Polyfon kunnskapsklynge for musikkterapi

11/01/2026

VELKOMEN TIL POLYFONS SØKJARSEMINAR!
Har du konkrete planar om å søkje om midlar til forskingsstøtte før søknadsfristen 2. mars, eller treng du litt meir info, som førebuing til ein seinare søknad? Du er hjarteleg velkomen til webinar om korleis søkje om forskingsstøtte frå Polyfon. Webinaret blir måndag 2. februar kl. 14.00-16.00. Hugs å melde deg på!
Sidan 1. januar har klynga tre regionar (sør, aust og vest). Vi vil sjølvsagt svært gjerne ha søknader frå klyngedeltakarar i alle dei tre regionane! Webinaret blir leia av Marie Skånland (Ansgar høyskole), Hans Petter Solli (Norges musikkhøgskole) og Brynjulf Stige (Griegakademiet (UiB).
https://www.uib.no/polyfon/181161/polyfons-søkjarwebinar

09/01/2026

POLYFONS FØRSTE SØKNADSFRIST I 2026 BLIR 2. MARS!
På grunn av det nye regionale knutepunktsamarbeidet i Polyfon, som starta no 1. januar, vel vi å utsetje søknadsfristen for støtte til forsking eller formidling frå 1. februar til 1. mars (i praksis måndag 2. mars). Nærare info finn du på nettsidene våre.
Ta gjerne kontakt dersom du har spørsmål eller ønskjer råd og tips. Klynga har no tre regionar: Sør, Aust og Vest, så ta gjerne kontakt med den fagkoordinatoren i din region: Skånland () for Sørlandet, (Hans Petter Paulen Solli) (Norges musikkhøgskole) for Austlandet og (Griegakademiet (UiB)) for Vestlandet.
Meir: Måndag 2. februar blir det søknadsskriveseminar på Teams, for alle interesserte. Nærare informasjon følgjer.

08/01/2026

Psykoseretningslinja har siden 2013 vært avgjørende for implementering av musikkterapi i psykisk helsevern. Det har de siste månedene vært mye uro og diskusjon rundt direktoratet sin avpublisering av denne psykoseretningslinja, og prosessen med å republisere deler av den. I et innlegg i Dagens Medisin skriver fungerende avdelingsdirektør Børge Myrlund Larsen og seniorrådgiver Tone Kaldestad: «Vi har forståelse for at denne prosessen, med avpublisering av en helhetlig retningslinje, deretter utgivelse av ny retningslinje for ett område (legemiddelbehandling, med faglig oppdatering) – og senere mulig gjenutgivelse av et annet område (psykososiale behandlingsmetode, uten faglig oppdatering), kan ha bidratt til forvirring og misforståelser.» De avslutter med å presisere at «Helsedirektoratet ser frem til videre dialog om hvordan vi kan bidra til faglig støtte til tjenesten og god behandling av personer psykoselidelser».

07/01/2026

LEDIG STIPENDIATSTILLING VED GRIEGAKADEMIET – ENDRA FRIST
Som tidlegare nemnt: Ved Griegakademiet (UiB) er det ledig stilling som stipendiat (100%) knytt til MishMash Senter for KI og Kreativitet. Utlysinga er tverrfagleg, men plassert innanfor fagområdet musikkterapi. Stillinga er for ein periode på fire år. MERK: NY SØKNADSFRIST 13. FEBRUAR 2026.

Job title: PhD Research Fellowship in Responsible AI in Health Promotion and Music Therapy (291463), Employer: University of Bergen, Deadline: Thursday, January 22, 2026

06/01/2026

NMHs WORKSHOP FOR DEG SOM VIL SØKJE PHD
Vi minner om at Norges musikkhøgskole nyleg har lyst ut stipendiatstillingar, med søknadsfrist 1. februar. 12. januar kl. 16.00-20.00 vert det arrangert workshop for deg som ønskjer råd og hjelp i arbeidet med prosjektskisse. Påmeldingsfrist komande fredag. Her er det berre å hive seg rundt!

