बर्दिया आँखा अस्पताल।। Bardiya Eye Hospital

13/07/2025

गेरूवा गाउपालिका अन्तर्गतका बिभिन्न स्वास्थ्य संस्था/ केन्द्रहरूमा मिति २०८२ असार २५ गते देखि २७ गते सम्म भएको आँखा जाँच शिविरमा ४६८ जनाको आँखा परिक्षण गरि ३२ जनालाई नजिकको चश्मा वितरण गर्नुका साथै छनौट भएका ४३ जना मोतिबिन्दुका बिरामीहरू मध्य ३७ जनाको निशुल्क शल्यक्रिया बर्दिया आँखा अस्पतालमा सम्पन्न गरिएको छ।

11/07/2025

'' आयो, टप्प टिप्यो, लग्यो मिति पुग्यो टारेर टर्दैन त्यो
ईन्द्रै विन्ति गरून् झुकेर पदमा, यो विन्ति मान्दैन त्यो ।। ,,

नेपाल नेत्रज्योति संघ , बर्दिया आँखा अस्पतालका पुर्व रात्री गार्ड स्व. अमर बहादुर शाही ज्यु को मिति २०८२ साल असार २७ गते बिहान १:०० बजे ७७ बर्षको उमेरमा भएको दु: खद निदनले हामीलाई अत्यन्तै मर्माहित तुल्याएको छ । उहाको निधन प्रति गहिरो दु:ख ब्यक्त गर्दै दिवंगत आत्माको चिरशान्तिको कामना सहित भावपुर्ण श्रध्दाञ्जलि ब्यक्त गर्दछौ । यस दु:खद घडिमा शोकाकुल परिवारजन प्रति ईश्वरले धैर्यधारण गर्ने शक्ति प्रदान गरून भनी हार्दिक समवेदना प्रकट गर्दछै ।

बर्दिया आँखा अस्पताल परिवार
मधुवन -६ बर्दिया

09/07/2025

09/07/2025

सूचना सूचना सूचना ।।।
गेरूवा गाँउपालिका अन्तर्गतका तपशिलका स्वास्थ्य चौकी /केन्द्रहरुमा यही मिति २०८२ साल असार २५ गते देखि २७ गते सम्म आँखा जाँच शिविर बस्ने बारे अत्यन्तै जरुरी सूचना !!

नोट : शल्यक्रिया गर्नुपर्ने विरामी हरुको बर्दिया आँखा अस्पताल।। Bardiya Eye Hospital मा असार २८ गते शनिवार निःशुल्क शल्यक्रिया गरिने छ।

07/07/2025

👁️‍🗨️ Protect Your Vision from Diabetes !
Get regular eye check-ups to prevent diabetic retinopathy. Early detection saves sight!

07/07/2025

यस बर्दिया आँखा अस्पतालमा प्रशिक्षार्थी नेत्र सहायक को रुपमा कार्यरत बिक्रम थारू ज्यूले नेपाल हेल्थ प्रोफेशनल काउन्सिल बाट लिईने परीक्षामा सफल भई नेत्र सहायक अनुमतिपत्र (लाइसेन्स) प्राप्त गर्नुभएकोमा अस्पताल परिवारका तर्फ बाट हार्दिक बधाई तथा शुभकामना व्यक्त गर्न चाहन्छौं। तपाईंको परिश्रमलाई उच्च सम्मानका साथ लिन्छौं, र आँखा स्वास्थ्य सेवाको क्षेत्रमा तपाईंले खेल्नुभएको भूमिका अझ सशक्त र प्रभावकारी होस् भन्ने शुभकामना व्यक्त गर्दछौं।

बर्दिया आँखा अस्पताल परिवार ।।

29/06/2025

सुचिकृत हुने सम्बन्धि सुचना ।

26/06/2025

नेपाल नेत्रज्योति संघ,बर्दिया आँखा अस्पतालमा बिगत लामो समय देखि ओ.टी. ईन्चार्जका रूपमा ईमानदारी र कर्तब्यनिष्ठ भई सेवा प्रदान गर्दै आउनु भएकी नेत्र सहायक श्री सुबेक्षा गुरूङ्लाई उज्जवल भबिस्य एंवम उत्तरोत्तर प्रगतिको कामना गर्दछौं ।
स्थापनाकाल देखि उहाँले यस अस्पतालमा पुर्याउनु भएको योगदानको यो समाज र अस्पताल सदा ऋणी रहनेछ ।

बर्दिया आँखा अस्पताल परिवार।

22/06/2025

लुम्बिनी प्रदेशका सामाजिक बिकास मन्त्री मा. जन्मजय तिमिल्सेना ज्यूबाट यस बर्दिया आँखा अस्पताल को भौतिक पुर्वाधार निर्माणका आगामी आ.ब.२०८२/०८३ मा रू.५०,००,०००/-(अक्षरेपी, पचास लाख रुपैयाँ मात्र )बजेट बिनियोजन गर्नु भएकोमा अस्पतालको तर्फबाट हार्दिक आभार सहित धन्यवाद ज्ञापन गर्दछौं ।

बर्दिया आँखा अस्पताल परिवार ।

14/06/2025

हार्दिक आभार सहित धन्यवाद !

