Sante Mantal Moris

17/01/2025

Mersi pou bann dimounn ki pe partaz zot lexperians pou kapav ed lezot a traver nou lien NGL dan nou bio! Zot osi kapav poz kestion a traver lien la. Nou pa kone kan nou bann temwaniaz kav ed kiken ek an mem tan nou pe kas bann tabou lor lasante mantal!

14/01/2025

Twa osi to anvi partaz to lexperians lasante mantal? Chek nou bio pou nou lien NGL kot to kav avoy enn mesaz anonim! Nou link NGL kapav servi pou kestions ou pou zot partaz zot lexperians - pou ki nou resi aprann depi bann lezot zot lexperians ou zis pou nou kre enn santiman kominote kot nou pa santi nou tousel dan nou bann moman difisil!
Mersi 🦤

26/06/2024

LI INPORTAN KI NOU KONE KI ENN PROFESIONEL KAPAV ED NOU TRAVAY LOR NOU TROMA ZIS AVEK BANN INPAK/SINPTOM. PAR EXANP, ENN KLIAN KAPAV NEK DIR LI SANTI LI ANKOLER, LI GAGN KOSMAR, LI PA PE KAPAV DORMI.

ENN TRAUMA-INFORMED PROFESIONEL LASANTE MANTAL PA BIZIN KONN TOU DETAY SAKI INN ARIV TWA, AKOZ REKOZ TOU SA KAPAV RETROMATIZ TWA (DAPRE RESERS RESAN).

EKSEPSION SE SI KLIAN DESIDE LI ANVI PARTAZ SO ZISTWAR (APRE STABILISAZION), KI SA POU PLI “EMPOWER” LI OLIE RETROMATIZ LI OU SI ENA BIENFE TERAPETIK. SWA SI KLIAN LA DEZA ENA BANN FASON POU STABILIZ (regulate) LIMEM.
**

Si zot konn bann profesionel dan moris ki kapav ed bann dimounn ki pe viv avek troma, azout dan komanter!

19/05/2024

Si ena bann lezot teknik zot kontan servi ek trouv itil, pa ezite partaze dan komanter :)

25/03/2024

Se pa bann deskripsion exklizif - sak dimounn ena bann reaksion diferan ki kapav prezant zot mem dan diferan fason!

24/03/2024

Prosin piblikasion: plis information lor fight/flight/freeze/fawn ek ban zafer ki ede ek bann model terapi ki ede kan nou pe viv avek troma.

21/02/2024

Li kapav arive ki normalman nou korek, me de fwa nou santi nou inpe down ou anxiete pe fatig nou. Dan sa bann ka la, terapi ki normalman konsiste de talk therapy kapav bien itil.

Me de fwa, to pa pe resi korek mem pandan lontan, swa kapav zame tonn santi twa korek?

Lerla nou bizin konsidere, eski nounn pass par bann evennman kinn debalans nou sistem nerve ? Osi bizin konsidere par ki bann anset in pase akoz nou sarye sa troma interzenerasionel la dan nou! Lesklavaz, oppression rasial ki kontinye azordi pou bann dimounn ki en minorité, oppression bann dimounn LGBTQIA+.

Bien souvan, sistem lasante mantal donn nou bann “band aid” solutions. Nek donn twa enn lastoplas me pa vremen adres koz to problem. Dan prosin post nou pou partaz plis lor 1-2 teknik ki kav ede.

Li osi inportan travay ek enn profesionel lasante mantal ki pran an kont kouma to leritaz, to identite sexiel, to sitiasion finansie etc inpakte lor twa. De fwa se pa twa ki problem la, me nou pann fer pou viv dan enn sosiete ki kraz nou konstaman!

26/09/2023

Ena teori ki ‘trauma-informed’ ki osi dir ki bann dimounn kin pas par bann sitiasion tromatik (neglizans - sirtou pandan lanfans, abi fizik, sexiel, emosionel etc) kapav develop bann troub alimantasion.

Troma koz enn debalansman sistem nerve (nervous system dysregulation), ek bann fason manze ki pa sin servi kouma enn fason pou zer bann lemosion inkonfortab (nervous system regulation).

Bann prosin post pou donn plis informasion lor diferan kalite troub alimantasion. Sa informasion la pa limite a saki nounn ekrir - ena bokou plis informasion ek resers lor troub alimantasion ek resers res evolie.

*Nou paz se zis pou partaz informasion ek kre sansibilizasion lasante mantal.*

02/08/2023

Enn gran mersi a enn nou bann kolaborater pou konteni lor troub alimantasion 🙌

25/05/2023

Dapre sit World Health Organization:

Souvan bann dimounn ki viv avek skizofreni, zot gagn alisinasion, setadir zot trouv bann zafer ki pa la ouswa zot tann bann zafer ki pa la.

Zot osi gagn bann delizion, setadir zot ena bann krwayans ki fos e ki difisil pou fer zot sanze.

Dimounn ki viv avek skizofreni zot konportman parfwa pa kouma tou dimounn dan sans ki zot kapav pe koz tousel, pe riy tousel, ek zot kapav paret koumadir zot negliz zot laparans.

Mem kan zot ena bann konversasion avek lezot dimounn, defwa li pena sans ou li or-size.

Bann-la souvan pa resi rekonet zot lemosion. Parfwa zot osi apatetik.

Dan lemond antie, skizofreni li asosie avek enn andikap konsiderab ek li kapav afekte enn dimounn so performans kote akademik ek dan travay.

21/03/2023

17/12/2022

Kan nou pa korek, souvan nou pa pe nouri nou lekor ek nou mantal kouma bizin. Pou amelior nou lasante mantal, nou bizin cheke si nou pe manz bien, si nou pe gagn tou vitamin ek mineral. Nou bizin sey pran letan pou sak repa ek fer sa vinn enn priorite.

Nou bizin dormi ek sey respekte nou ler dormi. Remarke kouma to lenerzi afekte kan to mank somey. Mank somey kapav kontribie a bann difikilte lasante mantal.

Nou bizin bouze. Bann mouvman kouma yoga ed nou pou nou santi nou konekte avek nou-mem, parey kouma kan nou pratik meditasion. Ninport ki zafer ki permet nou konsantre lor nou respirasion, li ogmant nou bien-et.

Enn sinp ti trik kan to tro strese, to nek bizin fer to expirasion vinn pli long ki to inspirasion. Si to inspire pandan 3 segonn, sey expire pandan 6. Li pa grav si to pa resi fer to expirasion vinn doub to inspirasion. Tou saki konte se ki to expirasion pli long ki to inspirasion. Sa teknik respirasion-la li kalme nou sistem nerve.