Баянбигэр өрхийн эрүүл мэндийн төв

28/02/2026

🌸 ОЛОН УЛСЫН ЭМЭГТЭЙЧҮҮДИЙН ЭРХИЙГ ХАМГААЛАХ ӨДРИЙГ УГТАН
ЭМЭГТЭЙЧҮҮДИЙН УРЬДЧИЛАН СЭРГИЙЛЭХ ҮЗЛЭГ ЗОХИОН БАЙГУУЛЛАА 🌸

СХД-ийн 24, 41-р хорооны Баянбигэр өрхийн эрүүл мэндийн төв-өөс эмэгтэйчүүдийн эрүүл мэндийг дэмжих зорилгоор иж бүрэн урьдчилан сэргийлэх үзлэгийг зохион байгууллаа.

🔬 Лабораторийн шинжилгээ:
✔️ Элэгний В, С вирусын шинжилгээ
✔️ ДОХ, тэмбүүгийн түргэвчилсэн оношлуур
✔️ Хеликобактерийн шинжилгээ

🩺 Дүрс оношилгоо:
✔️ Хэвлийн эхо шинжилгээ
✔️ Эмэгтэйчүүдийн эхо шинжилгээ

👩‍⚕️ Эмчийн үзлэг:
✔️ Эмэгтэйчүүдийн эмчийн үзлэг
✔️ Дотрын эмчийн үзлэг

💊 Зөвлөгөө, үйлчилгээ:
✔️ Жирэмснээс сэргийлэх арга хэрэгслийн зөвлөгөө, хангалт
✔️ Эрүүл мэндийн боловсрол олгох сургалт, сурталчилгаа

🌷 Эмэгтэйчүүд та бүхэн эрүүл мэнддээ анхаарч, урьдчилан сэргийлэх үзлэгт тогтмол хамрагдаарай.
Эрүүл эмэгтэй – Эрүүл гэр бүл – Эрүүл нийгэм 🌷

25/02/2026

Менингококкт халдвар нь Neisseria meningitidis нянгаар үүсгэгддэг, богино хугацаанд хүндэрч болзошгүй аюултай халдвар юм. Ялангуяа нярай, бага насны хүүхдэд хурдан явцтай илэрдэг.
👶 Бага насны хүүхдэд илрэх шинж тэмдэг:
• 38°С-аас дээш халуурах
• Уйламтгай, тайвшрахгүй байх
• Хөхөө муу хөхөх, хоолонд дургүй болох
• Бөөлжих
• Нойрмоглох эсвэл сулрах
• Арьсан дээр ягаан, хөхөвтөр жижиг цусархаг тууралт гарах (даралтаар арилахгүй)
• Толгойн зулай товойх (нярайд)
• Гар, хөл хүйтэн болох
• Таталт өгөх
Анхаарах: Тууралт нь эхэндээ жижиг цэг хэлбэртэй гарч, богино хугацаанд томорч, тархах боломжтой.
🚨 Цаг алдалгүй эмнэлэгт хандаарай
Хэрэв дээрх шинж тэмдгүүдээс нэг болон хэд хэд нь илэрвэл:
→ Яаралтай түргэн тусламж дуудаж,
→ Хамгийн ойрын эмнэлгийн байгууллагад нэн даруй хандана уу.
Менингококкт халдвар нь цаг, минуттай уралддаг өвчин тул эрт оношлуулж, эмчлэх нь амь насыг аварна.
📢 Эцэг эх, асран хамгаалагч та бүхэн
Хүүхдийнхээ биеийн байдлыг анхааралтай ажиглаж, эргэлзээ төрсөн тохиолдолд өөрөө эмчлэх гэж оролдохгүйгээр мэргэжлийн эмчид хандаарай.

23/02/2026

🛑 Угаарын хий (CO) нь
Өнгөгүй • Үнэргүй • Амтгүй
👉 Мэдэгдэхгүйгээр хордуулдаг аюултай хий!

