St Michael School

05/04/2026

Il-Bord tad-Diretturi u t-Tim Amministrattiv jixtiequ jawguraw l-Għid it-Tajjeb lil kulħadd!!

Jalla l-ferħ tal-Għid jimla l-qlub tagħna u nħalluh iferraħna u jmexxina!!

Il-Paċi magħkom!

01/04/2026

ST MICHAEL SCHOOL
OPEN EVENING

Bi pjaċir nistiednu lill-istudenti prospettivi u lill-familji tagħhom biex iżuru u jiskopru l-Iskola St Michael nhar il-Ġimgħa, 24 ta’ April 2026 fis-7:00 p.m.

Dan l-avveniment ser jinkludi:
- Taħdita mill-Kap tal-Iskola u d-Deputat Kap dwar il-ħajja u l-etos tal-iskola.
- Ħin għall-mistoqsijiet kollha tiegħek dwar il-ħajja fl-iskola.
- Żjarat iggwidati: Żur il-klassijiet, il-laboratorji u l-ispazji kreattivi tagħna waqt li titkellem mal-istaff tal-iskola.

Narawk!

---
We warmly invite prospective students and their families to visit and explore St Michael School on Friday, 24th April 2026 @ 7:00 PM.

Evening Highlights:
Welcome talk: Comprehensive talk by the Head of School and the Deputy Head regarding the school's life and ethos.
Q&A Session: Get answers to all your questions regarding school life.
Guided Tours: Explore our classrooms, labs, and creative spaces while speaking with the school's staff.

31/03/2026

Inħeġġu lill-istudenti u lill-familji tagħhom sabiex iżuru dan il-ġnien għal ftit ħin ta' skiet f'dawn il-ġranet tant għeżież għalina l-insara. Dan huwa l-istess ġnien li fih saret iċ-Ċelebrazzjoni tar-Randan għall-familji il-ġimgħa l-oħra.

Ejja għal ftit ħin ta’ kwiet fi Ġnien il-Meditazzjoni
Dar il-Ħanin Samaritan

F'Ħamis ix-Xirka filgħaxija, il-ġnien u l-kappella ta' Dar il-Ħanin Samaritan se jkunu miftuħa għall-pubbliku mit-8.00pm sal-10.30pm. Min jixtieq ikun jista' jinżel fil-ġnien wara li jżur lil Ġesu' espost fl-Altar tar-Repożizzjoni.

Nhar il-Ġimgħa l-Kbira filgħodu, il-kappella ta' Dar il-Ħanin Samaritan tkun miftuħa mid-9.00am sa nofsinhar għal min irid ikompli jagħmel il-viżti quddiem l-Altar tar-Repożizzjoni. Il-ġnien jibqa' miftuħ ukoll sa nofsinhar għal ħin ta' talb fis-skiet.
Wara nofsinhar ikun miftuħ ukoll mill-4.00pm sas-7.00pm għal min ikun jixtieq iżuru biex ikompli jaħseb dwar il-passjoni ta' Sidna Ġesù Kristu.

F'postijiet madwar il-ġnien se jintramaw diversi għajnuniet li jgħinu lil min iżuru biex jinġabar fis-skiet u jitlob.

Id-dħul għall-ġnien u għall-kappella huwa mill-bieb l-aħmar mal-ġenb ta' Dar il-Ħanin Samaritan, li jinsab fi Triq il-Ġdida f'Tal-Palazz l-Aħmar, Santa Venera.

30/03/2026

Fil-ġranet li għaddew, grupp ta' studenti mis-7a u t-8ien sena tellgħu produzzjoni bħala parti mill-proġett Trikki Trakki. Huma nterpretaw l-Inferno ta' Dante. F'dan il-link tistgħu ssibu deskrizzjoni ta' dan il-proġett: https://www.facebook.com/share/r/17sdC9rCNJ/?mibextid=wwXIfr

Dan il-proġett kien ilu sejjer għall-aħħar xhur fl-iskola tagħna. Ħajr lis-Sur Miguel Formosa u lid-direzzjoni ta' Trikki Trakki li taw din l-opportunita' lill-istudenti tagħna. Ħajr ukoll lill-istaff li akkumpanja lil dawn l-istudenti għall-provi matul din il-ġimgħa. Fuq kollox, proset lill-istudenti tagħna li taw is-sehem tagħhom biex jagħmlu biċċa xogħol tassew sabiħa.

Ritratti proprjeta ta' Elisa Von Brockdorff.

Trikki Trakki Malta
Teatru Malta

27/03/2026

Illum, Jum it-Tifkira tad-Duluri ta' Marija, bdejna l-ġurnata flimkien b'riflessjoni fuq Marija, t-tbatija fil-ħajja tal-bniedem u l-fiduċja f'Alla. Wara komplejna bil-quddiesa animata mill-istaff u l-istudenti tagħna. Fl-aħħar tal-quddiesa, is-Surmast irringrazzja lill-istudenti-għalliema li llum qed itemmu l-esperjenza tagħhom fl-iskola tagħna.

Illum jintemm ukoll it-tieni term ta' din is-sena skolastika. Nirringrazzjaw lil Alla ta' kull ma għamel magħna u nawguraw lil kulħadd żmien ta' mistrieħ mistħoqq.

