01/04/2026
DREAM BIG....
Idan har kana da babban mafarki a rayuwarka, to tabbas akwai wasu abubuwa da dole ne ka sa musu likkafani ka binne su da kanka har abada, Ba zaka taba kaiwa ga sabuwar kyakkyawar rayuwarka ba, matukar kana tuka ta da tsohon raunanan tunaninka.
Dole ne ka tashi ka yi wa wadannan abubuwa uku jana'iza yau-yau din nan:
1. Son Jiki: Ka binne dabi'ar yawan baccin asuba da neman guri mai inuwa kawai. Nasara tana buya ne a inda gumi da wahala suke.
2. Abubuwan Ɗauke Hankali: Ka binne bata awanni a kan Social Media kana kallon rayuwar wasu suna nasara ba tare da ka tashi ka kera taka ba. Ka binne tsegumi da hirar banza da abokan da basu da mafarki..
3. Munanan Ɗabi'u: Ka binne dabi'ar fasa abin da ka dauki aniyar yi, da saurin karaya, da kuma neman burge mutanen da ba su damu da kai ba.
4. Dole kayi Jana'izar abokan Banza: Abokan da basu da lissafin kudi, basu da lissafin ilimi, ko lissafin cigaba na duniya da lahira, kullum hirarsu ta mata ce ko kwallon kafa... dole ka yi jana'izar zamansu a kusa da kai idan har kana son tsira da mutuncinka.
5. Dole kayi Jana'izar Ɗauke Hankali: Duk wani abin da baya kara maka ilimi ko natsuwa, guba ne ga kwakwalwarka. Kashe kallon abubuwan da suke jefa ka a gasar banza da mutane. Ka zama kana gasa ne da kanka na Jiya.
Dole ne ka kashe wancan raunanan mutumin da kake a jiya, domin cikakken Namiji da ke cikinka ya rayu a yau, Babban sakamako, yana bukatar babban sadaukarwa.
Allah yasa mudace.
UMAR ALIYU DAHIRU ✍️
