16/05/2024
The best parents in the world ❤️
Алтан гарт хоёр. 🥰
Өнөөдөр Аав, Ижий хоёроороо бахархан, хүндэтгэн дурсаж нэгэн түүх сийрүүлж бичмээр санагдлаа. Үр хүүхэддээ үлгэр дууриал болгон өвлүүлэх хамгийн гоё дурсамж минь юмаа. Бусдын төлөө сэтгэл бүхэн сайхан ❤
Аав минь техникч мэргэжилтэй, ард олондоо жолооч Баярмөнхгуай , зааж сургасан шавь нартаа Багш алдартай, хань үр хүүхэд, ач зээ нартаа баатар, уужуу бодолтой, холч ухаантай, ноён нуруутай хамгийн сайхан монгол эр хүн, аав хүн байсан юм.
Аав минь идэр залуу насандаа цэрэгт татагдаж 3н жилийн цэргийн албанд очоод цэргийн ангийн дарга, дэд хурандаа Сэрчинпүрэвгуайн жолооч болсон гэдэг. Ингэж шууд дэвшсэн ажилласан нь угийн сэргэлэн, бас дээр нь техникийн авъяастай, тухайн үед тракторын курс төгссөн хүн маш ховор байдаг байсан зэрэг нөлөөлсөн бөгөөд сурсан мэдсэн зүйл, мэдлэг чадвараараа миний аав цэргийн албыг даргын дайнд дүүргэсэн байдаг юм. 🙂
Тухайн үед цэргийн албанд үлдэн ажиллах санал цэргийн ангиас нь ирсэн ч аав минь нутаг, ижий хоёрыг минь сонгон явсан нь үнэхээр гайхалтай. /Би хувьдаа маш их баярладаг. Тэр үед аав минь энэ сонголтыг хийгээгүй бол бид...🤗/
За тэгээд нутагтаа ирээд найзынхаа дүүг эхнэрээ болгон авсанаар бидний амьдралын азжаргалын эхлэл тавигдсан юм. Нэг зүйлийг нэмж хэлэхэд хувь тавилан байдаг гэдэгт би итгэдэг. Учир нь их сонин 😁
Манай ээж аавыг цэргээс ирэхээс өмнө Унгар улсад одоогоор Интирер дизайны чиглэлээр мастераар сурах эрх авсан байдаг юм. Ээж маань ирээдүйн боломжоосоо татгалзаж бас аавыг сонгосон бөгөөд энэ сонголтондоо хэзээ ч харамсаж байгаагүй гэсэн. Хаяадаа бид аав ээжээрээ тоглоол аав та цэрэгт үлдэхгүй тэгсэн бол та өдийд генарал, ээж та Унгар явахгүй тэгсэн бол та өдийд яам, магадгүй их хурал гээл тоглодогсон. Тэд минь инээмсэглээл тэгсэн бол та хэд байхгүй ш дээ гэдэгсэн. Ээж аав хоёрынхоо сонголтонд бид 8уулаа маш ихээр талархдаг.😍
За иргээд аавынхаа яриаруу оръё.
Тэгээд аав минь Батзам нэгдэлд ороод жолооч, тээвэрчин хийдэг байсан ба ажилдааа хөдөлмөрийн баатараас бусад цол хэргэмийг бүгдий нь авсан мундаг хөдөлмөрч хүн байлаа. Магадгүй нэгдэл гэдэг зүйл тараагүй бол хөдөлмөрийн баатар болох байсан байх.
Аав ээж хоёр минь нэг нь техникийн эмч, нөгөө нь хүний эмч байлаа. Нутаг орондоо алтан гарт хоёр хэмээн хүдлэгдсэн хоёр буй.
Суманд айл нүүх болно аав явна, хурим найр, наадам юу л байна аав минь. Хэдэн хүний гал голмтыг бадраахад, хэдэн хос баганыг хооронд нь холбох, хэдэн хүнд цаг хугацааг товчилж амьд үлдэх сүүн замыг бүтээснийг дурьдаад барахгүй биз ээ.
Машин техник шинээр ирлээ. Аав дуудагдаастай. Машин тэрэг эвдэрлээ аав. Хамгийн хөгжилтэй нь Гадаа машин ирээ л хүн гүйж орж ирээд ах нэг чагнаад өгөөч. Эмчээ нэг чагнаад өгөөч гэдэг шиг л ххэ. Аанай л аав минь инээмсэглээд гараад чагнана ш дээ. Өө тэнд нь тийм байна. Яг тэр газар нь эвдрэл байх жишээний. Ёстой л нөгөө Зил 130 машин гээд нөгөө шүлэг байдагдаа. Тэр шүлэг бараг манай аав ххэ.
Наадам, цагаан сарын золголт болноо хавь ойрын хүмүүсээ нүд сэтгэлий нь баясгахаар ачаад машинаа хүнгэнүүлээд салхи сөрөн тавхина. Хичнээн сайхан. Миний бурхан жолооч аав минь. Эх нутгийнхаа хөгжлийн эхлэл, эдийн засгийн суурь замыг тавьж, ураг арагш хилийг нэгтгэн , олон шинэ замын эхлэл туурийг тавьж, холыг ойртуулж, хоёрыг холбож, бусдын сэтгэлийг бялхааж явсан нь саяхан даа. 😘
Миний сэтгэлийн шүтээн, монгол эрийн жинхэнэ жавхаа, хүний хайлан, хойморийн эзэн, хийморийн гал, уул шиг нөмөртэй, ухааны дээд, бурхан аав мину🥰
Ээж маань 6н хүүхэд төрүүлсэн, ардын боловсролын багш мэргэжилтэй эгэл даруу монгол бүсгүй, уламжлалт анагаах ухааны их сургуулиар сурч боловсроогүй ч, удам дамжсан энэхүү гайхамшигт эмчилгээний мастер, алтан гарт бариач, эмч, домч байсан юм. Дээр дурьдсанаар багш байж юун эмч гэж бодох хүн цөөнгүй. Гэвч ижий минь 18 наснаасаа бариа хийж эхэлсэн бөгөөд бурхнаас бэлэглэсэн онцгой чадвартай, эцэг өвгөд элэнц хуланцаас маань уламжлагдлан ирсэн ген дагасан авъяас билиг нь тэр бөлгөө. Уламжлалт анагаах ухаан нь хүнээс маш их энерги, хүч, мэдлэг, сэтгэл, ур, мэдрэмж шаарддаг гайхамшигт эмчилгээний бүхэл бүтэн цогц ухаан гэж би хувьдаа хэлнэ.
