09/01/2026
Иога хийж байсан хийж байгаа он жилүүд:
Би иогтой учирсан мөчөө их хувь тавилан гэж боддог.
Төрийн албаны ажлын хажуугаар үдийн цайны цагт л багтан 10 аад жилийн өмнө эхлэж байж. Анх хийх гэж оролдохдоо тийм сайхан ч санагдаагүй, гэхдээ бусад төрлийн спорт болох гүйх, сагс теннис тоглох, аэробик, кардио хийх, уулаар алхаж байсан болохоор ачаалал даах, тэсвэр тэвчээр тууштай байх чанар минь суурь болж болмоор л санагдаж байлаа.
Гэхдээ иог гэдэг агуу шинжлэх ухаан таны насан туршдаа эрүүл, амар амгалан эрч хүчтэй амьдрах боломжуудийг дэлгэж тавьсан, та түүнээс таалан амсаж , оочлон ууж, зөв тууштай тогтмол ХЭРЭГЖҮҮЛСЭН-ээр л ач тус нь мэдрэгдэнэ.
10 аад жил өнгөрч, юу эсийг үзэж туулах нь билээ дээ.
Гар хөлийн үе холбоос зөөлөн эдийн гэмтэл, булралт, шүрмөс татах, сунгах, цуцах гээд асуудал гарч л байсан даа. Иймд иогчид минь:
- Та энэ хорвоод ердөө ганц гэдгээ бүү март, тэр ...дулмаа хорлоо... оос бүх зүйл чинь
өөр дахин давтагдашгүй тул тэрэнд таарсан жорыг иогийг хийнэ гэсэн үг.
- Бүү яар. 20,30,40 жил юу ч хийж байгаагүй хүн 1.2.3 сар дотор хугарч , нугараад жимбийнэ гэж худлаа шүү.
Булчин шөрмөс хөндүүрлэнэ, цуцна, ядарна, юу ч үзээгүй эд эрхтэнгүүд сэрж, яаж байна юу болоод байна гэнэ, хатаж ангасан бүхэн чинь дэвтэнэ, хариу үйлдэл үзүүлнэ юм юм л үзнэ. Энэ бүгд байх ёстой, давах ёстой даваа шүү.
-Үр дүнд бүү шуна. Байн байн жингээ үзээд л хоолоо сойгоод л мацаг бариад л өөрийгөө тамлах хэрэггүй дээ. Хүссэн хүсээгүй танд иог өөрөө л үр дүнгээ чимээгүй бага багаар хүртээдэг. Зарим нь нэг өглөө л илбийн юм шиг хувин хувингаар асгадаг шан иогод байдаг гэж бүү итгээрэй.
- Цаг хугацаа даган урсана.
Иогийг тууштай тогтмол сэтгэлээсээ хийх шалгуур , цаг хугацаатай хамт даган урсана. Үүнийг тоолоод бодох хэрэггүй. Та хэнтэй ч адилгүй гэдгээ санан зүгээр л хий. Тогтмол хий, дадуул.
-Та чаддаг байсан ч ямар ч асанаг хийх бүрдээ бүр анх хийж буй мэт л бие сэтгэл амьсгалаа мэдэрч хий. Аль нэг нь байхгүй бол иога биш болно гэдгийг хатуу санаж хий дадуул.
- Хэнтэй ч өөрийгөө бүү харьцуул.
Нөгөө л чи энэ хорвоод ганц хувилбар, чамд байгаа бүхэн мөн л ганц түүндээ таарсан иогоо хийж бага багаар ахиулна.
-Цаг хугацааны эрхээр таны тууштай дадуулсаны ачыг мэдрэмж бие сэтгэл тань нэг л өдөр таньд мэдрүүлдэг. Энэ үед л мэдрэмжээ хүлээн авч арай ахисаныг хийж болмоор чадмаар санагдана. Чаддагаа л хийгээд байхад хүн ахиж дэвждэггүй тул тэр мөчийг хүлээн авч зориглон хийж үз, дахин дахин дадуул давтах бүрд ахиц амтагдана.
-Хүнээр юу идэхээ бүү заалга.
Та хүний биеийн төлөвтөө / хий, шар, бадгана, болон эдгээрийн хавсарсан төлөв/
зохицсон хоол ундаа хэрэглэ. Иогтой нөхөрлөсөн Цаг хугацаа өнгөрөх тусам ямар хоол, хэзээ, хаана, хэнтэй, ямар хэмжээтэй идэхийг аяндаа мэдэрч эхлэнэ. Идэхийн шунал гэдэг өвчин аяндаа урсан одох болно. Улмаар төлөвтөө таарсан асанаг түлхүү хийхийг ч мэдэрнэ.
-Нэгэнт л иогийн зам мөрөөр орсон бол
Иога гэдэг эрүүл амьдрах ухааны далайгаас шүүрд, унш мэд судлахыг хичээгээрэй.
Энэ нь амьсгал асана төвлөрөл бясалгал, цэвэрлэгээ/ нүд хамар ам ходоод гэдэс оюун санааны / амар амгалан байдал өөрийгөө хянах, өөрөөрөө байх, хоол нойр, бусдыг хайрлах, өглөгч энэрэх сэтгэл зүй, шуналаас ангижрах мэдмээр сурмаар хиймээр юм их байна даа . Хүн ч үхэн үхтэлээ л сурдаг гэдэг дээ. Авах гээх ухаанаар хандаарай.
Багш Palim Puntsag П. Алимаа