⚠️ ШИНЖ ТЭМДЭГ:

▪️ Толгой өвдөх
▪️ Дотор муухайрах
▪️ Нойрмоглох
▪️ Амьсгаадах
▪️ Ухаан балартах

‼️ Ийм шинж илэрвэл ЯАРАЛТАЙ гадагш гарч, цэвэр агаарт очно.

🔥 СЭРГИЙЛЭХ ЗӨВЛӨМЖ

✅ Яндан, зуухаа тогтмол шалгах
✅ Гэр, байшингаа агааржуулах
✅ Зуухны хаалтыг бүрэн хаахгүй байх
✅ Угаар мэдрэгч суурилуулах
✅ Зуух галлаж орхиод унтахгүй байх

🚑 Хордсон сэжиг илэрвэл:

Гадагш гаргах

103-т яаралтай залгах

Дулаан байлгах

👨‍👩‍👧‍👦 Хүүхэд, жирэмсэн эмэгтэй, ахмад настнууд илүү эрсдэлтэй!

💬 Өөрийн болон гэр бүлийнхээ аюулгүй байдлыг хамгаалж, энэ мэдээллийг SHARE хийгээрэй!

#УгаарынХий

16/02/2026

📢 САР ШИНИЙН БҮХ НИЙТИЙН АМРАЛТЫН ӨДРҮҮДЭД ЭРҮҮЛ МЭНДИЙН БАЙГУУЛЛАГУУДЫН АЖИЛЛАХ ХУВААРЬ

Сар шинийн баярын бүх нийтийн амралтын өдрүүдэд манай Өрхийн эрүүл мэндийн төв:

📅 2 дугаар сарын 21, 22-ны өдрүүдэд жижүүр эмч сувилагч ажиллана.

Иргэд та бүхэн шаардлагатай үед эрүүл мэндийн тусламж, үйлчилгээг
👉 Дүүргийн Эрүүл мэндийн төвөөс авна уу.

🚑 Яаралтай тохиолдолд 103 – Түргэн тусламж дугаарт хандана уу.

📞 Яаралтай үед Өрхийн эрүүл мэндийн төвтэй холбогдох утас:

9904-9858

8033-0183

Та бүхэн өөрийн болон бусдын эрүүл мэндийн төлөө сар шинийн бүх нийтийн амралтын өдрүүдэд
✔️ Хоол, хүнсний аюулгүй байдлыг анхаарах
✔️ Архи, согтууруулах ундааг зохистой хэрэглэх
✔️ Даралт, сахарын хяналтаа тогтмол хийх
✔️ Осол, гэмтлээс урьдчилан сэргийлэхийг зөвлөж байна.

🎉 Сар шинэдээ сайхан шинэлээрэй!

16/02/2026

🎊✨ Цагаан сарын баярыг тохиолдуулан бүх нийтийн урт амралтын өдрүүд тохиож байгаа тул иргэд та бүхэнд дараах зөвлөмжийг хүргэж байна: ✨🎊

16/02/2026

🎊 Сар шинэдээ сайхан шинэлээрэй! 🎊

Эрүүл энх, аз жаргал, хайртай хүмүүсийнхээ дэргэд баяр хөөр дүүрэн өдрүүдийг өнгөрүүлээрэй. ✨

11/02/2026

ЭХ, ХҮҮХДИЙН ТУСЛАМЖ ҮЙЛЧИЛГЭЭГ САЙЖРУУЛАХ ЧИГЛЭЛЭЭР ХАМТЫН АЖИЛЛАГААНЫ УУЛЗАЛТ ЗОХИОН БАЙГУУЛАГДЛАА

Баянбигэр Өрхийн эрүүл мэндийн төвөөс Сонгинохайрхан дүүргийн 24, 41 дүгээр хорооны нутаг дэвсгэрт үйл ажиллагаа явуулдаг төрийн болон төрийн бус байгууллагуудын төлөөлөлтэй эх, хүүхдийн тусламж үйлчилгээний чанар, хүртээмжийг нэмэгдүүлэх чиглэлээр уулзалт, зөвлөгөөн зохион байгууллаа.

