10/08/2025
कालो मकै स्वाद र पौष्टिकताको भण्डार
२०८२ बैसाख महिनामा सामाजिक सञ्जालमा कालो मकैको विउ पाईन्छ भन्ने विज्ञापन देखें । मकै छर्ने सिजन भएकोले कस्तो हुने रहेछ हेरौं भनेर थोरै मकैको विउ ल्याएर छरें । राम्रै उम्रिएको थियो बढ्दै पनी थियो । पानी संगै चलेको हावाहुरिले घोगा लाग्न नपाउंदै भांचीयो । हावाहुरिले नभांचेको केही बोटमा फलेको कालो मकै हो यो ।
मकै देखे पछी कस्तो रहेछ भन्ने कौतुहलता मनमा जाग्यो र उत्पत्ती देखी उपयोग सम्मको जानकारी लिनको लागी विभिन्न लेखहरु अध्यन गर्दा थाहा भयो करिव नौ हजार बर्ष पहिले मध्य अमेरिकामा उत्पत्ती भएको रहेछ । पौष्टिकताको कारण अहिले सबै महादेसमा फैलिएको पाइयो । कालो मकै एन्टिअक्सिडेन्टको महत्वपुर्ण श्रोत रहेछ । जस्ले सरिरलाई क्यान्सर र मधुमेहबाट बचाउन मद्वत गर्ने रहेछ । क्यारोटिनोइड्स, पोलिफेनोल पनी पाईने रहेछ । जस्ले सुजन कम गर्न सहयोग गर्दछ । फाइवरको मात्रा अत्याधिक पाइने हुनाले पाचन प्रणाली मजवुत बनाउन पनी मद्वत गर्दछ साथै कोलस्ट्रोलको मात्रा कम गर्दछ ।
यसमा आइरन, म्याग्नेसियम र जिंक प्रसस्त पाइने हुनाले रक्तचाम नियन्त्रण गर्ने, प्रतिरक्षा प्रणालीलाई मजवुद बनाउनुको साथै सरिरलाई मजवुद बनाउनुको साथै थकान मुक्त बनाई उर्जावान राख्न मद्वत गर्ने रहेछ ।
मकैको घोगा बन्न नपाउदै लडेर सखाप भएकोले अर्को साल नलगाउने सोच बनाइरहदा उपयोगको दृष्टिले हावा कम लाग्ने स्थान छनोट वा नलड्ने अन्य उपायको खोजी गरेर भएपनी लगाउन पर्ने देखियो ।
