Helse Møre og Romsdal

13/05/2026

🎓 Overlege i nevrologi ved Sjukehuset Nordmøre og Romsdal har tatt doktorgrad!

🎉 Vi gratulerer Johannes Sverre Willumsen som 8. mai disputerte med avhandlinga «Epidemiology of Multiple Sclerosis: Temporal Patterns in Incidence, Prevalence, Mortality and Age at Onset».

👨‍⚕️ Forskinga hans gir viktig innsikt i utviklinga av MS over tid. Avhandlinga viser at førekomsten av MS aukar i Møre og Romsdal – særleg blant kvinner – og at fleire får diagnosen seinare i livet.

🏥 Samtidig er det gode nyheiter: Prognosen for dei fleste med MS har blitt betre, med lågare dødelegheit og betre behandlingstilbod enn før.

🔬 Funna peikar på at både miljøfaktorar, diagnostikk og behandling spelar ei viktig rolle i utviklinga.

💡 Kunnskapen frå studien gir eit viktig grunnlag for vidare forsking og betre pasientbehandling.

12/05/2026

Gratulerer med dagen til alle dykk sjukepleiarar 🌸

Den internasjonale sjukepleiardagen er ein dag for å løfte fram alt de står i. De er der frå dei første augneblikka i livet, når sjukdom rammar, håpet vaklar og når livet går mot slutten.

Kvar einaste dag går de på jobb med høg kompetanse, stort ansvar og eit sterkt engasjement for pasientane. Sjølv når det er travelt og krevjande, tek de dykk tid til å lytte, trøyste, behandle og gi hjelp til dei som treng det mest.

I HMR vart dagen markert med utdeling av fruktkurver frå NSF til tilsette 🌸

30/04/2026

Vil du lære meir om epilepsi hos barn og unge – og korleis ein best kan møte kvardagen heime, i skule og barnehage? Helse Møre og Romsdal inviterer til digitalt epilepsikurs for foreldre/føresette og fagpersonar. Kurset er gratis og ope for deltakarar frå heile regionen.

Påmeldingsfrist i dag, 30. april!

Del gjerne, men av omsyn til personvernet ber vi om at du ikkje taggar andre personar i kommentarfeltet 🙂👍

Vil du lære meir om epilepsi hos barn og unge – og korleis ein best kan møte kvardagen heime, i skule og barnehage? Helse Møre og Romsdal inviterer til digitalt epilepsikurs for foreldre/føresette og fagpersonar. Kurset er gratis og ope for deltakarar frå heile regionen.

23/04/2026

🎉 Eitt år med SNR – ein sterk start!
Eitt år etter opninga av Sjukehuset Nordmøre og Romsdal på Hjelset viser tala ein vellukka start. I dag var det markering og feiring for dei tilsette.

Aktiviteten har vore høg frå første dag, drifta stabil og pasientane gir gode tilbakemeldingar på behandling og oppleving.

– Det første året i eit nytt akuttsjukehus er ei stor utfordring, men dette har vore løyst på beste vis. Pasientane har fått god behandling frå dag éin, og arbeidet med å skape ein felles kultur har gått over all forventning. Godt jobba, seier administrerande direktør i HMR, Olav Lødemel.

Det første driftsåret har vore prega av:
✔️ Høg og jamn aktivitet
✔️ Stabil drift i akuttmottak og operasjonsavdelingar
✔️ Effektiv pasientflyt og moderne logistikk
✔️ Høg tilfredsheit blant pasientane

Samlinga av fagmiljø har styrkt kvaliteten i behandlingstilbodet, gitt meir robuste team og betre grunnlag for rekruttering og fagleg utvikling.

– Vi har fått ein solid start og ser allereie effektar av å samle kompetansen. No skal vi byggje vidare på dette – til det beste for pasientane, seier klinikksjef for SNR, Britt Rakvåg Roald.

Takk til alle tilsette som har bidrege til ein trygg, stabil og vellukka start for SNR på Hjelset! 👏💙

21/04/2026

I dag var det høgtideleg opning av fylket sitt nyaste satelittvardesenter ved SNR Hjelset.

Tilbodet har kome på plass gjennom eit godt samarbeid mellom Kreftforeningen og Helse Møre og Romsdal, og eit sterkt engasjement frå frivillige.

Allereie 28. april kl. 13.00–15.00 blir det samling for kreftpasientar, pårørande og etterlatne på Hjelset. Hit kan du kome for ein prat, få råd, rettleiing, eller berre for ein kopp kaffe.

