямар нэгэн ил харагдах шарх, цэврүү байхгүй үед ч дамжих чадвартай байдаг. Шинж тэмдэггүй вирус ялгарах үе гэж байдаг.
4. Тэмбүү (Сифилис): Энэхүү бактер нь тэмбүүгийн шархтай (шанкр) шууд хавьтах үед дамждаг. Шарх нь бэлэг эрхтэн, анус, уруул эсвэл амны хөндийн дотор байрлаж болно.
5. Хүний хөхөнцөр вирүс (ХПВ / Human Papilloma Virus): ХПВ нь арьс арьсаар шүргэлцэх үед маш амархан халдварладаг. Орал с**сээр ХПВ-ийн халдвар авах нь бэлэг эрхтний үү үүсгэх, эсвэл хожмоо амны хөндий,хоолой залгиурын болон шулуун гэдэсний хорт хавдарт хүргэх эрсдэлтэй.

** Бага эрсдэлтэй ч халдварлах боломжтой БЗДХ-ууд

1. ХДХВ (HIV):** Орал с**сээ р ХДХВ-ийн халдвар авах эрсдэл бага боловч огт байхгүй гэсэн үг биш юм. Халдвар дамжихад вирүсийн өндөр ачаалалтай биеийн шингэн (үрийн шингэн, үтрээний шүүрэл эсвэл цус) нөгөө хүнийхээ амны хөндий эсвэл бэлэг эрхтний арьсны ил шарх, буйлны цус алдалт, эсвэл үл үзэгдэх жижиг шалбархайгаар дамжин цусанд орох шаардлагатай болно.

2.Гепатит А, В, С: Гепатит В вирүс нь үрийн шингэн эсвэл шүлсээр дамжин орал с**сээр халдварлах боломжтой. Гепатит А нь ихэвчлэн ам-анусны хавьтлын үед л эрсдэл өндөртэйг.

*** 3. Эрсдэлийг нэмэгдүүлдэг хүчин зүйлс

1. Үрийн шингэн гадагшлах: Эрэгтэй хүнд орал с**с хийж буй хүн үрийн шингэнийг амандаа авсан тохиолдолд хламиди болон ХДХВ-ийн халдвар авах эрсдэл нэмэгддэг.
2. Амны хөндийн эрүүл мэнд муу байх: Бэлгийн харьцаанд орохоос өмнөхөн буйлнаас цус гарах, ам гэмтэх (афтын шарх), шүдний эмчилгээ хийлгэсэн байх, шүдээ ширүүн сойздох эсвэл утсаар цэвэрлэх зэрэг нь халдвар цусанд орох нээлттэй замыг үүсгэдэг.
3. Бэлэг эрхэн орчмын арьсны гэмтэл.: Үс хусахдаа арьсаа гэмтээх, үрэлт эсвэл өөр төрлийн халдварын улмаас үүссэн зүсэгдэлт, шалбархай, шархлаа нь бактер болон вирүс арьсны хамгаалалтын давхаргыг нэвтрэх эрдслэийг нэмэгдүүлнэ.

****. Урьдчилан сэргийлэх аргууд

Хэрэв та эсвэл таны хамтрагч эдгээр эрсдэлийг хамгийн бага түвшинд байлгахыг хүсэж байвал дараах хамгаалалтын болон шинжилгээний аргуудыг анхаарна уу:

>Бэлгэвч хэрэглэх: Бэлэг эрхтэнд орал с**с хийх үед тослоггүй эсвэл анхилуун үнэртэй латекс/полиуретан бэлгэвч хэрэглэх нь бактерийн БЗДХ-аас маш үр дүнтэй сэргийлж, вирусийн дамжилтыг бууруулдаг.
>Сексээс өмнөхөн шүдээ сойздон угаахаас зайлсхийх:
Амны хөндийд үл үзэгдэх жижиг шалбархай үүсэхээс сэргийлж, орал с**с хийхийн өмнөхөн шүдээ сойздох эсвэл утсаар цэвэрлэхээс татгалзах хэрэгтэй. Ам зайлах уусмал нь илүү аюулгүй хувилбар боловч БЗДХ-аас сэргийлж чадахгүй гэдгийг анхаарна уу.

