Sørøyane Røde Kors Hjelpekorps

07/10/2025

For to helger sidan fekk vi totalhavari på båten vår. Kostnadane blei større enn det var verdt å fikse og vi måtte på jakt etter ny båt for å kunne ha beredskap på sjø. På bildet ser du vår "nye" båt, som vi var så heldige å få kjøpe med Vestby og Ås Røde Kors / Vestby og Ås Røde Kors Hjelpekorps ♥️ Båten er ein OXproAL6 og er faktisk lokalprodusert i Ulsteinvik! Hatløy Maritime har laga denne båten for nokre år sidan.

Som du ser på bilde, har den allereie vore i bruk! Under fagdagen i Møre og Romsdal Røde Kors var vi i Ørsta ilag med snart 90 andre hjelpekorpsera i fylket. Vi hadde medlem på vannredning, fyrstehjelp, transport og aksjonsledelse denne dagen.

29/09/2025

Personen er no funnen♥️ Vi blei i natt utkalla på leiteaksjon på Hareid ilag med nabokorps, politi, brannvesenet, norske redningshunder og redningsskøyta.

15/09/2025

Vi har sidan i går kveld vore i søk etter sakna. Totalt har det vore over 120 menneske i søk på kryss og tvers av organisasjonane. Takk til Norsk Folkehjelp, Norske Redningshunder og Røde Kors naboane vår som stilte opp det siste døgnet ♥️

Det vart søndag kveld sett i gang eit omfattande søk etter ein sakna mann i Herøy. Måndag ettermiddag vart det gjort funn av ein død mann.

10/09/2025

I dag er det verdensdagen for sjølvmordsførebygging og vi ynskjer derfor å kome med ei oppmoding. Ikkje ver redd for å fortelle at du har det tøft - det å kunne klare å snakke om det kan hjelpe deg på vegen til å få det betre. Du er ikkje aleine om å ha slike tankar, sjølv om det føles slik. Har du ingen du føler du kan snakke med, kan du ringe til dei tre som nevnt nedanfor. Kanskje det hjelp deg eit steg nærmare det å kunne snakke med dine nærmaste? Du treng ikkje vere den som sitt med desse tankane for å ringe til desse. Du kan være familie eller pårørande til nokon som slit, eller til ein har gått over til den andre sida. Ikkje ver redd for å vere til bry, dei sitt parat for å snakke med deg når DU treng det!

Akutt nødhjelp 113
Kirkens SOS 22 40 00 40
Mental Helses hjelpetelefon 116 123

Sjølvmord er blant dei tre hyppigste dødsårsakene i verda hjå mennesker i aldersgruppen 15–44 år.

Rundt 60 prosent av alle sjølvmord skjer i aldersgruppene under 50 år. Cirka 1/3 av alle sjølvmord begås av kvinner og 2/3 av menn. Samtidig er det cirka tre gongar fleire kvinner enn menn som gjer sjølvmordsforsøk.

Vi ynskjer statistikken ned på sjølvmord 🩷

13/08/2025

KONKURRANSE!

Vinteren er heldigvis ikkje her enda, men vi er på jakt etter bilde til å ha på årets adventskalender!

Kriteria er enkle:
1. Bilde skal vere frå anten Ulstein, Hareid, Sande eller Herøy
2. Bildet skal gi vinterstemning

Send bildet ditt på e-post til korpsleiar@soroyane.no.

Trekninga er 15 september.

Premien er ein adventkalender og ein vanntett fyrstehjelpspose.

16/07/2025

Sørøyane Røde Kors har sikra seg ny base i Dragsund, med overtaking allereie i august.

07/07/2025

I går blei vi kalla ut for å assistere ein skadd turgåar ned frå Melshornet. Pasient reiste for vidare behandling etter vi hadde kome ned. Takk til Volda Røde Kors Hjelpekorps som blei med.

23/06/2025

Kva skal til for at Daniel Kvammen skal få gi tilbake ein GOD konsert? POSITIVE FOLK!

Og det har vi 🤗 Så eg fekk lyst å takke alle som var på lag i dette store samarbeidsprosjektet:

Telenor og Oneco
Nerlandsøy Grunneigarlag
Nerlandsøy Grendalag
Sørøyane Røde Kors Hjelpekorps
FYR TIL FYR
Herøys høgste Publikum! 😍
Nerlandsøy skule
Nerlandsøy bedehus
Karstein Sund
Herøy byggsenter
Trond Tellefsen, Jon, Egil og Dagfinn, Marius Vangen Kvalsvik m.fl.

Og ikkje minst vårt eige crew: Torgrim Skjerdal, Maria Anette Bakkevoll, Vanja, Theodor og Linus 💪

(Har vi då gløymt nokon, så meld frå, for då skal vi få dei på!)

Mvh
Petter Ole Kopperstad

22/06/2025

FYR TIL FYR 2025 er no over!

28 personar i frå hjelpekorps har vore i sving og heile 253 timar fordelt på alle vaktene er no over. Det er så kjekt å vere en del av dette fantastiske løpet. Til trass for deltakarane er slitne, har litt småskadar her og der - er dei utelukkande positive og veldig blide!

Tusen takk til Ørsta Røde Kors Hjelpekorps , Volda Røde Kors Hjelpekorps og Sykkylven Røde Kors Hjelpekorps for hjelp til beredskapen under årets løp ♥️

Vi ynskjer også å rette ei takk til arrangør, sponsorar og dei andre frivillige som gjer dette mogleg!

Vi gler oss allereie til 2026!

20/06/2025

Skal du delta på FYR TIL FYR imorgon? Har du då hugsa å lagra telefonnummeret vårt , slik du kan kontakte oss om du har behov for hjelp? Om ikkje - så er nummeret 88001121.

Hjelpekorpset har base i parken ,og du kan også oppsøke oss der ved behov. Vi held til i lokalet som vist på bildet.

Masse lykke til!

04/06/2025

Jippi!! I går fekk vi tildelt 50.000 kroner til innkjøp av ny termisk kikkert. Dette hjelpemiddelet kjem godt med når vi er på henteoppdrag og på leiteaksjonar. Med denne kan vi lettare oppdaget den som treng hjelp. Vi gledar oss til vi får tatt den i bruk. Tusen takk til Sparebank Norge 🩷

Sparebanken Norge delte tysdag ut hundretusenvis av kroner i samfunnsstøtte til åtte organisasjonar i Ulstein og Hareid. Pengar som kjem svært godt med i det frivillige arbeidet i kommunane.