https://www.facebook.com/106365322214557/

Suleiman Nura Sa'idu, No. 3 Ali Master Street, Unguwan Suleiman, Barwa., Barwa (2026)

28/12/2025

Let Go! Amma kafin Let Go din, shin ka san waɗannan abubuwan?

Kafin ka danna Apply ko ka jira gayyata daga Facebook, ka tsaya ka bawa kanka amsa ga waɗannan tambayoyi guda 10:

1. Shin kana amfani da Facebook Lite kawai?
Facebook Lite ba ya nuna dukkan warnings, monetization status, da alerts. A shawarce ka yi download din normal Facebook.

2. Shin account ko page ɗinka na da Community Standards ko Partner Monetization Violations ko babu?

3. Shin Page Recommendations ɗinka active ne, ko Facebook sun yi maka flag har s**a sanya ka Unrecommended?

4. Wane irin content kake niyyar dora wa page ɗinka?
I. Rubutu da hoto (Text & Photo)
II. Reels
III. Live
IV. Dogon bidiyo (Long video)

5. Shin ka fahimci dokokin Facebook gaba ɗaya?
a. Community Standards
b. Partner Monetization Policies
c. Shin ka san ma’anar:
d. Re-used content
e. Repetitious content
f. Copyrighted content?

6. Shin ka san banbanci tsakanin:
I. Legal Name (sunan da ke a katin shaida/bank)
II. Profile Name (sunan Facebook ɗinka)?

7. Idan page ne da kai, shin kowanne admin clean ne?
I. Tsoffin admins da s**a yi violations na iya kawo maka cikas
II. Facebook yana kallon duk abin da aka taɓa haɗawa da page, ba yau kawai ba

8. Shin page ɗinka ya kai lokacin balaga (age & trust)?
Kana posting akai-akai ko ya zama dormant? A kalla ana so account/page ya kai wata uku active kafin su gayyace ka.

9. Shin kana yawan canja settings na page ɗinka?
Yawan canja admin, payout, ko unlinking/linking Instagram. Yawan irin wannan canje-canje akai-akai na iya sa Facebook kin amincewa dakai.

10. Shin ka san cewa Facebook Monetization har yanzu yana cikin Beta (gwaji)?
Wannan na nufin ba kowane account ko page Facebook suke gayyata ba, ko da ya cika sharudda.
Amma tsaftataccen account, bin dokoki, da hakuri suna ƙara yawan damar samun gayyata.

Tunda ka karanta har na goma fada mana Abubuwan daka sani cikin wadannan da Abubuwan da kake neman karin bayani akai. A karshe nima nace Let Go!

Karatuttukan Malaman Musulunci

Suleiman Nura Sa'idu ✍️

28/12/2025

“Duk wani ra’ayi ko karantarwa ko ibada da ta saɓawa karantarwar Allah da Manzon Allah ﷺ, to sun zuciya ce.”

Prof. Muhd Sani Umar R/Lemo (OON) (Hafizahullahu)

Abou Annoor Graphics Design ✍️

WhatsApp Channel 👇
https://whatsapp.com/channel/0029VbCD3Ae5a247kbfXF30e

27/12/2025

Albishirinku masoya Manzon rahama!

Sabon littafin da Malaminmu Sheikh Muhammad Auwal Nuhu Allimawey zai sanya a Markazul Imam Albukhari shi ne "Gayatus suul fee khasa'isir Rasul" na Ibnul Mulaƙƙin.
Littafi ne da ya ke bayanin siffofin daraja da Manzon Allah s.a.w ya keɓanta da su.

Malam ya kammala littafin "Aliƙtisad fili'itiƙad" da ya saɓa gabatarwa kowacce ranar Alhamis.

Don haka littafin"Gayatus sul" shi zai maye gurbi sa a kowacce ranar Alhamis a Markazul Imam Albukhari Rijiyar zaki Kano state. In sha'allah.

27/12/2025

KU KULA DA MATANKU!

“Kuskure ne kabar matarka tayi duk abinda taga dama.
Tayi sallah ko bata yi ba, baka damu ba, tayi azumi ko bata yi ba, baka damu ba, ta iya sallah, ta iya wankan janaba, waɗanne tashoshi take kallo, dawa take mu'amala... wanda taga dama... wannan ba daidai bane.”

