Nepali jyotish नेपाली ज्योतिष

30/10/2025

कति राम्रो कुरा
एकपटक पढ्नोस् त

कस्तो राम्रो उदाहरण
दश तल्लामाथि बिल्डिङमा उभिएको इन्जिनियरले तल जमिनमा उभिएको मजदुरलाई बोलाइरहेको थियो। तर दूरी र वरिपरि कोलाहलका कारण मजदुरले आवाज सुन्न सकेन। इन्जिनियरले एउटा उपाय सोच्यो

“म माथिबाट सयको नोट फ्याँक्छु, मजदुरले उठाउँछ र पक्कै माथि हेर्छ कि नोट कहाँबाट आयो।”

इन्जिनियरले सयको नोट तल फ्याँक्यो। मजदुरले नोट उठायो, तर माथि हेरेन। त्यसपछि इन्जिनियरले पाँच सयको नोट फ्याँक्यो। मजदुरले त्यो पनि उठायो, तर अझै पनि माथि हेरेन।

अन्ततः इन्जिनियरले सानो ढुंगो (कंकर) फ्याँक्यो। त्यो ढुंगो मजदुरको टाउकोमा लाग्यो। चोट लाग्ने बित्तिकै मजदुरले तुरुन्त माथि हेर्‍यो। इन्जिनियरले उसलाई देखेर बोलायो।

यहाँ इन्जिनियर भगवान हुन् र मजदुर हामी सबै।

जबसम्म भगवान हामीलाई दिन्छन्, हामी लोभमा परेर सबथोक बटुल्न व्यस्त हुन्छौं। न हामीलाई नराम्रा कर्मको डर हुन्छ, न अरूको दुख लाग्ने चिन्ता। हामीलाई चाहिन्छ भनेको पैसा मात्र।

तर जब टाउकोमा ढुंगो पर्छ, तब मात्र हामीलाई सद्बुद्धि आउँछ, उचित र अनुचितको विचार हुन्छ, र भगवानको सम्झना आउँछ।

मानिसलाई चोट नपुज्दासम्म केही कुरा बुझिँदैन। नराम्रा कर्मबाट डराउनुहोस्, किनभने प्रत्येक पटक भगवानले सानो ढुंगो मात्र फ्याँक्छन् भन्ने ग्यारेन्टी छैन। कहिलेकाहीँ उहाँले ठूलो पनि फ्याँक्नुहुन्छ, जसले सम्हालिन मौका नै नदिई सक्छ। त्यसैले राम्रो समयमा पनि सही बाटोमा चलौं, ताकि भगवानलाई ढुंगो फ्याँक्नै नपरोस्। 🙏🙏

23/10/2025

जय धर्म संस्कृति 🙏🙏🙏

समुद्रमन्थनको कथा श्रीमद्भागवत महापुराण, विष्णु पुराण, र देवी भागवत पुराण जस्ता हिन्दू धर्मग्रन्थहरूमा उल्लेख गरिएको छ।

ती ग्रन्थहरू अनुसार, जब देवता र असुरहरूले अमृत प्राप्त गर्न क्षीरसागर (दूधको समुद्र) मन्थन गरे, त्यसबाट चौधवटा अमूल्य रत्नहरू निस्किए। ती रत्नहरू मध्ये भगवान धन्वन्तरी पनि थिए, जसले आयुर्वेद र स्वास्थ्यका देवता भनेर पहिचान पाउनुभयो।

यी चौध रत्नहरू केवल धार्मिक कथा होइनन्, जीवनका गहिरा सन्देशहरू पनि दिन्छन्। प्रत्येक रत्नले “जीवन व्यवस्थापन (Life Management)” को एउटा पक्ष सिकाउँछ — जस्तै धैर्य, सन्तुलन, सहकार्य, संयम र सकारात्मक सोचको शक्ति।
ती हुन्: ५ कर्मेन्द्रिय (हात, खुट्टा, जिब्रो, प्रजनन अङ्ग, उत्सर्जन अङ्ग),
५ ज्ञानेन्द्रिय (आँखा, कान, नाक, जिब्रो, छाला) र
अन्य ४ — मन, बुद्धि, चित्त र अहंकार।
यी सबै इन्द्रियहरू र मनमाथि नियन्त्रण गर्न सकेपछि मात्र परमात्मा प्राप्त हुन्छ भन्ने आध्यात्मिक सन्देश लुकेको छ।