хамгийн найдвартай АРГА БОЛ ШИНЖИЛГЭЭНД ХАМРАГДАХ_
бэлгийн нэг л хамтрагчтай байх юм.

* **Тогтмол шинжилгээ өгөх:** Хоолойн хламиди болон гонорейн халдварууд ихэвчлэн шинж тэмдэггүй байдаг тул шээсний энгийн шинжилгээгээр илрэхгүй байх магадлалтай. Хэрэв орал с**с тогтмол хийдэг бол урьдчилан сэргийлэх БЗДХ-ын үзлэгийн үеэр эмчээс **амны хөндий/хоолойн арчдасын шинжилгээг** тусгайлан авч өгч болно.

15/05/2026

Түрүү булчирхайн маркер гэж юу вэ?

PSA❓
Prostate Specific Antigen:

Энэ нь түрүү булчирхайгаас ялгардаг уураг бөгөөд дан ганц түрүү булчирхайн хавдарын маркер биш юм.
Голдуу нийт PSA гэсэн үзүүлэлт юм.

✅ #ТүрүүБулчирхайнХурцҮрэвсэл,
✅ #ТүрүүБулчирхайнБуглаа,
✅ #ТүрүүБулчирхайнХоргүйТомролтын үед
✅ #ТүрүүБулчирхайнХортойХавдар

Эдгээр үед ихсэнэ.

Мөн Чөлөөт PSA гэсэн үзүүлэлт байдаг.

Энэ нь түрүү булчирхайн хавдарын эрсдэлийн индекс тооцох үед томорсон түрүү булчирхайтай хүмүүст болон 60-аас дээш насны хүмүүст бас эмч зөвлөсөн бол бас зайлшгүй хийх шинжилгээ юм.

Харин архаг түрүү булчирхайн үрэвсэл болон бага аарцгийн ужиг өвдөлтийн хэлбэрээр явагддаг түрүү булчирхайн үрэвслийн үед нийт PSA үзүүлэлт хэвийн гарч болно.

Эхо оношилгоогоор түрүү булчирхайн бүтэц, эзэлхүүн, давсагт үлдэж буй шээсний хэмжээ, үрэвслийн эсүүд, нян, мөөгөнцөр, вирүсийн халдвар илрүүлэх шээс болон үрийн шингэний шинжилгээнүүд болон таны зовиур асуумжинд, бодит үзлэгт тулгуурлан таны оношийг эмч хэлбэр, үе шат, хүндрэл гм тооцон тавьдаг.

Хүн бүрийн онцлог, өвчнөөс хамаарч бүх хүний эмчилгээ бас өөр өөр байх тул түрүү булчирхайн эмгэгүүдийг өөрсдөө дур мэдэн оношилж эмчлэхгүй мөн зар дээрх биологийн нэмэлт бүтээгдхүүнээр эмчлэх боломжгүй юм.

#адамЭрэгтэйчүүдийнЭмнэлэг
Цаг авах
#77559596

16/04/2026

Health Care and Beauty Экспо Мишээл Экспо 25 р павилеонп
#АдамЭрэгтэйчүүдийн Эмнэлэг
2026/04/16-04/18

АДАМ эрэгтэйчүүд, бөөрний эмнэлэг

13/04/2026

ШЭЭСНИЙ ШИНЖИЛГЭЭГЭЭР ЯМАР ЭМГЭГҮҮДИЙГ
ИЛРҮҮЛДЭГ ВЭ?

1. Бөөр болон шээсний замын өвчлөлүүд

Шээс нь бөөрөнд боловсруулагддаг тул бөөрний үйл ажиллагааны ямар ч өөрчлөлт шээсээр дамжин илэрдэг. Шээсний замын халдвар (БӨӨРНИЙ ТЭВШИНЦЭРИЙН ҮРЭВСЭЛ, ЦИСТИТ БУЮУ ДАВСАГНЫ ҮРЭВСЭЛ, ТҮРҮҮ БУЛЧИРХАЙН ҮРЭВСЭЛ, ШЭЭСНИЙ СҮВНИЙ ҮРЭВСЭЛ): Шээсэнд нян, идээний эс (лейкоцит) болон салст их хэмжээгээр илрэх нь үрэвслийг илтгэнэ.
1.Бөөр шээс дамжуулах замын үрэвсэл. (ТЭВШИНЦЭРИЙН ҮРЭВСЭЛ -Пиелонефрит, ТҮҮДГЭНЦЭРИЙН ҮРЭВСЭЛ Гломерулонефрит): Шээсэнд уураг (protein) болон цусны улаан эсүүд (erythrocytes) илрэх нь бөөрний түүвгэнцэр эсвэл сувганцар гэмтсэний шинж байж болно.

