Røde Kors Haugland Rehabiliteringssenter AS

20/02/2026

Fantastisk start på dagen for oss, der morgonturen tok ein overraskande vri! 🤩 Så heldige vi er som har naboar som UWC Red Cross Nordic 😍

18/02/2026

Denne veka var vi så heldige å få besøk av stortingsrepresentant Benjamin Jakobsen (AP). Han sit i Familie- og kulturkomiteen på Stortinget og var svært interessert i den aktiviteten som er på Haugland. Saman med ordførar Leif Jarle Espeland (AP) fekk han god informasjon om tilboda vi har på senteret, og spesielt tilboda til barn, unge og unge vaksne.

Som ein Røde Kors-organisasjon er vi opptatt av å kunne bidra til inkludering og støtte menneske til auka aktivitet og deltaking. Dette er fokus både i tilboda vi har til våre pasientar, men også i engasjementet vårt for å inkludere barn/unge som står i fare for å falle utanfor.

(Foto: Jostein Vedvik)

13/02/2026

STENGT VANNSKLIE SØNDAG 15. FEBRUAR

Grunna vedlikehaldsarbeid må vi dessverre halde vannsklia stengt på søndag 15. februar. Vi beklagar sjølvsagt dette.

Utover det er symjebasseng og terapibasseng ope som vanleg på søndag kl. 11-16. Velkommen til Badeland!

06/02/2026

Grip sjansen og bli del av ein stor og spennande institusjon i Fjaler!

Vi søker no etter:
👉 Kommunikasjonsleiar - Fast 100 % stilling
👉 Helgejobb resepsjon - Fast 14 % stilling
👉 Sommarjobbar 2026

Ta kontakt med oss for meir informasjon 😊

Ledige stillingar Kommunikasjonsleiar Fast 100 % stilling Helgestilling resepsjon Fast 14 % stilling Sommarjobb 2026 Om arbeidsplassen Røde Kors Haugland Rehabiliteringssenter er ein spesialistinstitusjon innan fysikalsk medisin og rehabilitering. Senteret […]

29/01/2026

Vi er glade for å ha eige tilbod til barn og ungdom! Er dette noko for deg eller nokon du kjenner? Framleis ledige plassar på gruppa i april :)

Vi har ledige plassar på rehabilitering for barn og unge i alderen 6–17 år. Tilbodet er diagnoseuavhengig og er retta mot barn og unge som har ei funksjonsnedsetting eller har vore gjennom alvorleg sjukdom.

19/01/2026

Les den sterke historia til Ove, som til tross for store prøvingar viser at ein kan jobbe seg vidare, meistre ny kvardag og bli ein ressurs for andre.

Ove er ei tydeleg stemme og har eit klart bodskap om betydninga av rehabilitering, både samfunnsøkonomisk og for den enkelte.

Ove har måtte tole meir motstand enn dei fleste. 59-åringen har mista ein son og sjølv blitt alvorleg skadd i ei trafikkulukke, hatt kreft og hjarteinfarkt, og lever no med blant anna Parkinsons sjukdom. På rehabiliteringsopphald har han fått tida og støtta han trong til å meistre kvardagen.

22/12/2025

No i desember var det offisiell opning av den nye brua over til holmene. Det er Sogn og Fjordane Røde Kors Eigedom som har finansiert prosjektet, og både dei og vi er svært nøgde med resultatet.

Etter halvanna år utan bru, kunne styreleiar i eigedomsselskapet Peter Midthun, endeleg klyppe snora. Vi veit at brua vil bli til stor glede for pasientar, tilsette og andre besøkande på Haugland.

Ein stor takk til Hardsjø Marine AS som har utført arbeidet.

22/12/2025

Denne månaden arrangerte vi kurs i paraklatring her på Haugland. Kurshaldar Siren Greve frå Norges Klatreforbund (NKF) hadde med seg elleve deltakarar med ulik fagbakgrunn og erfaring.

Kurset var ei god blanding av teori og praksis, med rom for fagleg drøfting, erfaringsutveksling og ny kunnskap.

Vi håpar kurset bidrar til at stadig fleire med funksjonsnedsettingar får oppleve gleda ved å klatre!

12/12/2025

Jobb med rehabilitering i eit sterkt fagmiljø - midt i naturen 🌿

Vi søker spesialist i fysikalsk medisin og rehabilitering til eit fagmiljø med høg kompetanse, gode utviklingsmoglegheiter og ei familievennleg arbeidstid.

👉 Søk innan 15. januar 2026!

Karriere Spesialist i fysikalsk medisin og rehabilitering Bli del av eit sterkt fagmiljø midt i vakker vestlandsnatur! Vil du bruke kompetansen din til å skape varig endring i menneske sine liv […]

27/11/2025

Arbeidet med ny bru er no i sluttfasen. Vi gler oss over det flotte resultatet og ser fram til å kunne ta i bruk holmene igjen :)

Neste veke blir det offisiell opning av brua for pasientar, tilsette og styret i Sogn og Fjordane Røde Kors Eigedom.