Dr. Jabir Sani Maihula (Hafizahullahu)

Abou Annoor Graphics Design ✍️

WhatsApp Channel 👇
https://whatsapp.com/channel/0029VbCD3Ae5a247kbfXF30e

25/12/2025

A KAN CE DAN DUNIYA HAYAKIN TABA

DAN JARIDA DA DAN QUR'ANI ZALLA

An ce kai Qur'ani zalla ka yarda da shi kenan duk Hadithai ba ka yarda da su ba ?

A'a tsaya ka ji yadda abin ya ke:

Hadithan da s**a kunshi Ta'addaci ko cin mutuncin Annabi ko s**a karyata Alqur'ani su ne ban yarda da su ba

To kenan duk hadithan da ba su kunshi haka ba ka yarda da su?

Ba ni da matsala da su

Kenan ka yarda da su?

Wadanda s**a kunshi abubuwa ukunnan su ne ban yarda da su ba

Kenan sauran ka yarda da su?

Bani da matsala da su
🤣🤣🤣

A hakan fa Wallahi an samu chanji malaman sunna a ci gaba da kokari aikin ya na kyau

Kun san dai duk wannan wayon sai wasu sun watsar da shi, dan asalin mutanen Muhammadu marwa za su raba gari da shi,

mabiyansa ma wasu sun gane tufka da warwara a ke musu

Allah ya tsare mana imaninmu a raya mu kan Alqur'ani da Sunnah

Dr. Usman Ibrahim Giade

24/12/2025

Sulaiman Abdul Aziz Al Rajhi dan kasar Saudiyya wanda ya sadaukar da duk dukiyarsa saboda Allah

Sheikh Sulaiman bin Abdulaziz Al Rajhi (Da Larabci :سليمان بن عبد العزيز الراجحي, An haife shi a shekara ta 1929 jigo ne a Masarautar Saudiyya kuma hamshakin attajiri. A shekarar 2011 mujallar Forbes ta kiyasta dukiyarsa ta kai dala biliyan 7.7, wanda hakan ya sa ya zama mutum na 120 mafi arziki a duniya. Ya samu lambar yabo ta Sarki Faisal ta kasa da kasa (King Faisal International Prize) a shekarar 2012 saboda sadaukar da rabin dukiyarsa ga ayyukan agaji, da bude bankin Musulunci, da aiwatar da ayyuka gina kasa.

Tarihin Rayuwa

An haifi Sulaiman Al Rajhi a garin Al Bukairiyah da ke lardin Al Qassim a kasar Saudiyya, kuma ya taso ne a cikin saharar Nejd inda shi da dan uwansa Saleh s**a fara sana'ar hayar rakuma da ke daukar mahajjata cikin ayari a hamada zuwa garuruwan Makka da Madina.

Sulaiman Abdulaziz Al Rajhi ne ke da hannun jari mafi girma a bankin Al Rajhi da iyalinsa, wanda bankin a kullum yake bayar da rahoton ayyukan da s**a fi samun riba a tsakanin dukkanin bankunan Saudiyya. Bankin wanda ya kafa, tare da babban yayansa, Saleh, a halin yanzu shi ne shugaban gudanarwasa.

Haɓaka kasuwancin ƴan uwan Al Rajhi da faɗaɗa ya samu ne sakamakon ambaliyar ma'aikata da s**ayi ƙaura zuwa Saudi Arabiya a lokacin haɓakar arzikin man fetur a shekarun 1970s. Al Rajhis ya taimaka wa musu aika abin da suke samu zuwa gida a kasashe kamar Indiya da Pakistan. A shekara ta 1983, ’yan’uwan sun sami izinin buɗe bankin Musulunci na farko a Saudiyya, wanda zai kiyaye ka’idojin addini kamar hana cin kudin ruwa.

Iyalan Al Rajhi sun ci gaba da kasancewa masu hannun jari na Bankin Al Rajhi, duk da cewa Sulaiman da 'yan uwansa sun raba jarin iyali sun zuba a harkar noma, da harkar karrafa, da sauran sassan masana'antu. Yanzu haka yana zaune a Saudiyya kuma yana da yara akalla 23.