Бөөрний чулуу: Шээсэнд янз бүрийн талстууд (оксалат, фосфат, шээсний хүчил) болон бага хэмжээний цус илрэх нь чулуу үүсэх эрсдэл эсвэл чулуутай байгааг илэрхийлнэ.

2. Дотоод шүүрэл ба бодисын солилцооны эмгэгүүд:
Бөөрнөөс гадна бусад эрхтэн тогтолцооны хямралыг шээсээр мэдэж болно. Үүнд Чихрийн шижин:
Эрүүл хүний шээсэнд сахар (глюкоз) илрэх ёсгүй. Хэрэв шээсээр сахар ялгарч байвал энэ нь цусан дахь сахарын хэмжээ хэт ихэссэнийг илтгэх хамгийн түгээмэл шинж тэмдэг юм.
Кетоз болон чихрийн шижингийн хүндрэл: Шээсэнд кетоны бие илрэх нь бие махбодь өөх тосоо эрчимтэй шатааж байгааг (өлсгөлөн эсвэл чихрийн шижингийн хүндрэл) харуулдаг.

Шингэн дутагдал: Шээсний хувийн жин (specific gravity) хэт өндөр байх нь биед шингэн дутагдсаныг илтгэнэ.

3. Элэг болон цөсний замын эмгэгүүд:
Элэгний үйл ажиллагаа алдагдах эсвэл цөсний зам бөглөрөхөд тодорхой нөсөөт бодисууд шээсээр ялгардаг.
Шарлалт (Билирубин): Шээсэнд билирубин илрэх нь элэгний үрэвсэл (гепатит) эсвэл цөс гадагшлах замд саад байгааг харуулна.
Уробилиноген: Энэ үзүүлэлт ихсэх нь элэгний зарим өвчин болон цусны улаан эсүүд хэт ихээр задарч байгааг илтгэдэг.

Эмч гэхдээ ганц шээсний шинжилгээгээр онош тавьдаггүй. Таны зовиур, өгүүлэмж /амьдралын хэвшил, ажил мэргэжлийн онцлог болон одоо хэрэглэж буй эм, бэлдмэл/, эхо болон Компьютщрийн болон рентген шинжилгээ, биохимийн болон бусад цусны олон шилнжилгээг үнэдсэлэн анализ хийж дээрх эмгэгүүдийн үе шат, хэлбэр, хүнд хөнгөнийг тооцон таны эмчилгээг боловсруулдаг.

13/04/2026

Шээсний шинжилгээний хариу үнэн зөв гарахад таны бэлтгэл болон сорьц цуглуулах явц хамгийн чухал байдаг. Буруу өгсөн шинжилгээний хариу оношийг төөрөгдүүлэх эрсдэлтэй тул дараах зөвлөмжийг дагаж мөрдөөрэй.

# 1. Шинжилгээ өгөхийн өмнөх бэлтгэл
* **Хугацаа:** Ихэвчлэн өглөөний хамгийн эхний шээс хамгийн тохиромжтой байдаг. Учир нь шөнөжин давсаганд хуримтлагдсан шээс нь нягтрал сайтай, аливаа өөрчлөлтийг илрүүлэхэд хялбар байдаг.
* **Хоол хүнс:** Шинжилгээ өгөхийн өмнөх орой хэт хурц, чихэрлэг хоол идэхгүй байх, мөн шээсний өнгийг өөрчилдөг хүнс (хүрэн манжин, лууван гэх мэт)-ээс татгалзаарай.
* **Эм тариа:** Хэрэв та ямар нэгэн эм, витамин (ялангуяа Витамин С) ууж байгаа бол эмчдээ заавал мэдэгдэх хэрэгтэй. Зарим эм шинжилгээний үзүүлэлтэд нөлөөлдөг.
* **Ариун цэвэр:** Шинжилгээ өгөхийн өмнө бэлэг эрхтэн орчмыг бүлээн усаар угааж, цэвэрлэсэн байх шаардлагатай. Саван болон халдваргүйжүүлэгч бодис хэрэглэхгүй байхыг зөвлөдөг (шээсний орчинг өөрчилж магадгүй).

