08/07/2025
Монгол Улсад Автотээврийн салбар үүсэж хөгжсөний 100 жилийн ой, Таван Богд Группийн 30 жилийн ойгоор Монгол Улсын Ерөнхийлөгчийн зарлигаар Таван Богд ХХК-ийн Гүйцэтгэх захирал Жанцанхорлоогийн Барсболд ХУДАЛДААНЫ ГАВЬЯАТ АЖИЛТАН цол хүртлээ. МАДА ТББ нь анхны ГАВЬЯАТ-тай боллоо.
Гүйцэтгэх захирал Ж.Барсболд нь Таван Богд ХХК-нд 2015 оноос ажиллаж эхэлсэн бөгөөд Япон улсын Тоёота брэндийн автомашиныг олон жилийн турш Монгол улсын зах зээлд тэргүүлэгч хэвээр нь хадгалж, автомашины борлуулалтын дараах үйлчилгээг олон улсын стандартад нийцүүлэн, аюулгүй ажиллагаа, шинэ технологи, тэдгээрийн эрэлтийг гүнзгий судалж, олон төрлийн санал санаачилгыг гарган нэвтрүүлсээр ирсэн бөгөөд үүний үр дүнд Таван Богд ХХК нь шинэ автомашины зах зээлийн 50% хүртэлх хувийг дангаараа эзлэх хэмжээнд хүрэхэд нөлөөлсөн гол хувь нэмрээ оруулаг ажилласаар байна. Мөн Ж.Барсболд захирал нь МАДА ТББ-ыг үүсгэн байгуулсан анхны гишүүн байгууллагын удирдлагын нэг ба холбооны үйл ажиллагааг сайжруулах, хамтын ажиллагааг дэмжих, байгаль орчинд ээлтэй тээврийн хэрэгсэл болон шинэлэг үйлчилгээг олон нийтэд санал болгон гадаад дотоодын байгууллагуудтай хамтын ажиллагааг оновчтой тодорхойлж, гишүүн компаниудын нэгдсэн үйл ажиллагаанд өөрийн хувь нэмрийг ихээхэн оруулж буй шилдэг удирдах албан тушаалтан билээ.
Ийнхүү олон талын хичээл зүтгэл, салбартаа оруулсан үнэтэй хувь нэмрийг өндрөөр үнэлж, энэхүү эрхэм хүндтэй шагналыг хүртэж буйд холбооны зүгээс болон нийт гишүүдийнхээ нэрийн өмнөөс Ж.Барсболд захиралдаа нийт гишүүн байгууллагуудынхаа нэрийн өмнөөс халуун баяр хүргэж байна. Tavan Bogd LLC
