03/02/2025
🌹NEPTUN VENUS KONJUNKSJON🌹
No i helga har Venus og Neptun leika med kvarandre. Vi har ein periode no utover våren der dessen to planetane møtes og ynskjer fred og ro, og kjærlighet . Til alt og alle !
Fyrst no 1.februar, der dei møtes i Fisken saman med oppstigande måneknute. Som eit kollektiv budskap vi bør strekke oss etter. Det same gjer dei rundt 27.mars , også då i Fisken sitt teikn fordi Venus går retrograd. I slutten av april møtes dei på nytt, men då heilt i starten av Væren sitt teikn.
Kva vil dette bety ?
Venus er vår kjærlighetsplanet og Neptun er ein høgare oktav av Venus.
♉️Venus herskar i to tegn, Tyr og Vekt. Venus Tyr handlar om å ta vare på kroppen og ta vare på jorda vår. Tyren sår det han treng og ser at det spirar og veks. Skal det verta ei god avling treng ein vatne, gjødsle og stelle godt med det. Venus i Tyr brukar alle sansane sine og veit kva ein treng av føde for at kroppen skal trivast.
♎️Venus i Vekt veit at ein kan ikkje gjera alt aleine, ingen er god på alt. Det du sjølv ikkje sår eller får til, kan du få via andre. Dette er eg god på, så dette kan eg tilby deg, om du kan gje meg det du er god på tilbake. Venus Vekt veit at vi treng samarbeide for å utvikle oss endå meir. Venus Vekt vil gjerne ha ein partner, nokon å dele livet med. Feminine og maskuline, yin og yang.
♓️Neptun er den store kjærligheten, kjærligheten til alt og alle. Kjærlighet til jord og himmel og alt som er skapt. Som gjerne vil at alle skal ta vare på kvarandre og vera ein enhet. Neptun er det spirituelle og åndelege. Neptun veit at vi ikkje berre er kjøtt og blod, men at vi treng ein større forståing til ting. Vi treng draumar og forstå at alt som skjer skjer for ein grunn. Neptun er naturen vår, det er blomen. Det er det skjønne i form .
💕Om du har Venus Neptun aspekt i ditt horoskop kan du vera den som ikkje vil ha bråk, som vil at alle skal vera snill med kvarandre heile tida. Venus Neptun er musikk og kunst, det er det spirituelle inn i ein slags form.
I dagens samfunn kan det vera at mange gløymer den spirituelle sida i livet, at Venus får rå. Det handlar om å kle seg opp, vera vakker, ha hus og hytter og bil. Det materielle er det som får hovedfokus. Økonomi og pengar, om eg berre har det og det, så vert alt fint. Om eg berre finn den rette osb. Venus har appetitt, Venus vil ha meir, det kan vera grådighet. Og skjønnheten går på kropp og sminke, den utvendige skjønnheten.
Er ein for mykje i Neptun sin verden kan det bli at ein syns at alt er for mykje. Alt som skjer i verda tek energi frå ein, det sosiale slit på ein, og ein trekker seg vekk. Ein slepp alle påverknadene, men kan få eit liv i ensomhet. Det er kloster og religion, der ein ikkje syner kropp og hud i verste fall. Alt handlar om å vie livet til Gud.
💕Venus Neptun kan tippe att og fram, mellom det åndelege og det matriele, men treng finne ein balanse rundt desse temaene.
Neptun treng ikkje så mykje, så Venus må sjå når det er nok. Venus Neptun handlar om ein indre skjønnhet ! Har du det bra så utstrålar du det frå innsida og ut. Då treng du ikkje maske og gøyme deg bak. Du treng ikkje bevise noko via den matriele verda.
💕Når Venus og Neptun møtes no i Fisken, kva kan du gje slepp på no som du ikkje treng ta med deg vidare. Kva har du lært rundt dine verdiar og kva ynskjer du gje slepp på. For når dei møtes i Væren er det for å tilby deg ein ny start, ein ny boost. Då handlar det om å handle på draumane, for ingenting kjem av seg sjølv. Ein må gå det i møte. Venus Neptun er ikkje noko handlingsaspekt, så ein treng ein sterk Mars for å kunne gjera det ein føler for.
💕Neptun Venus folk er berre snill og grei og klarar sjeldan si nei. Ein kan og verta for lat og litt handlingslamma, der ein ynskjer at andre kan fikse og tilby. Er du for snill, tek du nok vare på deg sjølv og slepper du andre til i livet. Neptun er grenselaus, så det handlar om å bygge sunne grenser slik at du kan delta i livet samstundes som du tek vare på deg sjølv !
❤️Er du glad i livet slik det er ? Har du ein indre fred ? Kva er skjønnhet for deg, og kva har verkeleg verdi i ditt liv ?❤️
Ja, eg veit det er store spørsmål, men kanskje vi treng stille slike spørsmål iblant til oss sjølve. Og slik som verda er i dag, så treng vi opne litt opp for å sjå folk rundt oss og gje litt kjærlighet til andre som treng det. Ikkje verta for navlebeskuande. Det handlar vel egentleg om at alle strevar etter det same, og bli elska og bli sett ! Kunne få og gje kjærlighet. Det har berre så ulik framtoning.
Kjenner du deg att i Venus og Neptun ? Eller er du det motsette, Mars Pluto som er meir fighter og handlingsmenneske ?
Ta gjerne kontakt om du har noko på hjerte 🥰
www.anne-kari-anderdal.com