Har du lyst til å søke ph.d. i musikkforskning, vet hva du vil forske på og har en plan, men sliter med å få det ned på papiret?

26/12/2025

KVA HADDE POLYFON VORE UTAN DENNE HUNDREÅRINGEN?
NRK har intervjua hundreåringen Christian Rieber, som framleis er aktiv og køyrer på jobb kvar dag. Bortsett frå på onsdagar: då er det ryddedugnad i skogen…
Det første han kan hugse er eit luftskip som sigla over Bergen, som eit varsel om ei ny tid. Sidan har han følgd med i tida. Han var t.d. tidleg ein talsperson for å støtte klimaforsking i Noreg.
Då musikkterapistudiet kom til Bergen i 2006, såg han potensialet i dette nye faget. Saman med GC Rieber Fondene har han sidan vore ein heilt sentral støttespelar. For ti år sidan – den gongen Christian Rieber var ein unggut på 90 år – bidrog han og Fondene med den økonomiske starthjelpa som gjorde det mogeleg å kome i gong med Polyfon-samarbeidet. Vi har mykje å takke denne mannen for!

25/12/2025

«OMVENDT JULEKALENDER» GA GLEDE TIL BARN PÅ SJUKEHUS
Med gaver samla inn gjennom en «omvendt julekalender» har barn fra Flaktveit skole i Bergen skapt varme øyeblikk på Barne- og ungdomsklinikken ved Haukeland universitetssjukehus.
Åsane Tidende skriver om dette og siterer musikkterapeut Merethe Wolf Lindvall, som forteller at skolebarnas initiativ gjør inntrykk: «Jeg synes de har en veldig rørende omsorg for syke barn. At de gjør den innsatsen, og ønsker å gi i stedet for bare å få, og at de forstår hvor vanskelig det er å være syk og være på sykehuset i julen.»

23/12/2025

GOD JUL (PÅ VEG MOT NOKO NYTT)!
2025 har vore eit fantastisk år for Polyfon:
- Ein ny klyngeavtale er gjort ferdig og vil starte å gjelde 1. januar
- Fem nye klyngedeltakarar er komne til, deriblant ein ny type deltakar, nemleg statleg barnevern
- Partssamarbeid Vestland har i tillegg fått tre nye kommunar som partar og er omorganisert med eit nytt undergruppekonsept som også kan vurderast i andre fylke
- Erfaringspanelet er utvida og omorganisert, med ein utviklingsplan som tydeleggjer mål og arbeidsmåtar framover
- Og, sist, men ikkje minst: Agenda Vestlandet – stiftinga frå Sparebanken Norge har gitt ei løyving på kr. 7 530 000 til prosjektet OPPTAKT (2026-2028), med utprøving av klyngas knutepunktmodell. Dette vert eit løft for oppskalering av norsk musikkterapi!
Ikkje alt er berre lekkert, sjølvsagt. Den nasjonale veksten i musikkterapitilbod i spesialisthelsetenesta har stoppa litt opp. Og sjølv om utviklinga blant kommunane i Vestland har vore god, er bildet meir samansett nasjonalt. Det er difor nok av oppgåver ta tak i. Vi gler oss til å arbeide med å stimulere praksisutvikling, forsking og utdanning, saman med alle dei fantastisk fine klyngedeltakarane vi har i Polyfon!
Men no tar vi oss litt fri. GOD JUL til alle som følgjer og støttar Polyfon-samarbeidet! Vi er takksame for at de gjer det!

23/12/2025

JULEHELSING FRÅ BJØRGVIN DPS
Vi deler denne fine videoen og julehelsinga som vi har fått tilsendt frå musikkterapeut Øystein Lydvo ved Bjørgvin DPS, Haukeland universitetssjukehus. Med videoen følgjer det ein tekst som du gjerne må ta deg tid til å lese. Lydvo er bekymra for mangelfull utbygging av musikkterapitilbod i spesialisthelsetenesta og for at veksten i tilbod har vorte redusert dei siste åra, somme stader til og med reversert. Han avsluttar likevel med ein open akkord:
«Måtte utviklinga snu i 2026, slik at me igjen kan bruke krefter på at fleire skal få tilgang til musikkterapi. For nokre er det livsviktig behandling.
Med ynskje om ei god jul og eit godt musikkterapiår i vente!»