# # 2. Сорьц цуглуулах техник (Дунд хэсгийн шээс)
Хамгийн цэвэр сорьцыг авахын тулд **"дунд хэсгийн шээс"** авах аргыг хэрэглэнэ:

1. **Эхний хэсэг:** Шээж эхлэхдээ эхний хэдэн секундэд гарах шээсийг суултуур руу шээнэ. Энэ нь шээсний суваг дахь гадны нянг зайлуулж байгаа хэрэг юм. Эмчийн заалтаар 4 аяганы сорил, түрүүү булчирхайн шүүрлийн даарх шээсийг шинжилж байгаа бол эмч эхний хэсгийн шээсийг зориулалтын саванд бас үээлгэж авч болно.
2. **Дунд хэсэг:** Шээх явцаа зогсоолгүйгээр, зориулалтын ариун саванд **30-50 мл** орчим шээсийг тосож авна.
3. **Төгсгөл хэсэг:** Үлдсэн шээсийг суултуур руу урсгаж дуусгана.

# # # 3. Анхаарах чухал зүйлс
* Зориулалтын сав: Шинжилгээг зөвхөн эмийн сангаас авсан эсвэл лабораториос өгсөн ариун саванд авна. Гэрийн нөхцөлд угаасан шил, сав хэрэглэх нь хариуг буруу гарахад хүргэдэг.

* *Хугацаа: Сорьцыг авснаас хойш *1-2 цагийн дотор* лабораторид өгөх ёстой. Удаан хадгалвал нян үржиж, шээсний хүчил-шүлтийн тэнцвэр (pH) өөрчлөгддөг.
* **Эмэгтэйчүүдэд: Сарын тэмдэг ирсэн үед шээсний шинжилгээ өгөхөөс зайлсхийх хэрэгтэй. Учир нь цусны эсүүд шээсэнд орж, бөөрний үрэвсэл мэт буруу онош гарахад хүргэдэг. Хэрэв зайлшгүй өгөх бол тампон хэрэглэж, сайтар угаасны дараа өгнө.

Санамж: Хэрэв та сорьцоо шууд лабораторид хүргэж чадахааргүй бол хөргөгчний +2с + 5c хэм орчимд (хөлдөөж болохгүй) богино хугацаанд хадгалж болно. Гэхдээ аль болох хурдан хүргэх нь таны шинжилгээ зөв гарах үндэс юм.
#адамэрэгтэйчүүдийнэмнэлэг
#шээснийШинжилгээӨгөх
#түрүүБулчирхайнСорил

Адам Эмнэлэг: 7755-9596

07/04/2026

Стрессийн даавар #Кортизол гэж юу вэ?
Кортизол болон насжилт хамааралтай юу?

1. Бодисын солилцоог зохицуулах (Эрчим хүч чөлөөлөх)
Кортизолын хамгийн гол үүрэг нь бие махбодийг шаардлагатай эрчим хүчээр хангах явдал юм.

Цусны сахар нэмэгдүүлэх: Элэгнээс нөөцлөгдсөн глюкозыг цусанд чөлөөлж, тархи болон булчинг шууд энергээр хангадаг.

Уураг ба өөх тосны задрал: Бие махбодь нүүрс усгүй болсон үед уураг болон өөх тосыг задалж, энерги болгон хувиргахад тусалдаг.

2. Стрессийн эсрэг хариу үйлдэл (Тэмц эсвэл Зугт-flight or Fight )
Аюул тулгарах эсвэл сэтгэл санааны дарамтанд орох үед кортизол ялгарч биеийг "бэлэн байдалд" оруулдаг.

