Ammar уламжлалт рейки

31/12/2020

Өглөө бүр үгийн сайхныг хэлэлцэж
Өдөр бүр хүний сайнтай учирч
Зүрх сэтгэлд тань баяр гийж
Зүүд үргэлжлэх цагаар нас нэмж
Зөрж өнгөрөх хоёр оны заагаар
Зүйрлэшгүй тансаг жаргалыг хүртээрэй. Шинэ оны мэнд бүх гишүүддээ.

10/04/2020

14/01/2020

ӨӨРТӨӨ ИТГЭ
Өөртөө итгэлтэй болоорой. Өөрийгөө эрчмээр дүүрэн байгаад итгэ, та заавал амжилтанд хүрч чадна. Өөртөө өөрийн хүч чадалд итгэснээр та амьдралын ямар ч нөхцөл байдлаас гарах аргыг олж чадах болно. Зоригтой бай. Чанга бай. Хатуу бай. Та чадна.

09/11/2019

Өөрөө гэгээрэх боломжтой дээрээ
Өрсөж хэрвээ амжихгүй л юм бол
Өмхий тамд очсон хойноо
Өргүүлж хэнээр татуулах билээ?

29/09/2019

Амьсгалын дасгал.

Сансрын эрчим. Ердийн агаараар бус сансрын эрчмээр амьсгалж байна гэж төсөөлөөрэй. Амьсгал авах бүрт таны дотор асар их сансрын эрчим нэвтрэн орж, та түүгээр бие, тамир, ухаан, зүрхээ ариусгаж байна гэж төсөөлөөрэй. Тэр таны дотор мөрөн, гол адил урсаж, бүх биеийг угааж ариусгана. Тэгээд амьсгалаа гаргахдаа дотроо байгаа мунхаг бодол, муу санаа, ариун бус үйлдэл өөрийн биед байгаа сөрөг бүхнээ гаргаарай. Дотроо байгаа мунхаг бүхнийг, өөрийн гэж хэлэмгүй байгаа бүхнийг гадагш гаргаж байна гэж төсөөлөөрэй. Энэ бол дотоод сэтгэлийн хамгийн үр дүнтэй амьсгалын арга юм. Хэрэв та энэхүү аргаар амьсгалах юм бол тийм ч удалгүй үр дүнг нь хүртэнэ. Эхэндээ уран сэтгэмжээ ашиглах хэрэгтэй ч, хэсэг хугацааны дараа энэ нь уран сэтгэмж биш харин жинхэнэ бодит зүйл болохыг ухаарна. Та эргэн тойронд урсах эрчмээр ухамсартайгаар амьсгалж, өөрийгөө ариусган, мунхаг бүхнээс чөлөөлнө. Хэрэв та ийм аргаар өдөр бүр 5 минут амьсгалвал маш хурдан ахиж дэвшинэ. Гэхдээ үүнийг ёс төдийхөнөөр бус маш ухамсартайгаар чин сэтгэлийн угаас гүйцэтгэх хэрэгтэй. Мөн энэхүү дасгалыг хийснээр таны энергийн эрчим сайжиран улмаар таны эрүүл мэндэд эерэг нөлөө үзүүлэх болно.

