11/05/2024
ဗုဒ္ဓ သာလျှင် သိနိုင်သော.
အသင်္ချေရဲ့ တန်ဖိုးဟာ တကယ်လည်း ရေတွက်မ
ရအောင် များပြားလွန်းပါတယ် ဒါဆိုရင်.. ၁ အနောက်မှာ-အဘယ့်ကြောင့် သုည (၁၄၀)ရှိနေရသနည်း။ တွက်ပြပေးပါမည်။ လက်တွေ့ ရေတွက်ကြည့်ကြ ပါစို့။
ခု၊ ဆယ်၊ ရာ၊ ထောင် မှ စ၍ အသင်္ချေယျ ထိ အောင် ရေတွက်ပုံကို အရင်သိရာ၏။ ၎င်းကို အစဉ်လိုက် ရေတွက်သော်
ခု၊ ဆယ်၊ ရာ၊ ထောင်၊ သောင်း၊ သိန်း၊ သန်း၊ ကုဋေ၊
ကောဋိ၊ ပကောဋိ၊ ကောဋိပကောဋိ၊ နဟုတံ၊ နိန္နဟု တံ၊ အက္ခေဘိဏီ၊ ၊
ဗိန္ဒု၊ အဗ္ဗုဒ၊ နိရဗ္ဗုဒ၊ အဗဗ၊ အဋဋ၊ သောကန္ဓိက ဥပ္ပလ၊
ကုမုဒ၊ ပဒုမ၊ ပုဏ္ဍရိက၊ ကထာန၊ မဟာကထာန၊ အသင်္ချေယျ ( ၂၇ လုံး ရှိ၏ ) ဟူ၍ အစဉ်အတိုင်း ရေတွက်ရ၏။
ရေတွက်ပုံမှာ ခု' မှ- ကုဋေ' အထိကို သုည ၁ လုံးစီ သာ တိုးရာ၏။
ဥပမာ
၁ = တစ်ခု
၁၀ = တစ်ဆယ်
၁၀၀ = တစ်ရာ
၁၀၀၀ = တစ်ထောင်
၁ဝဝဝဝ = တစ်သောင်း
၁၀၀၀၀၀ = တစ်သိန်း
၁ဝဝဝဝဝဝ = တစ်သန်း
၁ဝဝဝဝဝဝဝ = တစ်ကုဋေ
ဤလောက်ထိ အားလုံးနားလည်ပြီးသား ဖြစ်၏။
သို့သော် ကောဋိ မှစ၍ ရေတွက်ပုံကိုမူ အလှမ်းဝေး ကြ၏။ ရေတွက်ပုံမှာ
ကောဋိ မှ အသင်္ချေယျ ထိကိုမူ သုည ၇ လုံးစီ တိုး ရာ၏။
ဥပမာ ..
၁ဝဝဝဝဝဝဝ =တစ် ကုဋေ
၁၀၀၀၀၀၀၀,၀ =ဆယ်ကုဋေ (သုညတစ်လုံးတိုး)
၁ဝဝဝဝဝဝဝ,ဝဝ =ကုဋေတစ်ရာ( ။ နှစ်လုံးတိုး)
၁ဝဝဝဝဝဝဝ,ဝဝဝ =ကုဋေတစ်ထောင် ( ။သုံးလုံး တိုး)
၁၀ဝ၀ဝ၀ဝ၀,၀၀၀၀ =ကုဋေတစ်သောင်း(။လေး လုံးတိုး)
၁ဝဝဝဝဝဝဝ,ဝဝဝဝဝ =ကုဋေတစ်သိန်း(။ငါးလုံး တိုး)
၁ဝဝဝဝဝဝဝ,ဝဝဝဝဝဝ =ကုဋေတစ်သန်း(။ခြောက်လုံးတိုး
၁ဝဝဝဝဝဝဝ,ဝဝဝဝဝဝဝ =တစ်ကောဋိ (။ခုနစ်လုံး တိုး)
စသဖြင့်.. ကောဋိ မှ ပကောဋိ သို့လည်း ဤ နည်းအတိုင်း သုညခုနစ်လုံး ကပ်ပေးခြင်းဖြင့် ရေတွက်၏။ ဥပမာ
တစ်ကောဋိကို သုညတစ်လုံး ကပ်သော် ဆယ်ကောဋိ နှစ်လုံးကပ်သော် ကောဋိတစ်ရာ ( နားလည်ပါအဲ့ ) သုံးလုံးကပ်သော် ကောဋိတစ်ထောင် လေးလုံးကပ်သော် ကောဋိတစ်သောင်း ငါးလုံးကပ်သော် ကောဋိတစ်သိန်း ခြောက်လုံးကပ်သော် ကောဋိတစ်သန်း ခုနစ်လုံးကပ်သော် ပကောဋိ (နားလည်ပါအံ့)
ဤနည်းအတိုင်း ပကောဋိ မှ ကောဋိပကောဋိ၊ ကောဋိပကောဋိ မှ နဟုတံ စသဖြင့် နောက်ဆုံး ၂၇ ကြိမ်မြောက် အသင်္ချေယျ အထိ ဤနည်းအတိုင်း သုညတစ်လုံးလုံးချင်းစီ ကပ်ပေးလာ၍ ခုနစ်လုံး မြှောက်သော် နောက်တန်ဖိုး ပြောင်းပေးရ၏။
