29/01/2026
Propju bħal illum fl-1666 kien ħalla din id-dinja l-arkitett Saraċin Tomaso Dingli.
Kif nafuh aħjar, Tumas DIngli, kien imwieled f'Ħ'Attard fit-22 ta' Diċembru 1591, it-tifel tal-scarpellino (skultur) Giacobo Dingli. Ta' eta żgħira huwa kien beda jitħarreġ fis-sena tal-bini flimkien ma' missieru u zijuh, l-Engineer Andrea Dingli. Bejn 1610 u 1614 huwa kien asista lil Engineer Giovanni Attard, il-Capomastro tal-Ordni ta' San Ġwann, fil-bini tal-akwedott. Kien ukoll l-arkitett li bena Bieb il-Belt fl-1633, magħruf bġala Seconda Porta Reale, bena wkoll l-Palazz tal-Isqof fil-belt Valletta, kif ukoll s-sagristija tal-Katidral tal-Mdina.
Dingli baqgħa magħruf għan-numru kbir ta' knejjes li ddisinja madwar Malta matul is-seklu 17, fosthom dik ta' raħalna.
Il-familja Dingli kienu nvoluti sew fil-knisja Parroċċa ta' raħalna, nfatti numru kbir mill-familja kienu fratelli tal-Konfraternita' tar-Rużarju, fejn għal xi snin Tomaso kien r-rettur kif ukoll il-prokuratur. Huwa kien ġie kkumisjonat sabiex jiddisinja l-kappellun tal-istess konfraternita'.
Tumas Dingli miet fit-28 ta' Jannar 1666 fl-eta ta' 74 sena u ġie midfun ġewwa l-knisja parrokjali ta' raħalna. Huwa jibqa magħruf bħala wieħed mill-aqwa arkitetti li qatt kien hawn f'pajjiżna, rinomat għall-arkitettura Rinaxximentali, influenzata l-aktar mill-istil Plateresque ta' Spanja.