21/09/2019

Рейкийн талаар товч ойлголт

Рейки бол эмчлэн эдгээх увидастай хүчирхэг \гараар\ анагаах маш эртний уламжлалт ухаан бөгөөд олон мянган жилийн туршид маш нууц, далд байсан мэдлэгийг ил гаргаж байгаа арга ухаан юм. Хүмүүс өөрийгөө болон өрөөл бусдыг эмчлэн анагаах, ариун нандин зүйлийг мэдэх бүрэн эрхтэй тул хэн ч Рейкиг сурах бүрэн боломжтой. Рейкийг сурснаар бие махбодийн төрөл бүрийн эмгэгийг эмнэж, өвчинд нэрвэгдсэн олон хүмүүст тус болж, анагаан эмчлэх ба цаашдаа өөрийн шавь нартаа зааж сурган, түгээн дэлгэрүүлэх нь зүйтэй. Та Рейкид хичнээн их хөдөлмөрөө зарцуулна, төдий хэмжээгээр эрүүл энхийг мэдэрч, ашиг тусыг нь хүртсэнээр итгэл тань улам бэхжих болно. Амьдралын эрч хүч болох Рейкийн энерги нь ямар ч гадны зааваргүйгээр өөрийн анагаах үйлдлийг, Рейкийн цэнэгжүүлэлт хүртсэн дамжуулагчийн гараар хийж гүйцэтгэнэ. Энэ эрчим хүч дамжуулагчийн бие, хийн бүрхүүлээс бус, амьдралын эх булаг \Дээд хүчний\, \Бурханы\ эх булгаас гарч байдаг. Дамжуулагч зөвхөн чиглүүлэх үүрэгтэй байх учраас өөрийн гарыг тодорхой дэс дараатайгаар биен дээр байрлуулж өгдөг. Рейки харин бусдыг нь гүйцэтгэдэг. Түүнээс гадна Рейки хүний биеийн бүх түвшинд, хийн биеийн бүх давхраанд (бие махбодь, сэтгэл санаа, оюун ухаан, ухамсрын түвшинд) анагаадаг. Рейкийн эрчим хүч нь хүнийг цогцоор нь анагаадаг. Тухайлбал: Толгойг эмчлэхдээ бусад эрхтэн системийг, бусад түвшинг давхар эмчилдэг. Хэдийгээр дамжуулагчийн гар толгойд байсан ч, толгойн өвчний шалтгаан болох хоол боловсруулах систем, гэдэсний хямралтай холбоотой байвал эрчим хүч толгойд ч, гэдсэнд ч хүрч эмчлэнэ. Оюун ухаан, сэтгэл санааны хямрал толгойн өвчний шалтгаан болж байвал, Рейки мөн эмчлэнэ. Хэрэв өөр оношлогдож мэдэгдээгүй өвчин хавсармал байвал Рейки түүнийг ч бас эмчилдэг. Хүн, амьтан зөвхөн махбодийн амьтан бус, тэдэнд үзэгдэж харагдах махан биеэс гадна хэд хэдэн үзэгдэж харагддаггүй хийн биес байх бөгөөд энергийн бүрдлээс тогтсон эдгээр биес нь харилцан бие биенээ болон махбодийг удирдаж байдаг. Энэ асуудлыг шинжлэх ухаан онолын түвшинд хүлээн зөвшөөрч мэддэг болсон байна.

21/09/2019

Зөв зам, зөв дадалд
Зөвхөн энэ төрөлдөө л хүрэх тул
Муу заяанд нэг л ойчвол
Мунхарсан хойноо гэгээрэх аргагүй

Бодь мөрийн зэрэг. Богд Зонхов

25/06/2019

ӨӨРИЙН ЧАРМАЙЛТ ОНЦГОЙ ЧУХАЛ. БУРХАНЫ ЭЛБЭРЭЛ ОРЛУУЛШГҮЙ ЧУХАЛ.

23/06/2019

ДЭЭД ГЭГЭЭН ИЙН АЙЛДАНА:
"ЭНЭ ЦАГ МӨЧИД ТЭР ДЭМИЙ СЭЛГҮҮЦЭХГҮЙ, ХАРИН БЯСАЛГАЛ ҮЙЛДЭЖ БАЙГАА. ЭНЭ ЦАГТ ЯМАР НЭГ ЮМ ӨГӨХӨД ТҮҮНИЙГ МИНЬ ХҮРТЭХ ГЭЖ ТЭР ТОВОЛСОН ГАЗРАА СУУЖ БАЙГАА" ТА ХЭДИЙД Ч БЯСАЛГАДАГ БАЙЛАА БЯСАЛГАЛЫН ТОВОЛСОН ЦАГТАЙ БАЙГААРАЙ.🙏🙏🙏

02/06/2019

БЭЛТГЭЛГҮЙГЭЭР ОРОЛДЛОГО ГЭЖ ҮГҮЙ.
ОРОЛДЛОГОГҮЙГЭЭР АХИЦ ГЭЖ ҮГҮЙ. АХИЦГҮЙГЭЭР СЭТГЭЛ ХАНАМЖ ГЭЖ ҮГҮЙ.

30/05/2019

7 дахь хүрд “Титэм хүрд” Сахасрара чакра

Энэ нь толгойн оройд, зулайн хойно байрлана. Нэгдмэл ухамсар, амар амгалан, сансрын ухамсар гэх утгуудыг өөртөө агуулсан энэ хүрдээр 1000 сувгаар сансрын энерги цутган ордог гэж үздэг ба хүний хамгийн дээд, бурханлаг оршихуйн хамгийн доод хүрд учир энэ хүрдийг бурханлаг хүрд гэж үзнэ.
Титэм хүрдний өнгө- үзмэн ягаан

Үзмэн ягаан өнгө нь амраан тайшруулж, эргэн тойрноо хүлээн авах ойлгох чадвар өгнө. Зөн билэг, оюун санааны холбоог бэхжүүлнэ, гурав дахь мэлмийг нээнэ бодол санааг цэгцлэнэ.

Дотоод дуу хоолой буюу 6 дахь мэдэрхүйн мэдээллийг хүлээн авах, авсан удирдамжийг зохицуулан зохион байгуулах нь үнэндээ энэ хүрдэнд хийгднэ. Энэ хүрдээр дамжуулж бид дээд оюун ухаантай харьцаа холбоонд ордог.