आज मिति २०८२ साल जेठ ३१ गते नेपाल नेत्रज्योति संघ बर्दिया शाखाको पाँचौ जिल्ला सभा सफलता पुर्वक सम्पन्न भएको छ ।
यस शाखाका सभापति श्री कमान सिंह वली ज्यूको अध्यक्षतामा संचालन भएको जिल्ला सभामा नेपाल नेत्रज्योति संघका केन्द्रीय महासचिव श्री भरतबहादुर चन्द ज्यू प्रमुख अतिथि र लुम्बिनी प्रदेश सभा सदस्य श्री भुवनेश्वर थारू बिशिस्ट अतिथि रहनु भएको थियो ।
बिशेष अतिथिको रुपमा लुम्बिनी प्रदेशका पुर्व माननीय सदस्य श्री कुल प्रसाद पोख्रेल ज्यू , संघका केन्द्रीय सदस्य तथा दाङ शाखाका सभापति श्री कृष्ण कुमार गिरी ज्यू, च्यारिटी हेल्थ फाउन्डेसन नेपालका महासचिव श्री लक्ष्मीकान्त ढकाल ज्यु लगायत रहनु भएको थियो ।
सभामा बिभिन्न संघ संस्थाका प्रतिनिधि , विभिन्न राजनीतिक दलका नेता तथा जनप्रतिनिधि ज्यूले पाँचौ जिल्ला सभाको सफलताको शुभकामना व्यक्त गर्दै बर्दिया आँखा अस्पतालको स्तरोउन्नती गरि गुणस्तरीय सेवा प्रवाह गर्न आवश्यक सहयोग गर्ने प्रतिबद्वता ब्यक्त गर्नु भयो ।
यस जिल्ला सभालाई सु-सम्पन्न गर्न प्रत्यक्ष तथा अप्रत्यक्ष रूपमा सहयोग पुर्याउनु हुने सभासद ज्यूहरु,जिल्ला कार्यसमिति,सल्लाहकार ज्युहरु र बर्दिया आँखा अस्पतालमा कार्यरत सम्पुर्ण कर्मचारी ज्युहरु प्रति हार्दिक आभार सहित धन्यवाद ज्ञापन गर्दछौं ।

नेपाल नेत्रज्योति संघ, बर्दिया शाखा ।

07/06/2025

मधुवन नपा.-६, लालीबजारमा संचालित यस बर्दिया आँखा अस्पतालको भवन निर्माणका लागी नेपाल सरकार सहरी बिकास मन्त्रालय (सघन सहकारी तथा भवन निर्माण आयोजना ) अन्तर्गतको बजेट बाट रु. ३ करोड रुपैयाँ बिनियोजन भइ आ.ब २०८२/०८३ मा कार्यान्वन हुने भएकोमा नेपाल नेत्रज्योति संघ, बर्दिया आँखा अस्पताल परिवारको तर्फबाट प्रतिनिधि सभा सदस्य माननीय लालवीर चौधरी ज्यु, नगर कार्यपालिकाको टिम, यस क्षेत्रका सम्पुर्ण बुद्धिजीवी तथा सरोकारवाला महानुभावहरु सबैमा हार्दिक धन्यवाद ज्ञापन गर्दछौं ।

01/06/2025

बारबर्दिया नगरपालिका अन्तर्गत बिभिन्न वडा तथा स्वास्थ्य संस्थाहरूमा मिति २०८२ जेष्ठ ९ गते देखि १६ गते सम्म भएको आँखा जाँच शिविरमा ७३२ जनाको आँखा परिक्षण गरि आवश्यक परेका बिरामीलाई नजिकको लेखपढ् गर्न मिल्ने चश्मा वितरण गर्नुका साथै छनौट भएका मोतिबिन्दुका बिरामीहरू मध्य २९ जनाको निशुल्क शल्यक्रिया बर्दिया आँखा अस्पतालमा सम्पन्न गरिएको छ।