24/06/2025
Takka vere Sparebankstiftinga Søre Sunnmøre kunne pårørandegruppa ved Ørstaheimen i dag overrekke ein Raizer II løftestol – til stor glede for både tilsette og bebuarar.
Dette er ein stol som vert plassert under pasientar som har falle og blitt liggande på golvet. Stolen er batteridriven, og med eit enkelt knappetrykk vert personen løfta opp i sittande stilling – utan tunge løft.
– Denne gåva vil bety mykje, både for pasientane og for pleiarane, seier avdelingsleiar Arja Hietanen og sjukeheimslege Linda Gramshaug Fonseca. No kan personalet skåne ryggane sine, og pasientane får ei meir skånsam og verdig oppreising.
Stolen har ein prislapp på 70 000 kroner, men alle er einige om at dette er ei god investering – både helsemessig og økonomisk.
