09/01/2026
Төрөлтийг яагаад сэдээлтээр хийдэг вэ? (Төрөлтийн сэдээлт)
📎 Эх сурвалж: bundangwoman блог
Жирэмсэн эхчүүд эмчийн үзлэгийн үед хамгийн их асуудаг асуултын нэг бол
👉 “Төрөлтийн сэдээлт заавал хийх хэрэгтэй юу?” гэсэн асуулт байдаг.
Төрөлтийн сэдээлт гэдэг нь байгалийн өвдөлт өөрөө эхлэхийг хүлээлгүйгээр, эмийн болон эмнэлзүйн аргаар өвдөлтийг эхлүүлж төрөлтийг явуулахыг хэлнэ. Ямар тохиолдолд “хүлээлгүйгээр” төрөлтийг сэдээлтээр хийх шаардлагатай байдаг талаар тайлбарлая.
1️⃣ Жирэмслэлт 40–41 долоо хоногоос хэтэрсэн үед
Жирэмслэлт 41 долоо хоногоос хойш үргэлжилбэл ихэсийн үйл ажиллагаа аажмаар буурч, урагт очих хүчилтөрөгч, шим тэжээлийн хэмжээ багасах эрсдэлтэй. Мөн умайн ус багасах, ураг стрессд орох магадлал нэмэгддэг.
➡️ Иймээс эх барих, эмэгтэйчүүдийн эмч нарын нийгэмлэгээс 41 долоо хоногт төрөлтийн сэдээлтийг авч үзэх, 42 долоо хоногт хийхийг зөвлөдөг. Ихэнх тохиолдолд 41 долоо хоног орчимд байгалийн өвдөлт хүлээхээс илүү сэдээлтээр төрүүлэх нь илүү аюулгүй байдаг.
2️⃣ Умайн ус хэт багассан үед
Умайн ус багассан нь ихэсийн үйл ажиллагаа сулран, ураг хангалттай хүчилтөрөгч, шим тэжээл авч чадахгүй байгааг илтгэнэ.
➡️ Энэ нь ураг удаан хугацаанд стрессд орсон байж болзошгүйг харуулдаг тул, байгалийн өвдөлт хүлээлгүйгээр аюулгүй үед төрөлтийг сэдээлтээр хийхийг зөвлөдөг.
3️⃣ Умайн ус нь түрүүлж гарсан ч өвдөлт эхлээгүй үед
(Эрт ус гарах)
Умайн ус гарснаас хойш хугацаа удах тусам эх, ураг халдвар авах эрсдэл нэмэгддэг.
➡️ Хэрэв жирэмслэлт бүтэн хугацаанд хүрсэн боловч тодорхой хугацаанд байгалийн өвдөлт эхлэхгүй бол, халдвараас сэргийлэхийн тулд төрөлтийг сэдээлтээр явуулна.
4️⃣ Жирэмсний хордлого (преэклампси) илэрсэн үед
Жирэмсний хордлоготой үед эхийн цусны даралт ихсэх, тархи, элэг, бөөр зэрэг чухал эрхтнүүдэд сөргөөр нөлөөлөх эрсдэлтэй. Урагт очих цусны урсгал багасч, урагт аюул учирч болзошгүй.
➡️ Ялангуяа уураг шээсээр их гарах, цусны даралт хяналтаас гарах, элэг болон бөөрний үзүүлэлт муудах зэрэг хүнд шинж илэрвэл жирэмслэлт дутуу байсан ч эрт төрүүлэх шаардлагатай.
➡️ Хөнгөн хэлбэртэй байсан ч жирэмслэлт бүтэн бол төлөвлөгөөт төрөлтийн сэдээлт илүү аюулгүй байж болно.
5️⃣ Жирэмсний чихрийн шижинтэй үед
Жирэмсний чихрийн шижинтэй эхчүүдэд:
Ураг хэт томрох
Умайн ус ихсэх
Төрсний дараа урагийн цусан дахь сахарын хэмжээ огцом буурах
зэрэг эрсдэл үүсэх боломжтой.
➡️ Иймээс жирэмслэлт бүтэн хугацаанд ойртох үед цусан дахь сахарын хяналт, ургийн жин, эхийн бодисын солилцооны байдал зэргийг харгалзан үзэж, төрөлтийг сэдээлтээр хийх эсэхийг шийддэг.
💬 Дүгнэлт
Төрөлтийн сэдээлт нь байгалийн төрөх явцыг хүчээр яаравчлуулах гэсэн ойлголт биш юм.
👉 Эх, ураг хоёуланд нь хамгийн аюулгүй, тохиромжтой цагийг сонгох эмнэлзүйн шийдвэр юм.
👶🤍 Эрүүл эх, эрүүл хүүхдийн төлөө зөв цагт зөв шийдвэр хамгийн чухал.
