10/08/2025
Сүнс гацдаг/хоргоддог шалтгаанууд.
Зүүрдсэн сүнс гэдэг нь махан бие нь үхэж, сүнс нь гэрэл рүү нэвтэрч амжаагүй, дэлхийн энергийн давтамжид гацсан, төөрсөн, хоргодсон төлөвт оршин буй сүнсний төрөл юм.
Хүн нас барахад түүнийг удмын төрлийн дээд оршихуй,Сүнслэг хөтөч, сахиусууд гэрэлрүү явах замч болдог.
Ихэнх сүнс энэ чиглүүлэгийг хүлээн авч, гэрэл рүү нэвтэрч дараагийн шатны оршихуйд ордог.
Гэвч зарим нь айдас, гэмшил, хорсол, харамсал, гэнэтийн үхэл, итгэлийн доголдол зэрэг шалтгаанаар, дэлхийн энергийн түвшинд үлдэж тэнүүчилдэг.
Ийм сүнс ихэвчлэн бүх амьдралынхаа туршид хүний сэтгэлийн түвшинд мэдрэх мэдрэмжиндээ зууралдаж ямарч чөлөөлтийг өөртөө үүсгээгүй байдгаас өөрөө хүнд, доод давтамжинд оршдог учир масстай байдаг тул гэрэл рүү шилжих боломжгүй байдаг.
Мөн дэлхийн хүндийн хүчний хууль захирагдаж татагддаг.
Тийм учраас амьддаа хэт их сөрөг мэдрэмжид удаан оршихгүй зууралдахгүй бүгдийг байгаагаар нь хүлээж авч, хүлээн зөвшөөрч, өөрийгөө чөлөөлж сурхад бидэнд алсдаа нэг амьдралаас нөгөөд шилжихэд өөрт тустай.
Хорогдсон гацсан сүнс чийг бүтэцтэй байдаг тул эртнээс аль ч улс оронд давсыг хар эрчим хорогдсон гацсан сүнснээс хамгаалж хэрэглэж ирсэн байдаг. Давс нь халахаараа мөн халаагүй байсан ч чийгийг өөртөө шингээж авдаг.
Энэ хорогдсон сүнснүүдийн шалтгаан олон янз.
Үхэлдээ итгээгүй байх / Мэдээгүй байх.
Гэнэтийн, гомдол дүүрэн үхэл.Амиа хорлосон, аллагад өртсөн, золгүй байдлаар нас барсан сүнс.Гэнэт биеэ хаясан учраас ухамсраа бүрэн салгаж амжаагүй байдаг.Тэд өөрийгөө үхсэн гэдгээ ойлгодоггүй эсвэл хүлээн зөвшөөрөхийг хүсдэггүй.
Хүслээ гүйцэлдүүлж амжаагүй, хорсол тээн үлдсэн үед жишээ нь Хайртай хүнтэйгээ уулзаж амжаагүй.Өш хонзон, үзэн ядалт тээсэн зэрэг нь сүнсийг газар дээр татан барьдаг.
Дотны хүний гүн шаналал.
Ардаа үлдсэн хайртай хүн нь хэт их шаналж, дуудаж байгаа учраас тэд гэрэл рүү явж чадалгүй, дэргэд нь үлддэг.Хүн өөрөө явах хэрэггүй, намайг бүү орхи гэж гансарч, татаж байгаа нь сүнсийг гацахад хүргэдэг.
Кармын гүн сүүдэртэй үйл.
Хэрэв тухайн сүнс хүнд гэм хийсэн, кармын өртэй нас барсан бол шууд гэрэлд орох эрхгүй, хоёр ертөнцийн хооронд хүлээлтийн бүсэд үлддэг.
Эдгээр сүнснүүд тодорхой үүд нээгдэх, өршөөх/өршөөгдөх хүртэл гацдаг.Зарим тохиолдолд энэ нь сүүдэр/сөрөг биет болон хувирдаг.
Материаллаг хоргодол.
Зарим сүнс хөрөнгө, эд хөрөнгөө орхиж чадахгүй,
Эсвэл орон сууц, эд зүйлдээ гүн уяатай байсан учраас оршихуйгаа материал дээр хадгалж үлдсэн байдаг.Хуучин байшин сүнстэй зарим эдлэл хачин энергитэй гэдэг нь ийм шалтгаантай.
Үхлийн дараах зөв ёслол, удирдлага үгүй байх.
Хэрэв нас барсан хүнийг ариусгаж, гэрэл рүү үдэх зан үйл хийгээгүй,үдэх бэлтгэл байгаагүй бол сүнс зөв гарцгүй, орон зайнд гацах магадлалтай.
Архи, мансууруулах бодис, донтох байдал.
Амьддаа донтох байдлаар хүчтэй холбоотой байсан бол тэр сэтгэл хөдлөлдөө автан амьд хүмүүст наалдаж амьдралын таашаалыг дам мэдрэхийг хичээдэг.Эдгээр сүнснүүд донтох үйлдэлтэй хүмүүсийг дагаж, энерги сордог.
Эдгэр хий биетүүд нь гэрлийн эрчмээр биш, харин доод давтамжтай энергиэр хоололдог гэж үздэг.
Хий биетүүд хамгийн их татагддаг энерги бол айдас,гэмшил хайргүй, ууртай, хүйтэн орчин.
Тэд эдгээр сөрөг мэдрэмжийг хүний орчноос сорж амьдардаг.
Архидалт, хар тамхи, порно, хүчирхийлэл зэрэг хүнд хэлбэрийн донтолт нь хий биетүүдийг татдаг орох хаалга болдог.Донтогч хүний энергээр хооллож дахин дахин тухайн үйлдлийг өдөөнө.
Тохиромжгүй орон зай (Энергийн завсарлагатай газар) Орхигдсон, хаягдсан байшин, цус, хүчирхийллийн түүхтэй газар хий биетүүдийн сүүдэрлэг оромж болдог.Ийм орчинд сөрөг мэдрэмж цугларсан байдаг тул хий биетүүд хялбархан цэнэглэгддэг.
Сэтгэл санааны гүн хямрал, өөрийгөө голсон байдал, өөрийн үнэт зүйл, итгэлээ алдсан үед хүн энергийн хамгаалалтгүй болдог. Энэ үед энергийн цоорхой үүсэж хий биетүүд наалдаж эхэлдэг.
Зарим хүн шалтгаангүй ядрах, цухалдах, шөнө муу зүүдлэх, сэрээд хөдлөж чадахгүй байх гэх мэт шинж илэрнэ.