22/12/2025

NMH VIL KOORDINERE KNUTEPUNKT I ØST
Norges musikkhøgskole tar ansvar for Polyfons knutepunkt på Østlandet. Førsteamanuensis Hans Petter Solli () blir fagkoordinator, i forlenginga av det NMH-finansierte strategiprosjektet STRATMUST, som har gått siden sommeren, med fokus på rekruttering, formidling og implementering. Vi gleder oss til å være en medspiller i prosessen videre og til styrka samarbeid i Polyfon! NMH har ei viktig rolle å spille i arbeidet med nasjonal oppskalering av musikkterapi og i utvikling av tettere samarbeidsrelasjoner mellom akademia, tjenester og brukere!

21/12/2025

ANSGAR HØYSKOLE BLIR MED I POLYFON
Vi er glade for å kunne ønskje Ansgar høyskole velkomen som ny klyngedeltakar i Polyfon! Høgskulen har ei bachelorutdanning i musikk og helse og er også involvert i musikkterapeutisk forsking, m.a. i eit postdoktorprosjekt om musikkterapi innan oppsøkjande psykisk helsehjelp, utvikla i samarbeid med Universitetet i Innlandet og forskingssenteret Cremah Centre for Research in Music and Health ved Noregs musikkhøgskole.
Ansgar si interesse for Polyfon-deltaking veks m.a. ut av ambisjonen om å byggje eit knutepunkt innan klyngesamarbeidet i sør. Polyfons styringsgruppe har godkjend høgskulen som koordinerande klyngedeltakar i denne regionen. Fagmiljøet ved Ansgar vil her samarbeide tett med Sørlandet sykehus og andre aktørar i regionen, for å byggje opp eit samarbeid mellom akademia, spesialisthelsetenesta, kommunesektoren og andre aktuelle aktørar. Som for Polyfon som heilskap, vil brukarmedverknad vere ein viktig del av prosessen.
Utviklinga av eit knutepunkt i sør vil skje innan ramma av prosjektet OPPTAKT, som nyleg har fått kr. 7,5 millionar i støtte frå Agenda Vestlandet (Sparebanken Norge) for ein treårig prosjektperiode frå 1. januar 2026. Førsteamanuensis Marie Skånland vil fylle rolla som regional fagkoordinator i sør. Ho er ein dyktig og allsidig musikkforskar som kjenner musikkterapifeltet særs godt.
I ein kommentar, seier Polyfons klyngeleiar Brynjulf Stige: «At Ansgar høyskole melder seg inn i Polyfon og tar på seg ansvaret for å koordinere knutepunktsamarbeidet i sør vil styrke det faglege samarbeidet og vere eit viktig bidrag til realisering av klyngas målsetjing om å gjere musikkterapi og andre helserelaterte musikktilbod tilgjengelege for dei som treng og ønskjer det.»

21/12/2025

SØKJER ETTER MUSIKKTERAPEUT I FULL STILLING
Avisa Kvinnheringen skriv om den nyleg utlyste musikkterapeutstillinga i Kvinnherad kommune (), og om bakgrunnen. Det vart ein god del debatt i haust då Kommunedirektøren i Kvinnherad innstilte på å ikkje vidareføre stillinga som musikkterapeut. Mange engasjerte seg, både pårørande og ulike organisasjonar, og peika på at musikkterapitilbodet i kommunen har gjort ein vesentleg forskjell for innbyggjarane. Eit samrøystes kommunestyre vedtok at stillinga skulle vidareførast og organiserast under Kvinnherad kulturskule. No er kommunen på jakt etter ein engasjert og dyktig musikkterapeut. Søknadsfrist er sett til 22. januar.