अब, समुद्रमन्थनबाट निस्किएका १४ रत्नहरू र तिनले सिकाउने जीवन–व्यवस्थापनका पाठहरू यसप्रकार छन्ः
1. हलाहल विष – जीवनका विषैले परिस्थितिहरूलाई धैर्य र सहनशीलताले सामना गर्न सिकाउँछ।
2. कामधेनु गौ – दया, सेवा र सबैको हित सोच्ने मनोभाव।
3. उच्चैःश्रवा अश्व – सफलता आए पनि अहंकार नगर्नु, सन्तुलन राख्नु।
4. ऐरावत हात्ती – शक्ति र प्रतिष्ठा भए पनि विनम्रता कायम राख्नु।
5. कौस्तुभ मणि – आत्मज्ञान र आन्तरिक तेज नै सबैभन्दा ठूलो रत्न हो।
6. कल्पवृक्ष – सकारात्मक सोच र इच्छा–शक्तिले जीवनमा चमत्कार ल्याउँछ।
7. अप्सराएँ – सौन्दर्य र आकर्षणमा पनि मर्यादा र शुद्धता आवश्यक।
8. लक्ष्मी देवी – धनसँगै धर्म र विनम्रताको सन्तुलन राख्नु।
9. वारुणी देवी (मदिरा) – भोगमा संयम र आत्म–नियन्त्रणको आवश्यकता।
10. चन्द्रमा – मनको शान्ति र सन्तुलन जीवनको वास्तविक सौन्दर्य हो।
11. शंख – सत्कर्म र शुभकार्यमा सधैं तत्पर रहनु।
12. धन्वन्तरी – स्वास्थ्य, आयुर्वेद र सन्तुलित जीवनको प्रतीक।
13. अमृत – आत्म–साक्षात्कार र अमर ज्ञानको प्राप्ति।
14. श्री विष्णुका प्रिय रत्नहरू – भक्तिभाव र समर्पण नै मोक्षको बाटो हो।
यसरी, समुद्रमन्थन केवल देव–असुरको कथा होइन;
यो आफ्नो भित्रका अशुद्धता, अहंकार र आसक्तिहरू मन्थन गरेर शुद्ध चेतना प्राप्त गर्ने जीवनको रूपक हो।

20/10/2025

जय लक्ष्मी माता 🙏🙏

आज लक्ष्मीपूजा

साँझको समयमा घर घरमा लक्ष्मी पुजा गर्ने शक्तिशाली र सजिलो मन्त्र :-

ॐ श्रीं महालक्ष्म्यै च विद्महे विष्णुपत्न्यै च धीमहि तन्नो लक्ष्मी प्रचोदयात् ॥

सबैको घर घरमा अष्टलक्ष्मीको बास होस्।

१,आदि लक्ष्मी - आदिम देवी (भाग्य लक्ष्मी)
२,धन लक्ष्मी - धनकी देवी
३,धान्य लक्ष्मी - अन्नकी देवी
४,गज लक्ष्मी – लक्ष्मी हात्ती (वाहनहरु)
५,सन्तान लक्ष्मी - सन्तानकी देवी
६,वीर लक्ष्मी - साहसकी देवी
७,विजया लक्ष्मी - विजयकी देवी
८,विद्या लक्ष्मी - ज्ञानकी देवी

16/10/2025

ज्योतिष संग सम्बन्धित फन्नी पोष्ट 😀✍️😀

झगडा चाहिँ सासु बुहारी बिचमा हुने ,
कुण्डली चाहिँ केटा केटीको मिलाउनु पर्ने? 😝😝😝
चुरो कुरो बुझ्ने भए इनबक्समा आउनुहोला।