Манайх гэдэг айл сумын төв дээр найман ам бүлтэй аж төрдөг. Аав, ээж айлын томуудыг хэлэх үү үеэлүүд маань манайд сургуульд сурахаар хамт байдаг бужигнасан л олон юм. Тэрний хажуугаар ижийд минь үзүүлж, бариулж, эмнүүлж, домнуулхаар өвдсөн зовсон хүмүүс ирээстэй. Манайд дээхэн үеэр бол өдөр бүр л халтар царайт гарч байна уу гэлтэй хүмүүс цувна. Одоогоор бол эмнэлэг, тэр дундаа гэмтлийн эмнэлэг давамгайлж, бид долоо ээжийн эсрэг хааяа уурлана аа.
Тэгж явж байгаад машин, мотоциклтой унасан, ингэж аваарт ороод тэрийгээ гэмтээсэн, ингэж хайхрамжгүй байж байгаад хүүхдээ унагасан, энд тархи доргисон. Тэгж элэг өвдөөд, тэгж зүрх өвдөөд, хатгаа авчиж, сүүлдээ бүр ханиад хүрчиж , хүүхэдтэй болохгүй байгаа гэж ирээд л. Манайх ямар эмнэлэг үү, эмнэлэг рүү яв гэж хэл нтр гээл хөөрхий ээжийгээ тэр дунд хаданд хавчуулагдсан халиуны зулзага гэгч л хэмлэхэд ээж минь гомдонгуй "Шш ямар тэнэг юм дээ та нар. Бусдад буян болж зовсон хүмүүст туслана гэдэг чинь хамгийн том жаргал, буян юм ш дээ" гэж хэлдэгсэн. Одоо бодоход үнэхээр тэнэг байж дээ.
Гадаа Долгорсүрэн гуайаааа, эгчээ гээд л хашааны хаалгаар шагайж орилоход бид нар хялам зэхэм гээл хойд өрөө, гал тогооны өрөө хоёр руугаа хуваагдаал ордогсон. Хоол цайг утгаар нь хийж, унд цайн улс амьтанд бариастай. Хүүхэд байсныг хэлэхүү хаяа залхуураад ээждээ гомдоох үг хэлдэг байжээ.
Заримдаа ээж гараал таг. Аав: -Өө дуудлагаар явчихаж. Тэгснээ Аав маань ч өөрөө дуудлагаар явчихна. Унаа хаана хэрэгтэй тэнд. Бид зургаа:- Яршигтай юмаа. Хэзээ нэг гэртээ тайван сайхан байх юм бэ? гээд л... Хэсэг хугацааны дараа аав, ээж маань инээмсэглээд л ороод ирнэ. Тэр тэгээд гэмтчихэж, яс нь ингээд хугарчихаж. Бариад сайхан чиг тавьж боогоод ирлээ, тэрний машин тэгчихэж, тэгээд янзлаад боогоод, тэр тэндээс тийм юм ачуулаад гэчихсэн инээмсэглэн орж ирнэ. Цаанаасаа л гэрэлтээд л. Хариу нэхэлгүй өглөг, бусдад туслахын гайхамшиг, буян заяа энэ буюу.
Түмэн хүнд амь амьдрал хайрлаж, мянга мянган хүнд эрүүл саруул эрхтэн бүтэн байхын гайхамшгийг дэргэд минь нүдэн дээр минь ижий, аав минь бүтээж, цаглашгүй буянг бидэндээ, түмэндээ үлдээж одсон юм.
Миний сэтгэлийн наран, дарь эхийн бүрэлбаа, мянган лянхуан дээр завилж заларсан бурхад дундаас онцолж надруу л мишээдэг шүтээн бурхан ижий мину.
Хүн амьд оршин байсны утга учир төрөхөд угтах , буцахад үдэх агшингаар хэмжигддэг гэдэг. Ижий, аавыг минь энэ орчлогоос үдэхэд мянга мянган хүмүүс ирж хүндэтгэл үзүүлж билээ.
Бидний хүмүүжил, азжаргал, эрүүл мэнд, боловсрол, ирээдүйн төлөө бүхнээ зориулж, тэр бүхний хажуугаар түмэн олонд тусыг бүтээсэн үйлдлээрээ, үгээрээ хойч үедээ үлгэр дууриал болсон амьд бурхад байсан юм. Маш их хайртай шүү. 😍❤ Алтан гарт хоёр минь.
Хариу нэхэхгүй тус , жинхэнэ буянт эгэл хүмүүсийн амьдралын түүх энэ ажгуу😍
Удмыг нь таслаагүй ээ охинь хичээж явна. Big big love❤️❤️❤️❤️❤️❤️
Хайртай охиноос нь :
Bayarmunkh Buyantogtokh