Үрэвслийг дарах: Бие махбодийн хэт их үрэвслийн урвалыг хязгаарлаж, дархлааны системийг түр зуур намжаадаг (ингэснээр бүх хүчээ аюулаас гарахад зарцуулна).

Чухал бус үйл ажиллагааг зогсоох: Стрессийн үед хоол боловсруулах, нөхөн үржихүйн систем зэрэг тухайн үед амьд гарахад шууд нөлөөлөхгүй функцүүдийг түр саатуулдаг.

Товчдоо кортизол нь богино хугацаанд биднийг аюулаас аварч, энерги өгдөг боловч архаг стрессээс болоод цусан дахь кортизол байнга өндөр байх нь дархлаа сулрах, нойргүйдэх, жин нэмэх зэрэг сөрөг үр дагавартай байдаг.


Нас ба кортизолын хамаарал

Эрэгтэйчүүдэд нас ахих тусам (ялангуяа 50-иас дээш насанд) кортизолын суурь түвшин бага зэрэг нэмэгдэх хандлагатай байдаг. Үүний гол шалтгаан нь:
*Гипоталамус-өнчин тархины тэнхлэг:
* Нас ахих тусам бие махбодь стрессийн дараа кортизолын түвшинг буцааж хэвийн болгох чадвар нь удааширдаг.
Тестостероны бууралт: Тестостерон ба кортизол нь урвуу хамааралтай байх талтай. Тестостерон багасах үед кортизол давамгайлах хандлага ажиглагддаг.
* Нойрны чанар: Нас дагаж нойрны бүтэц өөрчлөгдөх нь шөнийн цагаар кортизол ихсэхэд нөлөөлдөг.

Кортизол ихэссэн үед илрэх шинж тэмдгүүд

Кортизол удаан хугацаанд өндөр байх нь биед дараах өөрчлөлтүүдийг авчирдаг:
*Төвийн таргалалт: Ялангуяа хэвлий хэсгээр өөх хуримтлагдах, нүүр бөөрөнхий болох.
* Булчингийн масс багасах: Гар, хөл нарийн болж, булчин сулрах.
*Арьсны өөрчлөлт: Арьс нимгэрэх, хэвлий болон суга орчмоор ягаан эсвэл хүрэн улаан язралт үүсэх.
* Сэтгэл зүй: Уур уцаар ихсэх, түгшүүртэй болох, нойргүйдэх.
* Бусад: Цусны даралт ихсэх, цусан дахь сахар нэмэгдэх, бэлгийн дур хүсэл буурах.

#Шинжилгээ хэрхэн өгөх вэ?

#Кортизолыг цус, шүлс болон 24 цагийн шээсээр хэмждэг. Хамгийн түгээмэл нь цусны ийлдэс дэх кортизолыг үзэх юм.
Кортизолын хэмжээ хоногийн турш хэлбэлзэж байдаг.
* **Өглөөний шинжилгээ (08:00 - 09:00 цаг): Энэ үед кортизол хамгийн оргил түвшиндээ байдаг тул ихэссэн эсэхийг үзэхэд хамгийн тохиромжтой хугацаа юм.

# Шинжилгээ өгөхөд анхаарах зүйлс:
1. Өлөн байх: Өглөө юм идэлгүй, шингэн ус ууж болно.
2. Стрессээс зайлсхийх: Шинжилгээ өгөхийн өмнөх өдөр болон тухайн өглөө биеийн хүчний ачаалал авахгүй, тайван байх хэрэгтэй.
3. Эмийн хэрэглээ: Хэрэв та ямар нэгэн дааврын бэлдмэл, стероид тос эсвэл эм хэрэглэж байгаа бол эмчдээ заавал мэдэгдээрэй.

#адамэрэгтэйчүүдийнэмнэлэг
Цаг авах: 7755-9596

02/04/2026

Төмсөгний усан хаван

* Төмсөгний гадуур хуухнаагт усан хаван үүсэхийг анагаах ухаанд гидроцеле гэдэг (hydro – ус, сele- хавагнах гэсэн грек үгнээс үүсэлтэй).
Хуухнагт хэдэн мл -ээс эхлээд онцгой тохиолдод 1-3 л хvртэлх хэмжээтэй шингэн хуримтлагддаг.