16/10/2025

स्वस्थ रहन अपनाउनु पर्ने सजिला नियमहरू

आयुर्वेदिक नियमहरू जुन औषधि भन्दा राम्रो छन्

१) तामाको भाँडोको पानी बिहान पिउनुहोस् - यसले शरीरबाट टक्सिनहरू बाहिर निकाल्छ।
२) खाना खाइसकेपछि १०० पाइला हिंड्नुहोस् - यसले पाचन शक्तिलाई राम्रो बनाउँछ।
३) हरेक भोजनमा थोरै घ्यू समावेश गर्नुहोस् - यो मस्तिष्क र जोर्नीहरूका लागि अमृत समान हो।
४) सूर्योदय हुनुअघि उठ्नुहोस् (ब्रह्म मुहूर्त) - मानसिक शान्ति र आत्मिक ऊर्जाका लागि।
५) नाकमा दुई थोपा देसी घ्यू हाल्नुहोस् (नस्य) - साइनस्, माइग्रेन र तनावबाट राहत मिल्छ।
६) हरेक दिन मौसमी फलहरू खानुहोस् - शरीरलाई प्राकृतिक पोषण दिन्छ।
७) हरेक २ घण्टामा ५ मिनेट आँखा बन्द गर्नुहोस् - मस्तिष्कलाई आराम र एकाग्रतामा वृद्धि।
८) हरेक दिन ५ मिनेट तेल मालिस गर्नुहोस् (अभ्यंग) - छाला, रक्तसञ्चार र निद्राका लागि लाभदायक।
९) राति सुत्नुअघि तिलको तेलले खुट्टामा मालिस गर्नुहोस् - गहिरो निद्रा आउँछ, तनाव घट्छ।

16/10/2025

तिहार

२०८२ सालको तिहारको विषयसूची कुन दिन के गर्ने ?
🔸कार्तिक १ गते शनिबार बेलुका धनतेरस
यमदीप दान गर्ने मन्त्र
मृत्युनापाशहस्तेन कैलासं प्रेषितो यदि।
दीपं ददामि यमाय दीर्घायुर्यः प्रयच्छ मे॥

🔸 कार्तिक २ गते आइतबार
बिहान काग तिहार सँगै धनवन्तरी जयन्ती ।।
कागलाई खान दिने मन्त्र
काकं भक्षय भद्रं ते, पितृभ्यो मे नमोऽस्तु ते।
मया दत्तं हि यत् भोज्यं तेन तुष्यन्तु पितरः॥

औषधि रत्नहरूलाई अमृतिकरण गर्ने मन्त्र
ॐ नमो भगवते धन्वन्तरये
अमृत कलश हस्ताय सर्वभयविनाशक:।
सर्वरोगनिवारणाय त्रैलोक्यनाथाय
श्रीमहालक्ष्म्यै पतये नमः॥

🔸३ गते सोमबार
बिहान कुकुरको पूजा र भोजन दिने मन्त्र
कुकुरं भक्ष भद्रं ते धर्मराजस्य दूतक:।
मया दत्तं हि यत् भोज्यं, तेन तुष्यन्तु पितरः॥

🔸३ गते सोमबार
बेलुकी लक्ष्मी पूजा दीपमालिका र भैली खेल्ने
लक्ष्मी पूजा गर्ने ।
संक्षिप्त मन्त्र
**ॐ श्रीं ह्रीं क्लीं महालक्ष्म्यै नमः।
पद्मासन पद्मवर्णे पद्मप्रीये पद्मआलये।
पद्महस्ते पद्ममुखि नारायणी नमोऽस्तुते॥
ॐ महालक्ष्म्यै च विद्महे
विष्णुपत्न्यै च धीमहि।
तन्नो लक्ष्मीः प्रचोदयात्॥
ॐ श्रीं ह्रीं क्लीं श्री सिद्ध लक्ष्म्यै नम:।।

🔸४ गते मङ्गलबार
गाई तिहारे औँसी दर्श श्राद्ध हलो वार्ने
गाईको पूजा गर्ने संक्षिप्त मन्त्र ।
नन्दिनीं सुरभिं देविं गौमातं च नमोऽस्तु ते।
मातरस्त्वं जगद्धात्रि पावनी शुभदां कुरु॥

🔸५ गते बुधबार
गोवर्धन पूजा र गोरु पूजा गर्ने मन्त्र
नन्दगोपाल सखा त्वं गोवर्धनधराय च।
नमो गोविन्द गोपाल गोमातृभ्यो नमो नमः॥

६ गते बिहीबार
बिहान ११:३९ बजे भाइटीका गर्ने मन्त्र
भ्रातृदेवाय नमः।

15/10/2025

भाइटीकाको साइत

विभिन्न स्थानको लागि भाइटीकाको साइत