Tallafi

Iyalan Al Rajhi, galibi a Saudi Arabiya ana daukar su a matsayin mafiya arziki a kasar a cikin wadanda ba yan sarauta ba, kuma yana cikin manyan masu bayar da agaji a duniya. Ya kafa Jami'ar Sulaiman Al Rajhi a garinsu, jami'ar daya kafa kyauta ba domin neman riba ba. Babban abin da jami'ar ta fi mayar da hankali a kai shi ne kiwon lafiya da kuma harkokin banki na Musulunci, amma kuma tana koyar da wasu darussan na daban.

A kowace shekara, gidauniyarsa tana tallafawa ayyukan agaji kusan 1,200 a yankuna 13, wadanda s**a haɗa da birane da garuruwa sama da 130 a faɗin Masarautar. Ana zabar ayyukan ne bisa bukatun al'ummar Saudiyya.

A watan Mayun 2011, ya sanar da cewa ya ba da gudummawar dukkan dukiyarsa ta dala biliyan 7.7 ga sadaka.. Ana daukar gudummawar da ya bayar a matsayin mafi girman kyauta a tarihin Musulunci. Yace ya dogara ga Allah, domin neman Aljanna.

21/12/2025

KAFIRI KO MAƘIYIN ANNABI

Mafi munin abin da za ka gayawa dan’uwanka musulmi shi ne kace masa kafiri, ko maƙiyin Annabi (saw).
Duk wanda yacewa wani musulmi kafiri ko maƙiyin Annabi idan ba haka bane , shi sai ya zama kafirin ko maƙiyin Annabi kafin ya mutu.
Manzon Allah (saw) “Duk wanda ya kira ɗan’uwansa musulmi kafiri to Lallai ɗayansu sai ya zama kafiri.”
Duk wanda ya ƙalawa wani sharri kafin ya mutu sai ya aikata shi.

Allah ya tsare mu.
Imam Dr. Muhammad Aminu Ibrahim Daurawa

21/12/2025

KAI TSAYE:
A yau, 21/12/2025, Kungiyar Izala (Jos) za ta buɗe Musabakar Al-Qur’ani Mai Girma karo na Ashirin da Tara (29) a Babban Birnin Tarayya, Abuja, a JIBWIS Islamic Center, Abuja.

Muna roƙon Allah Ya ba da ikon fara wannan gagarumin taro lafiya, Ya kuma ba da ikon kammala shi lafiya cikin aminci. Amin.

20/12/2025

Falalar Istighfari (Neman Gafarar Allah)

Neman gafarar Allah (istighfar) yana daga cikin ibadu mafi ƙima da Allah ke matuƙar so. Shi ne makullin rahama, albarka, da buɗin dukkan alheri.

Ga wasu daga cikin falalolinsa kamar yadda Al-Qur’ani da Hadisan Annabi ﷺ s**a tabbatar 👇

1️⃣ Istighfari yana kawo gafara da rahamar Allah

Allah Madaukaki Ya ce:
“Ku ce: Na roƙi Ubangijina gafara, lallai Shi Mai gafara ne.
Zai saukar muku da ruwan sama mai yawa,
kuma Ya ƙarfafa muku da dukiya da ‘ya’ya, Ya sanya muku lambuna da koguna.”
(Surat Nuh, 71:10–12)

Wannan yana nufin neman gafara yana buɗe ƙofofin albarka, arziki, da zuriyya.

2️⃣ Yana wanke zuciya da ruhin bawa

Annabi ﷺ ya ce:

“Wanda ya yawaita istighfari, Allah zai ba shi mafita daga duk wata damuwa, da sauƙi daga kowace matsala, kuma Ya azurta shi daga inda bai zata ba.”
(Abu Dawud)

Wato, idan kana yawan neman gafara, Allah zai cire maka damuwa da kunci, ya sauƙaƙa maka rayuwa.

3️⃣ Yana ƙara kusanci da Allah

Annabi ﷺ ya kasance yana yawan cewa:

“Wallahi! Ina neman gafara da tuba ga Allah fiye da sau saba’in a kowace rana.”
(Bukhari)

Idan Annabi ﷺ wanda Allah Ya riga Ya gafarta masa yana yawan istighfari, to mu fa da kura-kuranmu?

4️⃣ Istighfari yana kare mutum daga azaba

Allah Ya ce:

“Allah ba zai azabtar da su ba, muddin suna neman gafara.”
(Surat Al-Anfal, 8:33)

Wato neman gafara yana zama garkuwa ga al’umma daga masifa da bala’i.