Уулзалтын үеэр эх, хүүхдийн эрүүл мэндийн тусламж үйлчилгээний өнөөгийн нөхцөл байдал, тулгамдаж буй асуудал, цаашид авч хэрэгжүүлэх арга хэмжээний талаар санал солилцож, хамтын ажиллагааг бэхжүүлэх шаардлагатай чиглэлүүдийг тодорхойлов.

Түүнчлэн салбар дундын уялдаа холбоог сайжруулах, иргэдэд үзүүлэх тусламж үйлчилгээний чанар, хүртээмжийг нэмэгдүүлэх зорилгоор хамтын ажиллагааны гэрээ байгуулж, харилцан мэдээлэл солилцох, хамтарсан арга хэмжээ зохион байгуулах, урьдчилан сэргийлэх ажлыг эрчимжүүлэх чиглэлээр хамтран ажиллахаар боллоо.

Цаашид эх, хүүхдийн эрүүл мэндийг хамгаалах, дэмжих үйл ажиллагааг тасралтгүй, үр дүнтэй хэрэгжүүлэхэд талууд нягт хамтран ажиллах болно.

11/02/2026

11/02/2026

10/02/2026

📌 УУЛЗАЛТ–ЗӨВЛӨГӨӨН АМЖИЛТТАЙ ЗОХИОН БАЙГУУЛАГДЛАА

Сонгинохайрхан дүүргийн 24, 41-р хорооны Баянбигэр өрхийн эрүүл мэндийн төв 2026 оны 2 дугаар сарын 9-ний өдөр СХДЗДТГ, СХДЭМТ, хороод, улсын болон хувийн сургууль, цэцэрлэг, төрийн болон төрийн бус байгууллагуудын төлөөллийг оролцуулсан
“Эх, хүүхдийн тусламж үйлчилгээг сайжруулах, хамтын ажиллагааг бэхжүүлэх” уулзалт-зөвлөгөөнийг амжилттай зохион байгууллаа.

Зөвлөгөөнд СХДИТХ болон СХДЗДТГ-ын удирдлагууд, СХДЭМТ-ийн удирдлагууд, хороодын Засаг дарга нар, сургууль, цэцэрлэгийн удирдлагууд, ХГБХХ-ийн мэргэжилтэн, нийгмийн ажилтан, эмч, халамжийн мэргэжилтэн, хэсгийн ахлагч, ахмадын байгууллагын төлөөллүүд өргөнөөр оролцлоо.

📊 Уулзалтын үеэр ӨЭМТ-өөс эх, хүүхдийн эрүүл мэндийн тусламж үйлчилгээний хүрээнд хэрэгжүүлж буй үйл ажиллагаа, цаашдын төлөвлөгөөг танилцуулж,
🤝 хамтын ажиллагаанд тулгамдаж буй асуудал, ололт амжилт, цаашид хэрэгжүүлэх арга хэмжээний талаар нээлттэй хэлэлцэн санал солилцов.

Зөвлөгөөний үеэр гарсан санал, санаачилгуудыг СХДИТХ болон СХДЗДТГ-ын төлөөллүүд хүлээн авч, цаашид хороо, дүүргийн түвшинд хэрэгжүүлэх ажлуудад тусган хэрэгжүүлэхээ илэрхийллээ.

Энэхүү уулзалт-зөвлөгөөн нь эх, хүүхдийн тусламж үйлчилгээний чанарыг сайжруулах, байгууллагуудын уялдаа холбоо, хамтын ажиллагааг шинэ түвшинд гаргах чухал алхам боллоо.

👉 Хүрэлцэн ирж, идэвхтэй оролцсон бүх хүндэт зочид, байгууллага, хамт олондоо талархал илэрхийлье.
Хамтдаа — эрүүл ирээдүйг бүтээе! 💙