ဤနည်းအတိုင်း ရေတွက်လာသော် အသင်္ချယျ သို့ ရောက်သော် သုည အလုံးပေါင်း (၁၄၀ )ရှိသည်ကို တွေရမည် ဖြစ်၏။ ထို့ကြောင့် တစ်သင်္ချေယျ၏အရေအတွက်သည် တစ်နောက် သုညအလုံးပေါင်း (၁၄၀) ရှိသည်ဟု ဆိုခြင်းဖြစ်၏။ ထို အသင်္ချေယျ ၏ တန်ဖိုးအရေအတွက်မှာ လွန်စွာများပြားလှတော့၏။ အသင်္ချေယျ ၏ တန်ဖိုးများပြားပုံကို နမူနာသာဓက တစ်ခု ပြ ထား၏။
ဦးစွာ ဝါးအလုံးပေါင်း ၆၀ ကို စည်းထား၏။ (အ ဘယ်အမည်ဝါးမျိုးဟု၍ မပြဆိုထားပါ) ထို အလုံး ၆၀ ပါသော ဝါးစည်းကို ခါးမှ အပိုင်း ပေါင်း ၆၀ ပိုင်းဖြတ်မည်ဖြစ်၏။ ထိုသို့ ပိုင်းဖြတ် ပြီး၍ ရသော အစည်းပိုင်းတို ၆၀ ကို ခရီးလမ်းဆုံ လမ်းမအလယ်မှာ ထား ထား၏။ ထိုဝါးအစည်းပုံ အား ဆင်၊ မြင်း၊ ရထား၊ စစ်သည် ဗိုလ်ပါ ရဲမက် အပေါင်းများက ထောင်းထောင်း ညက်ညက်ကြေ အောင် နင်းချေဖြတ်ဆီးသွားသောအခါ ထိုဝါး အစည်းပုံသည် မှုန့်မှုန့်ညက်ညက် ကြေသွား၏။
ထိုဝါးပုံမှ ကြေညက်သွားသော ဝါးမှုန်များကို ရေတွက်သော် ၁၄ ခု မြှောက်သော
"အက္ခေဘိဏီ" မျှသာ ရှိသေးသည်ဟု ဆို၏။ သိုဆိုလျှင် အသင်္ချေယျ၏ တန်ဖိုးကား မည်မျှပင် များပြားနေမည်နည်း ဟု တွေးရင်း ဘုရား ရဟန္တာ တို့၏ ကြီးမြတ်လှသော ဉာဏ်တော်အား အံ့ဩလေးစား ချီးကျူး ပူဇော်ရင်း…..။ ဤသည်ကား..( #ဓမ္မရောင်ခြည် အမည်ရှိ)ဆရာ သမားတစ်ဦးဖော်ပြခြင်း။
ဆက်လက်၍.. အက္ခေဘိဏီ မှ အသင်္ချေယျ ထိ အရေအတွက်၏ပမာဏကို ကျမ်းဂန်တွင်လာသည့်အတိုင်းတင်ပြပါမည်။
ပမာဏမှာ
အလျားအားဖြင့် ယူဇနာ( တစ်သန်း နှစ်သိန်း သုံ ထောင့်လေးရာငါးဆယ်)
အဝန်းအားဖြင့် ယူဇနာ ( သုံးသန်း ခြောက်သိန်း တစ်သောင်းသုံးရာငါးဆယ်)ရှိသည့်
စကြဝဠာ တိုက် အပြည့်မျှ (သုံးနှစ်) နေ့ည မပြတ် ရွာသွန်းသော မိုးစက်မိုးပေါက်များ၏ပမာဏ သည် အသင်္ချေယျ၏ အရေအတွက် ဖြစ်ပါသည် ကပ်ကမ္ဘာတစ်ခုတွင် အသင်္ချေယျ ကပ်(၄)ကပ် ရှိ ပါသည်။ အသင်္ချေယျကပ် (၁)ကပ် သည် အနန္တရကပ်(၆၄)ကပ် ဖြင့် ဖွဲ့စည်း
ထားသည်။
အန န္တရကပ် (၁) ကပ် ဆိုသည်မှာ .
လူတို့၏သက်တမ်း အသင်္ချေယျတန်း မှနေ၍ နှစ်(၁၀၀)ကြာ (၁)နှစ်ယုတ်နှူန်းဖြင့်၊ (၁၀)နှစ်တမ်း။ထို(၁၀)နှစ်တမ်းမှတစ်ဖန် (၂၀)နှစ် တမ်း၊(၄ဝ)နှစ်တမ်း စသည်ဖြင့် တစ်ပြန် တစ်ဆ စီတိုးသည့် နှုန်းဖြင့် အသင်္ချေယျတန်းတိုင်အောင် ကြာညောင်းတဲ့ကာလ ကို ခေါ်ဆိုပါသည်။
ကျေးဇူးတင်ပါတယ် (ဒီလောက်ပါပဲ)...
#ကျမ်းကိုး -ဗုဒ္ဓ-လောကသားတို့၏အနှိုင်းမဲ့ ကျေးဇူးရှင်
(ဦးရွှေအောင်)
Crd ဗဟုသုတဖြင့်ဖော်ပြသူ #မော်ထွန်း