5️⃣ Yana sanya farin ciki da natsuwa cikin zuciya

Idan mutum yana yawan cewa “Astaghfirullah” da gaske, Allah yana wanke masa zunubai da damuwa. Zuciyarsa ta zama mai laushi, natsuwa da farin ciki.

*اللهم اجعلنا من التوابين واجعلنا من المستغفرين كثيرًا*
“Ya Allah, Ka sanya mu cikin masu tuba, kuma Ka sanya mu cikin masu yawan neman gafararKa.” 🤍

_©By Zauren Hikimomin Malaman Sunnah🖋️_

19/12/2025

Ziyarar Maluman Jihar Gombe ga maluman Kano a masaukinsu domin halartar Daurin Auren ’ya’yan Shugaban JIBWIS Gombe State, Engr. Salisu Muhd Gombe.

Sheikh Barrister Ishak Adam Ishak (Kano),
Sheikh Lawan Abubakar Triumph (Kano),
Sheikh Babangwale (Kano),
Sheikh Yahaya Mai Mota (Kano).

Allah ya sanya alkhairi cikin wannan aure, Allah Ya ba da ladan ziyara. Ameen.

17/12/2025

“SHAIƊANIYYUN”
Wannan shi ne sabon sunan ’Yan Tatsine, ’Yan Kala Kato da Shaykh Muhammad Bin Uthman ya raɗa musu kyauta.

Tabbas, wannan suna ya dace da su. Daga yau kana da zaɓe: ko ka kira su da ’Yan Tatsine, ’Yan Kala Kato, ko kuma da sabon sunansu wato Shaiɗaniyyun.

16/12/2025

SANARWA TA MUSAMMAN

As-Sheikh Dr. Zubairu Abubakar Madaki , Shugaban Jama’atu Izalatil Bid’ah Wa’iqamatis-Sunnah (JIBWIS) Jihar Bauchi, yana farin cikin gayyatar dukkan al’ummar Musulmi zuwa Gagarumin Wa’azi da Daurin Auren diyar Shi Aishatu Zubairu Abubakar Madaki. Wanda za'ayi kamar haka:

Wa'azin Walima Ranar: Alhamis, 18/12/2025
Lokaci: karfe 6pm--10pm
Wa'azi, Khutbah da Ɗaura Aure: Ranar Juma'a 19/12/2025
Lokaci: Karfe 12 - 2pm
Wuri: Babban Masallacin Juma’a na Umar Bn Khattab, Sheikh Zubairu Madaki Street, Kofar Wambai, Bauchi.

MALAMAI MASU WA’AZI

1. Sheikh Imam Abdullahi Bala Lau
2. Dr. Ibrahim Jalo Jalingo
3. Sheikh Yusuf Muhammad Sambo Rigachikum
4. Sheikh Muhammad Kabir Haruna Gombe
5. Dr. Gambo Kyari
6. Dr. Abdulkadir Saleh Kazaure
7. Dr. Ibrahim Adam Umar Disina
8. Sheikh Khalid Usman Khalid
9. Sheikh Aliyu Saeed Gamawa
10. Sheikh Bunu Bukar Maiduguri
11. Dr Ibrahim Darussa'adah
12. Sheikh Abdulbasir Isah Unguwar Mai Kawo
13. Imam Abdurrahman Idris.

ALARAMMOMI

1. Alaram. Ahmad Suleiman Kano
2. Alaram. Muhammad Nasir Salihu Gwandu
3. Alaram. Abubakar Usman
4. Alaram. Ibrahim Yahuza Bauchi
5. Alaram. Auwal Abubakar Biyadihi
6. Alaram. Idris Ibrahim Kolo
7. Alaram. Suleiman Abdullahi Azare
8. Alaram. Huzaifa Yakubu Sambo
9. Alarm Yasir Musa Adam
10. Alarm Abdulaziz Abubakar Azare

Allah Ya bada ikon halarta. Ameen.

Suleiman Nura Sa'idu

28/12/2025

28/12/2025

27/12/2025

27/12/2025

25/12/2025

24/12/2025

21/12/2025

21/12/2025

20/12/2025

19/12/2025

17/12/2025

16/12/2025

Address

Telephone

Website

Alerts

Contact The Practice

Shortcuts

Share