26/09/2025
Terima kasih Ruai Berita Iban π«Άπ»
fans
pengikut
Highlight
BAYU UNIMAS CHAMPION BA PENGERAMI CITRA TARI NUSANTARA (CTN) 2025 BA UPMS
KUCHING, 25 Sept β Universiti Badan Budaya Malaysia Sarawak (BAYU) majak ngemegahka nengeri tu lebuh iya nyadi pemenang lumur satu dalam kategori pirak ba Pesta Citra Tari Nusantara (CTN) 2025 ti diatur kena 19 ngagai 25 September tu tadi ba Universiti Putra Malaysia Sarawak (UPMS).
Pengerami nya diatur UPMS begulai enggau Opis Menteri Dagang Temuai, Industri Kreatif enggau Seni Pemerindang (MTCP) Sarawak, Kaunsil Budaya Universiti Malaysia (MAKUM) enggau Konsortium Universiti Borneo (KUUB).
Pengawa ke beprestij nya ngayanka komitmen begulai ngenegapka diplomasi budaya sereta ngerembaika jaringan seni ba pelilih menua Nusantara.
BAYU UNIMAS mantaika leka main ti berambaika leka jaku Urup Dunging, sebengkah pengawa pemerindang ti mantaika βAksara Dungingβ, sistem tulis lama komuniti Iban nyadi teras inspirasyen.
Koreografi tu mujur nyeimbai nilai estetik enggau naratif pesaka, nyadika iya ukai semina nyadi asil seni, tang mega nyadi medium dikena ngintu enggau inovasyen budaya.
CTN 2025 bisi disereta 10 raban, nyengkaum semilan buah universiti awam Malaysia (UM, UKM, UPM, UTHM, UMK, UiTM Shah Alam, UMS, UPMS enggau UNIMAS) sereta mega sebuah universiti antarabansa iya nya Universitas Borneo Tarakan (UBT), Indonesia.
Pekara ti bebida tu ngemeratka CTN nyadi pelasar ungkup pengawa ngaga seni nyadi antarabansa, betukar penemu enggau nengkebang budaya Nusantara.
Kelimpah ari pekit, pengerami tu mega bisi ngatur woksyop ngajat enggau program komuniti ba Rumah Panjai Jimbun Dideng.
Inisiatif tu meri awak ngagai pesereta mansik enggau dalam budaya menua tu sereta bekunsi penemu terus enggau komuniti menua tu.
Pengawa ngatur CTN 2025 mega nyukung tujuh batang fokus Menteri Pelajar Tinggi Malaysia, kelebih agi ba sukut pemansang bakat, antarabansa enggau mindahka penemu.
Tu ngayanka seni enggau budaya ukai semina melambangka identiti, tang mega bejalaika tanggungpengawa ti beguna dalam ngasilka graduet ti holistik, kompetitif sereta ngembuan runding global.
Pemujur tu ngangkatka nama UNIMAS nyadi sebuah institusyen ti ukai semina nyulut dalam akademik, tang mega nyulut ba pengawa ngenegapka seni enggau budaya.
BAYU UNIMAS sekali agi ngayanka Sarawak kaya enggau penau kreatif ti ulih manchar ba renggat nasional enggau antarabansa.
Tahniah sereta manah pengawa ngagai BAYU UNIMAS ba pemujur ti bemulia tu. β RBI
| Ruai Berita Iban
Rinduka | Titihka | Kunsika
Sumber, photo β Badan Budaya UNIMAS : BAYU
Universiti Malaysia Sarawak (UNIMAS)
Universiti Putra Malaysia Sarawak - UPMS