St Michael School

22/05/2026

German Food Day

Il-Ħamis 21 ta' Mejju ġiet organizzata German Food Day għall-istudenti li jitgħallmu l-Ġermaniż. Waqt il-brejk tal-iskola, l-istudenti kellhom iċ-ċans li jippruvaw Bratwurst (hot dog), Kartoffelsalat (insalata tal-patata), Krautsalat (coleslaw) u Apfelstrudel (apple pie); kollha bi stil u b'riċetti Ġermaniżi. L-ikel niżel tajjeb mal-istudenti u apprezzaw ħafna din l-attività. Nirringrazzjaw lis-Sur Parascandalo tal-inizjattiva u talli pprepara l-ikel, u kif ukoll lis-Sur Alan Caruana, Ms Allison Zammit Mintoff, lil Ms Daphne Camilleri u lil Ms Sharon Abdilla tal-għajnuna li offrew.

21/05/2026

Situation Vacant
Part-time school cleaner on an indefinite contract basis.

Time: School Days: 12.30 – 16.30 / Others: 08.00 – 12.00

Applicants may send a detailed CV to the Board of Directors via email at info@stmichaelschool.edu.mt by not later than Friday, 29th May 2026.

19/05/2026

Nhar l-Erbgħa 14 ta' Mejju, ġie inawgurat il-bini l-ġdid tas-Segretarjat għall-Edukazzjoni Kattolika f'Ħal Balzan. Fl-istess okkażjoni, ġie mniedi d-dokument dwar l-Edukazzjoni Kattolika f'Malta. F'dan il-link tista' ssib l-istarrija għall-istampa:
https://knisja.mt/dokument-gdid-dwar-il-vizjoni-u-l-identita-ghall-iskejjel-tal-knisja/

19/05/2026

Illum l-Iskola St Michael tiċċelebra l-75 anniversarju mit-tberik tal-Ewwel Ġebla tagħha mill-qaddis Dun Ġorġ Preca, fid-19 ta' Mejju 1951. L-Iskola kienet bdiet ħames snin qabel, f'post ieħor fil-Marsa. Għada l-Erbgħa l-istudenti kollha se jkollhom preżentazzjoni dwar din il-ġrajja biex japprezzaw iktar x'għamlu ta' qabilna biex illum nistgħu ngawdu dak li għandna. Nirringrazzjaw 'l Alla ta' dak kollu li għamel magħna, għax kollox ġej mit-tjubija tiegħu.

18/05/2026

SPORTATTIVITA'

Nhar il-Ġimgħa li għadda, bl-għajnuna t'Alla, saret iċ-Ċelebrazzjoni Annwali fl-iskola tagħna. Waqt l-ewwel parti li saret fis-sala tal-iskola, segwejna taħdita qasira mis-Sur Robert Aloisio fl-okkażjoni tal-75 anniversarju mit-tqegħid tal-ewwel ġebla tal-iskola tagħna. Wara sar id-dramm oriġinali "OFFSIDE!", kitba ta' Ms Shaian Debono. L-ewwel parti ntemmet bl-għoti tal-premjijiet lill-istudenti tagħna.

Fit-tieni parti, kulħadd kellu ċ-ċans jieħu sehem f'attivitajiet sportivi differenti bħal basketball, handball, hapkido, board games, futbol, zumba u iktar. L-ikel u x-xorb ma naqasx.

Nirringrazzjaw lil kull min attenda u ħa sehem fl-attivitajiet, lill-edukaturi li organiżżaw u ħadu ħsieb l-attivitajiet li saru, kif ukoll lill-għaqdiet sportivi li offrew is-servizzi tagħhom waqt din l-attivita'.

Irroddu ħajr lil Alla!

15/05/2026

Ilbieraħ 14 ta' Mejju gie organizzat seminar għall-istudenti tal-10 sena fiċ-Ċentru tal-Konferenzi Dar Ħanin Samaritan. It-tema kienet is-sesswalità u kif nistgħu nkunu aktar infurmati b'mod korrett dwarha u d-diffikultajiet li jistgħu jinqalgħu jekk din tkun użata b'mod ħażin. Matul is-seminar kellna magħna lis-Sur Mark Laurence Zammit, lis-Sur Mikiel Camilleri Haber kif ukoll lis-Sur Mark Borg Baldacchino bħala kelliema. Intwera wkoll film adattat u saru diskussjonijiet fi gruppi. Nirringrazzjaw lis-Sur Antoine Azzopardi tal-organizzazzjoni u lill-edukaturi kollha li akkumpanjaw lill-istudenti.

14/05/2026

Nhar it-Tlieta 12 ta' Mejju l-istudenti tal-għaxar sena li jistudjaw l-Accounting żaru l-fabbrika tal-Busy Bee fl-Imrieħel bħala parti mil-istudji tagħhom. Hemmhekk ġie spjegat lilhom kif issir il-produzzjoni ta diversi prodotti, fosthom il-kannoli, l-ġelat u ċ-ċikkulata. Setgħu josservaw llil-ħaddiema jaħdmu u jaraw b'għajnejhom kif il-materjal jinħadem sabiex isir il-prodott finali u xi spejjeż hemm involuti f'dan kollu. Nirringrazzjaw lill-edukaturi li koordinaw u akkumpanjaw lil dawn l-istudenti.

14/05/2026

Nhar il-Ħamis 7 ta' Mejju, l-istudenti tat-8 sena kellhom attivita' interessanti marbuta mal-matematika.

L-istudenti applikaw il-ħiliet tagħhom fil-matematika għal sfida marbuta mad-dinja reali billi użaw il-composite volume, number machines u l-alġebra biex jiddisinjaw sistema tal-arja kkundizzjonata xierqa. Imbagħad ikkalkulaw u ħejjew baġit għall-ispiża totali tas-sistema, inklużi l-VAT u l-ispejjeż tal-installazzjoni. 💡➕💷

Huwa sabiħ ħafna li naraw il-matematika tintuża b’modi tant prattiċi u sinifikanti. Prosit lill-istudenti, u grazzi lill-għalliema għall-mod innovattiv li bih iwasslu dan is-suġġett!

13/05/2026

Bit-tnedija tad-dokument, l-iskejjel tal-Knisja qed jistqarru pubblikament min huma u d-destinazzjoni tagħhom fil-kuntest tal-lum.

13/05/2026

13/05/2026

L-iskola tixtieq tistieden lill-istudenti li deħlin fil-Year 7 minn Settembru li ġej u lill-eks-studenti tal-iskola sabiex jattendu għal din l-attivita'. Min jixtieq jibbukkja xi ikel, jista' jagħmel dan permezz ta' din il-formola: https://docs.google.com/forms/d/e/1FAIpQLSfVdxRkiY4AQHd3Vo9EcD99CX4qeBen1JtbmyGNSzgJBtJbSA/viewform