Azjargal Clinic - Азжаргал Клиник

16/03/2026

Жирэмсний эхний гурван сард харагдах omphalocele-тэй төстэй масс үргэлж эмгэг байдаггүй.

11.1 долоо хоногтой урагт хүйн суурийн орчим жижиг товойлт ажиглагдсан.
Харин 1 долоо хоногийн дараах давтан хяналтаар энэ өөрчлөлт бүрэн алга болсон байв.

Энэ нь ургийн хөгжлийн хэвийн үе шат болох физиологийн гэдэсний түр ивэрхийлэл (physiologic midgut herniation) юм.

12 долоо хоногоос өмнө ийм масс харагдах нь хэвийн байж болно.
Ихэвчлэн 12 долоо хоног хүрэхэд гэдэс хэвлийн хөндийдөө буцаж ордог.

Тиймээс эрт үеийн хэт авиан оношилгоонд хяналттай давтан шалгах нь маш чухал.

#УргийнЭхо #УргийнАнагаахУхаан #ЖирэмснийХяналт

10/03/2026

Echogenic bowel нь ургийн хэт авианд гэдэс яс шиг цайвар харагдахыг хэлнэ.
Шалтгаан нь олон байж болно:
• халдвар
• хромосомын өөрчлөлт
• цистик фиброз
• intrauterine bleeding

Энэ тохиолдолд эхэд тэмбүүгийн халдвар илэрсэн байсан.



#УргийнАнагаахУхаан
#УргийнЭхо



#ЖирэмснийХяналт
#УргийнГажигОношлогоо

02/03/2026

24/02/2026

24/02/2026

Ургийн зүрхний байрлал буюу situs-ийг үнэлэхдээ
бид зүрхнээс эхэлдэггүй.

Хэвлийгээс эхэлдэг.

Хэвийн situs-ийн үед:

• Хэвлийн аорт багана нурууны урд, зүүн талд байрлана.
• Доод хөндий вен (IVC) аортын урд, баруун талд байрлана.

Энэ харьцаа зөв байвал
урагт баруун зүүн талыг найдвартай тодорхойлно.

Дараа нь зүрхний apex зүүн тийш чиглэж байгаа эсэхийг шалгана.

Хэрэв хэвлийн судаснууд хэвийн байрлалтай
харин зүрх баруун тийш чиглэж байвал — dextrocardia.

Хэрэв зүрх болон хэвлийн судаснууд хоёулаа толь мэт эсрэг байрлалтай байвал — situs inversus гэж үзнэ.

Хэвлийн судасны байрлалыг мэдэх нь
зүрхний буруу байрлалыг оношлох үндэс юм. #УргийнЗүрхнийГажигОношлогоо
#УргийнЭхо
#УргийнАнагаахУхаан
#ЖирэмснийХяналт
#ПренаталОношлогоо
#УргийнЗүрх
#ЭхоОношлогоо
#ЭхБарихЭмэгтэйчүүд
#СургалтынКонтент

10/02/2026

Жирэмсний 12–13 долоо хоногт тархины баруун, зүүн тал бөмбөлгүүд хуваагдсан эсэхийг үнэлдэг.
Хэрэв энэ хуваагдал явагдаагүй байвал тархины хүнд хэлбэрийн хөгжлийн гажиг сэжиглэгдэнэ.

Ийм өөрчлөлт нь 13-р хромосомын эмгэгтэй (Trisomy 13) хавсрах нь элбэг.

Эрт илрүүлэлт = зөв мэдээлэл, зөв шийдвэр #УргийнХамгийнНайдвартайОношилгоо #УргийнЭхо

05/02/2026

23/01/2026

Ургийн тархины хоёр талын их тархи (тал бөмбөлгүүд) хөгжихийн хэрээр тэдгээрийн хооронд байрлах зай аажмаар агшиж, уг зайд орших бүтцүүд болох cavum septum pellucidum болон cavum vergae ихэнх тохиолдолд шахагдан хаагддаг.
Иймээс зарим урагт эдгээр бүтцүүд хэт авиан шинжилгээнд харагдахгүй байхад, зарим урагт тодорхой хугацаанд хэвээр хадгалагдан харагдаж болно.

Энэ нь анатомийн хэвийн вариантд тооцогдох боловч, заавал ургийн тархины бусад бүтцүүдийг нарийвчлан үнэлж, хавсарсан өөр гаж хөгжил, өөрчлөлт байхгүй гэдгийг баталгаажуулах шаардлагатай.