Velkomen 🌸

16/04/2026

🔬 Ny studie ved Ålesund sjukehus kan gi betre behandling av dei minste barna 🧒

Vi er i gang med ein ny forskingsstudie som kan gi ei meir presis og tryggare behandling av barn under to år som blir innlagde med alvorlege luftvegsinfeksjonar 💙

Studien tek i bruk lungeultralyd for å vurdere kor sjukt barnet er. Dette kan hjelpe legar med å avgjere når behandling bør startast, og når det er trygt å trappe ned eller sende barnet heim. Metoden er lite brukt på barn i Noreg, og studien er mellom dei første i sitt slag.

Prosjektet blir leia lokalt av lege og ph.d.-stipendiat Hans Kristian Strand Ipsen, i samarbeid med St. Olavs hospital og NTNU, og er ein del av ein større regional multisenterstudie.

👶 Målet er betre oppfølging av dei barna som treng det mest – og tryggare vurderingar for både foreldre og helsepersonell.

Les saken på lenka i kommentarfeltet 👇

26/03/2026

🎉 Frå helsedata til framtidas helsetenester – for ein konferanse!

Den 11. - 12. mars samla Helse Midt-Norge over 200 deltakarar på den regionale forskingskonferansen 2026 i Molde, der Helse Møre og Romsdal fekk vere vertskap for eit program fullt av fagleg tyngde, engasjement og framtidsblikk.

Gjennom to dagar fekk vi høyre om alt frå:

🔹 korleis 4-dagars behandlinga for OCD gir varige resultat

🔹 syn og høyrsel som viktige faktorar i førebygging av demens

🔹 korleis lysmiljø påverkar søvn og døgnrytme

🔹 «gullgruva» norske helseregister representerer for forsking

🔹 lærdom frå pandemien og behovet for betre datatilgang

🔹 nye moglegheiter innan kreftbehandling

🔹 kunstig intelligens som del av ei berekraftig helseteneste

🌟 Vi er spesielt stolte av at deltakarane gav konferansen 4,7 av 5 stjerner – eit tydeleg signal om at god planlegging, relevant tematikk og sterke fagmiljø gir resultata vi ønskjer oss.

🤝 Takk til alle føredragshaldarar, utstillarar, deltakarar og tilsette som bidrog til å gjere dette til ein braksuksess.

😍 Vi gler oss allereie til neste konferanse i 2028!

Lenke til saka i kommentarfeltet 👇

13/03/2026

🏥 Master i spesialsjukepleie: Operasjonssjukepleiarar er ein viktig del av operasjonsteamet og bidreg til at kirurgiske inngrep kan gjennomførast på ein trygg måte.

Er du klar for neste steg i karrieren? Ta master i spesialsjukepleie med studieretning operasjonssjukepleie og få kompetanse til å planlegge og gjennomføre operasjonssjukepleie, ivareta pasienttryggleik og handtere avansert medisinsk-teknisk utstyr i operasjonsavdelingar.

❗️ Søknadsfristen er 15. april. Les meir om studiet og opptak ⤵️
https://www.ntnu.no/studier/mspl

Lenke i kommentarfeltet for å søke på stillingane hos Helse Møre og Romsdal

04/03/2026

Beredskapsøvingar er viktig for å sikre at tilsette ved sjukehusa våre er i stand til å handtere ulike hendingar. I dag blei det gjennomført ei stor beredskapsøving ved SNR på Hjelset kor vi testa ut mottak av mange skadde pasientar, samarbeid med AMK, samarbeid med legevakta i Molde kommune, samt pårørandesenteret.

Etter øvinga uttalte beredskapssjef Hans Olav Ose følgjande:
- Eg er særs godt nøgd med både planlegginga og gjennomføringa av øvinga. Eg er trygg på at sjukehuset er godt budd på å handtere ulykker med mange skadde.

26/02/2026

I dag blei den nye fotontellar-CT-en avduka ved Volda sjukehus - ein etterlengta og viktig oppgradering av maskinparken innan diagnostikk på sjukehuset og i Helse Møre og Romsdal. 🤩🥳

26/02/2026

Vil du bygge vidare på sjukepleiekompetansen din?

Vi lyser ut utdanningsstillingar i anestesi-, intensiv-, operasjons-, akutt- og barnesjukepleie – samt master i jordmorfag.
Fleire av utdanningane kan takast ved NTNU i Ålesund

Søknadsfrist: 15. april 2026. Les meir og søk på lenka i kommentarfeltet.