25/03/2026

Nhar it-Tnejn 23 ta’ Marzu, il-gruppi tad-9 u l-10 Sena tal-King’s Trust kellhom l-opportunità li jżuru l-Farm tal-Frawli fil-limiti tal-Imġarr. Hemmhekk l-istudenti tgħallmu dwar il-kultivazzjoni tal-frotta u s-serra. Kellhom ċans jidħlu fis-serra u jaqtgħu l-frawli.

Minkejja li t-temp ma tantx iffavorina, nirringrazzjaw lill-għalliema tas-suġġett, Ms Francesca Baldacchino, Ms Laura Cachia u Mr Nathan Buttigieg li flimkien mal-LSEs taw din l-opportunità sabiħa lill-istudenti tagħna.

24/03/2026

Ċelebrazzjoni tar-Randan 2026

Bħal ma sar għal dawn l-aħħar snin, ilbieraħ saret Ċelebrazzjoni tar-Randan għall-istudenti u l-familjari tagħhom. B'differenza mis-snin ta' qabel, din is-sena saru prayer spaces fil-ġonna tad-Dar Ħanin Samaritan, fejn kull min attenda kellu ċ-ċans jirrifletti fuqu nnifsu u fuq ir-relazzjoni tiegħu ma' Alla. Kellna wkoll is-servizz tal-qrar u l-preżenza ta' Ġesu' Ewkaristija. Kien mument sabiħ ta' preprazzjoni għall-festi tal-Passjoni, l-Mewt u l-Qawmien tas-Sinjur tagħna Ġesu' Kristu.

Nirringrazzjaw lil kull min attenda, kif ukoll lill-istaff li ħadu ħsieb jippreparaw għal din iċ-ċelebrazzjoni.

24/03/2026

Ilbieraħ, fl-iskola tagħna fakkarna l-Jum Internazzjonali tal-Għarfien dwar l-Awtiżmu u l-Jum Internazzjonali tal-Għarfien dwar id-Down Syndrome. L-istudenti u l-membri tal-istaff kienu mħeġġa jilbsu flokkijiet blu kif ukoll kalzetti spariġġjati.

23/03/2026

Nhar l-Erbgħa li għadda, l-istudenti tagħna tal-EkoSkola/LEAF ipparteċipaw f’sessjoni nteressanti barra l-klassi fis-sit Natura 2000 ta’ Pembroke bħala parti mill-proġett MEDMAQUIS.
L-iskola tagħna, permezz tal-kumitat EkoSkola, bdiet tieħu sehem f’din l-inizjattiva transkonfinali kofinanzjata mill-UE, li tiffoka fuq il-konservazzjoni u l-apprezzament tal-ħabitats tal-maquis Mediterranju f’Malta u Sqallija.

Matul iż-żjara, l-istudenti:
🌱 Ħadu sehem f’attività ta’ identifikazzjoni ta’ speċi, fejn esploraw pjanti u annimali indiġeni u l-adattamenti tal-maquis/garrigue, inkluża l-ħajja fil-rock pools.
🔥 Tgħallmu dwar l-għarfien tan-nirien fil-beraħ, inklużi l-kawżi, il-prevenzjoni u r-rispons f’emerġenzi, b’dimostrazzjoni minn uffiċjali tas-CPD.
🚁 Osservaw dimostrazzjoni minn Ambjent Malta dwar kif jiġu mmappjati speċi aljeni invażivi (IAS) bl-użu tat-teknoloġija tad-drones.
🌿 Ikontribwew b’mod attiv għall-isforzi ta’ konservazzjoni billi neħħew speċi aljeni invażivi u ħawlu siġar.
🪧 Ipparteċipaw f’eżerċizzju finali fejn iddisinjaw u kitbu tabelli biex jgħinu jipproteġu u jqajmu kuxjenza dwar iż-żona.
Prosit lill-membri tal-kumitat EkoSkola/LEAF għall-parteċipazzjoni attiva tagħhom.

EkoSkola Nature Trust - FEE Malta
LEAF Learning about Ecosystems And Forests Malta
Nature Trust - FEE Malta
Civil Protection Malta
Ambjent Malta
Il Ramarro
University of Palermo
AVSI ETS Foundation

18/03/2026

Għall-grazzja t’Alla llum bdew il-preparamenti għar-reċta li ser issir bħala parti miċ-Ċelebrazzjoni Annwali li ser issir f’Mejju. Minn issa nirringrazzjaw lill-istudenti u l-istaff li ser ikunu nvoluti f’din il-produzzjoni.

17/03/2026

F'dawn il-jumejn, bħala parti mill-attivitajiet tar-Randan, saru sessjonijiet ta' Prayer Spaces għall-istudenti tagħna. Dawn saru fiċ-Ċentru tal-Konferenzi Dar il-Ħanin Samaritan. L-istudenti kellhom iċ-ċans li jinġabru fi gruppi żgħar u f'ambjent kwiet jirriflettu dwarhom infushom kif ukoll dwar ir-relazzjoni tagħhom ma' Alla u mal-oħrajn. Nirringrazzjaw lit-tim ta' edukaturi li flikmien maċ-Chaplain organizaaw u mexxew dawn is-sessjonijiet ta' talb.

Prayer Spaces in Schools - Malta