** Осол гэмтлийн дараа үүсч болох ба боловч голдуу тэр бүрт анзаарагдахгүй ч байж болно. Цохиулах, хатуу зүйлд нэдрэх гэх мэт гэмтлээс хойшхи 2-3 долоо хоногийн дараа аль нэг талын хуухнагт өвчингүй хавдар үүсч аажмаар томорно.

*** Энэ vйл явц нь өвчингvйгээр мєн ямар нэг хямралгvйгээр хэдэн жилийн турш vргэлжилж болдог бөгөөд ийм усан хаванг архаг гэж нэрлэдэг. Төмсөг -ний усан хаван нь зєвхєн их том хэмжээтэй (онцгой тохиолдолд хүүхдийн толгой шиг хэмжээтэй ) болох vед л шээхэд бэрхшээлтэй болж, бэлгийн хямрал vvсдэг.
Төмсөгний усан хаван нь заримдаа мэс заслын дарааа үүсэх боломжтой. Жишээ нь: бөөр шилжүүлэн суулгах хагалгаа болон үрийн суваг боох, венийн судас өргөсөх өвчний эмчилгээний дараа.

Төмсөгний хурц усан хаван нь заг хүйтэн, сүрьеэ, төмсөгний дайврын үрэвсэл гэх мэтийн өөр ноцтой өвчнийн суурин дээр vvсэх нь ховор биш.

****Шинж тэмдэг :
1. Хуухнаг томрох: Нэг эсвэл хоёр талын төмсөг орчмоор хэмжээ нь томорно. Ихэнхдээ өвдөлтгүй хавдаж эхэлдэг.
2. Хүнд оргих мэдрэмж: Хуухнаг дотор шингэн хуримтлагдсанаас болоод төмсөг доошоо татаж, хүнд оргиж байгаа мэт санагдана.
3. Даралт мэдрэгдэх: Шингэний хэмжээ ихсэх тусам тухайн хэсэгт тэлж, чинэрсэн мэдрэмж төрнө.
4. Хэмжээ өөрчлөгдөх: Өглөө босоход харьцангуй гайгүй байснаа өдрийн турш хөдөлгөөн хийх тусам хэмжээ нь томорч, оройдоо илүү мэдэгдэхүйц болж болно.
5. Бага зэргийн өвдөлт: Усжилт өөрөө хүчтэй өвдөлт өгдөггүй ч, хэрэв үрэвсэлтэй хавсарсан бол бага зэрэг хөндүүрлэж эсвэл эвгүй оргиж болно.
Чухал: Хэрэв төмсөг гэнэт хүчтэй өвдөж, улайж, хавдсан бол энэ нь усжилт биш, харин "төмсөг мушгирах " (яаралтай оношилгоо шаардлагатай ) эсвэл идээт үрэвсэл байх магадлалтай.


Оношлогоо
* Урологийн эмч тухайн євчнийг эр бэлэг эрхтний энгийн үзлэгээр тодорхойлдог.
* Усан хаванг оношлоход хуухнагын эрхтнүүдийн хэт авианы шинжилгээ / ЭХО / нь илvv нарийн мэдээлэл єгдєг бөгөөд хавангийн шингэний хэмжээг тодорхойлох мєн төмсөг болон тvvний дайвруудын байдлыг дvгнэх боломжтой.

Та Хэзээ эмчид хандах вэ?
Хэрэв танд эсвэл таны хүүхдэд дараах шинжүүд илэрвэл яаралтай эмчид хандах шаардлагатай:
• Хуухна орчимд гэнэт хүчтэй өвдөлт эсвэл хурдан хавдалт үүсэх.
• Төмсөг гэмтсэний дараа хавдаж эхлэх.
• Дотор муухайрах, бөөлжих зэрэг шинжүүд хавдалттай хамт илрэх

#эрэгтэйчүүдийн эмнэлэг.
Ажлын өдрүүдэд 8:30-16:30
Бямба 09:00-14:00
#Утасны дугаар 7755-9596


#төмсөгнийУсанХаван
#ТөмсөгнийЭхо